<<蘋果雪耳紅棗水>>
HAPPY FRIDAY!~~~家下黃師奶好健康~晚晚都去屋企樓下行下跑下郁下咁~呵呵呵~唔知咁有冇有助肥膏燃燒呢?! 落去公園行~其實見到好多嘢~哈~乜人都有~~黃師奶最鍾意八八掛掛周圍望~!見到有D人D自創健身動作真係千奇百趣~!
好喇~家下入咗秋~WELL~~其實都唔係好凍…只係乾燥咗JER!~~咁黃師奶會周不時煲返D滋潤湯水~今次用咗蘋果雪耳~~加少少紅棗~啱哂呢個天氣飲~~~加少少糖~雪凍飲又得~!剛煲起飲又得~!
材料: 蘋果2個, 雪耳2個, 水6杯, 冰糖少許, 去核紅棗少許
STEP 1
將蘋果去皮洗淨再去芯 ; 雪耳浸軟後剪成小片; 紅棗(去核)洗淨後剪成小片;
STEP 2
煲滾水後放蘋果雪耳及其他材料煮30分鐘再焗15分鐘後加少許冰糖調味即成~
5559 Total Views 1 Views Today
大家可以Click入 黃師奶廚藝小百科 facebook 粉絲專頁度交流吓吖~!!! 
我試過跟你食譜煲蘋果雪梨水
隻鴨鴨好靚呀!
哈~我喺淘寶搵返黎呢~!
持續行下跑下廿分鐘或以上..就可以燃燒肥膏 ^~* 加油!!
我冇氣跑得耐~都係行下跑下咁咋~!
好潤喎飲多碗至得。
天氣乾燥嘛~所以要煲多d~!
好滋潤呀!雪耳又養顏,黃先生真幸福 ╰( ̄▽ ̄)╭
哈~我鍾意整嘢食~黃先生係白老鼠
你介紹的糖水正呀!等我都試吓先!請問你這個鴨仔碗和蘋果雪梨水果篇個杯在那裏買呀?
鴨仔碗我喺淘寶買架~另外隻杯我喺12蚊店買呢~!
我鍾意兩隻鴨仔碗多D呀!
鴨仔碗我喺淘寶買架~
兩隻鴨仔好有趣~~EE
ee, 我都好鍾意呢對碗~!
我鍾意你呢兩個鴨仔碗呀!
鴨仔碗我喺淘寶買架~
我以前都鐘意食完飯落樓下公園行下, 但家陣有兩個囝囝, 一定要跟住去, 但佢哋食飯又慢, 等得嚟我都冇興緻落樓了.
正常吖~如果有小朋友~就冇咁得閒咁relax 呢~!
果然好滋潤, 等我放假煲番嚟飲先
cici, 試吓整吖~呢個好潤呢~!