|
|
<<雞絲撈檬>>
~又到星期一喇~~今日終於叫做好天~!~黃師奶同黃先生喺星期六日晚上都出咗街食晚飯~~2晚都係一食完飯就落雨~!!搞到有點兒呢hea~~明明出門冇雨~食食下又落喎!!真係煩c人~~
~好喇~呢次玩撈檬~~呢碗嘢成本好低~~買檬粉~幾蚊雞jer!~~最貴係塊雞脾肉~~其他材料~屋企有現盛~!~一個professional 嘅師奶~~係要時時刻刻都要唸吓點打斧頭~yeah!!~~~~~~
材料: 雞脾肉一塊 , 檬粉
汁料: 蒜茸一大匙, 辣椒(切絲)隨意, 青檸汁及糖少許 , 魚露2湯匙 , 水3湯匙 (最好自己慢慢加各款材料到啱自己口味啦)
醃料: 紹酒少許, 鹽少許
STEP 1
雞脾肉洗淨後與醃料醃約30分鐘 !~
STEP 2
煲滾水後將雞脾肉蒸10-15分鐘至熟~放涼後拆絲~~~再放入雪櫃雪凍!
STEP 3
將汁料中嘅材料拌勻 (再自己調味)
STEP 4
煲滾水後煮檬粉一會~盛起~浸冰凍的水一會盛起
STEP 5
將雞絲放喺檬粉上, 再淋上汁料即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<黑芝麻豆腐包包>>
落雨落足成個星期~~今朝仲黃雨tim!~~~究竟幾時先好天架~~~唔通今個星期六日又要咪埋喺企避雨~?!仲唸住病咗咁耐聽日可以同黃先生出去食個飯~~!行一陣tim!~睇黎都係泡湯多~!~
~好喇~又黎玩包~屋企有盒豆腐就黎過期~well…~~又唔想煮飯~就加落包包到算~~豆腐高水份~所以黃師奶減咗少少水份~!冇加到蛋入去~用嘅豆漿都有甜味~順便減埋少少糖~!~~感覺好似冇咁肥~早餐加d ham 咁~~好豐富~!~
材料: 高筋粉325g, 酵母6g, 鹽5g, 豆漿110g, 牛油 35g, 糖 20 g, 黑芝麻2大匙, 豆腐200g
STEP 1
將所有材料拌勻~之後就開始搓呀~搓到個圓球起筋~之後發酵約45分鐘
STEP 2
之後呢~分割放氣喇~再發酵15分鐘~
STEP 3
再整形發酵約45分鐘~~
STEP 4
預熱焗爐180度十五分鐘, 掃上蛋水後放入焗盆再焗包包約35-40分鐘即成~~~
大家可以Click入 黃師奶廚藝小百科 facebook 粉絲專頁度交流吓吖~!!!
<< BABY RIBS >>
~~大家呢期有冇追COOL 魔?! ~~黃師奶又真係覺得佢KEEP 得好好~~套劇又真係拍到佢好溝死女~~~仲有咁多經典對白~~真係馬明BB都要行開少少~~搶唔到COOL 魔鏡~~~!「Rule number one, there is no rule. Rule number two, follow rule number one.」~~~~好型喔~~~~~~~~~~~
~好喇~黃師奶家吓懶人上身…WELL…..!好似好耐冇煮過飯~~嗱~~講明先~係喺屋企食架~只係冇煮中菜~煮其他~!~今次買咗條RIBS!!醃好佢~!~!個人太懶~放入焗爐算~~開餐~!~~~黃先生好BUY!!而黃師奶又洗少D碗同煲~呵呵呵~!
材料: BABY RIBS 一大條 , 檸檬汁 , 香草(隨意-自己鍾意加咩就咩啦)
調味: BBQ 味醬
STEP 1
BABY RIBS與醃料醃一晚備用
STEP 2
預熱焗爐180度15分鐘~~焗BABY RIBS約20分鐘即成~!~!!
大家可以Click入 黃師奶廚藝小百科 facebook 粉絲專頁度交流吓吖~!!!
<<洋蔥芝士鹹牛肉包>>
今個七月不利黃師奶~~呢期成日睇醫生..銀包不停淌血~….衰在黃師奶個人懶…唔係實一早起床~去排公務員家屬籌~等睇街症慳返唔少~~仲可以吊住條命tim!~~~~
~好喇~又黎玩包~見超市d鹹牛肉特價~所以買咗少少返家~!~~鹹牛肉黃師奶通常都係用黎整飛碟多~~~~一唔係就用黎整包多~呵呵呵~~~屋企有d 洋蔥芝士醬~驚死唔夠肥咁又搽咗d~!~好味架~不過好肥………………~
材料: 高筋粉350g, 酵母6g, 鹽5g, 奶150g, 牛油 35g, 蛋一隻, 糖 35 g, 芝士及鹹牛肉適量, 洋蔥芝士醬適量
STEP 1
將所有材料拌勻~之後就開始搓呀~搓到個圓球起筋~之後發酵約45分鐘
STEP 2
之後呢~分割放氣喇~再發酵15分鐘~
STEP 3
再整形放上搽上洋蔥芝士醬~鹹牛肉~~發酵約45分鐘~~
STEP 4
預熱焗爐180度十五分鐘, 掃上蛋水後灑上芝士碎再焗包包約15分鐘即成~~~
大家可以Click入 黃師奶廚藝小百科 facebook 粉絲專頁度交流吓吖~!!!
<<黑椒豬扒 (又煎又焗版)>>
….今日黃師奶要同大家講~!!小心一個個叫做胡允賢嘅女醫生~~~~!!!呢個女人喺d醫療中心到做嘅~!!~~應該會周圍去駐守睇症~!!!黃師奶前2日應該係d 菌未清~又病過~~點知睇開個醫生休息~!就走咗去睇呢個女人頂住先~~!!佢非常惡~!!冇醫德~!!冇耐性~!~!!冇用聽筒同我聽下個肺~!!!!!!仲話我因為唔係一早喺佢到睇搞到自己病咁耐~!!!!!黃師奶食咗佢d 藥2次仲衰多幾錢呀!~第朝去返睇開嗰個醫生~佢一睇就話我氣管炎~!!!呢個胡允賢呃飯食架~!!大家小心d呀!!!!!好喇~~~黃師奶成日睇d鬼佬煮嘢~見佢哋好興煎~香咗d 嘢再拎去低溫焗~!咁黃師奶今次煎香咗塊豬扒~!.!咁再包好錫紙用大約120度火慢慢焗熟佢~~黃先生一食就話好juicy!~塊豬扒包好咗~唔會焗到乾身架..~~~~大家得閒可以試下~
材料: 豬扒2塊
調味: 黑胡椒 , 蒜鹽
STEP 1
燒紅PANPAN~~~加少少牛油~下調味後將豬扒煎香~
STEP 2
預熱焗爐120度15分鐘~~用錫紙包好豬扒低溫焗豬扒大約30分鐘即成~!~!!
大家可以CLICK入去黃師
大家可以Click入 黃師奶廚藝小百科 facebook 粉絲專頁度交流吓吖~!!!
<<香煎南乳雞翼>>
~呢幾日天氣好好呀!~~話時話~黃師奶就唔LIKE 夏天嘅~~點解? 因為怕熱囉~~不過呢D 咁好陽光嘅日子~~~最好就係曬衫~呵呵呵~~~黃師奶屋企向東南~呢D 天氣~一早曬衫~下午都乾得七七八八~!~~感覺真爽~!
~好喇~又到食雞翼日子~~其實黃師奶真係好LIKE 食雞翼架~!~不過家下成日話有激素嘛~咪食少咗囉~!~雞翼真係點煮都咁好味~~.!屋企點都要有包雞翼看門口~呵呵呵~~!~
材料: 雞翼十隻
醃料: 生抽半湯匙, 老抽少許, 糖一茶匙, 胡椒粉少許, 生粉一茶匙及麻油適量
調味: 南乳一大磚, 紹酒少許 (拌勻)
STEP 1
雞翼與醃料拌勻醃約30分鐘備用~
STEP 2
將醃好的雞翼再同調味拌勻~~
STEP 3
燒紅鑊後將雞翼煎熟即成~!~
大家可以Click入 黃師奶廚藝小百科 facebook 粉絲專頁度交流吓吖~!!!
<< Indian Chicken Tandouri >>
~~唔知道大家睇咗怪獸大學未呢?!.!黃師奶呢~就睇咗lu~~~黃師奶覺得幾好睇~幾得意吖~~而黃先生呢~~就話上當年~~做怪獸公司嗰時~~我哋冇去睇到~~~其實講緊都成12年前喇~!!~嗰時我哋仲讀緊書喺學校拍下拖咋~~~~事隔12年~尋晚我哋就喺~~屋企睇返套怪獸公司~~~~係咪好sweet呢~~~~
好喇~~~有日黃先生陪黃師奶去銅鑼灣行d~~~賣印度嘢嘅小店~順便入咗d咖哩醬…其實黃師奶好怕煮咖哩….因為煮完個廚房一陣味..有排抹~~!不過黃先生鍾意食..冇計…廢事食咁飽~加咗洋蔥炆咋~~~冇落到薯仔~!大家可以一試~~~
材料: 雞膇四隻, 洋蔥一大個
調味料: 鹽隨意 , 檸檬汁少許
醬料: 印度咖哩醬大半碗
STEP 1
雞膇與醃料拌勻醃約最少2小時~洋蔥去衣切角
STEP 2
燒熱鑊後爆香洋蔥~~拌入雞膇煎香~
STEP 3
下醬料炒香~加返一碗水再煮滾~煮大約15分鐘後至收汁~焗一會即成~!~!!
大家可以Click入 黃師奶廚藝小百科 facebook 粉絲專頁度交流吓吖~!!!
<<蒜香雞絲豆腐>>
~病咗成個星期~今日終於鬼打都冇咁精神~.!~黃先生過咗冇啖好食嘅一個星期~~睇黎今個星期要煮返多d好餸俾佢先得喇~~!~~唔知道大家上星期五有冇睇換心大結局?!~~喺到不得不讚TBB編劇嘅無限創意~!~竟然玩完孖生兄弟~又玩埋換面呢招~!!~呢D橋段~真係TBB 先寫得出架咋~!
~好喇~今日整咗個涼菜~~啱哂夏天食~..!做法好簡單~~將D 雞肉蒸熟拆絲~~之後加埋豆腐同個汁就食得~!!~~加多少少辣椒絲~~同埋蒜茸~~都幾惹味架~!~
材料: 雞脾肉一塊 , 豆腐一磚
汁料: 蒜茸一大匙, 辣椒(切絲)隨意, 甜豉油2湯匙, 麻油少許
醃料: 紹酒少許, 鹽少許
STEP 1
雞脾肉洗淨後與醃料醃約30分鐘 ; 豆腐蒸5分鐘後放涼再放入雪櫃雪凍!~
STEP 2
煲滾水後將雞脾肉蒸10-15分鐘至熟~放涼後拆絲~~~再放入雪櫃雪凍!
STEP 3
將汁料中嘅材料拌勻
STEP 4
將雞絲放喺豆腐上, 再淋上汁料即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<牛肝菌飯>>
~黃師奶唔食蒸魚嘅~~~不過我食魚生架~~尋日聽收音機同新聞都講~平時食開嘅大眼雞~紅衫呢d已經就黎絕種~~~而且紅衫魚亦因為日本人好鍾意食~~..價錢喺呢幾年貴咗好多~~~~家下搞到好似乜都唔駛食咁~!牛肉又貴~魚又話絕種~雞又驚禽流感~~.~菜又驚農藥勁~~~~唉唉唉…..
好喇~~~之前超市做特價~~黃師奶見到d牛肝菌平咗唔少~~又知道我個黃先生好like 食嘅~~~咁又入咗d返家~~~~黃師奶好多時都會將d ~牛肝菌喺煮飯嗰時加入去~因為呢個方法係最懶~~哈哈哈~~~但係好味架~得閒試下啦~~~~
材料: 牛肝菌半碗, 白米一杯 , 水適量
調味料: 鹽少許
STEP 1
將牛肝菌用水浸約十五分鐘備用~..(浸牛肝菌水留用)
STEP 2
將牛肝菌切~~成小塊
STEP 3
白米洗淨後加入牛肝菌及浸牛肝菌水~~~再用電飯煲煲飯~
STEP 4
將煲好嘅牛肝菌飯加少許鹽調味即成~!!~!
大家可以Click入 黃師奶廚藝小百科 facebook 粉絲專頁度交流吓吖~!!!
<<碎蛋沙律包>>
~好喇~由上星期五開始覺得唔舒服~~到今日~well….仲未好返~!真係年紀大lu~病一病~就搞咁耐~~!唔知道大家有冇追套盛男呢?!~黃師奶覺得阿豹哥真係好搞笑~~~~睇佢同阿尤蜜真係笑爆咀~!~真係寧願呢套做長d好過~
~好喇~照慣例~問黃先生想食咩包包~~~~佢答話碎蛋沙律包~~easy easy~咁又開工喇~~呢款包好吖~型都唔駛點整~就咁放上餡料就得~~!!啱哂黃師奶呢d 懶人呢~!!~
材料: 高筋粉 200g 牛油 30g , 糖 30g, 鹽 4g, 酵母 6 g, 牛奶90 g, 碎蛋沙律隨意 (烚蛋+沙律醬+少少蒜鹽溝混啦), 蛋一隻
STEP 1
除碎蛋沙律外, 將材料搓成麵糰再發酵50分鐘~
STEP 2
將麵糰放氣後壓篇~~再發酵15分鐘
STEP 3
再整形..~發酵40 分鐘
STEP 4
預熱焗爐180度15 分鐘~搽上碎蛋沙律~焗包包約15 分鐘即成~!~~
大家可以Click入 黃師奶廚藝小百科 facebook 粉絲專頁度交流吓吖~!!!
|
近期迴響