<<雞絲素翅>>
最近大家都係咁講王維基單嘢喎!~唔知最後會點收科呢?!作為一個師奶~~覺得多個台睇~唔駛下下睇無記實在係一件好事~無記D劇近年都爛到唔爛~~不過呢D嘢肯定有政治因素架喇~~小市民都係唯有硬食架JER!~
哈哈哈~~碗仔翅就碗仔翅啦~又要PATPAT 痕叫做雞絲素翅~呵呵呵~~話說有日買咗包素翅喎!咁就將平時會用嘅粉絲改咗做素翅~~包素絲我喺九龍城買嘅~~~味道唔錯吖~至於平時黃師奶會用豬肉拆絲煲~今次改咗做雞肉喎!~YUMMY YUMMY~~~
材料:上湯500g , 浸菇水200g , 冬菇六隻, 木耳隨意, 素翅隨意, 雞蛋一隻 , 雞肉200g
雞肉醃料: 鹽少許
調味: 老抽一至二湯匙, 鹽及胡椒隨意
STEP 1
冬菇浸軟後去蒂切絲, 木耳浸軟後與冬菇絲加少許糖同麻油醃一會 ;素翅浸3個小時備用
STEP 2
雞肉洗淨後加入醃料拌勻~將雞肉蒸熟
STEP 3
煮滾上湯及浸菇水後加入冬菇絲,木耳及雞肉絲煮約十五分鐘後下素翅~最後用生粉水埋芡至杰身~加入蛋花及調味調色即成~!
6699 Total Views 2 Views Today
大家可以Click入 黃師奶廚藝小百科 facebook 粉絲專頁度交流吓吖~!!! 
我係超鍾意食碗仔翅架, 讀書時幾乎一日食一碗! 用素翅的確係比用粉C好食好多!
嘩~你又真係好嘢~食極都肥~!
我要一大碗吖 , thx︿︿
好呀好呀~即到~!
如果我呢邊有素翅賣就好啦。 我都贊成發多個牌架,好過睇極都係無線。
tbb 咁大~~冇competition!~~家吓拍得好hea!~
我都覺背後係有d嘢…阿爺唔比點嘈都無用!
係呀小高~呢d 都係政治問題~!
我習慣一入屋就開電視, 唔睇都聽聲, 所以多個台都好架。 素翅口感是否很似真的?
素翅口感又唔係真咁~不過好過用粉絲呢~!!!我同你一樣~我慣咗開電視架~間屋冇咁靜好d!~
你包素翅係咪係好東西處買呢?浸三粒鐘而要預早浸掟定~~EE
ee~我喺皇上皇買架~~~台灣仔~我見佢包裝寫明要浸架呢~!
原來D素翅要浸3個小時先煮得㗎?
我見佢包裝寫明要浸架呢~!同埋唔浸應該好難煲~好乾身架~!
唔該,我要一大碗吖!
即到~!