<<龍蝦湯>>
聖誕節就完咗喇~呵~今日黃師奶又上返黎除下草先~!今年聖誕節黃師奶冇出去玩呀!~喺企過咋~~做咗宅女呢~唔知道大家又點過呢? 星期三就除夕喇~呵~咁快又完咗一年~打工仔捱多3日又放日假~真係爽~!
嗱~今年聖誕冇出去~喺家煲咗個龍蝦湯~喺企食都可以食得好味架~唔一定出街食先得~呢個湯唔難煲架~係多少少功夫~黃先生好鍾意飲架~所以過時過節D特別日子黃師奶都會煲下~呵~大家可以喺除夕試下煲呢~呵~~~
材料: 龍蝦2隻, 西芹兩大條, 紅蘿蔔一條, 薯仔兩個, 洋蔥兩個, 蕃茄三個, 茄膏兩湯匙~百里香少少(自己鍾意用乜就用乜啦~)~魚湯六杯+清水兩杯
STEP 1
龍蝦先放尿~斬件起肉~~~再用180度焗爐焗45分鐘至香香~~
STEP 2
洋蔥去皮切絲~薯仔/紅蘿蔔/西芹/蕃茄去皮後切丁~
STEP 3
煮溶少少牛油後爆香洋蔥~加入茄膏兜勻~再拌入薯仔/紅蘿蔔/西芹/蕃茄炒香~最後放入已焗好嘅龍蝦~炒香~加入香草~~
STEP 4
再注入魚湯+水 ~~大火煮滾後再小火煲最少3個小時 ~(煲好d變咗龍蝦上湯)
STEP 5
隔去龍蝦殼~將蔬菜類食材用攪拌器打爛~~再加入適量龍蝦上湯煮至合適濃度
STEP 6
燒紅鑊後爆香少少蒜茸~拌入龍蝦肉~炒透~加入湯中煮滾即食~!!
6597 Total Views 1 Views Today
好足料咁喎, 由頭到尾都自己一手一腳整..勁~
[…] 之前黃師奶介紹咗大家煮呢個龍蝦湯 ~咁個龍蝦湯呢~黃師奶煲咗一大煲~咁就梗係食得唔好嘥啦~黃師奶將個龍蝦湯煮滾~再放咗D蜆入去煮~咁就好鮮甜~~好好味呢~呵呵呵~ […]
新年快樂！我都係留嚟屋企，無咩特別慶祝。
香港人太多~少咗同人出去迫呢~!
黃師奶，今年聖誕我都做咗宅女，好怕迫人。你個龍蝦湯用兩隻龍蝦，一定勁濃，勁甜，諗起已經流口水
係呀~呢個湯好濃~我老公好LIKE 飲呢~
祝新年快樂！身體健康！
謝謝喔~HAPPY NEW YEAR!~
黃師奶，今晚有有咩搞作？
在這裡小高祝你新年進步，廚藝更上一層樓！Happy 2015 ~
謝謝小高~新年快樂~~祝願你同主任日日咁SWEET!~~~今年搵多D~~身體健康最緊要呢~!
龍蝦湯除應節仲好好味，黃師奶真好，平日已經在家煮飯，到假日也不放假，親自下廚炮製美食慰勞Honey，不過在家吃比起往外邊吃舒服得多，又唔駛趕時間，通常大時大節實分時段，而且又貴！
係呀小高~我今年冇出去過節~日日都留咗喺家~廢事出去迫呢~!
嘩，好正，我又要飲呀!
謝謝欣賞~
用上兩隻龍蝦，落重本喎
哈~煲一大煲~有D用黎煮意粉~~過節豪一下~!
自家熬製的龍蝦湯更加鮮濃，啖啖鮮味！
足料過出街食呢~哈哈~!
一上嚟有龍蝦湯飲, 整返兩碗先, 預祝你和黃先生新年快樂~~~
謝謝呀~祝願你一家三口今年健康快樂呢~!