黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

近期迴響

Google+ Badge

香煎豬肩肉伴BBQ醬

20140708豬豬
<<香煎豬肩肉伴BBQ醬>>
阿Jamie Oliver 喺香港開咗餐廳bor~呵~望過價錢又唔係貴~為食嘅黃先生同黃師奶決定搵日要去八下~呵~唔知有冇機會見到佢呢?! 哈~不過黃師奶唸佢一年都應該唔會有幾多日會喺香港~冇緣見到真人呢~

黃先生愛豬~哈~佢條友仔鍾意食豬肉~黃師奶就用咗支bbq醬做汁~哈~屋企真係好多醬~要不時清一清下~唔係點夠位買新嘢?! 做法係大火封咗肉汁~再加汁料煮至熟透~一d都唔難~煮得多就易控制時間呢~呵~!

材料: 豬肩肉2塊 (近豬頸膊頭位D肉)
醬汁: BBQ醬大半碗

STEP 1
燒紅鑊將豬肉大火煎封肉汁至金黃

STEP 2
下醬汁蓋上蓋再煎至熟透即成(我用STAUB 煮大約煮咗5分鐘就熟)

大家可以Click入 黃師奶廚藝小百科 facebook 粉絲專頁度交流吓吖~!!!

甜餐包 (湯種法)


<<甜餐包 (湯種法)>>
尋日睇麥噹噹個記招~當堂嘩咗一聲~成班高層~~個個成套黑色衫~仲要堅黑嗰隻…黃師奶覺得香港人好善忙~應該好快又冇咗件事~到時佢哋搞下換公仔~又一班人日日瘋狂咁食~~~

今日又來一個甜餐包~~呵~唔少人問黃師奶點解D包色水咁靚~其實焗嗰下留意下火路~唔好掃得太多蛋水就OK~黃師奶整甜包係掃一隻蛋黃加湯匙水溝埋你掃~你哋可以試下呢~!

材料: 高筋粉 350g 牛油 35g , 糖 35g, 鹽 4g, 酵母 6 g, 牛奶110 g, 湯種115g, 蛋一隻

STEP 1
將材料搓成麵糰再發酵50分鐘~

STEP 2
將麵糰放氣後壓篇~~再鬆弛15分鐘

STEP 3
再整形~發酵40 分鐘

STEP 4
預熱焗爐180度15 分鐘掃上蛋水焗包包約15 分鐘即成~!~~

大家可以Click入 黃師奶廚藝小百科 facebook 粉絲專頁度交流吓吖~!!!

手工餅

20140413餅餅
<<手工餅>>
尋日有冇睇馬小姐單新聞~~~真係爆~~爆過咖啡個gathering!~~真係唔知可以點兜~~阿咖啡就摺咗冇得留停~唔知馬小姐最後點收科呢?黃師奶尋晚唸住東張西望有嘢爆~吖~~又冇喎!~~最後點真係一個謎~

黃師奶屋企成日都有d手工餅…well..即係自家曲奇~~哈~咁有時喺企會口痕~自己一早焗定d~餓起上黎咬下唔錯架~而且呢d 餅又易做~整黎送下朋友咁幾好呢~!

材料: 砂糖40g , 糖粉60g , 無鹽牛油 200g , 雞蛋一隻 , 多用途麵粉220g , 粟粉 70g , 杏仁粉 30g , 雲尼拿香油1/4茶匙

STEP 1
將牛油用打蛋器打至順滑, 再拌入砂糖及糖粉打至完全混合

STEP 2
再慢慢注入蛋汁, 用打蛋器打至溶合

STEP 3
預熱焗爐170度15分鐘

STEP 4
加入香油拌勻, 再分次篩入麵粉及粟粉後刮拌勻成麵糰 (切勿搓至有筋性)

STEP 5
將麵糰搓成小圓餅再用叉壓出花紋, 焗約15分鐘至金黃放涼即成

大家可以Click入 黃師奶廚藝小百科 facebook 粉絲專頁度交流吓吖~!!!

香辣帕爾瑪火腿薄餅

20140606pizza
<<香辣帕爾瑪火腿薄餅>>
吖~個鼻生咗粒冇頭瘡…10個痛呀!~最怕生呢d冇頭瘡~除咗樣衰~仲要痛~粒瘡已經幾日喇~有咩方法可以快d整榭佢呀!~~天呀!~~~黃先生仲要衰到係咁笑~真係想中多佢2嘢呀~~~~~~~~

呵呵呵~今日又係PIZZA?!哈哈~係咪睇到厭呢~冇計啦~~老細鍾意食~~成日話要食PIZZA~所以就成日整呢~今次加咗少少青椒~再落多咗黑胡椒~有少少辣味~真係好唔錯~!呢款薄脆批餡料可是隨意變化~真係一個值得一試嘅食譜呢~!

麵糰材料: 高筋麵粉125g , 橄欖油8g , 水70-75g , 鹽少許
餡料: 水牛芝士及Parma Ham隨意 , 青椒少許(切小塊)
調味: 橄欖油及黑胡椒少許

STEP 1
將麵糰材料搓成糰(無須起筋); 鬆弛45分鐘

STEP 2
預熱焗爐240度15分鐘

STEP 3
將麵糰壓平~用叉子喺麵糰上吉出多個小孔; 灑上少許橄欖油及黑胡椒於麵糰上

STEP 4
將麵糰以240度火焗至金黃香脆; 再放上水牛芝士及青椒焗約5分鐘再鋪上Parma Ham即成

大家可以Click入 黃師奶廚藝小百科 facebook 粉絲專頁度交流吓吖~!!!

這個夏天 細味公平味道 – 公平伯爵 公平茉莉

20140708茶茶

話咁快已經踏入咗暑假LU~唔知大家點過呢個炎炎夏日呢?!呵~家下天氣咁熱~來一個冰涼飲料就最PERFECT喇~今日黃師奶又有好嘢益大家~呵~就係剛於今個夏天推出嘅新飲料「公平伯爵」及「公平茉莉」喇~

呢款「公平伯爵」樽裝茶品嘅茶葉係產自位於海拔1,500至2,500米高的印度大吉嶺茶區~而且係天然有機耕種~~再運黎香港製造~係MADE IN HONG KONG 架~而「公平茉莉」呢~茉莉取自中國,茶味芳香~由於冇加無人造色素同防腐劑~所以買咗之後記得放雪櫃~大約2個星期到就好飲LU~~嗱嗱嗱~「公平伯爵」及「公平茉莉」係無糖飲料又係零卡路里~咁健康~真係飲多多都唔怕呢~呵~

尋晚黃先生飲完話「公平伯爵」茶味馥郁~茶味剛好~食飽飽嘆支茶~爽YY 呢~至於「公平茉莉」~就真係有著淡淡清香~但係又冇任何苦澀味~~飲完都講一聲回甘~!!!

零售價:  $22-26  (450毫升)
銷售點: AMC及百老匯影院全線
公平棧 www.fairtaste.com.hk

公平棧是一家自負盈虧的香港社會企業,透過推動公平貿易及有機食品,保護大自然和減少貧窮。公平棧是一家自負盈虧的香港社會企業,透過推動公平貿。
「細味公平」樽裝茶:「公平的味道..….』」FB 活動
由7月16日至8月16日期間,消費者只需將公平伯爵和公平苿莉的飲後感,以手寫的一句「公平的味道是……」表達及拍下,並將相片上載至「公平棧專頁」 (facebook.com/公平棧)。得到最多「讚好」的十位參賽者,有機會獲得公平棧送出的公平貿易禮品。羸得最多讚好人的票王或票后更會獲得名貴公平茶禮物籃一個﹗

大家可以Click入 黃師奶廚藝小百科 facebook 粉絲專頁度交流吓吖~!!!

香煎牛肩胛

20140627牛牛2
<香煎牛肩胛>

黃師奶屋企樓下就係吉吉島~所以呢個八掛師奶日日都要行一轉~今次見D 牛肩胛特價喎~又即買~其實煎牛肉最緊要係唔好煎得太老火~牛肉全熟係唔好食架~煎時要留意返牛肉厚度~煎得多就易掌握~大家不妨試下呢~!

材料: 牛肩胛一塊
牛肉眼調味: 海鹽及黑胡椒少許

STEP 1
燒紅煎PAN~牛肩胛灑上調味~再每面煎約3-4分鐘(嗱~呢個睇牛肩胛厚度去決定煎嘅時間)~

STEP 2
將煎好嘅牛肩胛用錫箔紙包好放上一隻熱碟上(蒸下隻碟就熱架喇)靜止5分鐘~食得~!

大家可以Click入 黃師奶廚藝小百科 facebook 粉絲專頁度交流吓吖~!!!

蒜汁鱸魚

20140606蒜汁鱸魚
<<蒜汁鱸魚>>

呵呵呵~德國終於拎咗第一喇!而巴西就喺最後2場比賽共食10蛋!滞到呢~波就踢完~大家又要努力工作~日日瞓靚覺~唔駛捱夜咁陰公豬呢!

黃師奶同黃先生喺太古城行街街~見到D急凍魚扒好抵食~又買返家試下LU~呵呵~早前黃先生話想D魚扒加個汁煮~~當然冇問題啦~屋企有燒汁~又想惹味D~所以就加咗少少蒜泥~~黃先生話好好味~TUM 得黃師奶好開心呢~!

材料: 鱸魚半條 (我買嗰時已經係切好成魚柳)
醃料: 檸檬汁少許, 鹽及黑胡椒少許 , 橄欖油少許(總之搽勻條魚就得)  , 生粉一茶匙
汁料: 蒜茸一大匙, 現盛燒汁小半碗

STEP 1
將鱸魚與醃料拌勻( 橄欖油及生粉最後先加)

STEP 2
燒紅鑊後下鱸魚, 細火先煎香有皮一面~煎至魚肉變白色就反轉(唔好反黎反去呀~~好易出事)

STEP 3
反轉後再淋上汁料~細火煎冇皮的一面煎大約2分鐘即成

大家可以Click入 黃師奶廚藝小百科 facebook 粉絲專頁度交流吓吖~!!!

芝麻餐包 (米飯麵糊)

20140611飽湯種包
芝麻餐包 (米飯麵糊)
HAPPY FRIDAY~!世界盃就已經尾聲喇~唔知道大家買邊隊嬴呢~黃師奶就買德國喇~呵呵呵~咁巴西究竟係咪衰到尾~對荷蘭都要輸得咁樣衰呢~真係好期待個結果~哈哈哈~~

哈~黃師奶實在愛上咗用米飯麵糊做麵包~因為做出來嘅麵包實在太鬆軟~分別實在太大喇~今次呢款包加咗少少芝麻~~食落有點香香的感覺~見有D BLOG 友話可以日日整麵包用好多時間~黃師奶都覺得係講得啱嘅~不過可以食得健康D~用多點時間都值得吖~

米飯麵糊做法
材料: 1杯米 , 2杯水
做法: 用家用電飯煲按"煮飯"功能, 煮成比較稀爛嘅米飯; 放涼備用

主麵糰做法
材料: 米飯麵糊150g, 高筋粉240g, 酵母6g, 糖30g, 牛油30g, 雞蛋一個, 牛奶50g
鋪面用芝麻少許

STEP 1
將所有材料拌勻並搓揉至起筋; 發酵約1小時至倍大

STEP 2
排氣後再滾圓; 鬆弛15分鐘

STEP 3
整形後再發酵約45分鐘

STEP 4
預熱焗爐180度15分鐘, 掃上蛋水和灑上少計芝麻再焗包包約12-15分鐘即成

大家可以Click入 黃師奶廚藝小百科 facebook 粉絲專頁度交流吓吖~!!!

Day Day Cook 「餸給最愛」得獎~呵呵呵~~

IMG_6857

早前黃師奶參加咗 Day Day Cook 「餸給最愛」活動得咗獎喇! 喺到要多謝 Day Day Cook先~!
呢個活動獎品豐富,參加方法又好簡單! 大家快啲去 Day Day Cook 到參加呢

http://www.daydaycook.com/

大家可以Click入 黃師奶廚藝小百科 facebook 粉絲專頁度交流吓吖~!!!

鮮菇伴露筍

20140627本菇
<<鮮菇伴露筍>>
哈~今朝聽到一句~"大家唔係發夢, 亦都唔係未瞓醒~冇錯~係7:0~真係7個1皮"~哈哈~最後完場前90mins破蛋~~真係輸得好樣衰~主辦國真係好瘀皮~德國佬又真係夠哂狠~面都唔俾~一個字~!爆~!!

又係頹飯系列~肉都冇一粒?!哈~買咗d本菇~~加多pack露筍~煮埋又一餐~呵呵~露筍唔駛烚好耐~黃師奶都係烚咗唔夠2mins~用d蠔油炒下d 菇菇~淋上去又一道簡單小菜呢~!

材料: 啡色/白色本菇隨意 , 露筍隨意, 蒜茸一大匙, 紹酒小半碗
汁料: 蠔油一大匙

STEP 1
露筍洗淨後抺乾水份; 菇類用濕布清潔乾淨

STEP 2
爆香蒜茸後拌入菇類炒香; 再下蠔油兜炒片刻後灒酒再煮至收汁

STEP 3
煲滾水後下少許油, 鹽及糖; 拌入露筍煮至熟透(約2mins)

STEP 4
將菇類淋上露筍上即成

大家可以Click入 黃師奶廚藝小百科 facebook 粉絲專頁度交流吓吖~!!!