黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

蒜汁牛肉滑豆腐

20140530豆腐
<<蒜汁牛肉滑豆腐>>
嗱~部洗衣機已經証實咗死亡~救唔返lu~~話咁快又買咗部新機~well!~不過星期三先送貨~~希望呢部新機生生性性~唔好亂發脾氣~~等黃師奶洗衫可以洗得舒服d啦~~

嗱~今日又係整d好送飯嘅餸~well!~夏天有時冇乜胃口~煮下豆腐送下飯都幾好選擇~今次黃師奶就醃好哂d牛肉~~牛肉加咗蒜茸醃~好惹味~加個豆腐~最後灒少少酒~~咁又一味簡單小菜~

材料: 牛柳200g, 滑豆腐一磚 , 紹酒小半碗
牛柳醃料: 生抽半湯匙, 蒜茸半湯匙, 糖及生粉各1茶匙, 胡椒粉及麻油少許

STEP 1
豆腐切丁 ( 豆腐可於煮前灑少許鹽蒸約5分鐘再切丁, 咁D豆腐煮起上黎靚仔D~唔易爛)

STEP 2
牛柳跟醃料伴勻備用

STEP 3
燒紅鑊後下牛肉略略兜炒片刻下豆腐後兜勻

STEP 4
灒酒後煮至收汁即成 (可加生粉水埋芡)

大家可以Click入 黃師奶廚藝小百科 facebook 粉絲專頁度交流吓吖~!!!

黑糖麵包 (老麵)

20140627黑糖包
<<黑糖麵包 (老麵)>>
嘩~~今日好好陽光喎!~一早起身已經話有酷熱警告~~好誇張~!呢幾日屋企部洗衣機又傻咗~!黃師奶發覺部洗衣機真係堅同我作對~衰衰咁~之前整咗唔夠1一個月又壞~好彩個師父唔收錢再整多次~!家下一年到又壞同一樣嘢~衰到呢~!

黃師奶今次做咗個黑糖麵包~~焗前噴咗少少水~外脆內軟~配上巴馬火腿~~呵呵~~好味好味~~今次黃師奶轉咗做黑糖~健康得黎~~又帶有香味~~哈~能夠每日食自己造嘅麵包~~真係好開心呢~~

材料: 老麵麵糰50g , 高筋麵粉250g , 全麥麵粉50g , 酵母約1茶匙 , 黑糖45g , 雞蛋1隻 , 牛油30g , 奶150g, 鹽少許

老麵麵糰做法 (以下份量我可以做到2次麵包用)
材料: 高筋麵粉150g , 水75g , 鹽少許 , 酵母約2g
將所有材料拌勻後搓成麵糰(無須起筋)再放室溫發酵4小時 (有多就50g一pack 放雪櫃放到4日)

主麵糰做法

STEP 1
將所有材料拌勻並搓揉至起筋; 發酵約1小時至倍大

STEP 2
排氣後再滾圓; 鬆弛15分鐘

STEP 3
整形後再發酵約45分鐘

STEP 4
預熱焗爐200度15分鐘, 將麵糰灑上少許水及高筋粉; 焗約20-25分鐘至金黃即成 (當麵糰焗約10分鐘後, 再灑水一次)

大家可以Click入 黃師奶廚藝小百科 facebook 粉絲專頁度交流吓吖~!!!

燒汁豬扒

20140621蒜汁豬扒
<<燒汁豬扒>>
黃先生愛咖啡~家下佢同間咖啡店好似好有默契咁~嗱嗱嗱~唔駛講嘢架…店主見到黃先生~會自動沖咖啡俾佢-_-"~黃師奶同黃先生講~你哋冇眼神交流~又冇開口講嘢~關係真係好微妙~!!

黃先生好鍾意食厚切豬扒~well..係..厚先食..薄的佢0興趣…咁黃師奶今次用咗支燒汁煮~塊豬扒本身靚就唔駛點啪都又腍又好味~啪嗰時唔好啪得太勁~醃時可加蛋白都唔會煮出柴皮豬扒~大家可以留意吓~

材料: 厚切豬扒2塊
豬扒醃料: 蒜鹽少許
醬汁: 燒汁小半碗

STEP 1
將豬扒與醃料拌勻先調味; 大火煎封肉汁至金黃

STEP 2
下醬汁蓋上蓋再煎至熟透即成

大家可以Click入 黃師奶廚藝小百科 facebook 粉絲專頁度交流吓吖~!!!

雙菇伴豆腐

20140621本菇草菇豆腐
<<雙菇伴豆腐>>
話咁快又到星期一LU~今日繼續唔好天~~今朝早黃師奶晨咁早彈起身喺廚房搞搞陣嗰時~WELL…講緊只係早上6:30~有條傻B以後8:00仆咗起身返工~~真係好唔明條傻B點解咁白痴~~平時剷10次都唔願起身~今朝又咁白痴早個幾鐘頭…

黃先生呢排成日話想食草菇~~都唔明點解佢咁鍾意食~~仲要同黃師奶講明要原粒菇煮~唔可以切開~~廚神上身咁~~咁黃師奶最後頂唔順佢D煩音~買咗返黎煮豆腐~呵呵~好餸飯~~~真係飯都食多碗呢~!

材料: 滑豆腐一磚 , 本菇2兩 , 草菇3兩, 紹酒小半碗, 薑2片
調味: 蠔油1.5湯匙

STEP 1
豆腐切丁 ( 豆腐可於煮前灑少許鹽蒸約5分鐘再切丁, 咁D豆腐煮起上黎靚仔D~唔易爛)

STEP 2
菇類用濕布清潔乾淨

STEP 3
爆香薑片後拌入菇菌兜炒片刻 ; 下豆腐調味再兜勻

STEP 4
灒酒後蓋上蓋煮至收汁即成 (可加生粉水埋芡)

大家可以Click入 黃師奶廚藝小百科 facebook 粉絲專頁度交流吓吖~!!!

蒜茸蒸龍蝦

20140616蒜茸蝦
<<蒜茸蒸龍蝦>>
今界世界盃~哈~西班牙就返咗家看牛牛喇~英格蘭都咁屎~~香港球迷唔知會唔會好失望呢~?!黃師奶冇追波架~拔~家中有個黃先生會喺半夜時睇波睇到大叫~~少D心血都嚇醒~~睇到咁肉緊~~頂佢唔順~

黃師奶喺街市見到D龍蝦又大又生猛~見街市魚佬趕收工平賣~又去買返隻玩下LU~~隻龍蝦有斤幾~不過龍蝦好快熟~我大火蒸大約5分鐘~蒸得老火蝦肉好梅口~呢個時間剛好~!個鉗記得啪爛佢~唔係D蒜茸入唔到味呢~

材料: 龍蝦一隻
調味: 蒜茸隨意

STEP 1
龍蝦放尿開邊, 將個鉗啪開~將蒜茸鋪上龍蝦肉上

STEP 2
煲滾水後大火隔水蒸約5分鐘即成 (可灒熟油)

 

大家可以Click入 黃師奶廚藝小百科 facebook 粉絲專頁度交流吓吖~!!!

梅菜肉餅

20140530肉餅 - 複製
<<梅菜肉餅>>
呢幾日天氣真係翳焗到不得了~~又唔係打風吖~雖則太陽伯伯唔係好勤力~不過又濕又焗~家下電費又話唔補貼~黃師奶又成日用焗爐~夏天張電費單真係唔敢睇呀!~長開冷氣荷包傷~~~呢句係黃師奶夏天格言!!!

屋企有梅菜~咁黃師奶就用黎整肉餅喇~D梅菜記得買返黎要浸下水~浸一陣可以換下水再浸~因為有時D梅菜好多沙架~不過又唔好浸太耐~浸得太耐又冇味~浸30分鐘後再沖乾淨呀!唔係實食到成口沙~!

材料: 豬柳梅約300G (叫豬肉佬揀夠肥D~一係叫佢答夠肥膏俾你啦), 梅菜隨意
醃料: 生抽約1大湯匙, 糖1茶匙, 胡椒粉少許, 麻油及生粉各1茶匙, 水3湯匙

STEP 1
豬絞肉與醃料(除水外)拌勻醃約20分鐘備用; 梅菜浸水約30分鐘後洗淨切碎

STEP 2
將醃好嘅豬肉慢慢加入水~!之後向同一個方向攪至起膠! (可以放入個保鮮袋到撻)~記得d水要完全吸收哂喔

STEP 3
將豬肉跟梅菜拌勻後煲滾水後將豬肉鋪上碟~~大火蒸約12-15 分鐘即成~!

大家可以Click入 黃師奶廚藝小百科 facebook 粉絲專頁度交流吓吖~!!!

Filippo Berio百益特純橄欖油食譜之芝麻杏仁酥

20140616餅餅
<<Filippo Berio百益特純橄欖油食譜之芝麻杏仁酥>>
早上好呀!~先嗰幾日1號風球~不過就打唔成喇~呵呵~黃師奶見打風就冇出街~留喺家到整餅食~今次黃師奶要介紹支橄欖油俾大家喔~!今次嘅主角係<<Filippo Berio百益特純橄欖油>>呢~!意大利百益橄欖油歷史悠久~而且家族經營~堅持採摘頂級橄欖新鮮壓搾,非常健康喔~~連「飲食男女」都讚意大利百益橄欖油係「你要擁有的8支橄欖油」之一呢~所以話~黃師奶介紹得就冇昆你喔~

Filippo Berio百益特純橄欖油唔單止對心臟有益~而且對骨骼, 皮膚同消化系統都好好呢~今次黃師奶就用Filippo Berio百益特純橄欖油整咗D酥餅~咁就食多多都唔怕肥呢~呵~

DSC_9091
材料: 低粉200g , 糖70g, Filippo Berio百益特純橄欖油 110g ,蛋汁20g,  泡打粉1/2茶匙 , 梳打粉1/4茶匙, 杏仁粉50g, 白芝麻2湯匙

STEP 1 焗爐預熱180度15分鐘

DSC_9095
STEP 2 將低粉/泡打粉/梳打粉過篩; 再加入糖拌勻;

DSC_9096
STEP 3 再加入蛋汁拌拌勻

DSC_9097
STEP 4 再加入Filippo Berio百益特純橄欖油拌勻

DSC_9098
STEP 5 將材料拌勻

DSC_9099
STEP 6 拌入杏仁粉後搓幾下 (勿搓過量至起筋)~

DSC_9100
STEP 7 再拌入白芝麻後搓勻;

DSC_9101
STEP 8 將麵糰整成圓餅;

DSC_9104
STEP 9 將粉糰掃上蛋汁

DSC_9105
STEP 10 以180度火 焗約15-20分鐘至金黃再放涼即成~!
熱賣點:百佳、惠康、AEON、APITA、SOGO、YATA

大家可以Click入 黃師奶廚藝小百科 facebook 粉絲專頁度交流吓吖~!!!

蠔皇薯仔豬軟骨

20140606豬軟骨
<<蠔皇薯仔豬軟骨>>
哈~世界盃開鑼LU~~~唔知道大家有冇今朝四點起身睇波呢?!尋日同黃先生討論緊呢個問題~哈~相信呢個月會有唔少打工仔返工就射波~做哂神射手喎!~~唔好話我話~實有唔少人~~今日扮病放SICK LEAVE~哈哈哈~~

好喇~~今日來個簡單小菜~~買咗D靚靚豬軟骨~~屋企又有薯仔~咁就索性炆咗佢~呵呵~D豬軟骨醃到入味~~同埋D薯仔記得煎香咗先~~一來可以封咗個肉汁~食落JUICY D~二來薯仔又冇咁易炆爛~~黃先生食都話好好味喔~~~~

材料: 豬軟骨600g, 生粉一茶匙及麻油適量, 薯仔一大個,乾蔥少許(切片)  , 薑2片
醃料: 生抽一湯匙, 老抽少許, 糖一茶匙, 胡椒粉少許
調味: 蠔油一湯匙

STEP 1
豬軟骨洗淨後與醃料醃約二十分鐘~~

STEP 2
將醃好嘅豬軟骨與少許麻油及生粉拌勻~~薯仔去皮後切大件

STEP 3
燒紅鑊後爆香乾蔥及薑片~拌入薯仔煎香後再下豬軟骨煎至金黃

STEP 4
下調味後兜炒片刻再加少許小半碗水煮滾~細火炆煮約15分鐘後再焗10分鐘即成~

大家可以Click入 黃師奶廚藝小百科 facebook 粉絲專頁度交流吓吖~!!!

”全綠煮意”比賽

10472688_726307394077621_4487119269223624215_n
黃師奶早前參加咗”全綠煮意”比賽~先唔好講嬴唔嬴啦~黃師奶嘅參賽相已經被登為封面喇~做咗封面當嬴咗~哈~~
大家得閒入去支持下黃師奶啦~ 黃師奶嘅真名係 “張婉婷” ~~嗱嗱嗱~我唔想出真名架~不過參賽要求冇計…

多謝大家支持~

bit.ly/1jTvS5C

大家可以Click入 黃師奶廚藝小百科 facebook 粉絲專頁度交流吓吖~!!!

免揉法包(低溫冷藏發酵法)

20140423法包
<<免揉法包(低溫冷藏發酵法)>>
今朝又天陰陰LU~睇黎一陣好快又落大雨呢~!呢幾日見各大FORUM都討論緊BIG 6人喺到臭篤小一派位問題~真係見到都想打佢一鑊金~誇區讀書辛苦喎!丁頁!咁你又誇境生仔?!唔通要香港人就返你哋?!不過算啦~我哋呢D香港人係唔會明白佢吔唸乜~

法包呢家嘢呢~真係唔係個個都愛整~如何你係做麵包高手~你就應用知道要做得好食有幾難~!!爐唔夠熱~根本做得唔好食~仲有發酵時間同濕度控制都好高要求~SO FAR 黃師奶最滿意係用老種做嘅法包~哈~不過今次介紹低溫冷藏發酵法先~得閒再講其他~!

材料: 高筋麵粉250g , 全麥麵粉50g, 熱水210g , 鹽少許 , 酵母約5-6g. 糖約10g

STEP 1
將糖伴入熱水中至完全溶化放涼備用

STEP 2
將所有材料拌勻並搓成糰 (無須有筋性)~ 室溫發酵約1小時

STEP3
將麵糰包好(記得包好呀!~裡面有空氣實衰) 再放入雪櫃發酵約14小時後取出回溫

STEP 4
排氣後再滾圓; 鬆弛15分鐘

STEP 5
整形後再發酵至2倍大

STEP 6
預熱焗爐230度15分鐘, 將麵糰灑上少許水; 焗約20-25分鐘至金黃即成 (當麵糰焗約10分鐘後, 再灑水一次)

大家可以Click入 黃師奶廚藝小百科 facebook 粉絲專頁度交流吓吖~!!!