黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

近期迴響

Google+ Badge

焗丸子

IMjilqIrDaRVq4j1.ecbUw
<<焗丸子>>
~吖~~今日已經一月三十日~原來好快就過年~~~~我仲有好多嘢好似未整咁~~真係唔知點算~頭都大埋~~~~睇黎黃師奶要勤力少少先得喇~~唔知道大家執咗屋未呢?!~~黃師奶就成日執屋架~~~~點解?!因為我家個黃先生成日整到d 嘢好亂囉~又冇手尾囉~~~點執都會俾佢整到亂哂架喇~

材料: 肉丸一PACK , 蕃茄2個, 洋蔥一個
醬汁:茄汁 約2湯匙, 糖一茶匙, 鹽及黑椒少許

STEP 1
預熱焗爐180度約15分鐘

STEP 2
將蕃茄去皮後切粒; 洋蔥去衣後切成茸備用

STEP 3
先爆香洋蔥, 再拌入蕃茄粒兜炒片刻後加入茄汁兜均; 下少許糖, 黑椒及鹽再調味

STEP 4
將肉丸與STEP 3的汁醬拌勻; 放入焗爐焗約二十分鐘即成

 

大家可以Click入 黃師奶廚藝小百科 facebook 粉絲專頁度交流吓吖~!!!

芋蝦

7ghqBQ2LyUVfQG8XWE1pOw
<<芋蝦>>
嗱~仲有唔夠2個星期就過年喇~~~相信唔少朋友仔家下都好BUSY 吓~~點解?!~因為個個都忙蒸糕同賀年小吃囉~~~黃師奶呢~尋日就整芋蝦喇?!事關我個黃先生成日話想食喎!~~整咗個下午~~~佢條友仔超衰呀!!一走過黎話我成身炸芋蝦味….哼~!!唔係你我駛咩對住個爐咁耐吖~!!~你條友仔想食下次自己去買啦~

~嗱~其實整芋蝦一D都唔難~不過係煩囉~~~將D芋頭刨咗絲~加少少鹽~糯米粉同埋沾米粉拌勻就得架喇~!~黃師奶為咗加少少香味~~仲落咗五香粉同埋少少紹酒TIM!~炸嗰時用打邊爐嗰喱裝住~咁就個個芋蝦都好靚仔囉~!

材料:芋頭550G, 沾米粉約1.5個湯匙 , 糯米粉約1.5個湯匙 , 鹽及五香粉少少 , 紹酒一茶匙

STEP 1
芋頭洗刨去皮刨絲~

STEP 2
芋頭絲加埋其他材料拌勻

STEP 3
燒熱油後轉細火~炸至金黃盛起隔去油份即成~!

大家可以Click入 黃師奶廚藝小百科 facebook 粉絲專頁度交流吓吖~!!!

蒜香小雞膇

PvWt5Wh5fsnFzjxvyQQnYw
<<蒜香小雞膇>>
~~撞鬼咯~~~乜得解一月底都咁潮濕架~今朝一早起身~嘩~~白濛濛一片呀!~~吖~~真係好鬼怕呢d日子~~~希望快d乾燥返少少啦~~~唔怕凍~唔怕熱~~最怕潮濕!!!!唔知今年過年凍定暖呢?!黃師奶呢~就估凍多~~~~你哋呢!?!~

~~哈~~今日就食雞呀!~~喺吉吉島買咗pack小雞膇~~~~好抵架~~又唔知想點整~有理無理加少少蒜鹽半煎炸咁煮算~!係咪好頹呢~呵呵呵~~

材料: 小雞膇十隻
調味料: 蒜鹽隨意 , 檸檬汁少許

STEP 1
雞膇與醃料拌勻醃約最少2小時

STEP 2
燒熱一杯油~半煎炸至金黃即成~ !

大家可以Click入 黃師奶廚藝小百科 facebook 粉絲專頁度交流吓吖~!!!

蘿蔔糕

tDxWGvIMEgT8qxSRiSTavg
<<蘿蔔糕>>
先講單買餸趣聞過大家聽呀!~~~話說有日黃師奶企咗喺魚檔買嘢~~~有個哥仔走過黎問魚佬!~話~:我想買隻龍蝦團年食~~我依家買你幫我養到佢2月7日先俾我啦…..~黃師奶心唸~唔係嘛?咁爆嘅嘢你都問得出?!~根住阿魚佬就係咁片佢~~~7號食就7號先買啦~~點同你養呀~?哈~阿哥仔仲要死心不息…話過年d海鮮貴所以要家吓買定喎…~~卒之就俾個魚佬片到爆~~所以話呢~呢個世界真係乜人都有~~

~嗱~今年早咗蒸糕喇~~啱啱呢幾日開始開壇作法~!~點解早咗咁多?!~之唔係我家個黃先生話要食囉~~~仲成日開口埋口話唔夠食tim!~.~咁黃師奶咪唯有早d整~~等你未過年就食到唔想食先~~~呵呵呵~~~~~

材料: 蘿蔔三斤
餡料: 半條臘肉, 一條臘腸, 一條膶腸, 6隻冬菇, 蝦米及瑤柱隨意
調味料: 一茶匙雞粉, 一茶匙糖, 一茶匙胡椒粉及五香粉少許
粉漿: 粘米粉80g, 鷹粟粉160g, 蘿蔔湯400g (完全拌勻)
煮蘿蔔水: 浸菇水150g杯

STEP 1
蘿蔔刨絲~其中約一碗蘿蔔切粗絲; 冬菇浸軟後去蒂切粒(浸菇水留用)

STEP 2
蝦米及瑤柱浸軟; 臘肉,臘腸同膶腸用熱水沖淨後切粒

STEP 3
燒紅鑊後將臘肉,臘腸同膶腸炒香~炒到好香出油後拌入蝦米, 冬菇粒及瑤柱爆香盛起

STEP 4
原鑊拌入蘿蔔連刨蘿蔔時的汁炒片刻~加150g浸菇水煮至蘿蔔剛軟身再下調味

STEP 5
將剛煮起的蘿蔔隔去上湯, 留起蘿蔔上湯約400g用黎開粉漿

STEP 6
唔駛開火~再拌入其他餡料兜勻

STEP 7
拌入粉漿~不斷兜勻~ 再開慢火兜勻至收水~收水後熄火再完全拌勻所有餡料

STEP 8
將器皿掃油後拌入餡料鋪平 , 大水隔水蒸約60分鐘後即成~

大家可以Click入 黃師奶廚藝小百科 facebook 粉絲專頁度交流吓吖~!!!

蠔皇炆香菇

zVwccj5A2P2sxs7LH9Q1NA
<<蠔皇炆香菇>>
唔知道大家有冇睇套老表呢~~~唔好理佢好唔好睇先~只係睇佢講d大陸人喺香港做埋d 咩嘔心嘢..~已經覺得好抵死~~大大聲叫服務員~!!!!~!!!同埋"打樹影多張"~~~黃師奶真係覺得好搞笑~!!!!

~好喇~~今日黃師奶玩炆冬菇~~~~嗱~其實我家黃先生係冬菇fans!!!!~佢就好鬼鍾意食~之前係咁叫我煮俾佢食~~~咁我就煮俾佢食吓啦~~~用咗厚身冬菇~~加埋少少節瓜~~有益又健康呢~!!!!!~

材料: 冬菇十隻, 節瓜一個, 蒜茸半湯匙
醃料: 麻油及糖少許
調味: 蠔油2湯匙

STEP 1
冬菇浸軟後去蒂與少許糖及麻油醃一會~節瓜去皮切件~

STEP 2
燒紅鑊後爆香蒜茸~!拌入冬菇略略煮一會後下調味兜勻~加浸菇水至蓋過冬菇後大火煮滾再小火炆煮約30分鐘至汁稠

STEP 3
加入節瓜~煮約十分鐘至節瓜腍身即成~

大家可以Click入 黃師奶廚藝小百科 facebook 粉絲專頁度交流吓吖~!!!

栗子糊

qkfDjRxA2IFTh7iUwV5DBw
<<栗子糊>>
~尋日TBB套勁歌頒獎禮~真係非常搞笑~~~~唔好計JOEY~大部份歌手~都真係唔知佢哋乜水~~連D巨星幫都可以拎3個獎….~講真~真係心照啦..又唔見呢D 人喺其他頒獎禮有得拎….~.上到去又要喊~~但係又冇眼淚~~亞太區男歌手~仲要爆到俾台灣組合前棒棒堂D人拎埋….真係唔頒好過頒呢~!!!

好喇~是日煮咗個甜品俾我個黃先生食~~~嗱~黃師奶用咗大約20粒栗子~煲腍咗…再要攪爛整呢個甜品~~之後加D奶就整好~~黃先生話好好味喎!~~大家可以得閒試吓整吖~~~~

材料: 栗子20粒, 牛奶約2杯 , 糖少許

STEP 1
栗子用滾水煮約5分鐘, 再浸凍水5分鐘後去皮~

STEP 2
將去皮栗子煮約15分鐘後隔水~ 再切成小粒~用攪拌器攪成茸(如果發現唔係好攪到就加少少煮栗子嘅水啦~

STEP 3
將栗子茸同牛奶拌勻再加熱~加少許糖後煮至杰身即成~!

大家可以Click入 黃師奶廚藝小百科 facebook 粉絲專頁度交流吓吖~!!!

香菇排骨粥

RbktgVe6nMZCtyicKQVSmg
<<香菇排骨粥>>
咁快又到星期五喇~~今晚TBB做幸福摩天輪大結局~~~~唔知道大家會唔會追呢?!尋晚講到阿施兄係楊官個仔~~~真係老土到唔老土呀!~~黃師奶都一早估爆哂佢D劇情~~講真~TBB D 劇黎黎去去都係咁老土~冇咩新意~!~不過好衰唔衰黃師奶又鍾意睇電視~~仲希望快D 有人換部50寸大電視俾我~~!!

好喇~~突然間覺得自己好似N年冇煲過粥咁~~聖誕嗰期食咗咁多嘢~係時間清吓腸胃~今次煲過靚靚綿綿粥~!買咗D 排骨用鹽醃過夜~加埋少少冬菇~~~煲到個粥好入味~~~天時凍食過熱粥唔錯架~!~
材料: 排骨隨意, 冬菇隨意, 一杯米, 十三杯水

STEP 1
排骨少許鹽略醃; 冬菇浸軟後切絲與少許糖及DD麻油醃一會

STEP 2
將米洗淨、隔水,加入鹽及油醃一會。

STEP 3
預備大煲滾水, 加入米~冬菇大火煲至綿身後~拌入排骨~拌勻滾一會熄火蓋上蓋焗一會後下鹽調味即成.

** 間歇地攪拌煲內的粥,以防底部起焦.**

大家可以Click入 黃師奶廚藝小百科 facebook 粉絲專頁度交流吓吖~!!!

41LlPgNS8V6HkTBV83D.Og
<<齋>>
~今日天文台話會返凍喇又~~~雖然家吓唔係好涼~不過應該今晚又會凍返~大家記得著多件衫喔~~~~~朋友仔約黃師奶去拍無間道間嘢打邊邊~唔知道大家去過未呢?!黃先生就叫黃師奶唔好去~….冇計..因為黃師奶妹仔肚…~好易肚柯….家吓仲唸緊..唔知道大家去過嗰間嘢未呢~~~~~

嗱~今日出素菜~~懶係健康~~well!~~以後黃宅決定初一十五食齋~~各位雀友們~以後約黃師奶食飯~記得留意係咪初一十五喇~~~知道冇?!

材料: 冬菇六隻, 炸支竹四両(我買街市浸好嗰D), 韓國直菇2條, 豆卜六個, 薑兩片
冬菇醃料: 麻油及糖少許
調味料: 南乳一磚, 紹興酒兩湯匙

STEP 1
冬菇先浸軟去蒂後同醃料醃約二十分鐘備用;其他材料洗淨

STEP 2
豆卜用熱水沖洗刻.再界十字(咁會吸味D)~直菇洗淨後抹乾水份~撕成小塊

STEP 3
燒紅鑊後下油~爆香薑片~拌入冬菇炒香~~再加上所以材料後下南乳兜勻~注入半碗水炆煮約二十分鐘~加生粉水後埋芡即成~!

大家可以Click入 黃師奶廚藝小百科 facebook 粉絲專頁度交流吓吖~!!!

清酒煮蜆

q5.P2nYtjki9b9crIdibOA
<<清酒煮蜆>>
~之前出BLOG 話想出街食飯~最後黃先生同咗黃師奶出去食日本菜~~嗰間嘢喺灣仔~叫YUYU SUSHI~~~~黃師奶覺得好好食喔~~件件都細細件~嘩~佢個吞拿魚腩~~同個鵝肝~~真係好好好吸引~~好想再去~~唔知道黃先生幾時再同我去呢~~~~~~~~~

之前黃師奶同黃先生去咗海洋三到買吓牛扒海鮮試吓~~嗰到出名係蠔~~不過黃家唔係好好蠔呢家嘢~~最後我哋入咗牛扒~火腿同埋蜆~PACK 蜆78蚊一大PACK~不過隻~隻都好肥美~就咁用清酒烚~~都好好味~~~我個黃先生叫我快D再入貨喎!~~~~

材料:蜆肉一PACK, 清酒一支

STEP 1
蜆肉用清水沖洗乾淨~~~

STEP 2
煮熱清酒後拌入蜆蜆煮至開口即成~!

大家可以Click入 黃師奶廚藝小百科 facebook 粉絲專頁度交流吓吖~!!!

黑松露龍蝦意粉

_QtToFUqs7ss6oD7CjzHGg
<<黑松露龍蝦意粉>>
~咁快又到星期五~大家又係時候PLAN 下有咩節目喇~~~黃師奶又係無事忙~都係無無聊聊咁過日子~~~睇吓黃先生呢2晚會唔會同我出街食飯啦~~佢應該睇到我個BLOG~~~~睇到就識做啦~~~~~!

~~喇~先2日剛剛出完個龍蝦湯~咪講咗黃師奶用埋個湯整呢個意粉嘅~~今日就嗱嗱林POST 埋上黎先~~大家記得煮前留意吓包意粉要煮幾多分鐘呀!~~煮得太林太硬就唔鬼好食架喇~~~

材料: 龍蝦肉 (煲湯要起肉~剩返D肉整意粉) , 蒜茸兩茶匙, 黑松露醬少許, 意粉隨意

STEP 1
留意龍蝦湯~

STEP 2
煲一大煲水~放入意粉~煮約6分鐘 (我包意粉寫8分鐘-我會再煮~所以煮住6分鐘先)~瀝乾水份~~加少許橄欖油同蒜鹽拌勻

STEP 3
爆香蒜茸~加入龍蝦肉兜炒片刻~放入龍蝦湯~後兜一兜~加入意粉兜勻~煮多2分鐘後熄火~加少少黑松露醬拌勻即成~!

大家可以Click入 黃師奶廚藝小百科 facebook 粉絲專頁度交流吓吖~!!!