|
|
<<黑椒薯仔炆豬軟骨>>
尋日真係睇戲一樣~畫面何其震撼~!明明係學運…冇啦啦變咗佔中…最激係警察出動咗N次催淚彈!~!越夜越多人…點解香港會變成咁…黃師奶乜都唔識..只係希望個個人都可以平平安安返屋企就得..千祈唔好有人傷亡…
之前屋苑大停電…冇咗煲豬軟骨心痛C…今次死死地氣又炆過~哈~加咗D黑胡椒~~又香又惹味~~D豬軟骨黃師奶炆下焗下咁~又腍又惹味~真係飯都食多碗呢~!
材料: 豬軟骨400g, 生粉一茶匙及麻油適量, 薯仔一大個,洋蔥一個(切角) , 薑2片, 酒半碗
醃料: 生抽一湯匙, 老抽少許, 糖一茶匙, 胡椒粉少許
調味: 黑胡椒隨意
STEP 1
豬軟骨洗淨後與醃料醃約二十分鐘~~
STEP 2
將醃好嘅豬軟骨與少許麻油及生粉拌勻~~薯仔去皮後切大件~~洋蔥去衣切角
STEP 3
燒紅鑊後爆香洋蔥及薑片~拌入薯仔煎香後再下豬軟骨煎至金黃
STEP 4
下調味後兜炒片刻後灒酒炒香~再加少許小半碗水煮滾~細火炆煮約15分鐘後再焗10分鐘即成~
大家可以Click入 黃師奶廚藝小百科 facebook 粉絲專頁度交流吓吖~!!!
<<芝士軟包 (米飯麵糊)>>
好喇~懶咗幾日~又蒲返上黎先~嗱嗱嗱~黃師奶唔係懶..只係腸胃炎呀又….對上一次腸胃炎係..2個星期期….2星期後一食少少生冷嘢又黎過…真係PAT PAT 受罪…家下唔敢亂食嘢….生冷凍飲乜都唔敢食呀~糟~~~~!!
哈~好似好耐冇出D麵包POST喎~今日又黎返個先~今次個包加咗芝士~哈~用咗芝士焗包真係又香又好味~黃先生好鍾意食~~黃師奶將D包包請咗俾朋友食~大家都好俾面讚不絕口~~真係多謝欣賞~哈~~
米飯麵糊做法
材料: 1杯米 , 2杯水
做法: 用家用電飯煲按"煮飯"功能, 煮成比較稀爛嘅米飯; 放涼備用
主麵糰做法
材料: 米飯麵糊150g, 高筋粉200g, 全麥麵粉40g, 酵母6g, 糖30g, 牛油30g, 雞蛋一個, 牛奶50g, 芝士碎50g
鋪面用芝士碎隨意
STEP 1
將所有材料拌勻並搓揉至起筋; 發酵約1小時至倍大
STEP 2
排氣後再滾圓; 鬆弛15分鐘
STEP 3
整形後再發酵約45分鐘
STEP 4
預熱焗爐180度15分鐘, 掃上蛋水再灑上芝士碎焗包包約12-15分鐘即成
大家可以Click入 黃師奶廚藝小百科 facebook 粉絲專頁度交流吓吖~!!!
<<兔兔結婚公仔>>
朋友仔今日出嫁喇~~為咗送上祝福~黃師奶就整咗對結婚公仔俾你啦~~~希望你鍾意啦~~呵呵呵~~~祝願你白頭到老~恩恩愛愛~~~~
嗱嗱嗱~大家快d留個言讚下黃師奶d手藝啦~呵呵~~~~~
大家可以Click入 黃師奶廚藝小百科 facebook 粉絲專頁度交流吓吖~!!!
<<蒜辣牛肉伴時蔬>>
呵~風就已經打完lu~大家尋日都叫做爽咗半日吖~係咪好開心呢~哈~打完個風~天氣冇咁熱喇終於~剛剛仲落咗幾粒雨tim!~希望秋天快d黎啦~~黃師奶最愛就係秋冬天~越凍越好呀!~呵~~
今日呢個小菜~簡單到唔簡單~哈~有朋友仔話d露筍苦喎!~其實買返黎最好切咗尾尾佢啦~紫紫哋色嗰part!~咁會好味好多~露筍唔駛煮咁耐~2分鐘到得架喇~煮得耐老咗有渣唔好味呢~!
材料: 牛柳200g , 露筍隨意, 蒜茸半湯匙, 紹酒小半碗, 辣椒隨意
牛柳醃料: 生抽半湯匙, 蒜茸半湯匙, 糖及生粉各1茶匙, 胡椒粉及麻油少許, 水一湯匙
STEP 1
露筍洗淨後抺乾水份; 牛柳跟醃料伴勻備用
STEP 2
爆香蒜茸; 燒紅鑊後下牛肉略略兜炒片刻後灑下辣椒再灒酒煮至7成熟
STEP 3
煲滾水後下少許油, 鹽及糖; 拌入露筍煮至熟透(約2mins)
STEP 4
將牛肉連汁淋上露筍上即成
大家可以Click入 黃師奶廚藝小百科 facebook 粉絲專頁度交流吓吖~!!!
<<香蔥薯仔炆雞>>
哈~好似話一陣3號風球喎!~唔知係咪真係堅打得成呢?! 打工仔係咪又望明天唔駛返工呢~哈哈哈~打得成就冇咁熱呢~呢幾日天氣真係好焗呀!~落下大雨就應該會舒服D~呵呵呵~~
黃師奶屋企幾時都有D 急凍雞件喺冰格~哈~打風打仗D糧都夠食一排架~今次用咗小雞槌~點解?!之唔係之前吉吉島特價入咗唔少貨囉~所以又要清下貨~唔係點買新~哈哈哈~
材料: 雞槌10隻 , 薯仔2個 , 洋蔥1個, 薑2片, 紹酒少半碗
雞肉醃料: 生抽約半湯匙 , 糖一茶匙 , 胡椒粉少許, 麻油及生粉少許, 紹酒一大匙
STEP 1
雞與醃料拌勻備用
STEP 2
洋蔥去衣後切角備用~薯仔去皮洗淨切大件
STEP 3
爆香薑~將雞同薯仔略略煎香盛起~再爆香洋蔥
STEP 4
雞同薯仔回鑊後兜炒片刻灒酒
STEP 5
加水蓋過所有材料後煮滾轉細火炆煮約15分鐘至收汁 (可加生粉水埋芡) 即成~
大家可以Click入 黃師奶廚藝小百科 facebook 粉絲專頁度交流吓吖~!!!
<<焗羊架>>
下星期又話打風LU!~唔知打唔打得成呢?!今年好似冇乜點打過風咁~家下都九月天~中秋都過咗~天氣仲好翳焗~個風打得成都應該會涼返D!~唔係真係焗到冇朋友呀!~~
黃師奶好少可成排羊架咁焗~哈~黃先生鍾意食羊肉~呢個羊架佢不停讚話好食好JUICY!~~黃師奶覺得用咗鹽同黑胡椒醃過已經好夠味~~不過PATPAT痕見有個汁張相靚D~大家可以SKIP咗個汁冇問題~哈~~
材料: 羊架約270g
調味: 鹽及黑胡椒隨意 , 香草碎少許
醬汁: 可隨個人喜好
STEP 1
將羊架印乾水份, 用調味醃最少4小時備用 (醃過夜更好)
STEP 2
預熱焗爐220度, 焗約20-25分鐘至五成熟
STEP 3
將焗好羊架用錫紙包好再放上熱碟上REST 10分鐘即成
大家可以Click入 黃師奶廚藝小百科 facebook 粉絲專頁度交流吓吖~!!!
<<蒜香龍蝦>>
近期TBB套使徒行者又OK喎!~哈~睇阿佘點都好過睇嘟咀珊同木偶鼻~~黃師奶覺得歡喜哥做得好好呀!~平時都唔知佢做黑社會大佬可以咁型~唔知佢會唔會拎最佳男配角呢? 哈~~
中秋節~等街市就收檔掃平價海鮮~呵~買咗返家~whatsapp黃先生~想食炒定蒸呀?!黃先生話炒喎!~好的好的~快去即劏即炒~黃師奶好耐冇出街食過節飯~點解?!因為喺家食經濟又美味囉~!
材料: 龍蝦一隻, 炸蒜茸一碗, 乾蔥三粒, 紅椒絲隨意
STEP 1
龍蝦放尿斬件洗淨~乾蔥切片
STEP 2
燒熱一杯油後將龍蝦先拉油~~至轉色盛起 (可以唔拉油~不過拉咗蝦肉就爽口D)
STEP 3
爆香乾蔥及炸蒜茸後拌入龍蝦兜炒片刻
STEP 4
灑上紅椒絲後蓋上蓋焗約3-5分鐘即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<蘋果紅棗蛋茶>>
中秋節快樂呀!~黃師奶祝大家人月倆團圓~家家開心過中秋~!黃師奶呢~呵~今晚就同黃先生繼續撐枱腳~WELL…其實日日都撐枱腳架喇~不過今晚過節~會再買d靚餸~~等黃先生放工返黎可以擦餐勁呢~!
今日呢款糖水~~哈~~煲好嗰時黃先生都飲咗一碗~佢話好正好好飲喎!~哈哈哈~~做法好簡單~滾返半個小時後就焗啦~焗返半個小時就好入味~加少少冰糖~就好好飲~~大家得閒試下啦~!
材料: 蘋果2個 , 雞蛋2隻 , 去核紅棗10粒 , 冰糖隨意 , 水4杯
STEP 1
將雞蛋烚熟 ; 蘋果去皮去芯切件
STEP 2
煲滾水後下蘋果及紅棗再煮約30分鐘
STEP 3
下冰糖調味, 再下雞蛋熄火焗最少半小時即成
大家可以Click入 黃師奶廚藝小百科 facebook 粉絲專頁度交流吓吖~!!!
忙咗成日！忙得開心~ 俾個真身見下人~!
大家可以Click入 黃師奶廚藝小百科 facebook 粉絲專頁度交流吓吖~!!!
哈~雞翼呢個小菜真係大小朋友都喜歡~今日黃師奶就分享個雞翼便當俾大家先~唔少人覺得雞翼解凍後難處理~濕笠笠咁~黃師奶呢~會用Scott廚紙印去解凍後肉類上面嘅水~除咗肉類外~煮蝦嗰時都係可以呢個方法架~Scott廚紙吸水力好好~只係用一張~都已經吸走哂多餘的水份~真係要俾個讚呀!~
材料: 雞翼12隻, 家樂牌濃湯寶一個
醃料: 鹽少許
廚房好幫手: Scott廚紙
STEP 1 用Scott廚紙抺去雞翼上多餘的水份, 將雞翼跟鹽拌勻醃2小時備用
STEP 2 燒紅鑊後將雞翼煎至金黃
STEP 3 下家樂牌濃湯寶兜勻再加小半碗水後煮約8-10分鐘
STEP 4 煮至雞翼收汁後即成
哈~話咁快~簡單好味嘅雞翼又煮好LU~有唔少朋友子話煮餸嗰時D食材一落鑊就會搞到D 油彈到周圍都係~其實個原因就係因為食材上嘅水份呀!~只要大家下次煮餸前~用Scott廚紙印去肉類/海鮮上面的水份~就唔會有呢個問題架喇~呵~~~
想睇更多親子食譜或者入廚tips，不妨join<<絲潔親子煮意>> Facebook group~ 黃師奶都join 咗啦~大家都快d加入一齊開心share ~
大家可以Click入 黃師奶廚藝小百科 facebook 粉絲專頁度交流吓吖~!!!
|
近期迴響