黃師奶廚藝小百科

<<臘味竹筒飯>>
今日就係11月21日~聽日就係黃師奶嘅生日lu~~黃先生今年會同黃師奶出去外遊喔~~我哋今晚就會出機場~~喺飛機到渡過黃師奶生日lu!~~呵呵呵~~所以出埋呢篇blog~~黃師奶就休爐架喇~~~大家十二月見啦~~~~~

好喇~~講返我碟飯先~又係懶人之作~~買咗豬絞肉返黎~~見屋企有膶腸~就加埋落去炒香佢~放上飯面就食~~~大家唔好笑黃師奶懶呀!~~~~

材料: 豬柳梅(絞肉) ,膶腸一孖, 白飯2碗
豬肉醃料: 生抽一湯匙, 老抽一湯匙, 糖一茶匙, 麻油及生粉各一茶匙, 胡椒粉少許
獻汁: 水半碗, 生抽半湯匙, 糖半茶匙, 生粉一茶匙

STEP 1
豬柳梅與醃料拌勻備用~之後可能攪到超膠

STEP 2
膶腸~切粒

STEP 3
唔駛落油~先將膶腸炒香~再加豬肉~炒至好香好香~下獻汁炆煮一會淋上白飯即成~!!~~

 

 

大家可以Click入 黃師奶廚藝小百科 facebook 粉絲專頁度交流吓吖~!!!

<<南乳炆上素>>
嘩~今日終於見返自己個頭像喇~~~不過呢~都仲係覺得阿虎衰~~成日都呢樣問題嗰樣問題~~唔怪得咁多人都決定捨佢而去啦~~算啦~尋晚唔知道大家有冇睇亞洲先生呢~~~講真~黃師奶都係睇咗一陣~因為實在太騎呢喇~~表演埋d 嘢~同做d 衫嘅design 都實在好搞笑~~~唸起之前叫d亞男去政總跳馬舞~真係笑到爆咀~~~

嗱~今日出素菜~~懶係健康~~well!~~~用咗黃先生最愛嘅南乳醬~~我哋呢d南乳喺有利買架~嗰間嘢d南乳腐乳同醃制品都好好味~貴係貴少少~不過真係物有所值~!d味真係好香濃呢~~

材料: 冬菇六隻, 炸腐竹四両(我買街市浸好嗰D), 雲耳六片,雞髀菇四両, 豆卜六個, 薑兩片
冬菇醃料: 麻油及糖少許
調味料: 南乳一磚, 紹興酒兩湯匙

STEP 1
冬菇先浸軟去蒂, 切絲後同醃料醃約二十分鐘備用;其他材料洗淨

STEP 2
雲耳浸軟; 豆卜用熱水沖洗刻.再界十字(咁會吸味D)

STEP 3
燒紅鑊後下油~爆香薑片~拌入冬菇炒香~~再加上所以材料後下南乳兜勻~注入半碗水炆煮約二十分鐘~加生粉水後埋芡即成~!

大家可以Click入 黃師奶廚藝小百科 facebook 粉絲專頁度交流吓吖~!!!