<<蒜汁牛肉炒菇菇>>
呢幾日新聞係咁講菲律賓單風災~~尋日睇新聞仲話捐款反應好差~!!吖~~個阿雞落咁叻~駛咩香港呢個小城市捐款吖~或者叫喺香港嘅菲律賓人捐返俾佢哋咪得囉~黃師奶明白到災民係慘嘅~!拔~!!人哋個國家咁威水~又駛咩我哋d小城市幫呢?幫咗~well..d 錢都係俾d 軍人/官貪架啦~~
好喇~先幾日超市d韓國菇仔又做特價~黃師奶又嗱嗱林買返pack!~加咗d 牛肉片去炒~~!d牛肉片黃師奶醃嗰時加咗蒜茸醃~而且仲加咗少少油~咁等d油包住d牛肉片~炒嗰時就唔會變得乾身~而且仲好juicy tim!~呵呵呵~~
材料: 韓國菇菇一pack , 牛肉片300g , 蒜茸半湯匙
牛肉醃料: 生抽半湯匙 , 糖一茶匙 , 蒜茸2茶匙 , 油及生粉少許 (呢2樣可以煮之前先落)
STEP 1
菇菇清潔乾淨(最好用濕布清潔~沖水太勁..吸水太多的話..煮嗰時會出水..) ; 牛肉與醃料拌勻備用;
STEP 2
將牛肉略略煎香~拌入菇姑炒香再加蒜茸兜勻~~煮熟再下鹽調味即成~!
4494 Total Views 1 Views Today
原來煮菇秘訣係咁，真係學到野喇！
水太太~唔好用水沖~煮嗰時唔會出水架~!
其實我都有想過捐錢,但一諗起佢哋個 pk總統咁 pk 所以決定唔捐 , 反正捐咗都只會到啲貪官手上多
捐黎做乜吖~佢個國家咁大支嘢~駛咩我哋幫吖
我都覺得捐來都係蹝氣!
捐咗d 錢去咗邊都冇人知呢~!
呢個菇菇我都like 呀！韓國食材有品質保證。
係呀!~同埋10幾蚊一大包~好抵食呢~!
你近來好似勤力左出blog，冇劇要進？哈哈~EE
ee~哈~係~近期比較得閒~哈哈哈~
我今晚都炒菇菇！
炒得好味嘛?
黃師奶, 感覺好好味噃!
係呀~呢個味道係幾好呢~!
災民好慘, 除咗風災外, 有個咁既總統更悲哀.
個總統我想星佢14巴呀
災民好無辜，但稔起個啊雞落就慶啦！
佢真係過份~仲話人哋未死得~!
黃師奶，我今日比較清閒，終於有時間探你啦! 我都贊成唔好捐畀菲律賓，佢哋咁大支嘢! 諗起都嬲嬲地!我醃牛肉時鍾意加少少啤酒落去，爽滑好多!
係呀!cici~我知道d 災民好慘~不過捐咗都未必去到佢哋到~真係捐黎都冇用~!
黃師奶, 吃飯未？我醃肉都鐘意落少少油鎖左的肉汁，感覺上好味d！^^
係呀小高~我覺得咁煮會滑d 呢~!