黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

近期迴響

Google+ Badge

金奇偉果椰汁布丁

20140530布丁 - 複製
<<金奇偉果椰汁布丁>>
呵呵呵~~星期一就係端午節喇~大家又可以有個long weekend~係咪好開心呢~!大家plan 好咗節目未呢?!黃師奶呢~~就下星期會同黃先生入大澳玩喔~~事關黃先生訂咗嗰到間文物酒店tim!~~希望唔好落雨啦~~~不過又最好唔好咁熱~呵~

今日黃師奶又教大家整懶人甜品~用咗北海道牛奶~加埋椰漿~真係想唔滑唔香都唔得~哈~黃先生好鍾意食金奇偉果~咁黃師奶就索性將d果肉鋪上面~咁個甜品即時升呢~呵呵~

材料: 椰漿200ml, 北海道牛奶200ml , 魚膠片3片(每片2.5g) , 糖4茶匙, 金奇偉果肉少許

STEP 1
先將椰漿加熱至暖和, 拌入糖至完全溶化

STEP 2
魚膠片浸軟隔去水份, 再用熱水座溶變成魚膠溶液

STEP 3
將STEP 1材料加入北海道牛奶同魚膠溶液拌勻

STEP 4
過篩後雪約4小時至凝固再放上金奇偉果肉即成~!

大家可以Click入 黃師奶廚藝小百科 facebook 粉絲專頁度交流吓吖~!!!

牛油蛋糕

20140509蛋糕
<<牛油蛋糕>>
上星期將軍澳冇啦啦d水變到好鬼黃~~幸好黃師奶住嗰座d水都ok!~誰不知過2日個熱水爐即壞~搵人黎整~個師父仲同黃師奶呻話因為黃水單嘢..搞到呢區d人個熱水爐塞哂…做到洗樓咁..真陰公~~希望唔好再搞單咁嘅嘢啦~

呢款牛油蛋糕黃先生超鍾意食~一出爐可以食3個~哈~仲要食完好快又問黃師奶幾時再焗~~誇張到呢~不過呢款蛋糕真係超易整~!將所以材料用電動打蛋器打到稠身就得~!一d難度都冇~呵呵~

材料: 低筋粉120g, 牛油120g, 蛋2個, 砂糖100g, 粘米粉30g, 牛奶40g,  泡打粉5g, 牛油味香劑1茶匙

STEP 1
將低筋粉, 泡打粉及粘米粉過篩3次

STEP 2
焗爐預熱180度10分鐘

STEP 3
先將牛油打發再拌入糖打至均勻; 再拌入其他材料至中速打至變成稠身麵糊 (約4分鐘)

STEP 4
將麵糊倒入容器內以180度焗約30分鐘至熟透即可

大家可以Click入 黃師奶廚藝小百科 facebook 粉絲專頁度交流吓吖~!!!

煎鱸魚

20140524SEABASS
<<煎鱸魚>>
尋日終於見到太陽伯伯LU!~~呵呵呵~好耐冇見過藍天呢~雖然天氣係好熱~不過藍天日子總會開心過雨天~!!呢個月都已經差不多日日落雨~希望藍天可是持續多幾日~~等黃師奶唔駛下下開抽濕機抽乾D衫啦~~~呵呵~

黃師奶今日玩煎魚~呵呵~~最愛行超市嘅黃師奶見到D魚柳幾靚~又買咗返家玩LU~頹頹哋就咁加少少黑胡椒同鹽調味就煎~味道唔錯喔~不過黃先生話最好下次要加多個汁…WELL…多要求到呢~~~而黃師奶呢~就喜歡銀鱈魚多D~呵呵呵~大家得閒試下啦~

材料: 鱸魚半條 (我買嗰時已經係切好成魚柳)
醃料: 檸檬汁少許, 鹽及黑胡椒少許 , 橄欖油少許(總之搽勻條魚就得)  , 生粉一茶匙

STEP 1
將鱸魚與醃料拌勻( 橄欖油及生粉最後先加)

STEP 2
燒紅鑊後下鱸魚, 細火先煎香有皮一面~煎至魚肉變白色就反轉(唔好反黎反去呀~~好易出事)

STEP 3
再細火煎冇皮的一面煎大約2分鐘即成

大家可以Click入 黃師奶廚藝小百科 facebook 粉絲專頁度交流吓吖~!!!

東芝變頻式蒸氣微波爐(型號: ER-GD400HK)食譜分享之橄欖油麵包(中種法)

20140517OLIVE OIL 包
<<東芝變頻式蒸氣微波爐(型號: ER-GD400HK)食譜分享之橄欖油麵包>>
自從有咗部東芝變頻式蒸氣微波爐(型號: ER-GD400HK)之後~黃師奶嘅烘焙世界真係變得唔同哂~~呵呵呵~升咗呢好多呢~黃師奶最欣賞呢部水波爐嘅其他一個賣點就係佢嘅發酵功能喔~而且烘焙時仲可以加入水蒸氣~呵~咁黃師奶以 後一年四季都又香又軟熟嘅包包食喔~唔駛再擔心冬天發酵問題喔~!讚~~~

中種麵糰
材料: 高粉200g, 水135g, 酵母約1茶匙

主麵糰
材料: 高粉100g, 水65g, 鹽少許, 糖30g, 橄欖油20g, 中種麵糊全部

STEP 1
將中種麵糰嘅材料搓成麵糰(無須起筋);

STEP 2
將麵糰放入水波爐中後按”OVEN” 40度(有水蒸氣),時間定為90分鐘

STEP 3
將已發酵好嘅中種麵糰拌入主麵糰中將所有材料搓至起筋; 再將麵糰放入水波爐中後按”OVEN” 40度(有水蒸氣),時間定為45分鐘

STEP 4
將麵糰取出放氣在室溫鬆弛15分鐘;

STEP 5
整形後再將麵糰放入水波爐中後按”OVEN” 40度(有水蒸氣),時間定為40分鐘

STEP6
按”OVEN” 190度(有水蒸氣)按PREHEAT; 將麵糰噴濕再入焗爐後按”OVEN” 190度(有水蒸氣),時間定為15分鐘焗至金黃即成

大家可以Click入 黃師奶廚藝小百科 facebook 粉絲專頁度交流吓吖~!!!

蒜香雞絲伴露筍

20140507雞
<<蒜香雞絲伴露筍>>
嘩~呢期真係搞乜~尋日下午已經落咗好大雨~~跟住夜晚又黎個半夜行雷~家下D天氣真係變得怪怪哋呢~睇黎應該要到下星期先真正見到太陽伯伯~~黃師奶雖然怕熱又怕曬~不過咁樣日日落雨都唔係路呢~~

黃師奶有日同黃先生行街街~有人話要買PACK雞絲食~OKOK~~咁又買咗返家~唸咗一陣~都唔知想點煮~~見到有PACK露筍咁就廢事煩~煮好D雞絲~淋上D露筍到就得~~非常方便~師奶煮飯就係咁頹~見乜煮乜~呵呵呵~

材料: 雞絲300g , 露筍隨意, 蒜茸一大匙
雞肉醃料: 生抽約半湯匙 , 糖一茶匙 , 胡椒粉少許, 麻油及生粉少許, 紹酒一大匙
汁料: (水約半碗, 生抽一湯匙, 糖及胡椒粉少許, 生粉少許)拌勻

STEP 1
雞絲與醃料拌勻醃約2小時備用 ; 露筍洗淨後抺乾水份

STEP 2
爆香蒜茸後拌入雞絲煎香; 注入汁料後煮至熟透

STEP 3
煲滾水後下少許油, 鹽及糖; 拌入露筍煮至熟透

STEP 4
將雞絲淋上露筍上即成

大家可以Click入 黃師奶廚藝小百科 facebook 粉絲專頁度交流吓吖~!!!

水牛芝士帕爾瑪火腿薄餅

20140517PIZZA
<<水牛芝士帕爾瑪火腿薄餅>>
呢幾日天氣又濕又熱~睇黎夏天終於到LU~~怕熱嘅黃師奶又要捱3-4個月…嗚嗚嗚~~你哋唔明黃師奶又幾咁怕熱…一熱就會出汗..一出汗又會醃到D濕疹好痕…所以唯有長開冷氣…捱貴電費…

黃師奶今日又整PIZZA~呵呵~嗱~黃先生愛吃薄脆批~厚批唔係佢杯茶~哈~黃師奶冇加到酵母架~亦唔駛搓到PIZZA起筋~所以個PIZZA麵糰食譜超易做~今次呢個PIZZA 黃先生激讚~話咁快又清哂~!

麵糰材料: 高筋麵粉125g , 橄欖油8g , 水70-75g , 鹽少許
餡料: 水牛芝士及Parma Ham隨意
調味: 橄欖油及黑胡椒少許

STEP 1
將麵糰材料搓成糰(無須起筋); 鬆弛45分鐘

STEP 2
預熱焗爐240度15分鐘

STEP 3
將麵糰壓平~用叉子喺麵糰上吉出多個小孔; 灑上少許橄欖油及黑胡椒於麵糰上

STEP 4
將麵糰以240度火焗至金黃香脆; 再放上水牛芝士焗約5分鐘再鋪上Parma Ham即成

 

 

大家可以Click入 黃師奶廚藝小百科 facebook 粉絲專頁度交流吓吖~!!!

東芝變頻式蒸氣微波爐(型號: ER-GD400HK)食譜分享之帶子蒸蛋

20140509貝貝蛋
<<東芝變頻式蒸氣微波爐(型號: ER-GD400HK)食譜分享之帶子蒸蛋>>

早前黃師奶同大家介紹過廚房新寵兒~東芝變頻式蒸氣微波爐(型號: ER-GD400HK) ~呵~黃師奶最近用咗呢部水波爐整咗唔少新菜式~今日又同大家分享下先~呵~

東芝變頻式蒸氣微波爐(型號: ER-GD400HK)嘅其中一個功能就係”蒸”喇~哈~用咗呢個”蒸”功能真係好方便~set個時間制就得~唔駛下下要睇住爐火呢~而且仲可以set 個溫度係大約85-95度之間~真係方便過用明火好多喔~抵讚~!最重要係用咗呢部爐呢~廚房溫度真係冇用明火咁熱喔~!!

材料: 雞蛋3個, 上湯份量跟雞蛋1樣, 帶子肉6-8隻 (拆成小塊)

STEP 1
將雞蛋略略打發後再跟水拌勻

STEP 2
將帶子肉鋪在碟上, 再注入STEP 1材料後鋪上錫紙

STEP 3
按”STEAM”功能再調較85度火及時間制定為20分鐘即成

大家可以Click入 黃師奶廚藝小百科 facebook 粉絲專頁度交流吓吖~!!!

黃先生生日喔~

IMG_6401
呵呵呵~~今日係黃先生生日呀!~~因應老細要求~黃師奶係要做個簡簡單單蛋糕~~唔好扮強搞D高難度甜品喎~~WELL…難服侍到呢~~~

祝我個黃先生生日快樂~~身體健康~~越搵越多~~上繳更多~~呵呵呵~~

大家可以Click入 黃師奶廚藝小百科 facebook 粉絲專頁度交流吓吖~!!!

香辣排骨飯

20140503飯飯
<<香辣排骨飯>>
厚多士~厚多士~哈~唔好話黃師奶抽水呀~真係有少少唸住整個厚多士post 上黎tim!~哈~呢幾日見人哋d 改圖真係笑到爆咀~黃師奶真係好配服d網民咁有創意~哈~~真係好鬼正~

吖~個blog又就黎變咗做烘焙blog~快d出返d 餸菜先~唔係又要改名做烘焙小百科…>_<… 超級懶人黃師奶又整一煲過~呵~買咗30蚊腩排加2杯米~塞飽咗黃先生先~~再求奇煮條菜~~呵~~頹到呢…好快俾人扣家用……….

材料: 腩排450g , 白米2杯 , 水約 1.5杯 , 辣椒絲隨意 , 生粉一茶匙及麻油適量
腩排醃料: 生抽一湯匙, 老抽少許, 糖一茶匙, 胡椒粉少許

STEP 1
腩排洗淨後與醃料醃約二十分鐘 ; 煮前再將醃好嘅腩排與少許麻油及生粉拌勻~~

STEP 2
將白米洗淨

STEP 3
煮滾1.5杯水後, 拌入白米蓋上蓋中火煮約2-3分鐘後開蓋轉小火煮多約4分鐘後收乾水份

STEP 4
拌入腩排後蓋上蓋用小火煮約7-8分鐘, 如果想要飯焦~呢個時候可以較至中火煮多2分鐘

STEP 5
熄火後不要開蓋再焗最少15分鐘~食時灑上辣椒絲及煲仔飯豉油即可~

大家可以Click入 黃師奶廚藝小百科 facebook 粉絲專頁度交流吓吖~!!!

蜜糖小蛋糕

20140507CAKE2
<<蜜糖小蛋糕>>
尋晚場雨真係好大~好彩黃師奶同黃先生早咗返到家咋~唔係真係有遮都冇用呢~?!仲要行哂雷咁~~今個月真係多雨水呀~究竟太陽伯伯幾時先出返黎喔?!日日都咁唔好天~真係好討厭~

呢個蛋糕其實一d都唔難~係打蛋糊嗰part 煩少少呢~因為打雞蛋要打到稠身~溫度最好要有40度~咁黃師奶就將個碗放喺熱水到打~咁就好d~不過係要花少少時間~大約10分鐘咁上下就好稠身架喇~所以唔難做~係煩jer!~呵~

材料: 低筋粉80g , 雞蛋2隻 , 蜜糖45g , 白砂糖25g, 牛油溶液30g

STEP 1
預熱焗爐190度15分鐘備用

STEP 2
將蜜糖及白砂糖拌勻後下雞蛋 ; 低筋粉過篩備用

STEP 3
將放有STEP 1材料嘅大碗放入熱水中隔水用打蛋器以高速將材料打至稠身 (大約10分鐘)

STEP 4
將低筋粉篩入蛋糊中拌勻; 最後加入牛油溶液輕力拌勻

STEP 5
麵糊倒入焗盆中以190度火焗約15分鐘至金黃即成

大家可以Click入 黃師奶廚藝小百科 facebook 粉絲專頁度交流吓吖~!!!