<<煎鱸魚>>
尋日終於見到太陽伯伯LU!~~呵呵呵~好耐冇見過藍天呢~雖然天氣係好熱~不過藍天日子總會開心過雨天~!!呢個月都已經差不多日日落雨~希望藍天可是持續多幾日~~等黃師奶唔駛下下開抽濕機抽乾D衫啦~~~呵呵~
黃師奶今日玩煎魚~呵呵~~最愛行超市嘅黃師奶見到D魚柳幾靚~又買咗返家玩LU~頹頹哋就咁加少少黑胡椒同鹽調味就煎~味道唔錯喔~不過黃先生話最好下次要加多個汁…WELL…多要求到呢~~~而黃師奶呢~就喜歡銀鱈魚多D~呵呵呵~大家得閒試下啦~
材料: 鱸魚半條 (我買嗰時已經係切好成魚柳)
醃料: 檸檬汁少許, 鹽及黑胡椒少許 , 橄欖油少許(總之搽勻條魚就得) , 生粉一茶匙
STEP 1
將鱸魚與醃料拌勻( 橄欖油及生粉最後先加)
STEP 2
燒紅鑊後下鱸魚, 細火先煎香有皮一面~煎至魚肉變白色就反轉(唔好反黎反去呀~~好易出事)
STEP 3
再細火煎冇皮的一面煎大約2分鐘即成
4500 Total Views 1 Views Today
大家可以Click入 黃師奶廚藝小百科 facebook 粉絲專頁度交流吓吖~!!! 
銀雪魚肉質好滑架,好鍾意食
係呀~我老公都好like 食銀鱈魚~!!
銀鱈魚D肉好滑呢^~^哈..我會喺雪櫃摷d沙律醬之類去滿足下呢d要求就算數>o<
係呀~我都覺得銀鱈魚好味d
煎魚,我like架!
哈~我老公鍾意食嘛~!
我都係鍾意銀鱈魚多D!!
係呀~我覺得好味d~!
銀鱈魚梗係好食啲啦, 但就貴好多倍呢.
係呀~真係一分錢一分貨呢~
英國的鱸魚比較細條,我通常用來蒸。
蒸都一樣咁好味呢~!
我呢度都落雨!
吖~同香港天氣一樣~不過呢幾日好好天呢~
家下一唔落雨就好熱,而且依家先5月O乍…仲有幾個月挨!
不過唔落雨點都比落雨好,雨無論大定細,出親街都o里hea… ><
係呀小高~家下d 天氣好濕焗~真係令人好唔舒服~!
銀雪魚就滑D~EE
係呀~我都係咁覺得呢~!