<<蒜香豉汁鮮鮑魚>>
過咗一個暖和嘅新年~黎緊幾日又凍過~得返10度咋~!!不過都好~黃師奶鍾意凍凍哋咁~最怕就係梅雨天~!!過多一個月到…梅雨天就黎…黃師奶住嗰區….濕度驚人…到時實有排煩!~!
嗱~今日玩蒸鮮鮑魚~去到街市~~魚佬話要收檔喎!~咁就好平價咁買咗喇~!呵呵呵~~返黎洗刷乾淨~其實就咁用果皮蒸都好好味~不過黃先生呢D重口味呢~就加埋少少蒜香豉汁~呵~~個汁都好好送飯呢~
材料: 鮮鮑魚6隻 , 蒜茸一大匙, 豆豉茸少許, 紅椒絲隨意
STEP 1
鮮鮑魚洗刷乾淨; 鋪上蒜茸, 豆豉茸及椒絲
STEP 2
煲滾水後大火隔水蒸約7分鐘
STEP 3
隔去多餘水份後可灒熟油即成
5818 Total Views 1 Views Today
大家可以Click入 黃師奶廚藝小百科 facebook 粉絲專頁度交流吓吖~!!! 
一落雨, 最愁係晾衫! 碟鮑魚好正!
係呀~見到d 衫就頭痛~!
好衰…愈睇愈流哂口水…好想好想大擦一餐呀!
小高~你唔舒服要食清d 呢~!
黃師奶,黃先生都幾重口味!!!! 哈哈!!
cici~佢娶我都証明咗呢點~哈~!
看着好有食慾,口水都流一地了!
哈~心小妹你太過奬了~
呢個餸好O岩我胃口, 我都要叫媽咪咁煮先得!!
呢個餸幾好味~招呼朋友唔錯!~
新春又豪又好味的餸啊!
呢個餸幾好味~招呼朋友唔錯!~
祝你新春大吉,萬事如意,身體健康,心想事成!
謝謝~新年快樂~身體健康呢~
好惹味啊!
呢個餸幾好味~招呼朋友唔錯!~
香港天氣大上大落,小心呀,多穿衣。
係呀!~呢幾日好凍呢~!
蒜香豉汁好惹味~EE
呢個餸幾好味~招呼朋友唔錯!~
炆完鮮鮑都想試下蒸, 不過唔知蒸幾耐, 依家食喇!
呢個餸幾好味~招呼朋友唔錯!~
好得體既宴客菜呢﹗yummy!!
呢個餸幾好味~招呼朋友唔錯!~
嘩嘩嘩~出完龍蝦出鮑魚,好彩我今次有備而來,帶咗個特大口水肩啫…..
哈~肥媽咪~呢幾日新正頭~所以食方面豪d~!