<<蒜香龍蝦>>
近期TBB套使徒行者又OK喎!~哈~睇阿佘點都好過睇嘟咀珊同木偶鼻~~黃師奶覺得歡喜哥做得好好呀!~平時都唔知佢做黑社會大佬可以咁型~唔知佢會唔會拎最佳男配角呢? 哈~~
中秋節~等街市就收檔掃平價海鮮~呵~買咗返家~whatsapp黃先生~想食炒定蒸呀?!黃先生話炒喎!~好的好的~快去即劏即炒~黃師奶好耐冇出街食過節飯~點解?!因為喺家食經濟又美味囉~!
材料: 龍蝦一隻, 炸蒜茸一碗, 乾蔥三粒, 紅椒絲隨意
STEP 1
龍蝦放尿斬件洗淨~乾蔥切片
STEP 2
燒熱一杯油後將龍蝦先拉油~~至轉色盛起 (可以唔拉油~不過拉咗蝦肉就爽口D)
STEP 3
爆香乾蔥及炸蒜茸後拌入龍蝦兜炒片刻
STEP 4
灑上紅椒絲後蓋上蓋焗約3-5分鐘即成~!
5976 Total Views 1 Views Today
大家可以Click入 黃師奶廚藝小百科 facebook 粉絲專頁度交流吓吖~!!! 
黃師奶,非常認同,呢排我都有追使徒行者,阿佘演技好得多!
之前o係正cwb撞到三哥係度拍戲,原來係呢套!^^
講返是日煮角,真係不得了,好正喎!流埋口水啦……
係呀小高~我都覺得阿佘幾好睇~哈~呢套嘢真係晚晚追架我~!
有炸蒜一定好香口呢 ^^
係呀~又香口又惹味呢~!
我最怕阿珊,見到佢個樣,想打佢兩巴架,哈哈。 這碟龍蝦好正,炸過的蒜可以令我食多兩碗飯。
哈哈哈~佢冇乜觀眾緣~好多人都唔like 佢~!
黃先生好鍾意食龍蝦喎~EE
係呀~所以一平就買呢~!
黃師奶,見到隻龍蝦已經流晒口水啦。有時,等到街巿臨收檔,一定有平嘢執,嘻嘻! ^^
係呀cici~好多時夜少少去就有平嘢呢~!
黃師奶,芙芙都覺得歡喜哥做得好好睇,
個樣好好人,但其實就勁奸,
好耐冇睇過有啲好笑得嚟,又有劇情嘅電視劇啦。
係呀~芙芙~我覺得歡喜哥做得好好~!
自家製, 平靚正
唔使同人逼, 電視撈飯慢慢嘆
係呀~喺屋企真係最舒服~!
駛唔駛咁吸引呀! 人哋啱啱食完lunch又覺肚餓啦!
梗係住家飯好啦, 外面隨時食到地溝油呀.
哈哈~住家飯好呀~所以我哋好多時都係食住家飯~!
正呀,我聞到香味呀!
哈~呢個好好味呢~!