|
|
<<煎金蠔>>
~尋晚黃師奶同黃先生去咗行街街~~食飯~~同睇戲~~~可能真係大鄉里出城~~發覺尖沙咀d鋪又轉咗~~~~家吓真係全港都做大陸人生意lu…~黃師奶屋企樓下個商場..都開哂金鋪同名錶….~~搞到買嘢變得好難…
話說之前去咗流浮山一轉~~咁順道買咗d 金蠔返黎~~~~黃先生好鍾意食架~~不過黃師奶就麻麻…因為我…其實好多嘢都唔食架~!!~~不過黃先生鍾意的話~~黃師奶實會煮呢~~~~~
材料: 金蠔八隻
調味: 糖少許
STEP 1
將金蠔沖洗乾淨, 再抺乾水份
STEP 2
將金蠔蒸約4-5分鐘後盛起, 再抺乾
STEP 3
燒紅鑊後將金蠔煎香~加少少砂糖再兜勻即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<< 美祿麻糬QQ >>
今朝黃師奶睇香港早晨~~~發現阿周嘉儀又蒲返頭~~黃師奶仲以為最後會保個男嘅~~周小姐要SAY BYEBYE TIM!~~估唔到最後係咁…黃師奶唔算好老餅…不過身邊已經有2個朋友仔離咗婚…令到黃師奶都有少少唔開心…更加珍惜同享受家吓黃先生咁錫我嘅日子呢~~
好喇~~黃先生鍾意食黃師奶整嘅麻糬QQ~~今次黃師奶加咗包美祿粉~~焗嗰時好香~~食落呢~~就有少少美祿味啦~如果想食濃味D~你哋就要自己調較~加多少少呢~!
材料: 糯米粉100G , 木薯粉40G , 芝士碎(X夫現盛嗰PACK)40G , 牛奶80G (最好自己慢慢加-總之好似搓湯圓就得) , 糖10G, 鹽少許, 雞蛋一隻 , 牛油溶液約三湯匙 , 美祿粉35G
STEP 1
糯米粉同木薯粉篩1次~再拌入芝士碎/雞蛋/牛油溶液/鹽及糖/美祿粉 拌勻
STEP 2
注入牛奶(慢慢黎啦~唔夠再加咁~睇手感)搓勻~
STEP 3
預熱焗爐180度15分鐘~將粉糰搓成細小波波~焗至少十五分鐘~再放入高層焗至金黃即成~!~
大家可以Click入 黃師奶廚藝小百科 facebook 粉絲專頁度交流吓吖~!!!
<<蝦>>
今日又再係濕笠笠天氣…~!~~一起身~白濛濛一片~~黃師奶斷估再翻凍都唔會凍得去邊架喇~~~~所以剛剛星期六就拎咗厚衫去洗~~~加上又就黎夏天~黃師奶呢期開始努力跳鄭多燕~~~~為踢走BYEBYE 肉而努力~!
嗱~~今日又整個頹蝦~!話說某年某月某日去咗街市~~~~見到D海蝦好新鮮~加上又唔貴喎!~~~~黃師奶就忍唔住買咗半斤多D返屋企~!~~灼俾黃先生就咁食~呵呵呵~~~~~呢個餸一D難度都冇架~黃師奶想個汁惹味D~~就加咗蒜茸同辣椒碎~再淋少少甜豉油加生抽~~~~灼起就點黎食~正呀!~
材料: 海蝦隨意
汁料: 蒜茸一湯匙, 辣椒四隻切碎, 煲仔飯豉油一湯圓, 生抽一湯匙 (拌勻)
STEP 1
海蝦(仲未升天嘅)~用水沖一沖
STEP 2
將海蝦灼熟後點汁食即可~!
大家可以Click入 黃師奶廚藝小百科 facebook 粉絲專頁度交流吓吖~!!!
<<洋蔥南瓜湯>>
~嗱~~首先梗係講句HAPPY FRIDAY 先啦~馬仔嗰網站唔知係咪有D 咩問題呢~搞到我DOWNLOAD 唔到佢D ICON 出黎用TIM!~~一出個BLOG 冇哂D ICON~~搞到好似好單調咁~~吖~~~好唔開心呀!~~~或者等今晚夜D 再整~睇吓得唔得先~~
好喇~今日煲個西湯~~多謝阿林師奶送咗個電子燉盅俾黃師奶先~~見呢期成日玩燉盅~咁今日煲個西湯玩一玩~~唔知你哋鍾意中湯多d定西湯多d呢?!
材料: 南瓜肉約300g , 上湯300 g , 水200 g , 洋蔥一個 ( 切茸 ) , 忌廉半杯
STEP 1
南瓜肉洗淨後切丁, 洋蔥切茸
STEP 2
燒熱少少牛油, 加入洋蔥炒香~再拌入南瓜肉兜勻
STEP 3
加入上湯及清水煮約30分鐘後~放涼~~再用攪拌器攪成糊狀
STEP 4
加入忌廉再煮滾後下鹽調味即成~!~
大家可以Click入 黃師奶廚藝小百科 facebook 粉絲專頁度交流吓吖~!!!
<<蝸牛甜包>>
~天氣又濕又焗~個人都冇咩feel 呢~~~家吓三月中~又到黃先生最忙日子…工作上佢又會好忙好忙~~~會好夜先收工…另外又就黎電影節~~意味著黃師奶又要步入冷宮lu~~…~不過冇所謂啦~我自己喺屋企食碟頭飯~~對住部衣車都會好忙架~~
好喇~唔覺唔覺~黃師奶原來學咗整麵包已經差不多三年喇~家吓搓包就鍾意整d古怪形狀~~今次就搓咗隻蝸牛出黎~~係咪好無聊呢~~不過黃師奶個人就係咁無聊~呵呵呵~~~~
材料: 高筋粉300g, 酵母7g, 鹽5g, 奶150g, 牛油 35g, 乳酪60g
STEP 1
將所有材料拌勻~之後就開始搓呀~搓到個圓球~之後發酵約50分鐘
STEP 2
之後呢~分割放氣喇~再發酵20分鐘
STEP 3
再定形~發酵約30分鐘
STEP 4
預熱焗爐180度十五分鐘, 掃蛋水後焗包包約10-15分鐘即成~
大家可以Click入 黃師奶廚藝小百科 facebook 粉絲專頁度交流吓吖~!!!
<<和風豆腐布丁>>
~話咁快又到星期五喇~~~大家係咪好開心呢~~~呢期格仔風波成熱話~究竟大家會唔會去L字頭間嘢都挑機呢~?最搞笑係今朝一開報紙~~就見到夏蕙姨拎住個格仔餅~挑機~~真係好搞笑~~家吓D名店只係理大陸人感受~仲要咁屈香港D 小商鋪~~真係衰到冇朋友呢~~
好喇~黃師奶喺FORUM 識咗班朋友仔~大家日日夜夜交流煮食心得~!多謝SELKO朋友仔嘅指導~~黃師奶做咗個滑滑布丁~黃先生好鍾意食喔~~~
材料: 日本豆腐一盒300G,特濃豆漿450G, 淡忌亷200G, 魚膠粉約2湯匙, 糖適量(我冇落)
STEP 1
豆腐與200G豆漿用搞拌器拌勻備用~
STEP 2
餘下嘅豆漿與淡忌亷加熱至暖暖哋~再續少拌入魚膠粉, 拌勻至冇粉粒
STEP 3
將拌好的豆腐豆漿過瀘2次~放入雪櫃最少4小時後食得~!~
大家可以Click入 黃師奶廚藝小百科 facebook 粉絲專頁度交流吓吖~!!!
<<上湯牛腩煲>>
嘩~今日真係凍咗好多呀!~~~大家記得出門口要著多件衫呢~~黄師奶呢~呢期隻左手好痛呀!~~話說有日整嘢冇lala 啲手指抽筋~嗰下痛到入心入肺~好在黃先生喺到..就幫我按下對手…點知抽完嗰次…對手臂就一路痛到家吓…尋日買餸對手都痛….睇黎黃師奶好快未老先衰架喇…..
好喇~嗱~今日玩炆牛坑腩~~點解?! 之唔係街市見到好靚囉~!見得閒就炆吓俾黃先生食囉~!~本來想用柱侯醬炆架~~~但係又想清清哋~炆完黃先生連個湯都飲埋~~開飯前你條友仔都飲咗成盅湯啦.!!~有冇咁渴呀?
材料: 牛坑腩450g, 蘿蔔半斤, 薑2片 , 蔥段適量 , 上湯適量(平時自己煲/現盛買都得)
STEP 1
牛坑腩汆水片刻~去除油脂/血水備用; 蘿蔔去皮~切大件
STEP 2
煲滾上湯後加入薑片同蔥段~拌入牛坑腩煮滾後轉細火再炆煮約20分鐘熄火焗20分鐘後再重複炆焗步驟~一次
STEP 3
~拌入蘿蔔炆煮15分鐘後焗15分鐘即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<蝦籽豬肉燴豆腐>>
呢幾日呢~唔少BLOG友就話YAHOO UPLOAD 唔到相…~黃師奶呢~就UPLOAD 相冇問題~~不過呢~就發覺慢咗好多~!~唔知道大家有冇呢個問題呢?個YAHOO係咪又搞D咩鬼UPGRADE呢….好擔心呢~
好喇~嗱~今日煮呢個<<蝦籽豬肉燴豆腐>>~~D蝦籽真係好香~!~話說有日黃先生同黃師奶去咗流浮山到玩~~順路梗係要買D 嘢啦~~買咗樽蝦籽~煮嗰時加少少~嘩~~真係好香呀!~大家得閒可以試吓整呢~!~
材料: 豆腐一盒, 豬梅肉十五蚊(絞碎), 蒜茸半湯匙
豬梅肉醃料: 生抽一湯匙, 糖及生粉一茶匙, 麻油,胡椒粉少許
調味: 蝦籽隨意
STEP 1
豆腐先灑少少鹽再蒸一蒸~之後就倒咗D 水份~ 切丁
STEP 2
豬梅肉與醃料拌勻備用~
STEP 3
爆香蒜茸~下豬梅肉兜勻~拌入豆腐~加小半碗水~再煮至汁稠
STEP 4
灑上蝦籽兜勻埋芡即成!
大家可以Click入 黃師奶廚藝小百科 facebook 粉絲專頁度交流吓吖~!!!
|
近期迴響