黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

青年廣場[全綠煮意]得奬通知

Picture23 011
哈~早前黃師奶參加咗青年廣場舉辦嘅[全綠煮意]食譜募集得咗奬呢~最爆係黃師奶竟然唔記得咗件事…冇去check 個得奬名單…好彩青年廣場寄返個奬品同通知書俾黃師奶咋~~呵呵~~

大家可以Click入 黃師奶廚藝小百科 facebook 粉絲專頁度交流吓吖~!!!

Scott廚紙食譜 – <<鬆弛熊飯糰便當>>

20140817飯糰2jpg
話咁快又就開學喇~家長們可以PLAN下做咩便當俾小朋友拎返學校食喎~今日黃師奶就介紹個小朋友實喜歡的鬆弛熊飯糰便當~呵呵~其實做法簡單~不過整飯糰時會擔心個飯糰接觸到枱上面的細菌~所以黃師奶就用咗Scott廚紙幫手LU~~將飯糰放上Scott廚紙上面~呵~咁就乾淨衛生得多呢~!
DSC_9939
材料: 白米一杯, 牛肝菌大半碗, 家樂牌雞粉調味用
廚房好幫手: Scott廚紙

DSC_9662
STEP 1 將牛肝菌浸軟

DSC_9681
STEP 2 將牛肝菌連同浸牛肝菌用的水倒入已洗淨嘅白米中, 再放入電飯煲中煮飯

DSC_9688
STEP 3 將煮好嘅牛肝菌飯加一點家樂牌雞粉作調味用

DSC_9696
STEP 4 將米飯壓出熊仔做型

DSC_9713
STEP 5 最後用糖果/朱古力豆作為眼睛鼻子即成

哈~係咪好簡單呢?!呢個飯糰小朋友實喜歡啦~呵~有咗Scott廚紙真係好方便~黃師奶將一個一個嘅飯糰用Scott廚紙墊好~一來又唔會搞到D飯粒痴到周圍都係~二來又乾淨喎!~呵~Scott廚紙榮獲食品級安全認證(HACCP),衛生又安心~

想睇更多親子食譜或者入廚tips,不妨join<<絲潔親子煮意>> Facebook group~ 黃師奶都join 咗啦~大家都快d加入一齊開心share ~

 

大家可以Click入 黃師奶廚藝小百科 facebook 粉絲專頁度交流吓吖~!!!

《情繫中秋》犁記 巧饌禮盒

10602582_10152264687197477_586526653_n
《情繫中秋》犁記 巧饌禮盒
唔覺唔覺~仲有2個星期就到中秋節喇~~今年黃師奶玩玩新意思~試咗呢款台式月餅禮盒慶中秋喔~!呵呵呵~~!犁記自清光緒二十年(1894年)創業~~已經有過百年歷史呢~!

呢款禮盒有別於傳統嘅蓮蓉月餅~~款式有蛋黃酥, 香芋酥同綠豆小月餅~! 哈~第一次食台式月餅真係唔錯喔~!感覺不油不滯~!而且唔係太甜~!值得一試喔~!哈~而且綠豆同芋頭味都好香~~黃先生都話好好味呢~!

產品資料
內容物:綠豆小月餅*2+香芋酥*2+蛋黃酥*2
禮盒尺寸:23.6x13x5cm
保存期限:常溫約7-10天
產地:台灣
imBuy購物頻道:eshop.dimbuy.com
《情繫中秋》推廣頁:http://goo.gl/oaXwxM

 

大家可以Click入 黃師奶廚藝小百科 facebook 粉絲專頁度交流吓吖~!!!

Scott廚紙食譜 – <<合桃杯子蛋糕>>

20140815CAKE4
<<Scott廚紙食譜 – <<合桃杯子蛋糕>>>>
嗱嗱嗱~家下仲係暑假~唔想出街熱辣辣~不如同小朋友整下蛋糕仔~做個茶點開心吓呢~呵呵~今次黃師奶就同大家分享個簡單合桃蛋糕呢~!嘻嘻~怕整蛋糕呢HEA?!唔駛驚~有Scott廚紙就唔駛怕啦~創新革命性縮水夾層壓紋~超強吸水力~!就算整嘢食時倒瀉~一抺就得~呵呵~!
DSC_9528
材料: 低筋粉120g, 牛油120g, 蛋2個, 砂糖100g, 粘米粉30g, 牛奶40g,  泡打粉5g , 合桃隨意
廚房好幫手: Scott廚紙

STEP 1 將低筋粉, 泡打粉及粘米粉過篩3次 ; 焗爐預熱180度10分鐘

DSC_9536
STEP 2 將牛油用熱水坐溶後拌入麵粉中

DSC_9546
STEP 3 再倒入雞蛋

DSC_9550
STEP 4 再倒入砂糖及牛奶

DSC_9560
STEP 5 用電動打蛋器以中速打至變成稠身麵糊 (約4分鐘)

DSC_9561
STEP 6 用Scott廚紙沾上少許油, 再抺在模具中~咁樣除咗可以方便脫模外~亦都可是減少油份吸收架~點解?!之唔係Scott廚紙有超強吸油力~用少少油就夠抺囉~俾個讚先~!

DSC_9571
STEP 7 將麵糊倒入容器內再放入合桃肉~以180度焗約30分鐘至熟透即可

哈~個食譜係咪好簡單呢~!唔少人覺得烘焙會好呢HEA~其實唔駛怕架~如果個麵糊整污糟咗落張枱到~用Scott廚紙一抺就乾淨哂架喇~黃師奶玩烘焙玩咗咁多年~有唔少清潔心得~哈~用Scott廚紙先抺咗器皿上嘅牛油麵糊漬~之後清洗時會方便好多TIM~

簡單嘅杯子蛋糕~換上你同小朋友至愛嘅餡料~好似提子, 朱古力~無窮變化~~嘻嘻~做法簡單~快D同小朋友試下啦~!

 

 

 

 

 

 

 

 

 

大家可以Click入 黃師奶廚藝小百科 facebook 粉絲專頁度交流吓吖~!!!

XO醬炒蜆

20140815XO醬蜆肉
<<XO醬炒蜆>>
黃師奶屋企已經換咗新冷氣~一個字~爽呀!~冇冷氣真係堅頂唔順~!其實黃師奶做女嗰時都冇乜得嘆冷氣架咋…因為娘家好慳~嫁咗俾黃先生俾佢寵壞咗~享受慣~冇冷氣真係堅唔掂~!

晨咁早彈咗去街市~見d大蜆好抵買~又買咗斤幾~拎返家就浸用鹽水浸咗好耐好耐~呵~d蜆真係好肥大~黃先生都話好好味~加少少XO醬~惹味d~下次加多隻辣椒~~因為黃師奶鍾意辣辣哋喔~!

材料: 花甲1.5斤 (浸鹽水3粒鐘~洗得乾乾淨淨)
調味: XO醬隨意 , 蒜茸一湯匙

STEP 1
煮滾水後下蜆煮至半開口

STEP 2
燒熱個煲煲~爆香XO醬蒜茸放蜆

STEP 3
煮至蜆熟灒酒再兜勻收汁即成

大家可以Click入 黃師奶廚藝小百科 facebook 粉絲專頁度交流吓吖~!!!

桂圓紅棗茶

201408215桂圓
<<桂圓紅棗茶>>
尋日單反佔中遊行真係好爆笑~哈~竟然話過十萬喎!~反而七一咁多人就唔夠~~睇有線新聞仲爆~話黎購物喎!~~仲放蛇有錢分TIM~哈~個個遊行後~剩返D垃圾好似花市完咗咁~~真係鬧劇一場~~~

今次呢個甜湯~哈~~其實唔駛加糖都得架~點解? 之唔係D 龍眼肉本身都已經好夠甜喇~不過呢~甜呢家嘢個個口味唔同~黃師奶就覺得最好就試一試味先~唔夠先加囉~唔係太甜就唔係幾好啦~!

材料: 新鮮龍眼肉1磅 , 去核紅棗4-5粒 , 水1升, 薑味紅糖隨意

STEP 1
將龍眼去殼去核 ;紅棗洗淨

STEP 2
將水煮滾後下龍眼肉及紅棗煮滾細火煮約30分鐘再焗約2小時

STEP 3
下糖調味後飲前翻熱即可

 

大家可以Click入 黃師奶廚藝小百科 facebook 粉絲專頁度交流吓吖~!!!

甜蜜巧克力

20140801朱朱力1
<<甜蜜巧克力>>
呢2日睇新聞~香港發雞瘟~呵~唔知會唔會又好快冇雞食呢?!好彩定下未過年~記得成日做節先冇雞食~~希望呢單嘢發D冇事啦~呢期又多慘劇新聞~家下又連雞都發瘟~~好似好糟咁呢~!

嗱嗱嗱~呢杯愛心巧克力呢~係阿黃先生沖俾黃師奶飲架~大家係咪對黃先生另眼相看呢~巧克力入面嘅綿花糖亦係黃先生訂黎送俾黃師奶~呵呵~加埋一齊又cute又好飲~~~

食譜由黃先生提供~~~~

材料: 煮食用巧克力約100g, 北海道牛奶250g

STEP 1
將巧克力用熱水坐溶

STEP 2
將北海道牛奶煮至微熱

STEP 3
將已溶化嘅巧克力倒入牛奶中拌勻即成

大家可以Click入 黃師奶廚藝小百科 facebook 粉絲專頁度交流吓吖~!!!

芝麻軟包 (米飯麵糊)

20140608米飯麥包
<<芝麻軟包 (米飯麵糊)>>
黃師奶房部冷氣壞咗LU~呵~電器呢家嘢好似壞開有條路咁~上月已經換咗洗衣機~今個月又要換冷氣~!家下黃師奶夜晚要靠廳嗰部較大佢吹D風入房先得~~冇咗冷氣真係好唔掂~如果廳部壞埋黃師奶應該會住酒店…

哈~今日又出包包POST~款包包用咗近日黃師奶大愛嘅米飯麵糊做~做出黎包包口感很好~很軟熟~自己造麵包~雖然時間係長~不過真係一件樂事~呵~配埋少許雞肉~煎蛋~就變成一份愛心早餐~呵呵呵~!

米飯麵糊做法
材料: 1杯米 , 2杯水
做法: 用家用電飯煲按"煮飯"功能, 煮成比較稀爛嘅米飯; 放涼備用

主麵糰做法
材料: 米飯麵糊150g, 高筋粉200g, 全麥麵粉40g, 酵母6g, 糖30g, 牛油30g, 雞蛋一個, 牛奶50g
鋪面用芝麻少許

STEP 1
將所有材料拌勻並搓揉至起筋; 發酵約1小時至倍大

STEP 2
排氣後再滾圓; 鬆弛15分鐘

STEP 3
整形後再發酵約45分鐘

STEP 4
預熱焗爐180度15分鐘, 掃上蛋水再灑上芝麻焗包包約12-15分鐘即成

 

 

大家可以Click入 黃師奶廚藝小百科 facebook 粉絲專頁度交流吓吖~!!!

牛油蛋糕

20140606牛油蛋糕
<<牛油蛋糕>>
近期熱話就個個講"沒女"~哈~不過黃師奶反而冇睇喎!~可能覺得呢類節目做效果多…所以又冇興趣追呢~自從TBB播得太多膠劇後~黃師奶都轉咗去韓劇懷抱~真係覺得TBB唔係我杯茶LU~~

又來一個肥爆蛋糕~呵呵呵~呢款蛋糕黃先生真係好鍾意食~一焗起出爐佢可以食好多個架~哈~~見佢鍾意食~黃師奶就會成日整~唔怕肥啦~最緊要有運動就得啦~哈哈哈~

材料: 低筋粉120g, 牛油120g, 蛋2個, 砂糖100g, 粘米粉30g, 牛奶40g,  泡打粉5g, 牛油味香劑1茶匙

STEP 1
將低筋粉, 泡打粉及粘米粉過篩3次

STEP 2
焗爐預熱180度10分鐘

STEP 3
先將牛油打發再拌入糖打至均勻; 再拌入其他材料至中速打至變成稠身麵糊 (約4分鐘)

STEP 4
將麵糊倒入容器內以180度焗約30分鐘至熟透即可

大家可以Click入 黃師奶廚藝小百科 facebook 粉絲專頁度交流吓吖~!!!

香芋饅頭

20131029頭頭
<<香芋饅頭>>
今朝過馬路~真係驚見個女仔差D俾車撞~聽住歌~唔睇燈就一路行~如果唔係個司機刹得切~佢都應該BYEBYE 咗~黃師奶雖然都係低頭一族~不過過馬路就真係冇咁勇…乜都唔睇就咁行…衰D嗰句..有咩事個司機都好慘架~

呢款香芋饅頭個樣就係幾靚~不過呢~一定唔會再整架喇~喺二德惠買包香芋粉~係香~不過食落個味唔出呢~同埋隻色整嗰陣見到太sharp喇…太多化學嘢..下次都係搓返芝麻嗰d穩陣d呢~!

白色麵糰材料: 中筋麵粉 100g , 酵母粉約一茶匙 , 奶50g , 糖25g , 鹽少許 , 油 1小匙 (我用小米油)
紫色麵糰材料: 中筋麵粉 100g , 酵母粉約一茶匙 , 奶50g , 糖25g , 鹽少許 , 油 1小匙 (我用小米油) , 香芋粉5g

STEP 1
將白色麵糰及紫色麵糰分別搓勻至光滑不痴手~發醃約40分鐘

STEP 2
將麵糰整形後讓麵糰休息約10分鐘~

STEP 3
用凍水開始~隔火蒸滾後轉中細火蒸約12-15分鐘即成

大家可以Click入 黃師奶廚藝小百科 facebook 粉絲專頁度交流吓吖~!!!