黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

橙色帆布袋

Sd1aAaIB6JjhzQbVRh5yZA
<<橙色帆布袋>>
~嗱~黃師奶今次又獻醜喇~~都係嗰句….唔該唔好FOCUS 喺我D肉到……話說某年某月某日~~阿黃先生陪黃師奶空運咗N斤帆布返黎~~~冇錯…搬嗰下好Q重~~多得黃先生~~搵到間鋪頭~同埋肯抬返黎~~黃師奶就有得慢慢玩LU!~~黃師奶襯過吓D色架~~覺得整咗出黎幾靚~~唔知你哋又覺唔覺呢~?!
~唔知黃先生又幾時同我去抬布呢?!!~~~~

大家可以Click入 黃師奶廚藝小百科 facebook 粉絲專頁度交流吓吖~!!!

蝴蝶酥

IvtumTWqLXYsaFmp.812ag
<<蝴蝶酥>>
話咁快~個聖誕假期又完咗lu!~~不過冇所謂啦~~黎梗個星期二又元旦lu!~大家係咪好開心呢~~呢幾日去咗邊樹玩呀?!~黃師奶呢~~就同黃先生一齊2條友喺企過囉~~~講真~出去食飯又貴~~~喺企煮飯最實際啦~~~

好喇~話明聖誕~~呢期黃師奶都學人整蝴蝶酥呢~~~黃師奶用現盛酥皮架咋~方便嘛~~加少少糖~~將塊酥皮向中間方向一路對摺~焗一焗~食得lu!~~

材料: 現盛酥皮一大塊, 糖隨意

STEP 1
酥皮解凍後~底面灑上沙糖~左右2邊向中間方向對摺~

STEP 2
預熱焗爐180度十五分鐘~焗約廿五分鐘至金黃即成~

大家可以Click入 黃師奶廚藝小百科 facebook 粉絲專頁度交流吓吖~!!!

混醬崩沙腩

p3KecuGesNdx65DJtKO9TQ
<<混醬崩沙腩>>
聖誕快樂!!!!既然大家今日睇得呢個blog~~就証明黃師奶非常平安~冇穿冇爛咁過咗末日喇~~~今日係平安夜~唔知你哋唸住去邊到玩呢可?!黃師奶呢~就留喺家玩煮飯仔喇….well…冇錯…過時過節出去食太唔抵..~~.喺企食唔止慳d~仲唔駛同人迫餐死~~~因應黃先生條麻煩友仔嘅要求~~黃師奶已經預備好餸菜~~等條友仔返黎就煮得~呵呵呵~~~~~

好喇~~今日玩炆崩沙腩~~原本唸住炆牛筋….well..點知買唔到~咁就牛腩算數喇~~唸住加d薯仔..不過又好似好飽咁…最後用咗洋蔥炆~~~個汁好好送飯~~一個字~~正!!!!

材料: 崩沙腩一斤, 洋蔥一個
醬汁: 油咖哩兩湯匙, 蒜茸辣椒醬一湯匙, 沙嗲醬兩湯匙

STEP 1
崩沙腩先出水去減啲油

STEP 2
洋蔥去衣後切角備用~

STEP 3
爆香洋蔥後~拌入醬汁慢火炒香~再拌入崩沙腩兜勻~加水蓋過所有材料後用炆焗方法炆至腍身~再煮至汁稠即成~!

大家可以Click入 黃師奶廚藝小百科 facebook 粉絲專頁度交流吓吖~!!!

魚香茄子醬煮豆腐

F0KkJ8vwX19J2l79OC60.Q
<<魚香茄子醬煮豆腐>>
WOW~~今日凍咗好多喎!~~大家記得著多件衫呢~~唔係就好易凍親喇~~嗱~黃師奶收到朋友仔送我嘅LC碗仔~~~嗱嗱林開咗黎用~~~阿林師奶~~多謝你喔~~祝你C6越搵越多~等你有多D錢買D靚碗碟送俾我啦~~

好喇~嗱~係咪好奇怪呢?! 點解碟餸冇茄子呢~因為黃先生唔食囉~~…但係又話要食魚香茄子D味喎!但係唔可以加茄子喎!!煩到呢~~咁黃師奶經過超市見到有一PACK PACK D魚香茄子醬~~就買黎試下喇~味道都唔錯吖~~大家可以一試呢~!~

材料: 豆腐一盒, 豬梅肉十五蚊(絞碎), 蒜茸半湯匙
豬梅肉醃料: 生抽一湯匙, 糖及生粉一茶匙, 麻油,胡椒粉少許
調味: 魚香茄子醬

STEP 1
豆腐先灑少少鹽再蒸一蒸~之後就倒咗D 水份~ 切丁

STEP 2
豬梅肉與醃料拌勻備用~

STEP 3
爆香蒜茸~下豬梅肉兜勻~拌入魚香茄子醬兜炒片刻

STEP 4
拌入豆腐~再煮至汁稠即成!

大家可以Click入 黃師奶廚藝小百科 facebook 粉絲專頁度交流吓吖~!!!

蟹柳芝士包包

XdJLYDRZXjRyK5obZySHhA
<<蟹柳芝士包包>>
~家吓都12月啦~~點解呢幾日仲咁暖咁潮濕架.?!~今朝起身~望出去~只係見到白濛濛一片~~但係又好似話明天返凍喎!~凍唔凍唔緊要~最緊要係乾燥d囉~望住堆衫..真係抽2日先叫乾..好煩呀!~!!!

好喇~~今日又出自家包~~~~~前幾日新聞講出面D 包變咗空氣包…食咗唔飽肚…WELL…出面D 包點會好似自己整嗰D 咁足料吖~~!所以黃師奶覺得自己嗰時走出去學整包~真係冇揀錯架~呵呵呵~~

材料: 高筋粉200g, 低筋粉50g, 酵母5g, 鹽5g, 奶100g, 牛油 40g, 蛋一隻, 糖 35 g, 芝士粉隨意, 蟹柳適量

STEP 1
將所有材料拌勻~之後就開始搓呀~搓到個圓球~之後發酵約45分鐘

STEP 2
之後呢~分割放氣喇~再發酵15分鐘

STEP 3
再定形~發酵約45分鐘

STEP 4
預熱焗爐180度十五分鐘, 灑上芝之粉再焗包包約15分鐘即成~~

大家可以Click入 黃師奶廚藝小百科 facebook 粉絲專頁度交流吓吖~!!!

蠔皇雞球燴豆腐

cb66csWRw0VSikJMkIpGaw
<<蠔皇雞球燴豆腐>>
~剛剛過去個星期六~黃師奶就已經去咗今年第一個CHRISTMAS PARTY LU!~係咪好早呢~今次主人家訂咗DELI法國嘅到會~~黃師奶覺得個羊脾就唔錯~其他食物呢~~就一般到唔一般~嗰間五丙二FISH 真係好D~~~不過五丙間嘢又好貴~~真係一分錢一分貨呢~!

好喇~嗱~今日又係頹煮~呢個餸~~煮嗰時不妨煮多D~因為好送飯~飯都食多2碗~塞飽個肚~~唔駛再煮多碟~乘機又打吓斧頭先~

材料: 豆腐一盒, 雞肉隨意, 蒜茸半湯匙
雞肉醃料: 生抽一湯匙, 糖及生粉一茶匙, 麻油,紹酒及胡椒粉少許
調味: 蠔油兩湯匙隨意

STEP 1
豆腐先灑少少鹽再蒸一蒸~之後就倒咗D 水份~ 切丁

STEP 2
雞肉與醃料拌勻備用~

STEP 3
爆香蒜茸~下雞肉兜勻~拌入蠔油兜炒片刻

STEP 4
拌入豆腐~再煮至汁稠即成!

大家可以Click入 黃師奶廚藝小百科 facebook 粉絲專頁度交流吓吖~!!!

鬆弛熊曲奇(美祿味)

I3dRteVHXAORFuf9WQpd8Q
<<鬆弛熊曲奇(美祿味)>>
~返咗黎幾日~呢2日終於好返少少天喇~係嘛大陽伯伯出過黎先啦~~聽日黃師奶就會出去玩~~希望繼續好天啦~!~之前傻哥減價~買咗張羽絨被已經用緊~夏天嗰天又要收返佢~洗呢樣嗰樣~~真係忙C呢~~~~

嗱~~其實黃師奶個人仲好白痴架~~咁大個人~仲成屋公仔…~最愛草莓頭同鬆弛熊~呢d童真真係唔係個個有~~~~今次黃師奶就整個鬆弛熊曲奇俾自己嘆~~焗嗰下香噴噴~~黃先生一路打機~一路都話好鬼香~~~

材料: 低筋粉150g, 室溫牛油80g, 糖75g, 4茶匙美祿粉, 室溫大蛋一隻

STEP 1
將低筋粉篩2次備用

STEP 2
牛油分數次加入糖, 再用搞拌器打至乳白色

STEP 3
將蛋液分數次加入牛油中, 並打至完全軟滑

STEP 4
拌入低筋粉及美祿粉~用刮慢慢拌勻.切忌搓至起筋

STEP 5
預熱焗爐180度十五分鐘~~印模~再焗餅餅約15-20分鐘~之後唔駛拎出黎架~放喺焗爐至待涼入樽~~好香脆喔~~~

大家可以Click入 黃師奶廚藝小百科 facebook 粉絲專頁度交流吓吖~!!!

淺藍色間花帔帔

fhIJXXuYLW1i6_XeZCgY7Q
<<淺藍色間花帔帔>>
哈~呢兩日天氣涼咗咁多~~~係時候POST 吓我D無聊嘢~~登登登登~~嗱~唔該唔好集中睇黃師奶啲肥肉….~睇吓件帔肩先~~~剛織起黎影相仲有少少卷曲咁~~著多幾次就唔會呢~~有咗件帔帔~~今日著咗暖笠笠~~~~就算俾黃先生打咗冷宮~~都唔會覺得凍呢~~呵呵呵~~~~~

大家可以Click入 黃師奶廚藝小百科 facebook 粉絲專頁度交流吓吖~!!!