|
|
<< 芝士麻糬QQ >>
~今日就係財爺講預算案喇~~都係嗰句啦~黃師奶同黃先生就唔會有咩著數架喇~~~正苦只係會拎納稅人d錢去幫d落黎挖著數嘅新移民同雙非b~挖唔夠就只會推d小朋友出黎話冇錢學中國舞…黃師奶唔係歧視所有大陸人~不過我係歧視所有一心唸住黎香港搵著數~食政府嘅蝗虫!
好喇~尋晚返咗張媽媽到食飯~~世上只有媽媽好~~返親娘家都係拎住一袋二袋走~.~返到屋企都差不多九點~見黃先生仲未返~~就整個麻糬芝士QQ先~~做法好簡單~怕用手的話~用個刀刮都整到~大家可以一試~!~~
材料: 糯米粉100G , 木薯粉40G , 芝士碎(X夫現盛嗰PACK)55G , 牛奶70G , 糖10G, 鹽少許, 雞蛋一隻 , 牛油溶液約三湯匙
STEP 1
糯米粉同木薯粉篩1次~再拌入芝士碎/雞蛋/牛油溶液/鹽及糖 拌勻
STEP 2
注入牛奶(慢慢黎啦~唔夠再加咁~睇手感)搓勻~
STEP 3
預熱焗爐180度15分鐘~將粉糰搓成細小波波~焗至少十五分鐘~再放入高層焗至金黃即成~!~
大家可以Click入 黃師奶廚藝小百科 facebook 粉絲專頁度交流吓吖~!!!
<<鹹豬手>>
~嗱~~~尋日黃師奶去買餸~要行過幾條馬路嘅~~~咁嗰時係紅燈…有個阿婆佢真係睇都唔睇~就咁易"養"吓隻手~就行….~個阿婆又行得慢…黃師奶嗰下真係O咀…呢D 係咪恃老賣老呢?!有咩事上黎..個司機都好慘JER…….黃師奶真係要警惕吓自己..~老咗唔好變到咁….唔係就好唔得人鍾意…
好喇~~~話說樓下開咗MARKET PLACE~嗱~唔好以為好正呀!~~~間嘢好細間架咋~~總要冇積分儲~得印花~~黃師奶就冇咩幫襯過~~~只係有日去買咗隻鹹豬手~WELL….人懶~~~買上去嗱嗱木整完又小休~~~
材料:鹹豬手一隻 , 洋蔥2個 , 水適意
STEP 1
鹹豬手先解凍後抺乾水份 ; 洋蔥切角
STEP 2
先爆香洋蔥~拌入鹹豬手煎香~~加水至蓋過所有材料後大火煮滾再轉細火炆煮約20分鐘後焗20分鐘~再重複1次炆焗方法至腍身
STEP 3
預熱焗爐180度約15分鐘, 再入豬手焗至金黃即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<元宵>>
~~今日黃師奶首先要同大家~分享一個治療煮婦手方法先~~!!話說黃師奶對手…WELL…~冇計啦.~..對富貴手都跟咗幾年…時好時唔好咁.最近黃師奶見網上有種改善方法..咁黃師奶就將個方法改良少少試咗~..又OK喎!!.黃師奶每晚瞓前都會用一茶匙砂糖同橄欖油磨手~細細力啦梗係~之後洗手抺乾再搽J字頭隻玫瑰味護手霜~真係有好明顯改善~~!大家如果有對富貴手..可以試吓呢個方法呢~!!~
好喇~今個星期日就係元宵節~黃師奶就提早食湯圓~~點解?! 之唔係黃先生話想食囉~仲要指明要食片糖餡…~~煩到呢~~黃師奶呢~屋企有包香棗片糖~有理無理~拎黎用~~呵呵~~~黃先生話好食~~好煙un~~~但係呢..又叫我下次整細粒d喎!!!~整得大粒都俾人話~真係嬲c我~!!!~喺到祝大家元宵節快樂~~人月倆團圓~~~~~
材料: 糯米粉200g , 暖水(自己慢慢加啦~) 香棗片糖適量
STEP 1
糯米粉篩1次~再慢慢加暖水搓至麵糰光滑
STEP 2
香棗片~整碎~
STEP 3
將大約1/5嘅麵糰分割出黎~~壓平~~煲滾水後~將呢1/5麵糰煮熟盛起~再將熟麵糰與其餘4/5麵糰搓勻至光滑~再包餡~(呢個方法上網學嘅~個人認為湯圓真係煙UN咗) ~
STEP 4
煮滾水後放入已包好嘅湯圓, 拌入湯圓煮至浮起即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<吞拿魚麵包>>
~~~糖又加~鹽又加~~家吓巴士又加~~呢暈真係乜都加~~話說有日黃家冇煮飯…~~咁就去咗屋企樓下間嘢開餐~~"丁頁"~!!一個~白烚菜心要40幾蚊喎~!!嗰碟菜~~肯定半斤都冇~..出一出去食飯~家吓真係俾人劏~得好金~
好喇~原來黃師奶好耐冇POST 過包包食譜喇~嗱~黃師奶冇偷懶架….WELL…過年嗰陣係忙蒸糕點..~不過一有時間都有搓包包架~!~為咗黃先生~~黃師奶幾忙都好~都會~抽時間出黎整呢樣嗰樣架~~~
材料: 高筋粉350g, 酵母6g, 鹽5g, 奶150g, 牛油 40g, 蛋一隻, 糖 35 g, 吞拿魚醬適量
STEP 1
將所有材料拌勻~之後就開始搓呀~搓到個圓球~之後發酵約45分鐘
STEP 2
之後呢~分割放氣喇~再發酵15分鐘
STEP 3
再定形~發酵約45分鐘
STEP 4
預熱焗爐180度十五分鐘, 掃上蛋水後再焗包包約15分鐘即成~~
大家可以Click入 黃師奶廚藝小百科 facebook 粉絲專頁度交流吓吖~!!!
<< HP 汁炆牛仔膝 >>
~今日已經係初九~相信唔少打工仔都已經回復原狀~~今朝相信大家都唔願起身~~~~尋晚呢~黃師奶打牌打到12點幾返屋企…~搭架的士回家…點知個司機唔知係咪有病..係咁咳….係咁開窗lur 痰….搞到我成程車係咁反胃….阿司機大佬…咁多人同你同一架車…咁樣好易惹病人架….病成咁仲揸車…仲要係咁lur 痰…
好喇~~~今日又扮食西~~~~~黃先生話要我煮多d西餐喎!~~~…~佢話西餐好味~~而黃師奶呢~~就覺得煮西餐嘅好處係洗少d碗~~今日就炆牛仔膝~加咗個HP 汁~ ~炆到又腍~又入味~~我個黃先生都好LIKE 食呢~
材料:牛仔膝2塊, 洋蔥半個
調味: HP 汁一支
STEP 1
牛仔膝解凍後抺乾水份 ; 洋蔥切絲
STEP 2
爆香洋蔥~拌入牛仔膝煎香
STEP 3
加入調味兜勻, 加水至蓋過牛仔膝後煮滾再轉細火炆煮約20分鐘後熄火焗20分鐘. 再重複炆焗步驟一次. 煮至汁稠即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<蕃薯蜆>>
~~今日係農曆大年初五~黃師奶再喺到恭祝大家新春大吉~身體健康先~~嗱~除咗要拜個年~~~都要祝埋大家情人節快樂喔~~~~~今日唔知大家會點過呢~~~~黃師奶呢~就會喺企煮飯喇~~~~因為實在唔想出去俾人劏到一頸血囉~~ ~~簡簡單單咁過最開心~
好喇~~~呢期實在食得太多嘢….糕今年都蒸咗幾十底…well….不過都係送人多..自己食就食咗幾底jer…但係感覺已經好肥…今次整post呢個蜆…叫做少d肉啦~~well..其實都係~自己呃自己…睇黎呢期要食少d~~食少d~健康d!~
材料: 蕃薯蜆一斤, 蒜茸一湯匙, 乾蔥及辣椒隨意 , 紹酒小半碗
STEP 1
蕃薯蜆沖洗乾淨~用鹽水浸至水三小時備用
STEP 2
爆香料頭~拌入蕃薯蜆兜炒至開口~灒酒後焗片刻即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<芋頭糕>>
~~~~忙~忙~忙~~~糕~糕~糕~吖~~~真係日日都蒸糕~~今個月張煤氣費一定好金lu~~~~~不過一年一次~冇所謂啦~~呢2日起身~我突然間覺得自己好似搬咗去山頂一樣~~望出去係一片白色.~…..黃師奶屋企對住內園~連對面幢樓都望唔到呀~…..嘩~真係誇張到呢…真係想開開冷氣抽一抽d 濕氣呢~
~好喇~今日就喺blog 到出埋芋頭糕~~呵呵呵~~出埋今日~~都差不多收爐休blog 架喇~~~~~到時我哋就要蛇年再見lu!~~~~~
材料: 芋頭一斤
餡料: 半條臘肉, 一條臘腸, 一條膶腸, 6隻冬菇, 蝦米及瑤柱隨意
調味料: 一茶匙雞粉, 一茶匙五香粉, 一茶匙胡椒粉
粉漿: 粘米粉170g, 澄麵粉10g, 浸菇水2杯 (完全拌勻)
煮芋頭水: 浸菇水2杯
STEP 1
芋頭 去皮切粒; 冬菇浸軟後去蒂切粒(浸菇水留用)
STEP 2
蝦米及瑤柱浸軟; 臘肉,臘腸同膶腸用熱水沖淨後切粒
STEP 3
燒紅鑊後將臘肉,臘腸同膶腸炒香~炒到好香出油後拌入蝦米, 冬菇粒及瑤柱爆香盛起
STEP 4
原鑊拌入芋頭炒香~之後盛起一碗芋頭粒留用
STEP 5
注入2杯浸菇水後將芋頭煮至滾起 後下調味料試味~再拌入其他餡料及芋頭粒兜勻
STEP 6
拌入粉漿~不斷兜勻至收水~收水後熄水再完全拌勻所有餡料
STEP 7
將器皿掃油後拌入餡料鋪平, 大水隔水蒸約30分鐘後即成~
大家可以Click入 黃師奶廚藝小百科 facebook 粉絲專頁度交流吓吖~!!!
<<腰果>>
嘩~~唔覺唔覺~今日已經係年廿四喇~~暖咗成個月~~終於會喺今個星期尾轉凍喇~哈~果然真係乾冬濕年呀吓~~~~不過都好吖~黃師奶覺得要凍先似過年~~唔通著件短袖~去拜年先好feel 咩~~~不過人大咗~最怕過年見到d三姑六婆…~唉唉唉~~~~~
好喇~~~~嗱~~講明先~d 腰果唔係我炸嘅~~~斷估大家唔會估係黃先生嘛?!佢煮公仔麵俾我食已經好好feel~~如果炸埋腰果~我驚我會流淚..~d腰果係我阿媽張媽媽炸嘅~~佢每年都會過年炸腰果~~~~個人認為~我阿媽煮餸係好食過我老豆嘅~~拔~!!阿媽有咗類風濕之後冇乜煮過嘢喇~~咁難得佢炸一炸~黃師奶就將佢嘅秘笈講出黎啦~~~~~~~
材料: 腰果 , 鹽 , 油 (唔好咁多呀!~剛剛蓋過你所炸嘅份量好喇)
STEP 1
腰果汆水三分鐘後瀝乾水份
STEP 2
下油~(放粒腰果落去~D油出大泡泡~就油溫啱架喇~) 拌入腰果大火炸佢5秒到~轉慢火炸至開始金黃~轉返大火~炸到金黃盛起
STEP 3
腰果盛起後隔去油份~~再灑鹽拌勻就食得LU!~~~~
大家可以Click入 黃師奶廚藝小百科 facebook 粉絲專頁度交流吓吖~!!!
<<年糕>>
嗱~終於post 年糕喇~哈~~黃師奶真係好懶架~~搞到家下先post 年糕~~~整嗰時黃師奶用咗4:1 嘅糯米粉:澄麵粉~~~咁黃師奶覺得口感係最煙un 嘅~棷漿就用咗210ml 到~~想D年糕蒸嗰時冇裂紋, ~就記得加少少橄欖油~!咁就蒸出黎更靚仔~~~嗱~呢個係我用鯉魚模嘅份量~大家可以參考吓:
材料: 棷漿 210 ml , 糯米粉 120g , 澄麵粉 30g , 糖95g , 橄欖油 1.5茶匙 , 色素(橙色2滴)
STEP 1
將粉類篩2次
STEP 2
慢火溫熱棷漿, 拌入糖煮至溶化
STEP 3
將有糖棷漿與粉類拌勻至無粉粒, 注入橄欖油拌勻. 再將粉漿篩3次 (咁會更滑)
STEP 4
盛起少部份粉漿(約三湯匙), 加入食用色素拌勻
STEP 5
魚模掃油, 先將有色的粉漿倒入大火蒸約3分鐘
STEP 6
倒入其餘粉漿, 大火隔水蒸約30分鐘, 待涼脫模即成~!
大家可以Click入 黃師奶廚藝小百科 facebook 粉絲專頁度交流吓吖~!!!
|
近期迴響