黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

舊日文章

小動物杯子蛋糕系列之可愛動物園

20140315cake2
<<小動物杯子蛋糕系列之可愛動物園>>
朋友仔個女1歲生日~問黃師奶可唔可以幫手~呵呵呵~呢個當然冇問題啦~~朋友仔話想要動物做主題喎~!OK!!就係咁~一系列嘅小動物就出世喇~~係咪好CUTE 呢?!?!黃師奶就好滿意呢次作品~~唔知大家覺得靚嘛?!

 

大家可以Click入 黃師奶廚藝小百科 facebook 粉絲專頁度交流吓吖~!!!

辣炒豬肉拌菇菇

20140123菇菇
<<辣炒豬肉拌菇菇>>
尋日睇forum見人討論食客怪怪行為~見人話有個師奶為咗食個學生餐…不借著住件白恤衫加埋阿仔條校呔…仲要著住條原子褲咁扮學生妹去買飯…真係笑到噴飯~其實….為咗慳~~唔知大家又可以去到幾盡呢?!well…黃師奶真係自問做唔出…

呢款韓國版嘅細菇菇~黃師奶就好like 食喇~~有朋友仔話d菇一炒就出哂水~其實菇類本身好多水份…如果你清潔嗰時都係咁用水沖..一煮就勁標水~所以煮前用d濕布抺下代替用水沖咁會好d~大家可以一試喔~

材料: 韓國菇菇一pack , 豬絞肉150g , 蒜茸半湯匙, 辣椒絲少許
豬絞肉醃料: 生抽半湯匙 , 糖一茶匙 , 胡椒粉少許, 麻油及生粉少許 (呢2樣可以煮之前先落)

STEP 1
菇菇清潔乾淨(最好用濕布清潔~沖水太勁..吸水太多的話..煮嗰時會出水..) ; 豬絞肉與醃料拌勻備用;

STEP 2
先爆香蒜茸~下豬絞肉炒至轉色後拌入菇姑炒香再加辣椒絲兜勻~~煮熟即成~!

大家可以Click入 黃師奶廚藝小百科 facebook 粉絲專頁度交流吓吖~!!!

甲蟲朱古力包 (湯種法)

20140227甲虫包
<<甲蟲朱古力包>>
終於踏入咗非常非常濕嘅季節…家下每朝瞓醒望出窗…真係以為自己升咗天..窗外白濛濛一片…要捱過埋4月~呢D咁嘅陰濕日子先會好D…天氣濕濕咁…個人都特別懶~特別唔舒服~討厭~

好喇~今日個麵包造型係甲蟲~其實黃師奶只係發酵完用個SCONE模~CUT個圓餅出黎~之後就界咗個T字喺麵糰上~記住呀~個T字唔好界得太大力~唔係一焗就爆開哂~好樣衰..D甲蟲花紋黃師奶就係用入爐朱古力整~你哋可以用提子乾都冇問題~

材料: 高筋粉 200g 牛油 30g , 糖 30g, 鹽 4g, 酵母 6 g, 牛奶90 g, 湯種75g, 入爐朱古力少許(用黎做甲蟲啲花紋)

STEP 1
將材料搓成麵糰再發酵50分鐘~

STEP 2
將麵糰放氣後壓篇~~再發酵15分鐘

STEP 3
再整形~(其實我只係用個scone模cut 佢出黎, 再喺麵糰上界咗個T字)~發酵40 分鐘

STEP 4
預熱焗爐180度15 分鐘, 加上入爐朱古力及掃上蛋水後焗包包約12 分鐘~再劃上眼睛即成~!~

大家可以Click入 黃師奶廚藝小百科 facebook 粉絲專頁度交流吓吖~!!!

咖啡弄

DSC_6950
黃先生係愛咖啡之人~~well…一日一杯咖啡就係梗咗架喇~~早前成日話想試嘅咖啡弄終於試咗~!

DSC_6984
黃師奶愛甜~~先黎點咗個窩夫配朱古力雪糕~~~雪糕都好味~斷估唔係用cheap 嘢~~

DSC_6985
呢個窩夫好食~!剛整起食好正~而個朱古力醬真係堅好味~~!

DSC_6969
黃先生就點咗呢個三文治伴薯仔蛋沙律~~個薯仔蛋沙律真係唔錯~

DSC_6962
而呢個蜂蜜生薑茶~真係超好飲~仲要有塊餅俾你送黎食~!!個茶夠薑得黎又冇遮咗個蜂蜜味道~!

DSC_6971
堅有薑架~影埋相俾你睇~冇昆你~!

DSC_6973
至於杯咖啡~well..黃師奶唔識欣賞~拔阿黃先生話好正喎!~

DSC_6975
仲要有塊餅俾你送咖啡~貼心到呢~~

總括黎講~呢間嘢個蜂蜜薑茶超好飲~黃師奶一定會再幫襯~!

大家可以Click入 黃師奶廚藝小百科 facebook 粉絲專頁度交流吓吖~!!!

小動物杯子蛋糕系列之豬先生

20140216cake 12
<<小動物杯子蛋糕系列之豬先生>>
之前黃師奶已經出咗2款小動物杯子蛋糕系列~哈~~有blog友仔問我有冇整豬仔喎!~well~~咁梗係有啦~整得呢個系列~豬先生實在唔少得~嗱~係咪好cute 呢~~黃師奶都幾鍾意架~覺得好可愛~呵呵呵~~~

大家可以Click入 黃師奶廚藝小百科 facebook 粉絲專頁度交流吓吖~!!!

鹹蛋蒸肉餅

20140212肉餅
<<鹹蛋蒸肉餅>>
呢排黃師奶早咗瞓~well~因為唔駛追電視~嗰套搵個好男人…睇到都想熄機~都唔明點解會整個咁怪獸節目…台灣嗰邊有個節目係咁上下~但係唔係同名星玩~只係幫大家配對吓~識個人咁~無記呢個真係太騎呢~黃師奶頂佢唔順~

今日黃師奶整咗個家常菜~見屋企有鹹蛋~咁就放埋上去蒸肉餅~~黃先生家下成日讚黃師奶d 肉餅好味喎!~又腍又滑~呵呵~讚到人哋鬼咁開心tim~~讚吓好架~讚吓人人哋先有心機煮架嘛~呵呵呵~

材料: 豬柳梅約300G (叫豬肉佬揀夠肥D~一係叫佢答夠肥膏俾你啦), 鹹蛋一隻
醃料: 生抽約1大湯匙, 糖1茶匙, 胡椒粉少許, 麻油及生粉各1茶匙, 水3湯匙

STEP 1
豬絞肉與醃料(除水外)拌勻醃約20分鐘備用

STEP 2
將醃好嘅豬肉慢慢加入水~!之後向同一個方向攪至起膠! (可以放入個保鮮袋到撻)~記得d水要完全吸收哂喔

STEP 3
煲滾水後將豬肉鋪上碟~拌入鹹蛋~大火蒸約12-15 分鐘即成~!

大家可以Click入 黃師奶廚藝小百科 facebook 粉絲專頁度交流吓吖~!!!

樂天市場:宅配豪華涮蟹鍋食材

1932004_606048072808475_1414262695_n

 

 

1947732_606048529475096_1060254856_n

 

 

CONE巴哇~~
呵呵呵~~黃師奶又有日本美食介紹大家呢~~嗱~尋日黃師奶同大家講咗由即日起至3月12日~~喺樂天市場回答問卷,就有機會羸取出自日本職人之手的伊賀土鍋(600cc)一個嘅~~其實呢個靚靚土鍋煮鍋物食材真係E吱棒嘅呢~~今日黃師奶就同介紹呢2樣筍嘢呢~~

涮蟹鍋KANI SHABU
嗱~日本人鍾意食涮蟹鍋KANI SHABU就係人都知架喇~~個湯汁係用昆布煮嘅~~個靚湯煮好之後~放D鍋物食材落~WOW~~烚下烚下~烚多幾下~咁就食得~黃先生都話讚~柯EC 呢~~由即日起至3月12日,呢款美味嘅涮蟹鍋食材就喺樂天市場有售,3月21日左右就會送到大家門口,喺呢家呢個凍凍哋~~又濕濕哋嘅天氣~~真係食完 都覺爽呀!~

松葉蟹火鍋組合 ($875): 松葉蟹就出咗名鮮甜架喇~~用佢黎做火鍋~真係唸起都口水流~黃先生食起都耳仔郁郁呀~嗱~唔好話黃師奶唔講你知~呢款松葉蟹火鍋組合係已經拆埋殼架喇~ 食時唔只方便~唸下咬落去啖啖肉~入口即溶嗰下~~真係好味到震~食到咁上下~剩返個湯底唔好倒呀~打個雞蛋~加個白飯~WOW~個白飯吸哂蟹湯嘅精 华~~嗱嗱嗱~~係咪大家睇到流哂口水呢~~

鱈場蟹. 松葉蟹火鍋組合($951, 800克): 嗱~除咗松葉蟹之外~仲有鱈場蟹即「皇帝蟹」吖~叫得做「皇帝蟹」~實係好嘢啦~蟹肉肥過黃師奶個肚腩呀!~肥大肉厚~吸引到呢~~

呢2款組合簡直就係無敵~烚佢幾下就熟~吖~~唔講咁多~~黃師奶家下超肚餓~~大家快D 去訂啦~~

回答問卷 贏取土鍋﹗
即日起至3月12日,凡進入樂天市場回答問卷,就有機會羸取出自日本職人之手的伊賀土鍋(600cc)一個﹗呵呵呵~所以話呢~黃師奶見到有好嘢實會益大家喔~~~~~~

樂天市場:宅配豪華涮蟹鍋食材
由即日起至3月12日,樂天市場又開賣至旬食材了﹗今次主打項目之一,是多款簡便烹調的美味海鮮鍋食材,有全身各部位已去殼的松葉蟹鍋組合、肥大肉厚的鱈 場蟹鍋組合,仲有連蟹湯底也直送的鱈場蟹. 帶子鍋組合,最適宜做涮蟹鍋食材 (KANI SHABU) ,訂購資料如下:

樂天市場 品食日本
訂購日:即日起至3月12日晚上10:59分
發貨日:3月21日左右
訂購網站: http://r10.to/htSPv5
查詢:http://www.facebook.com/Rakuten

備註:即日起至3月12日參加樂天問卷調查,可參加伊賀燒土鍋抽獎,有機會獲小土鍋(600cc)一個﹗

大家可以Click入 黃師奶廚藝小百科 facebook 粉絲專頁度交流吓吖~!!!

「鍋物の友」- 雞粥

煲3
<<「鍋物の友」- 雞粥>>
嗱嗱嗱~~大家今次除咗要睇黃師奶煮嘅靚粥之外~仲要留意埋個靚靚土鍋呢~呢個土鍋係三重縣嘅伊賀燒!!唔好睇少佢呀!~佢個名係「會呼吸的土」~~一聽就知道係好嘢喔~~呢款土鍋傳熱性好高喔~~用佢黎煮嘢食煤氣都怪唔少喔~~除咗傳熱之外~保冷功能都唔可以睇小架~!!所以呢個土鍋絕對係好嘢~!! E 之 棒架呢~~~

煲1
嗱嗱嗱~~睇埋個煲煲個裡面~~幾靚~~真係好嘢黎架~~~

煲2
連個蓋都有靚靚嘅條紋喔~~~~

食譜
材料: 雞脾肉隨意, 冬菇隨意, 一杯米, 十三杯水

STEP 1
雞脾肉用鹽醃四個小時; 冬菇浸軟後與少許糖及DD麻油醃一會

STEP 2
將米洗淨、隔水,加入鹽及油醃一會。

STEP 3
預備大煲滾水, 加入米~冬菇大火煲至綿身後~拌入雞脾肉~拌勻滾一會熄火蓋上蓋焗一會後下鹽調味即成.

** 間歇地攪拌煲內的粥,以防底部起焦.**

回答問卷  贏取土鍋﹗
即日起至3月12日,凡進入樂天市場回答問卷,就有機會羸取出自日本職人之手的伊賀土鍋(600cc)一個﹗呵呵呵~所以話呢~黃師奶見到有好嘢實會益大家喔~~~~~~

樂天市場:宅配豪華涮蟹鍋食材
由即日起至3月12日,樂天市場又開賣至旬食材了﹗今次主打項目之一,是多款簡便烹調的美味海鮮鍋食材,有全身各部位已去殼的松葉蟹鍋組合、肥大肉厚的鱈場蟹鍋組合,仲有連蟹湯底也直送的鱈場蟹. 帶子鍋組合,最適宜做涮蟹鍋食材 (KANI SHABU) ,訂購資料如下:

樂天市場 品食日本
訂購日:即日起至3月12日晚上10:59分
發貨日:3月21日左右
訂購網站: http://r10.to/htSPv5
查詢:http://www.facebook.com/Rakuten

備註:即日起至3月12日參加樂天問卷調查,可參加伊賀燒土鍋抽獎,有機會獲小土鍋(600cc)一個﹗

 

大家可以Click入 黃師奶廚藝小百科 facebook 粉絲專頁度交流吓吖~!!!

蝦米豬肉竹筒飯

20140119飯
<<蝦米豬肉竹筒飯>>
嗚嗚~~冇咗都敏俊~~~黃師奶感到好失落TIM~~明明忙咗好耐架嘛~日日係咁煲煲煲~家下感到心靈好空虛~!!都敏俊C~~~都敏俊C~~~我好掛住你呀~~~~~

今日又黎頹飯~~煮個粒粒飯~~淋上飯面~~又一餐~~唔好問黃師奶點解煮得咁頹…通常月尾時候會成日有呢D餸…原因好簡單…因為黃師奶變咗"糧尾子"~~冇$$$$$$$$$$$$$

材料: 白飯2碗 , 豬絞肉$15(柳梅) , 蝦米少許 , 膶腸1條(切粒), 紹酒小半碗
醃料: 生抽一湯匙, 麻油及生粉一茶匙, 胡椒粉少許, 糖一茶匙
汁料: 生抽半湯匙, 糖一茶匙, 麻油及胡椒粉少許, 水大半碗 ( 可以唔加呢個汁料架~如果你想個飯多汁先加啦 )

STEP 1
豬絞肉與醃料拌勻備用 ; 蝦米洗淨浸軟 (浸蝦米水留用)

STEP 2
先爆香膶腸粒~再拌入豬絞肉及蝦米炒片刻後灒酒 ( 如果想要個多汁版就呢個時候加埋個汁料煮)

STEP 3
蓋上蓋煮透再淋上飯面即成~!

大家可以Click入 黃師奶廚藝小百科 facebook 粉絲專頁度交流吓吖~!!!

黃師奶上電視?!?!

IMG_5663

嗱嗱嗱~黃師奶整嘅麵包竟然有機會上電視~仲要係TVB TIM!

IMG_5636

!~嗱~~~唔係講笑~黃師奶專登影埋阿攝影師大佬部機個三色台LOGO 架~哈哈哈~~~
係咪好想見下黃師奶嘅花容月美貌呢~~
WELL….有緣的話..自己喺電視睇啦~~~呵呵呵~~~~

大家可以Click入 黃師奶廚藝小百科 facebook 粉絲專頁度交流吓吖~!!!