黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

鬆弛熊杯子蛋糕系列之踏在草地上

20140421CAKE1
<<鬆弛熊杯子蛋糕系列之踏在草地上>>
呵呵呵~大家早早呀!~尋晚大家有冇熄電視呢?!定係坐定定追套西遊記?! 呢套大陸劇唔啱黃師奶口味呢~咁尋晚就冇睇算~唔睇電視都好吖~又多啲時間煩住我個黃先生~呵呵呵~~

鍾意鬆弛熊嘅黃師奶繼上次整咗曲奇版後~今次送個cupcake 版俾大家~唔知道大家又覺得點呢?! 黃師奶就覺得好cute 喔~~呵~~究竟黃師奶為咗鬆弛熊可是去到幾盡?! 大家繼續留意喔~~

大家可以Click入 黃師奶廚藝小百科 facebook 粉絲專頁度交流吓吖~!!!

上湯洋蔥炆爽腩

20140427 牛牛
<<上湯洋蔥炆爽腩>>
尋晚黃師奶patpat痕想bbq~哈~其實屋苑會所有bbq 場~不過黃師奶就唔多用lu!~黃先生聽到話黃師奶想bbq~就即走咗落去訂場喇~可能我哋訂咗平日~成個場都冇人~哈~到時我哋2條友曬住月光bbq~~~期待ing!~~~

哈~黃先生食呢煲牛腩真係食到耳仔郁郁~黃師奶炆好煲牛腩就緊係叫黃先生試味~佢話超好味~俾佢知道煲牛腩炆好..就走入廚房偷食…!!!太過份喇~唔係黃師奶係咁話住佢~真係食哂煲嘢都未食飯呀!!

材料: 爽腩1斤 , 八角一粒 , 花椒半茶匙 , 洋蔥2個 , 上湯 2升

STEP 1
將洋蔥去衣切角; 爽腩汆水減去油份

STEP 2
爆香洋蔥後拌入爽腩略略煎香 ; 拌入花椒八角後注入上湯煮滾

STEP 3
細火炆煮約30分鐘後熄火焗30分鐘; 重複

STEP 4
再細火炆煮約15分鐘後熄火焗15分鐘; 食前翻熱即可

大家可以Click入 黃師奶廚藝小百科 facebook 粉絲專頁度交流吓吖~!!!

母親節杯子蛋糕系列

20140330 MOTHER CAKE
<<母親節杯子蛋糕系列>>
哈~仲有2個星期就係母親節喇~大家係咪為咗買咩禮物TUM 母親大人而煩惱呢~呵呵呵~~黃師奶呢段時間會喺 BAKING WORKSHOP 到同大家分享製作母親節杯子蛋糕嘅心得喔~~有興趣學嘅朋友仔不妨去 BAKING WORKSHOP 到八下吖~

而有興趣訂購嘅朋友仔亦不妨同黃師奶聯絡喔~~謝謝~~

 

大家可以Click入 黃師奶廚藝小百科 facebook 粉絲專頁度交流吓吖~!!!

燒汁銀鱈魚

20140415魚魚
<<燒汁銀鱈魚>>
哈~只從收到部水波爐後~黃師奶就日日都好忙lu~點解?之唔係要試清部爐點用囉~呵呵呵~so far 覺得佢個發酵功能真係好正~而且爐溫仲好平均~呵呵~黃師奶好快會post d 用後報告上黎喔~~大家等我呀下~~呵呵呵~

某日黃師奶同黃先生一齊行城市超級喎!~黃先生話要食銀鱈魚~well…好老婆黃師奶梗係應承佢啦~喺超市買呢d銀鱈魚已經處理好~黃師奶只係抺乾水份~加咗少少檸檬汁同黑胡椒醃一陣~上生粉就煎~黃先生激讚~!呵呵呵~

材料: 銀鱈魚2塊
醃料: 檸檬汁, 黑胡椒
汁料: 現盛燒汁小半碗

STEP 1
將銀鱈魚上的水份抺乾; 灑上少許檸檬汁同黑胡椒略醃; 煮前再沾上少許生粉

STEP 2
燒熱少許油後拌入銀鱈魚; 較細火略煎30秒後拌入汁料; 蓋上蓋小火煮約5分鐘

STEP 3
將銀鱈魚反轉; 開蓋繼續煎約3-4分鐘即成~

 

大家可以Click入 黃師奶廚藝小百科 facebook 粉絲專頁度交流吓吖~!!!

鬆弛熊曲奇

20140421餅餅2
<<鬆弛熊曲奇>> 呢塊餅餅係整咗鬆弛熊個全身嘅~呵呵~~旁邊仲見到佢個老死雞仔tim!~~~~

20140421餅餅1
<<鬆弛熊曲奇>> – 嗱~呢塊餅餅得個鬆弛熊頭~不過都唔差吖!
哈~~黃師奶呢個無聊師奶最鍾意搞搞陣~~焗好d 曲奇就咁食係好好味~~哈~~不過做多少少裝飾~見到未食都開心啦~~黃師奶鍾意鬆弛熊~~今次就決定整個鬆弛熊裝飾先~~呵呵~~一款係鬆弛熊全身~一款係鬆弛熊個頭~仲整埋佢個雞仔朋友~小朋友見到緊係開心啦~~不過黃師奶呢個大唔透嘅師奶見到都同樣開心~呵呵呵~~~

唔知道大家又喜唔喜歡呢~~~~~~

大家可以Click入 黃師奶廚藝小百科 facebook 粉絲專頁度交流吓吖~!!!

Rakuten Global Market 品食日本 – 日本美食直送全世界之燒汁扇貝

20140419貝貝
<<Rakuten Global Market 品食日本 – 日本美食直送全世界之燒汁扇貝>>
黃師奶又有好嘢益大家喔~~今次黃師奶又試咗呢款美味扇貝喔~~~嗱嗱嗱~~呢款扇貝粒粒都好大隻~~而且一罐裡面都有好多粒架~~~嗱~等黃師奶俾多幾張靚相大家睇吓先~呵呵~~

20140419貝貝3
嗱嗱嗱~冇昆大家架~~大大隻字寫住北海道產喔~~係咪見到個包裝已經覺得好吸引呢~~呵~~唔係講笑~黃師奶見到盒嘢一拆開都好開心~好想快d煮黎食喔~因為個包裝實在太靚lu!~~~~

20140419貝貝2
嘩嘩嘩~一拆開個罐罐~~粒粒白雪雪靚靚扇貝就喺眼前LU!~你睇吓~~隻隻扇貝都好厚身架~~唔係碎濕濕咁~~黃先生見到嗰時都O咀喔~~即時叫黃師奶快D 煮俾佢食TIM!~~~

黃師奶今次整呢個扇貝做法好簡單~~其實呢款扇貝已經處理好~大家唔駛再花太多時候去清洗~黃師奶只係加咗個燒汁一齊煮~嘩~~已經好好味呢~~唔信?! 快D 去買黎試吓吖~

<<食譜>>
材料: 罐裝珍寶帶子一罐, 檸檬汁少許
汁料: 燒汁3湯匙, 水2湯匙, 糖少許 (拌勻)

STEP 1
將珍寶帶子水份抹乾

STEP 2
煮熱少少油後拌入珍寶帶子; 再擠上少少檸檬汁; 略略煎香~

STEP 3
拌入汁料,煮至熟透(煎幾分鐘得架喇)即成~

 

罐裝珍寶帶子 (約$116)
北海道加工
訂購網址:http://global.rakuten.com/zh-tw/event/food/gourmet/?scid=we_ich_xb_cp0129-007
訂購日期:即日起至4月30日
發貨方式:EMS
運費:顧客落單後,店家會按貨品重量計算EMS運費及向顧客發出確認運費郵
訂購日期:即日起至4月30日
發貨方式:EMS
運費:顧客落單後,店家會按貨品重量計算EMS運費及向顧客發出確認運費郵件。顧客回覆郵件及確認運費後,店家就會發貨。
查詢:http://www.facebook.com/rakuten

關於品食日本
「品食日本」改版了﹗食品種類由極品和牛、傳統珍味、米飯、零食類一應俱全。
每件產品,都是從樂天市場4萬店家中精選出來ENCORE率最高的人氣美食,最能代表日本不同地域味力的美味手信,無論味道和食品安全上都有安心的保證。

大家可以Click入 黃師奶廚藝小百科 facebook 粉絲專頁度交流吓吖~!!!

免揉提子包(免揉法)

20140415包包
<<免揉提子包>>
一連4日假期又完咗lu!~呵~不過唔緊要啦~黎緊仲有五一同埋佛誕2日假期呢~!呵呵呵~今個假期~黃師奶就好忙lu!~教咗d 幼稚園學生整蛋糕曲奇~哈~~不過忙得黎都開心~點解?!之唔係做緊自己鍾意做嘅事真係完全唔同囉~呵~

黃師奶又黎愉懶LU!~哈~~今次整咗個唔駛搓到起筋嘅包包~搓好成糰後就咁喺室溫到發酵~由於發酵時間太長~~所以成個廚房都好大陣酒香味~哈~呢款包包啱哂懶人整~黃師奶都覺得口感幾特別~剛出爐切一片~~加杯茶~唔錯喔~!

材料: 高筋麵粉330g , 麥粉70g, 鹽少許 , 糖20g , 酵母約1茶匙, 水300g , 提子乾隨意

STEP 1
將所有材料搓成一糰 (無須搓至起筋), 再室溫發酵13-14小時

STEP 2
枱面上灑上少許高筋麵粉, 將發酵好的麵糰放於工作枱上再排氣

STEP 3
將麵糰搓成一大個圓形麵糰再發酵約1小時

STEP 4
預熱焗爐220度15分鐘

STEP 5
將麵糰灑上少許水; 焗約30分鐘即成 (當麵糰焗約10分鐘後, 再灑水一次)

大家可以Click入 黃師奶廚藝小百科 facebook 粉絲專頁度交流吓吖~!!!

Toshiba x ABC Cooking Studio Cooking 輕鬆烤焗烹調學堂

DSC_8049

黃師奶好開心喺4月13日有幸被邀出席Toshiba x ABC Cooking Studio Cooking輕鬆烤焗烹調學堂喔~

DSC_8009

嘩~ABC Cooking Studio Cooking環境好整齊乾淨~見到好多同學仔都好留心上堂~

DSC_8028
嗱~呢部就係當日嘅主角喇~東芝變頻式蒸氣微波爐 (ER-GD400HK)~呢部靚靚爐又叫做水波爐~呢個水波爐可以迅速將爐內溫度加熱至350度~嘻嘻~個爐咁高溫~就可以好快將食物煮熟~保留食物嘅營養~抵讚!

DSC_8200

東芝嘅員工亦有同大家分享水波爐嘅用法同特色~仲好有耐性咁解答大家嘅問題呢~

DSC_8060

左邊嗰位就係今次教我哋嘅日本人老師~而右邊嗰位就係翻譯呢~

DSC_8025
嘻嘻~今日個workshop 係教用水波爐黎整pizza呀!~

DSC_8068

pizza加咗牛奶搓成糰~做出黎嘅pizza有牛奶香味~

DSC_8043
整pizza點少得芝士吖~pizza 配上濃燶芝士~~真係流哂口水呀!~~

DSC_8097
嗱~大家好努力咁搓個靚靚麵糰出黎~

DSC_8102
老師教得幾咁開心~哈~

DSC_8144
呢部水波爐內有發酵功能~能夠調較溫度及發酵時間~而且仲有一個位係入水~咁個爐就有個40度嘅環境~俾個麵糰發酵~既省時~又可確保質素呢~~而且仲有時間制~實在太方便呢~~唔駛驚發酵過度呀!~~~~

DSC_8152
睇吓~只係20分鐘~個麵糰已經發酵到靚靚咁lu~~

DSC_8184
之後呢~大家就煮好蕃茄醬~加上芝士~~

DSC_8189

今次仲整咗2款口味嘅pizza~!

DSC_8199

爐溫夠哂高~話咁快就調到250度~焗焗ing……..

DSC_8225
出爐嘅pizza~~係咪好吸引呢~~

DSC_8221
想食嘛?!

總括黎講~黃師奶覺得呢個workshop真係玩得好開心呢~除咗可以喺ABC COOKING STUDIO 呢個咁靚嘅環境整PIZZA之外~仲可以用到東芝呢部咁好用嘅水波爐~呢部水波爐唔止外形美觀~而且仲有七大功能: 烤焗, 燒烤, 微波, 純蒸氣烹調, 變頻式烹調, 過熱水蒸氣烹調同熱風對流烹調~而且仲有40款自動烹調食譜~真係一爐在手~做大廚話咁易啦~哈哈哈~~~

大家可以Click入 黃師奶廚藝小百科 facebook 粉絲專頁度交流吓吖~!!!

蒜香牛油煮蜆

20140413蜆蜆
<<蒜香牛油煮蜆>>
剛剛過去個星期六~黃先生終於換咗部電腦~哈~~舊嗰部電腦都用咗好耐LU!~成日風濕發咁~~家下有部新機~上網執相全部都快咗~!哈~電腦呢家嘢~有新用新~幾時都爽過用舊~~希望呢部電腦生生性性~唔好咁易風濕啦~!

哈~今餐呢個蜆~~黃師奶其實煮得好頹~只係燒紅個煲~加一大舊牛油煮香~爆蒜茸~再放d蜆入去煮熟~~怕佢唔夠香?!放哂d蜆入去再加一大舊牛油喺面~咁d牛油溶哂~d汁就浸哂入蜆肉到~~哈~黃先生話好好味~well..肥c….

材料: 花甲1.5斤 (浸用鹽水3粒鐘~洗得乾乾淨淨)
調味: 牛油一大舊 (隨意啦) , 蒜茸 一湯匙

STEP 1
燒熱個煲煲~煮溶少少牛油再爆香蒜茸放蜆

STEP 2
喺蜆上再放一大舊牛油, 蓋上蓋煮至蜆熟拌勻~食得~!

 

大家可以Click入 黃師奶廚藝小百科 facebook 粉絲專頁度交流吓吖~!!!

咖哩雞

20140318雞雞
<<咖哩雞>>
尋日黃先生開OT開到好夜…返到家都凌晨1點LU!~~係咪好誇呢可?!政府工都搞咁耐~哈~不過佢年年3-4月都好忙~所以年年都冇得去睇櫻花~希望黃先生快D調職~咁黃師奶下年有得去賞櫻啦~~

之前整咗個咖哩牛肋條~通常煮完一餐咖哩個汁實有剩嘅~黃師奶會留返佢~第日再煮多餐~咁剛剛食完牛~又留個汁煮個雞~呵呵~~d雞用鹽醃咗先~之後煎香~加個汁入去炆~~黃先生話唔夠喉喎~因為咖哩真係好正好送飯喎!!

材料: 雞半隻 , 薯仔2個 , 洋蔥1個, 乾蔥茸少許, 黃薑粉少許
醃料: 鹽
醬汁: 油咖哩三大湯匙, 沙嗲醬2湯匙

STEP 1
雞與醃料拌勻備用

STEP 2
洋蔥去衣後切角備用~薯仔去皮洗淨切大件

STEP 3

將雞同薯仔略略煎香~再爆香洋蔥後盛起

STEP 4
爆香乾蔥茸~慢火將油咖哩~同沙嗲醬炒香~!拌入洋蔥~同黃薑粉~炒香後下雞件~兜炒片刻~

STEP 5
加水蓋過所有材料後煮滾轉細火炆煮約10分鐘後拌入薯仔再炆多15分鐘~

STEP 6
加上辣椒油同鹽調味~打個生粉水~煮至汁稠即成~!

大家可以Click入 黃師奶廚藝小百科 facebook 粉絲專頁度交流吓吖~!!!