<<洋蔥牛柳炒河>>
HAPPY FRIDAY!~唔知道大家聽日有咩節目呢?!呵呵~呢期天氣涼返D~又乾燥D~出去戶外行下都唔錯架~不過等黃先生忙完得閒陪我先啦~佢呢期公私兩忙~~黃師奶就黎連佢個樣係點都唔認得喇~!
今日好鬼懶~炒河粉食呀!~哈~D河粉記得一條條分開咗先~唔係痴埋一齊就好難炒得好呢~炒嗰時記得火要大~鑊要熱~咁先會炒得好食架~!至於個洋蔥呢~黃師奶就鍾意食爽口d~如果鍾意食淋身~又要炒耐d~總之自己執生啦~呵呵~
材料: 牛柳250g , 洋蔥一個(切絲) , 炒河粉3碗, 老抽適量(調色)
牛柳醃料: 生抽半湯匙, 蒜茸半湯匙, 糖及生粉各1茶匙, 胡椒粉及麻油少許, 水一湯匙
STEP 1
牛柳跟醃料伴勻備用; 炒河粉先分開一條條;
STEP 2
燒紅鑊爆香洋蔥炒至軟身後拌入牛柳快炒至轉色
STEP 3
拌入炒河粉後加入老抽兜勻炒至乾身即成 (唔好炒咁耐呀!~牛肉老咗好難食)
4833 Total Views 1 Views Today
大家可以Click入 黃師奶廚藝小百科 facebook 粉絲專頁度交流吓吖~!!! 
黃師奶,秋意漸濃,想去大澳行行,但冇人陪我癲。今日我都炒咗個麵畀自己食
大澳好多人呀~假日去嚇死你~平日去會好好多~!
黃師奶,呢排真係好有秋意,好想出外走走,本想周六貢入西貢逛逛,但最終都係懶,結果去左銅鑼灣shopping。
自家炒河,正,既美味又健康。:)
哈~小高你去咗銅鑼灣~佔中後我都好少可去嗰邊喇~!
炒得好靚,唔油淋淋,非常受歡迎!
哈~呢個自己整好好食架~
自己炒先可以多牛柳多洋蔥
係呀~足料d~!
牛柳轉豬柳唔該!嘻嘻~
哈~即上~!
洋蔥,牛柳,河,都是我最愛。 不過已經好耐無食過牛柳 (太貴)。
你嗰邊d 生活指數好高呢~!
黃先生攪乜冷落嬌妻呀~ee
佢調咗department~忙咗好多呢~!
黃師奶,芙芙從來唔敢炒河粉,
但又喜歡食,因為就係怕唔夠獲氣,
炒出嚟唔好味,可唔可以留碟俾芙芙呀?
芙芙~呢個自己試下煮吖~健康又好味
自己炒,少油又健康,正!
哈~呢個自己整好好食架~
黃師奶的炒河真係好吸引,引到袁太流晒口水喇 ^^ 唔該我要幾碟外賣 ^^
哈~留2碟外賣俾你吖
睇見好肚餓呀!
哈~呢個自己整好好食架~