十月 « 2013 « 黃師奶廚藝小百科

麵包造型 – 一朵花

今日黃師奶想同大家分享相中好似一朵花咁嘅包形~!希望BLOG友鍾意啦~!
想知道點整?! 又去相先~~~~~~

STEP 1 將已經發酵好~而又靜止咗15分鐘嘅麵糰壓成手長咁大到嘅橢圓形~!~JM 唔駛太在意佢個樣唔靚仔~咁上下圓就得~~

STEP 2 手起刀落~將個橢圓形喺中間一分為二~!

STEP 3拎起四片半圓~好似上面咁搭埋一齊~係咪好易明呢~!!!

STEP 4 唔該唔好笑黃師奶隻肥手~!!!!! 由最底嗰片開始卷~

STEP 5 繼續肥手相~~~卷呀~卷呀~

STEP 6 連續三張豬手相~~呵呵呵~~繼續~卷呀~卷呀~

STEP 7 卷完反轉~未掃蛋水未焗個樣~~~

制成品~

嗱~鍾意睇嘅blog友仔, 多謝大家支持~~!!為咗blog友仔.黃師奶隻肉手第一次出鏡喇~!!!唔准笑呀

大家可以Click入黃師奶廚藝小百科 facebook 粉絲專頁度交流吓吖~!!!

厚切豬扒伴香草蛋黃醬 (有香草蛋黃醬做法)

<<厚切豬扒伴香草蛋黃醬>>
今晚大家會唔會熄電視呢?!哈~~而黃師奶呢~就一定唔會喇~因為慣咗開電視~唔睇都聽聲~!夜晚如果轉開收音機~D節目又唔係太吸引~同埋黃師奶要睇阿殘雞英~因為殘雞英實在太慘喇~!!!俾阿信浪費咗咁多年青春~!!!真係越睇越嬲~!

嗱~黃師奶學完個法國菜~真係有用架~今次就整咗個香草蛋黃醬黎配豬扒喇~!呵呵~黃先生係咁話好好味~好JUICY 喎!~黃師奶用STAUB煎~非常鎖水~真係保留哂D肉汁~配埋個醬~~呢餐又大滿足~!

材料: 厚切豬扒2塊
豬扒醃料: 蒜鹽及黑胡椒少許
香草蛋黃醬材料: 蛋黃一個, 100ml油(切忌用olive oil) , 黑椒及鹽少許, 檸檬汁一茶匙, 芥末子一茶匙, 香草隨意

香草蛋黃醬做法
STEP 1
香草(可用蕃茜/蔥/芫茜/龍蒿)切碎;

STEP 2
將蛋黃加入檸檬汁及芥末子打發至淡黃色;

STEP 3
再逐少(記住逐少加, 唔係實賴嘢)加入油再不斷打發至杰身;

STEP 4
加入香草碎拌勻後再加少許鹽及糖調味即成香草蛋黃醬

厚切豬扒伴香草蛋黃醬
STEP 1
將豬扒與醃料拌勻先調味; 大火煎封肉汁

STEP 2
蓋上蓋再煎至熟透淋上香草蛋黃醬即成

大家可以Click入黃師奶廚藝小百科 facebook 粉絲專頁度交流吓吖~!!!

Jacob’s Creek x Christian Yang 第二堂(實習班)

嗱嗱嗱~~~呢隻唔係雞~~係鵪鶉~!今堂主菜係學整鵪鶉批~~~

CHRISTIAN 教我哋拆骨起肉~

仲教咗點煲高湯~~!呢個好有用~~日後煮西菜好常要高湯呢~!

之後將料頭~鵪鶉碎煙肉炒香~~

加紅酒高湯就煮好個餡~呵呵呵~~

CHRISTIAN仲教咗整百搽皮~呢個都好有用~!呵呵呵~

嗱~~焗緊我個作品

嗱~呢個就係鵪鶉批~~切咗一件黎影相~黃先生自己食哂一個6寸批~仲係咁話好好味真係~~

除咗個鵪鶉批~仲有個甜點~燕麥脆脆伴香蕉雪糕球~

整緊個焦糖~~~好肥好肥~~~

呢個燕麥脆脆幾好味真係~學到嘢~~~

呢個就係個甜品~黃師奶都好鍾意食~~~

總括黎講~今堂真係學到嘢~令黃師奶多咗煮意~~~黃先生都問我返學返得開唔開心~哈~~~~~

大家可以Click入黃師奶廚藝小百科 facebook 粉絲專頁度交流吓吖~!!!

黑芝麻腸仔包 (湯種法)

<<黑芝麻腸仔包>>
黃師奶屋企樓下家下變得越來越多金鋪…基本上D小店冇哂…賣日用品嘅鋪頭都執哂~呢2日周圍都圍哂板….家下聲稱話要變成東九龍圓方喎…WELL..好心啦….有冇唸過住呢到D人嘅感受呀?!乜鬼都冇哂…洗張被都要行15分鐘去隔離條村呀….整咗2間酒店家下又勁多大陸人!!個個成日拎個喼LOOK人對腳~!阻住哂~!!好討厭呀!!!

黃先生喜愛食腸仔包~~~呢個EASY 啦~~屋企成日都有腸仔架~~今次用湯種~咁第日食都好軟熟呢~!見屋企有好多黑芝麻咁黃師奶又加D~~焗出黎好YUMMY 喔~~~黃先生一下子食咗3個喔~

材料: 高筋粉 350g 牛油 35g , 糖 30g, 鹽 4g, 酵母 6 g, 牛奶100 g, 湯種120g, 蛋一隻 , 香腸及黑芝麻適量

STEP 1
除餡料外, 將材料搓成麵糰再發酵50分鐘~

STEP 2
將麵糰放氣後壓篇~~再鬆弛15分鐘

STEP 3
再整形~發酵40 分鐘

STEP 4
預熱焗爐180度15 分鐘掃上蛋水~灑上黑芝麻焗包包約15 分鐘即成~!~~

大家可以Click入黃師奶廚藝小百科 facebook 粉絲專頁度交流吓吖~!!!