黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

近期迴響

Google+ Badge

French Mussel

IvlH.RVDpmoKh5HqRFgm8w
<< French Mussel >>
嘩~~~今日又係下雨天~~尋晚黃師奶瞓瞓下~直頭俾d 雷聲嚇醒咗~~~…成晚又打雷~~又大雨~~今朝個天都黑哂tim!~~~~點解家吓好似weekend 就落雨~~!!weekday 就熱到爆~~實在騎呢~~

~好喇~黃先生呢~佢好愛食青口架~!~我哋有時會去小男孩到食青口~~好多時呢~我哋會喺城市超級到買返黎煮~~~!呢d 青口真係好靚架~~~~~唔似喺街市買嗰d同熟咗嘅半殼青口架~~買返黎~就算你用水烚~都好鮮味~~~今次呢pack 係法國嘅~.~~食到黃先生耳仔郁郁tim~~

材料: 法國青口 (點煮都好~唔好煮咁耐~開口就得…因為太耐d 肉會縮到好細)

煮法一: 你可以用水烚到開口食~
煮法二: 你可以用白酒烚到開口食~~
煮法三: 下次再講~呵呵呵~~~~!~

大家可以Click入 黃師奶廚藝小百科 facebook 粉絲專頁度交流吓吖~!!!

蒜香炒排骨

q5j978kSrz1uEn43vGDXXg
<<蒜香炒排骨>>
!!尋日黃師奶喺吉吉島行逛嗰陣~~~~見到D 好爆嘅嘢~WELL…唔係TBB D 姐仔哥仔~而係見到2個男人十指緊扣咁買餸~~!嗱~講明先呀!~~黃師奶唔係歧視呀!家吓呢個年代~~~~~好平常JER!~只係佢哋SWEET到揀舊薯仔~~都十指緊扣咁一起篤D薯仔~~~即係2隻手~一起撫摸D薯仔咁~…黃師奶覺得佢哋SWEET 嘅程度~~仲勁過熱戀中嘅男女~~~

~好喇~講返碟餸~~今日煮排骨~~買咗腩排返黎~~~!懶剁蒜茸豆豉~咁決定煎香佢算~~~醃咗生抽糖胡椒~煎前先加個生粉麻油拌勻~~~!呢個醃法好似有層膜包住D 排骨咁~~跟住呢個步驟醃~一定滑~呵呵呵~~~!~

材料: 腩排三十蚊,生粉一茶匙及麻油適量, 蒜茸1大湯匙, 紹酒半碗
醃料: 生抽一湯匙, 老抽少許, 糖一茶匙, 胡椒粉少許

STEP 1
腩排洗淨後與醃料醃約二十分鐘~~

STEP 2
將醃好嘅腩排與少許麻油~~~及生粉拌勻~~

STEP 3
燒紅鑊後將腩排煎至金黃~下蒜茸後快手兜炒片刻~灒上紹酒後蓋上蓋煮約5分鐘至熟即成~~~~!!!

大家可以Click入 黃師奶廚藝小百科 facebook 粉絲專頁度交流吓吖~!!!

上湯芝士龍蝦

ZpOk1EszEcu3HSXDPrD_wQ
<<上湯芝士龍蝦>>
~尋晚睇咗一個節目~話如果男人識煮飯~個女人會加個男人分喎!~~唔知道大家係咪呢? 嗱~對黃師奶黎講~!~好明顯唔係~~因為黃師奶個廚房係閒人勿進嘅~~~!咁黃師奶當下問黃先生~~~咁如果女人識煮飯~你會唔會加佢分呢?!黃先生答: 梗係加啦~!~~!出街食飯好貴架~~喺企食慳唔少…well..個答案好實際..一d都唔浪漫….

~嗱~休魚期後過後~~d 海鮮真係平咗好多呀!!!!~.!黃師奶有日喺街市見到d 龍蝦~~賣60蚊隻~~仲要係生勾勾架 ~~!即時忍唔住買黎食~今次冇用黎煲湯~~~就咁上湯芝士整黎食~!!!~打過油~~彈牙好多~黃先生食咗2隻~!!

材料: 龍蝦一隻, 洋蔥一個, 乾蔥三粒, 芝士六片, 上湯半杯

STEP 1
龍蝦放尿斬件洗淨~洋蔥切絲~乾蔥切片

STEP 2
燒熱一杯油後將龍蝦先拉油~~至轉色盛起

STEP 3
爆香洋蔥同乾蔥後拌入龍蝦兜炒片刻

STEP 4
拌入芝士片後再注入上湯兜勻蓋上蓋焗片刻即成~!

大家可以Click入 黃師奶廚藝小百科 facebook 粉絲專頁度交流吓吖~!!!

香菇豬肉飯

EO98sEjmcMO1FjoFV4kJ4A
<<香菇豬肉飯>>
嘩~嘩~嘩~!~冇啦啦又落大雨lu!~~~~唔通呢個weekend 又係咁唔好天?!不過今個星期落雨對黃師奶黎講應該冇咩所謂~~~~因為出街機會好微~~!!黃先生呢2日下午有節目~~~~黃師奶應該喺企煲定湯等佢返~!!你哋知架啦~~黃師奶成日鍾意扮係賢妻架嘛~~~呵呵呵~~~~

~好喇~又黎打斧頭系列~~~煮個粒粒餸~~鋪上飯面好送飯~~~黃師奶原本唸住用d 蠔油兜佢2兜算~~不過煮嗰陣~咁啱個老火湯又煲好喎!~~懶起上黎~倒半碗湯落去做上湯炆~~好入味~~!黃先生好滿意~~成個竹筒飯食哂架~!

材料: 豬柳梅(絞肉) ,香菇5隻, 榨菜一小包, 白飯2碗
豬肉醃料: 生抽一湯匙, 糖一茶匙, 麻油及生粉各一茶匙, 胡椒粉少許
香菇醃料: 糖一茶匙, 麻油少許
獻汁: 上湯大半碗

STEP 1
豬柳梅與醃料拌勻備用~.之後可能攪到超膠

STEP 2
香菇浸軟後~切粒~加少少糖及麻油拌勻

STEP 3
先將豬肉及香菇炒至好香好香~再拌入榨菜後注入上湯炆煮一會淋上白飯即成~~~!!!~~

大家可以Click入 黃師奶廚藝小百科 facebook 粉絲專頁度交流吓吖~!!!

香草意粉

SflTtTtTVbXRbNbIi_q7Cg
<<香草意粉>>
~~早2日睇新聞~~話港女冇人吼~港男北上搵女~!~~仲話香港女仔比唔上大陸女仔喎!~~~~唔知道大家有冇睇到嗰篇報導呢~!~!其實港女唔係唔吼d港男~只係港女已經有張身分證啦~仲駛咩嫁個做得自己老豆同阿爺嘅男人吖~~~!條件好嘅男人~一早俾人mark 住啦~駛屎返大陸咩~

~好喇~是日煮咗個意粉~~~其實有時星期六日等黃先生瞓醒~~~冇落街食brunch呢~就會煮個意粉算~!~~嗱~喺企有時煮個輕便午餐~真係抵食過喺屋企樓下食架~~~可能因為黃師奶屋企樓下d 嘢實在太貴……………

材料: 意粉隨意 , 羊脾肉隨意 , 芝士碎, 牛油一湯匙
羊脾肉調味: 黑胡椒 , 蒜鹽 , 香草
醬料: 香草醬2大匙 (可以買現盛或者用自己喜歡嘅香草打碎~加橄欖油拌勻)

STEP 1
羊脾肉與調味拌勻備用~~

STEP 2
煲滾水~下少許鹽糖同油~如意粉上嘅包裝需煮8分鐘~~就煮佢6分鐘~再瀝乾水份~

STEP 3
煮溶牛油~拌入羊脾肉後下調味再煎至五成熟~~~

STEP 4
拌入意粉~加入芝士碎及香草醬兜勻~再加少少橄欖油~同少少蒜鹽調味即成!~~!

大家可以Click入 黃師奶廚藝小百科 facebook 粉絲專頁度交流吓吖~!!!

蒜香菇菇

l8XE7s8K8Ttm4aiL4J42ZQ
<<蒜香菇菇>>
~又到咗星期一~~尋日黃師奶同黃先生一早出咗街~!~~返咗娘家全家一齊去咗帝都食自助餐~~~講真~成世女都未試過食自助餐咁多人架….~自由行就一定有架喇….可能佢價錢算平同多嘢食啦…~.真係成場都要排隊….d 碟好似洗唔切咁..!…出面係冇乜碟供應…總之真係好誇張….

~~~好喇~~~今日又好懶~!買包菇炒咗佢算~呢款韓國迷你直菇都幾好味~!細細件咁~!~~加少少牛油蒜茸炒佢幾嘢~就好香呢~!~價錢又抵喎!~10幾蚊一大包~~好夠食架~~大家得閒買黎試吓吖~!

材料: 韓國迷你直菇一pack , 蒜茸一湯匙, 牛油隨意 , 蒜鹽少許 , 紅青椒隨意

STEP 1
菇菇清潔乾淨; 紅青椒去籽後~切細件

STEP 2
爆香蒜茸及紅青椒~拌入菇姑炒香~加少少牛油兜勻~~煮熟再落蒜鹽調味即成~!

大家可以Click入 黃師奶廚藝小百科 facebook 粉絲專頁度交流吓吖~!!!

洋蔥芝士花卷 (湯種法)

kbrGV9Ln3u_l4ZKXEPjNKg
<<洋蔥芝士花卷>>
~HAPPY FRIDAY!~~~又到咗星期五LU!~呵呵呵~~~~大家有冇睇情逆三世緣?哈哈哈~~套嘢都幾搞笑~~!真係好耐冇見過歐陽波比同關詠荷~呢個組合~!佢哋又真係幾有收視保証~~!講埋咩副學士…勾羊鎮~~同埋條"關"永河~.!!!睇黎笑吓開心吓都幾好~!

~好喇~搓吓包包先~~~~嗱嗱嗱~!!~~黃先生話唔想食個包太多餡~因為朝早我仲會煎下腸仔蛋架嘛~咁個包又餡又好HEAVY!~~~但係乜都冇又好DRY喎~!咁黃師奶就用咗少少洋蔥芝士醬做餡~~! ~焗出黎味道幾好~可以一試~!

材料: 高筋粉 200g 牛油 30g , 糖 30g, 鹽 4g, 酵母 6 g, 牛奶90 g, 湯種75g
餡料: 洋蔥芝士醬隨意

STEP 1
除餡料外, 將材料搓成麵糰再發酵50分鐘~

STEP 2
將麵糰放氣後壓篇~~再發酵15分鐘

STEP 3
再整形~搽上洋蔥芝士醬~發酵40 分鐘

STEP 4
預熱焗爐180度15 分鐘焗包包約15 分鐘即成~!~~

大家可以Click入 黃師奶廚藝小百科 facebook 粉絲專頁度交流吓吖~!!!

蒜汁肉片炒河

2QTze43kThhRionO8wDvmw
<<蒜汁肉片炒河>>
今早起身~相信唔少朋友仔都好關心風暴消息~!~家下落咗風球~黃先生上咗班lu!~而黃師奶呢~又搞吓個blog除草先~~~!黃師奶屋企向東南~打到好應~~~~尋晚成晚都瞓得唔好~!!~家下仲落超大雨~!!~唔知幾時先好天呢~?!

~好喇~今日食炒河粉~~well…好一個打斧頭嘅晚餐~!~買咗d 牛肉~加咗蒜茸去醃~!d河粉買咗返黎記得要鬆開佢.!~咁會易炒d~!炒河粉黃師奶覺得個火要夠猛~對手要夠快~咁先上色上得靚~!!大家得閒整黎食吖~!~

材料: 牛肉隨意 , 芽菜少許(我買咗3蚊到) , 炒河粉(我買咗8蚊到) , 洋蔥半個(切絲)
牛肉醃料: 糖一茶匙, 蒜茸2茶匙, 麻油及生粉各一茶匙, 生抽一茶匙
調味: 老抽及鹽

STEP 1
芽菜洗淨汆水盛起(唔好汆咁耐~秒數計好喇~唔係唔好食)

STEP 2
~燒紅鑊後兜炒牛肉至轉色後盛起

STEP 3
爆香洋蔥~~拌入河粉再下老抽調色~快手兜勻~!下牛肉兜炒片刻後再拌入芽菜兜2下再調味即成~!~~~~~

大家可以Click入 黃師奶廚藝小百科 facebook 粉絲專頁度交流吓吖~!!!

什菜海鮮湯

4hxzWKu.VjD1y9Dvk_5Qrw
<<什菜海鮮湯>>
~~嘩嘩嘩~~有個強颱風黎緊bor!~~究竟呢個風打唔打得成呢?!?.!今朝睇好似都打得幾正咁~~~唔知個李氏力場功力如何~~~~會唔會呢幾日係咁發功~~推返個颱風去第到呢~呵呵呵~~~~~~~~

~好喇~有日黃師奶經過一田~~見到包鑽石蜆好抵喎!~做緊特價.!~!又買咗pack 返去~嗰日唸住煲什菜湯~ ~黃師奶個人好懶~決定個湯煲好後~!放埋d 蜆煮熟佢~!個湯有蜆味~好香~~~黃先生都讚話好好味呢~!!

材料: 甘筍3條 , 薯仔3個 , 西芹半棵 , 洋蔥2個 , 蕃茄3個 , 豬肉250g , 鑽石蜆600g , 茄膏2湯匙

STEP 1
將所有蔬菜類嘅食材洗淨去皮去衣切丁; 豬肉汆水片刻 ~鑽石蜆沖洗乾淨~!

STEP 2
燒熱煲, 下洋蔥丁炒香~再拌入其餘蔬菜類嘅食材, 下茄膏兜勻

STEP 3
注入熱水及豬內~煮滾再轉小火煲2個小時

STEP 4
隔起所有蔬菜類嘅食材再用攪拌器打成糊狀( 湯留用 )~~~

STEP 5
將蔬菜糊倒回湯中, 再煮至自己喜歡嘅濃度下蜆煮至開口再下少許糖及鹽調味即成~!

大家可以Click入 黃師奶廚藝小百科 facebook 粉絲專頁度交流吓吖~!!!

甜味奶油包 (湯種法)

vdlY9YYNBht7V3UZx7Smww
<<甜味奶油包>>
~~黃師奶呢期沉迷咗玩i love coffee 呀!~~~~~唔知道大家有冇玩呢?! 將間咖啡店扮到靚靚咁~呵呵呵~~~呢個game黃師奶覺得好玩過個糖~~~你哋有冇玩呀?家吓成日要沖咖啡咁~好忙好忙~~呵呵呵~!!!

~好喇~呢期懶咗冇寫麵包食譜~~嗱嗱嗱~!!~~包係有整嘅~只係廢事個blog 變咗烘焙blog~所以寫吓其他囉~!~!~今次個餡料~我係搽咗少少~牛油融液同埋砂糖~食落去甜甜哋咁~!~~!又好似冇其他醬咁肥~!! !味道唔錯架~可以試下呢~!

材料: 高筋粉 200g 牛油 30g , 糖 30g, 鹽 4g, 酵母 6 g, 牛奶90 g, 湯種75g
餡料: 牛油融液及砂糖少許

STEP 1
除餡料外, 將材料搓成麵糰再發酵50分鐘~

STEP 2
將麵糰放氣後壓篇~~再發酵15分鐘

STEP 3
再整形~搽上餡料..~發酵40 分鐘

STEP 4
預熱焗爐180度15 分鐘焗包包約15 分鐘即成~!~~

大家可以Click入 黃師奶廚藝小百科 facebook 粉絲專頁度交流吓吖~!!!