<<混醬牛肋條>>
呢幾日玩FORUM玩到好HIGH~能夠俾一班人圍插話黃師奶借佢個FORUM黎宣傳~實在係黃師奶嘅福氣~點解你哋封殺我?!咪就係一串酸葡萄累事囉~BLOG我會繼續寫~酸葡萄你哋繼續食~如果你哋踩到黎呢邊~就係你本事喔~~~
嗱~今日呢碗咖哩真係好得黃先生嘅欣賞…事關黃師奶開好飯~畢埋碟菜一出黎..已經見到黃先生食完咗碗飯…佢話因為D咖哩好送飯..問我仲有冇喎..(滴汗中)…心唸:有冇咁餓呀你…?!不過難得黃先生喜歡~對住個爐幾熱都係煮得心甜~~~
材料: 牛肋條600g, 薯仔2個 , 洋蔥 一個, 乾蔥茸一湯匙, 辣椒油隨意, 黃薑粉少許
醬汁: 油咖哩三大湯匙, 沙嗲醬2湯匙
STEP 1
牛肋條先出水去減啲油
STEP 2
洋蔥去衣後切角備用~薯仔去皮洗淨切大件
STEP 3
將牛肋條同薯仔略略煎香~再爆香洋蔥後盛起
STEP 4
慢火將油咖哩~同沙嗲醬炒香~!拌入洋蔥~乾蔥茸~同黃薑粉~炒香下牛肋條~兜炒片刻~
STEP 5
加水蓋過所有材料後用炆焗方法大火煮滾轉細~火炆煮約30分鐘後熄火焗30分鐘~!再重覆~~!.
STEP 6
最後拌入薯仔炆多15分鐘焗多15分鐘~加上辣椒油同鹽調味~打個生粉水~煮至汁稠即成~!
5383 Total Views 1 Views Today
黃師奶, 唔好再開心, 自問寫煮食BLOG只為分享煮食嘅樂趣. 那些無聊人只是妒忌你的才華, 複雜化, 完全no good.
BTW, 我今晚會煮牛肋條, 哈哈~~~
cici~唉~唔好話妒忌唔妒忌啦~只係冇唸過寫blog 都會搞成咁咋~!
將d唔開心食晒落肚啦！support
MEI~唔開心仲有~只係覺得D 人好無聊~!
我見到呢D多汁餸，會食一大碗飯架
SAMWEI~係呀~我老公食咗好多飯呢~!
加個白飯就一流啦！
哈~係呀~我老公都係咁食飯~哈~
樹大招風，我相信你呢隻辣椒仔係冇有怕，哈哈~~EE
EE~唉~我冇得罪人架~只係俾人係咁舉報話我用個平台宣傳做生意喎
咁正, 我都會食得快啦.
哈~我老公話好送飯喎
當你成功，就招來很多攻擊和妒忌，是考驗你的能耐與氣度。
混醬超級惹味呢！
謝謝你鼓勵~只係我覺得我只係SHARE 食譜..冇宣傳..冇做生意..都俾人舉報..條氣唔順呢~!
沒事嘛？btw…我總覺得凡事會有人喜歡或不喜歡，自問問心無愧，又沒有影響別人，繼續我風格，不用理會！黃師奶，知你一定唔會為這些小事而唔開心架！繼續加油 ~
小高~我冇嘢~只係喺FORUM SHARE 食譜咁多年~家下俾人話我儲粉絲~用個平台做生意…我根本冇咁做過…所以有D 沒趣囉~
整嘢食最開心就係有人欣賞^^你的確整得好靚呢~~
不招人妒是庸才，所以你招來風風雨雨呀，哈哈XD
你真係好人~謝謝你留言鼓勵呢~!
黃生真係識食喎。
哈~佢好LIKE 食咖哩呢~!