|
||||
|
|
<<香脆蝦頭>> 早早早~返埋今日~打工仔明天又多一日十一國慶假~~係咪好開心呢~~黃師奶呢~~今晚就會見班朋友仔喇~~就係識由細玩到大~由小學玩到大家變c9 嗰班friend 呢~~呵呵呵~~聽日係假期~今晚出去都可以去夜d~~唔知大家會唔會打牌玩下場呢~哈哈哈~~係就記得帶多d 錢出黎~~~輸喎~~~~~~~~~~~~~~~~~~~~~~ 好喇~又講返碟小吃~呵~~話說上次整炸雞扒嗰時炸過d油留起咗~咁嗰日見到d海蝦好肥美~又唔想黃先生食時要剥殼咁煩~咁黃師奶呢個賢妻梗係剥殼去頭留尾咁煮啦~剩返d蝦頭~又唔想用黎煲湯喎!~見有d油喺到~就炸咗佢俾黃先生做小吃喇~佢話好香脆~蝦頭又多膏好正喎!~~大家記住呀!~d蝦頭係寶黎~唔好就咁丟咗佢~! 材料: 蝦頭約20隻 , 麵粉3湯匙 調味: 胡椒粉及鹽少許 STEP 1 鮮蝦沖洗乾淨後去頭(記得要抺乾水份) STEP 2 用一個筲箕裝住D蝦頭~灑上胡椒粉及鹽略鹽!!最後拌入麵粉~要隻隻蝦都沾上麵粉~再將多餘的麵粉"鄧"走佢~~ STEP 3 燒熱2杯油~將蝦頭炸至金黃香脆即成~ 
<<日式炸雞>> 黃師奶最近試緊嚴浩嘅提子乾水食療~呢個食療係專治濕疹皮膚嘅~唸住見佢唔係難整~成本又低~咪試吓囉~點知呢個食療真係堅work喎!初初食咗嗰幾日~頂..!!!!會谷哂出黎…其實佢都講明初初會咁~只要堅持~就會好轉~咁黃師奶痛苦咗一星期到~之後明顯榭咗好多~家下已經叫做好咗6–7成~連帶對主婦手都好咗好多~大家如果有濕疹煩惱, 不妨一試~! 好喇~又黎講返黃師奶碟餸先~買d雞肉/雞肉返黎~~醃咗入味先~~之後用日式炸漿炸咗佢~炸到金黃~扮哂嘢咁用d日式碟碟碗碗裝埋整色整水~又一餐~個賣相呃到黃先生架~呵呵呵~~ 材料: 雞肉/雞肉2件 , 日式炸漿 (請參閱包裝上嘅開漿方法~因為隻隻牌子唔同嘅), 油2杯 調味: 鹽2茶匙 , 檸檬汁少許 STEP 1 將雞肉灑上調味及檸檬汁醃四個小時~~ STEP 2 根據包裝上嘅開漿方法~整返個日式炸漿~將雞肉與炸漿拌勻 STEP 3 燒熱2杯油後~將雞肉炸至金黃熟透即成~!
<<銀魚仔排骨飯>> 隻天兔就走咗喇~呢幾日終於冇咁熱~今朝天文台仲話呢幾日早上會涼返d~叫大家記得添衣喎!~~不過講緊都只不過係24度咋~!!!黃師奶實在太太太怕熱~希望冬天快d 黎到~!到時著返d 長袖衫~遮下d byebye肉先~ 呵呵呵~~~ 好喇~又黎一個懶人餐~一煲飯~滿足我個黃先生~食到飽飽~呵呵呵~~見屋企有銀魚仔~整d落去~醃好個腩排~煮前先加麻油同生粉拌勻~今次黃師奶用Staub煮~超鎖水~呵呵~又夠熱力~~慳水慳力慳功夫~! 材料: 腩排450g , 銀魚仔少許 , 白米2杯 , 水約 1.5杯 , 辣椒絲隨意 , 生粉一茶匙及麻油適量 腩排醃料: 生抽一湯匙, 老抽少許, 糖一茶匙, 胡椒粉少許 STEP 1 腩排洗淨後與醃料醃約二十分鐘 ; 煮前再將醃好嘅腩排與少許麻油及生粉拌勻~~ STEP 2 銀魚仔洗淨後浸軟 ; 將白米洗淨 STEP 3 煮滾1.5杯水後, 拌入白米蓋上蓋中火煮約2-3分鐘後開蓋轉小火煮多約4分鐘後收乾水份 STEP 4 拌入腩排及銀魚仔後蓋上蓋用小火煮約7-8分鐘, 如果想要飯焦~呢個時候可以較至中火煮多2分鐘 STEP 5 熄火後不要開蓋再焗最少15分鐘~食時灑上辣椒絲及煲仔飯豉油即可~
<<簡單扭紋型>> 嗱~~上面呢款包黃師奶覺得外型好CUTE~~步驟亦好簡單~好啱D 初學整包包朋友仔~想知道點整?! 又快d 去相先~~~
STEP 1 將已經發酵好~而又鬆弛咗15分鐘嘅麵糰壓成長條形~!
STEP 2 將右面嗰條搭上左邊嗰條~記住個尾尾要留長d~屈埋打結用~黃師奶知道好難明~~自己睇相啦~呵呵呵~~
STEP 3 再將上面嗰條包住下面嗰條咁~屈返去原來的位置~!
STEP 4 將個尾尾向中間個LOAN LOAN 方向屈入去~~
STEP 5 尾尾凸出黎嗰PART 我就手起刀落切咗佢~! 呢個係未焗同未最後發酵個衰樣~
嗱~掃咗蛋水焗完個靚仔樣~~ 講真~~黃師奶整麵包仲有好多進步空間~平時好鍾意將D麵糰扭黎扭去~大家得閒可以咁試下玩~就整到好多唔同款的造型包包呢~呵呵呵~~
<< 脆脆大蝦PIZZA >> 呵呵呵~~~天兔就走lu~~相信唔少朋友仔以為今日可以呃多日假~可惜可惜~~最後都係連半日都呃唔到~~又要冒雨出門口lu~~呢2日樓下d超市仲慘過打仗~冇麵包~冇杯面~冇米~冇新鮮食材~真係撞鬼~打個一日風唔駛咁誇嘛?!黃師奶自問家中存貨夠食十日十夜啦~~點駛落街同人搶糧呀? ~嗱~講返個PIZZA先~PIZZA 上面嘅假仁呢~或者海鮮材料~黃師奶覺得最好先醃一醃再炒熟先放上PIZZA到焗~~因為呢d 海產都高水份呀有好多水份~如果就咁放上PIZZA面焗熟~咁佢會標水~就會影響咗PIZZA嘅脆脆口感~! 嗱~黃師奶係做薄脆批~我個方法係真的冇加酵母~大家可以參考吓~ 麵糰材料: 高筋粉125g, 橄欖油8g, 鹽少許, 水70-75g STEP 1 STEP 2 STEP 3 STEP 4
黃師奶只係分享吓麵包造型心得~呵呵呵~~希望大家鍾意~~唔好覺悶啦~呵呵呵呵呵~~~
呢款"金醬油"價錢仲唔貴, 慳埋慳埋又可以加餸喇, 真係值得推介呢~呵呵呵~用咗一湯匙到醃已經夠入味, 黃先生都食到耳仔郁郁, 叫我記得下次要再煮TIM!~ 材料: 腩排三十蚊,生粉一茶匙及麻油適量, 冬菇5隻 STEP 1 STEP 2 STEP 3 今次用咗李錦記的金醬油黎煮呢個排骨, 黃師奶覺得金醬油嘅味道好好~濃淡味都好適中~ 小貼士: 醃咗生抽糖胡椒~煎前先加個生粉麻油拌勻~~~!呢個醃法好似有層膜包住D 排骨咁~~跟住呢個
嗱~今日又煎雞翼~~~雞翼呢家嘢~真係點煎都咁好食~!呵呵呵~~今次黃師奶用咗銀蝦XO醬~~爆香D醬嗰時~~真係成屋都聞到~黃先生仲係咁問~整乜鬼嘢咁香嘅~~~將D雞翼煎到金黃~個皮個好香口~~今餐又肥C喇~!!!!! 材料: 雞翼十五隻 STEP 1 STEP 2 STEP 3
黃師奶在此鳴謝黃家嘅電腦部總幹事黃先生~多謝黃先生連日來為呢個網站出心出力~~ I LOVE YOU!~~~~~~ 好喇~呢期黃先生話早餐鍾意食無餡餐包配腸仔雙蛋喎!~~收到柯打~梗係照做啦~!呵呵呵~~~不過黃師奶又覺得餐包實在太DRY 喇~咁焗之前加少少芝士碎喺面~!早餐配埋杯COFFEE~~咁就好似阿陳豪咁講~PERFECT!~~~~ 材料: 高筋粉 350g 牛油 40g , 糖 35g, 鹽 4g, 酵母 6 g, 牛奶105 g, 湯種120g, 蛋一隻 STEP 1 STEP 2 STEP 3 STEP 4
!!好喇~黃師奶呢~!係一個非常有童真嘅師奶~~~!好鍾意鬆弛熊架~~~呢次個飯糰呢~用咗牛肝菌整~!!~咁浸完d 牛肝菌後~唔好倒個浸菇水~!~!再用d菇水煮飯~咁 d 飯就會變成呢個啡色架喇~耳仔同個鼻黃師奶就用咗芝士黎整~~~~!煲好d 飯~~加少少鹽調吓味~入落個模到就食得lu~呵呵呵~~~~ 順便多謝阿FION小姐~~~~送咗張相入面架鬆弛熊車仔俾我~呵呵~
|
|||
|
Copyright © 2023 黃師奶廚藝小百科 - All Rights Reserved Powered by WordPress & Atahualpa |
||||
近期迴響