黃師奶廚藝小百科

嗱~呢間嘢係食早餐出名嘅~係一個叫Bill Granger 嘅人開架~!~呢間餐廳名氣好大~~係"全世界最好味嘅早餐"~~bills 喺日本都開咗分店~~如果假日黎~又係排餐死嗰種啦~~~黃師奶同黃師奶喺佢未開門就去等lu!~~~喺門口排隊已經聞到香味~~~~~~

 

好~呢張相係黃師奶pat pat 痕無聊影嘅~~呵呵呵~等食中………………………….

 

黃師奶點咗個scone~黃師奶認為一間餐廳好唔好食~點個scone 已經猜到~!!well…(食家口敏咁…其實c9一名)~ scone 個餡係紅莓醬~真係有驚喜!~~食完呢個scone, 黃師奶即時叮一聲有煮食靈感~~哈~~~

 

嗱~就咁望好似一份普通嘅早餐~~不過真係好好味~~~蛋係炒得好滑~~仲有煎香咗嘅煙肉~加埋蕃茄~腸仔咁~~一路食~~一路同心愛嘅人傾計~~~~黃師奶覺得好開心架~~~well….不過黃先生只係顧住食食食…..

 

呢份係另一份炒蛋多士~~黃師奶覺得舊牛油先係精華呀!~~好香濃嘅牛油味~~再略微有少少鹹味咁~真係同黃師奶平時煮嗰d頹早餐冇得比啦~

 

呢杯係黃先生點嘅拿鐵咖啡~~~黃先生話好好飲~~~~~~睇個拉花~~靚靚咁~~哈~應該再整個屎忽d嘅拉花嘛!~~~

 

呢杯係黃師奶點嘅朱古力~有少少失望~因為係用粉開的…well…不過粉開黎講算係好飲~

總括黎講~呢間早餐真係算唔錯~~環境幾好~~食物質素都好好~~~同自己喜歡嘅人去食早餐行下~~點都好feel!~

 

bills
Access: Seaside Mall 3F, 1-6-1 Daiba, Minato-Ku, Tokyo
TEL +81 3-3599-2100  FAX +81 3-3599-2101

大家可以Click入 黃師奶廚藝小百科 facebook 粉絲專頁度交流吓吖~!!!

呢一間位於築地市場嘅壽司大真係好好食~~!之前八過話要晨早去到~~晨早係講緊五六點咁..呢間嘢係開晨早五點嘅~!啲人話九點去到排到食嗰陣已經係中午時間lu~黃師奶都係晨早去排….well…都等咗好耐…

黃師奶揀咗3,900yen 嗰個餐~即係由壽司師父揀取當日最新鮮食材~!總共有10件壽司係師父揀嘅~之後你可以喺呢10款中再order多一件壽司作為第11款~~~

嗱~~見唔到見~個鋪細到不得了~黃師奶數過~得13個位~!!連食客啲包包都要放上架到~!你每食一件~師父先做另一件俾你~可想言之~間嘢幾咁多人吖~!

嗱~~黃師奶超愛的酸薑~哈~食完個師父又再俾d 薑黃師奶~個師父仲同黃先生講話我咁鍾意食~>_<"

嗱~見唔見到~~師父做好壽司後~就會放喺前面嘅木枱到~碟都冇架~~食之前~師父仲好貼心咁問你要唔要將芥辣放喺舊壽司到tim!~~~

嗱~~~大吞拿~入口即溶~唔怪得排隊個陣有個鬼佬食完都講~"worth to wait “~~哈~~

黃師奶就唔好麵豉湯~拔~一場黎到飲吓~又真係好飲喎!連黃先生都激讚~!

嗱~~見唔見到~~~壽司飯份量較細~但係個魚生就又大又鮮~~~~

哈~黃師奶真係唔記得d壽司d名喇~不過大家睇相~都見到真材實料啦~~~

see~~師父一路做~仲同大家有傾有講架~嗱~呢d 咪叫人情味囉~

呢個玉子~~好滑好好味架~!黃師奶未食過咁好味嘅玉子~~~

鰻魚~~~黃先生食到耳仔郁郁喇~~~~~睇下d 醬汁~~~真係柯e c~~~~

睇下塊紫菜~~~食落仲脆~~~d 三文魚子食落好鮮甜~~~

呢塊係活北寄貝~放上枱面嗰陣~仲生勾勾郁架~~~一個字~"鮮"~!!!

嘩嘩嘩~~肥美嘅海膽~~睇到係咪好想食呢?!

呢款係吞拿魚同北寄貝嘅卷物~~都好好味架~~~~

呢款係蝦~~~~唸起又再肚餓tim!~~今次黃師奶實肥c喇~~~~~~~~~~~~

呢款就係燒過嘅吞拿~~~配上醬油~又再一次溶化喺黃師奶個口到~~~~~

每一件壽司都係咁好味~~~~師父仲會同你講邊款壽司係唔需要再添加醬汁~好貼心~

嗱~呢間壽司大真係好好味~~10個好味黃師奶真係會俾夠10個爆架~!佩服老板嘅堅持~講真~咁多人排隊~老板都冇開分店~小小嘅鋪位充滿人情味~

築地市場壽司大
築地飲食業協議会　築地市場　6号館2F　TEL 03-3541-0952　FAX 03-3541-0958
営業時間　AM 5:00～PM 2:00

大家可以Click入 黃師奶廚藝小百科 facebook 粉絲專頁度交流吓吖~!!!