黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

舊日文章

杯子蛋糕花球 CUPCAKE BOUQUET

20140510花花蛋糕
<<杯子蛋糕花球 CUPCAKE BOUQUET>>
今日係母親節~哈~黃師奶覺得買束靚花俾媽媽~倒不如親手做一束送俾媽媽啦~呢個CUPCAKE BOUQUET!睇得又食得~仲可以成家人都一齊分享TIM~~唔知大家欣唔欣賞呢?! 呵呵~~

黃師奶祝願天下母親~~母親節快樂~~~

大家可以Click入 黃師奶廚藝小百科 facebook 粉絲專頁度交流吓吖~!!!

芝士包 (老麵)

20140503芝士包包
<<芝士包>>
呢2日睇新聞~見到阿局長收到黃金郵包~哈~係咪黃師奶心腸衰呢~真係一句抵你死喇~包容包容~都唔明點解局長你會去報警咁唔包容囉~香港係需要包容架~唔通周街柯紙就可以包容~送紙俾人就唔得?!

今次呢個麵包加咗老麵麵糰~黃師奶覺得唔錯唔錯~暫時最欣賞係將老麵麵糰加入法棍到做~呵呵呵~老麵麵糰記得唔好加得太多入主麵糰~始終老麵麵糰係一d發酵過度而帶酸性~一下子加得多~好易出事喔~

材料: 老麵麵糰50g , 高筋麵粉250g , 全麥麵粉50g , 酵母1茶匙 , 糖20g , 雞蛋1隻 , 100g芝士碎(X夫) , 牛油溶液30g , 水140g

老麵麵糰做法 (以下份量我可以做到2次麵包用)
材料: 高筋麵粉150g , 水75g , 鹽少許 , 酵母約2g
將所有材料拌勻後搓成麵糰(無須起筋)再放室溫發酵4小時 (有多就50g一pack 放雪櫃放到4日)

主麵糰做法

STEP 1
將所有材料拌勻並搓揉至起筋; 發酵約1小時至倍大

STEP 2
排氣後再滾圓; 鬆弛15分鐘

STEP 3
整形後再發酵約45分鐘

STEP 4
預熱焗爐180度15分鐘, 掃上蛋水再焗包包約12-15分鐘即成

大家可以Click入 黃師奶廚藝小百科 facebook 粉絲專頁度交流吓吖~!!!

榛子杏仁曲奇

20140419餅餅
<<榛子杏仁曲奇>>
踏入五月就係黃先生生日月喔~呵呵~不過黃師奶乜都未準備~問黃先生想食咩啦~哈~佢話食黃師奶煮嘅晚飯~咁但係我話點都要出街食下嘅~佢就話去黃師奶最鍾意嗰間餐廳~呵~~唔知係佢生日定我生日呢~~~

又一次多謝朋友仔"糖媽"分享~哈~咁多個網友黎講~真係同糖媽好好傾~今次糖媽同黃師奶分享咗呢款曲奇~食落又好好味~仲好鬆化tim!~如果大家鍾意鬆化曲奇口感~呢款小食值得一試呢~

材料 :低粉100g,  室溫牛油90g, 鹽少許, 砂糖30g, 杏仁粉20g, 榛子粉40g

STEP 1
將低粉過篩 ; 將牛油, 糖及鹽用膠括混合

STEP 2
將榛子粉及杏仁粉加入牛油中再拌勻

STEP 3
篩入低粉再用膠括混合成麵糰 (切勿搓揉至起筋, 拌勻混合即可)

STEP 4
將麵糰搓成小圓球以180度火焗約20分鐘;

STEP 5
出爐後灑上糖粉; 待涼後再灑上多一次糖粉即成

大家可以Click入 黃師奶廚藝小百科 facebook 粉絲專頁度交流吓吖~!!!

豉汁蒸蟶子

20140427 蟶子
<<豉汁蒸蟶子>>
尋晚九點嗰套TBB節目~真係擺明抄RM 啦~好心啦~抄都抄得衰過人~~RM 好睇好多~我真係唔信嗰幾條友仔成世人未搭過地鉄囉…係咪紅足30幾年?!?!你話紅咗冇坐就話JER..個個都話第1次坐…真係熄機算~

嗱~黃先生好鍾意食蟶子架~~有時都會叫黃師奶買~~哈~今日就買咗D返去~黃先生話要用豉椒炒~不過黃師奶上星期病到CC下~就廢事炒~蒸算~~效果同樣美味~~食到黃先生係咁話正喔~~

材料: 蟶子6大隻, 蒜茸豆豉茸2大匙, 紅椒絲隨意

STEP 1
將蟶子清洗乾淨後抺乾水份; 鋪上蒜茸豆豉茸及灑上少許椒絲

STEP 2
煲滾水後下蟶子大火蒸約5分鐘後灒上熟油即成

大家可以Click入 黃師奶廚藝小百科 facebook 粉絲專頁度交流吓吖~!!!

鬆弛熊杯子蛋糕系列之3D翻糖版

20140503CUPCAKE1
<<鬆弛熊杯子蛋糕系列之3D翻糖版>>
星期六嘅晚上通常都係冇咩電視節目好睇嘅~咁呢個無聊搵嘢黎做嘅黃師奶就整咗個3D版嘅鬆弛熊杯子蛋糕~呵呵呵~~又係嗰句~~齋睇唔食都夠開心啦~~唔知你哋又鍾唔鍾意呢?! 呵呵呵~~~~

大家可以Click入 黃師奶廚藝小百科 facebook 粉絲專頁度交流吓吖~!!!

東芝變頻式蒸氣微波爐(型號: ER-GD400HK) 之用後分享篇

早前黃師奶同大家提過屋企廚房多咗個寶貝~哈~新寵兒就係又名”水波爐”嘅東芝變頻式蒸氣微波爐(型號: ER-GD400HK)喇~黃師奶用咗部爐差不多2星期喇~家下同大家分享吓先~呵呵~~

( 薄脆PIZZA分享篇 )
IMG_6230
嗱~要做出香脆口感嘅PIZZA~最重要係爐溫夠熱~!因為如果爐溫唔夠熱的話~咁就需用更長時間去焗熟個PIZZA…麵糰就會吸哂啲醬汁從而令到PIZZA 口感變得糊口喇~
黃師奶今次用東芝變頻式蒸氣微波爐(型號: ER-GD400HK)~爐內溫度可以迅速加熱至350度.~呢個溫度唔係普通家用式焗爐可以達到架. 黃師奶舊嗰部爐都係最大得240度咋 …>_<… 今次用咗水波爐~爐溫升得好快~!唔駛10分鐘~已經可以去到240度喇~呵呵~大大縮短咗平時預熱焗爐嘅時間呢~而且由於爐溫夠熱~個PIZZA 焗得香脆可口~~

( 歐式餐包分享篇 )
IMG_6236

嗱~另外呢個東芝變頻式蒸氣微波爐(型號: ER-GD400HK)最值得一讚就係爐溫非常平均喇~黃師奶用咗呢個水波爐黎做過麵包, 曲奇同埋蛋糕~全部食物都上色好均勻~以前黃師奶部爐爐溫中間最熱..所以焗到咁上下要人手調一調啲食物位置~如果唔係呢~就一啲焗到燶燶的…有啲就完全唔上色~大家睇下黃師奶呢個歐式餐包~焗出黎d 色水靚到呢~全靠就係東芝變頻式蒸氣微波爐(型號: ER-GD400HK)係石窯式設計~咁就營造咗強勁的熱力對流效果~所以熱力可以均勻咁透達爐內每個位置喔~~係咪值得一讚呢~呵呵呵~~

( 免揉法包分享篇 )
IMG_6237

黃師奶鍾意做麵包應該係人都知~哈~其實做麵包做大問題係發酵控制~!發酵過度會令麵糰變酸~但係發酵唔夠又會令麵包唔夠鬆軟~黃師奶今次用咗東芝變頻式蒸氣微波爐(型號: ER-GD400HK)嘅發酵功能~!真係大有幫助喔~據黃師奶所知~市面上應該冇其他家用爐有呢個發酵功能呢~呵~係呢部水波爐先有架咋~黃師奶將爐溫調較到40度~!呵呵~而且SET 埋時間制喎!咁就唔駛擔心發酵過度問題啦~有咗呢個東芝變頻式蒸氣微波爐(型號: ER-GD400HK)~黃師奶以後一年四季都唔駛擔心室溫發酵問題喇~一年四季都可以用呢部爐發酵出靚靚麵糰再整出美味軟熟嘅麵包喇~

 

(總結)
哈~大家見到黃師奶嘅分享~係咪覺得呢部機好正呢~呵呵呵~~黃師奶真係好滿意呢部東芝變頻式蒸氣微波爐(型號: ER-GD400HK)呢~家下有咗呢部水波爐~蒸煮焗煮都冇問題~以後無論係烘焙糕點定係中西菜餚~~都難唔到黃師奶呢~呵呵呵~

大家可以Click入 黃師奶廚藝小百科 facebook 粉絲專頁度交流吓吖~!!!

黃師奶上雜誌之壹週刊

10155487_705030706205290_3023565080115594753_n

 

10172740_705030722871955_1182530994140377275_n

黃師奶又上雜誌喇早前參加咗TOSHIBA x ABC Cooking Studio輕鬆烤焗烹飪學堂期間仲接受咗壹週刊嘅訪問提到對面包烤焗嘅心得tim~~呵呵~冇唸過會出大頭相知得執執個豬樣先去啦

 

 

大家可以Click入 黃師奶廚藝小百科 facebook 粉絲專頁度交流吓吖~!!!