黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

近期迴響

Google+ Badge

踏入21week

Picture23
黃師奶嘅孕程行到一半喇~!感恩~~!! 黃小B一切健康~同黃師奶母嬰平安~! 家下反胃情況已經好咗唔少~雖然間中仲係胃頂頂咁~不過都舒服咗好多喇~!

願黃小B繼續快高長大~黃師奶就繼續食食食~~黃小B要努力喔~!DADDY MUMMY 期待與你見面呀!~LOVE YOU!~~~

大家可以Click入 黃師奶廚藝小百科 facebook 粉絲專頁度交流吓吖~!!!

富貴豆腐

20150121豆腐
<<富貴豆腐>>
今日係農曆大年切七~黃師奶喺到祝大家生日快樂~~~~羊年身體健康~!日日開心~呵呵呵~呢幾日天氣濕到爆呀!~~一起身已經入咗仙境咁~well..正確黎講應該係入夜後都已經升左仙~~太陽伯伯你幾時先開工呀?!

好喇~繼續過年食好d系列~呵~嗱~呢個鮑魚其實只係好細粒嘅罐頭~呵~不過個樣係原隻嘛~用黎過年食都唔失禮吖~細細隻兜下就食得~唔駛炆~又唔un~都食得過架~!

材料: 罐頭鮑魚一罐, 滑豆腐一磚 , 蒜茸少許
調味: 蠔油一大匙
汁料: 生抽半湯匙, 糖及生粉各1茶匙, 胡椒粉及麻油少許, 紹酒小半碗

STEP 1
豆腐切丁 ( 豆腐可於煮前灑少許鹽蒸約5分鐘再切丁, 咁D豆腐煮起上黎靚仔D~唔易爛)

STEP 2
爆香蒜茸拌入鮑魚及豆腐丁後下蠔油兜炒片刻

STEP 3
下汁料後煮至收汁即成 (可加生粉水埋芡)

大家可以Click入 黃師奶廚藝小百科 facebook 粉絲專頁度交流吓吖~!!!

薑蔥龍蝦

20150221蝦蝦
<<薑蔥龍蝦>>
今日係大年初五~黃師奶喺到祝大家羊年大吉大利~個個身體健康~心想事成~~小朋友就讀書叻叻~大人就搵多d~賺多d~呵呵呵~話明過年~咁呢幾日緊係食好d~哈~其實呢2隻龍蝦唔貴架~反而年三十晚就貴到飛起~尋日買就抵食好多~黃師奶用咗啲薑蔥蒜黎煮~又香又鮮味呢~呵呵呵~過年食龍蝦~大家都開心笑哈哈~~~

材料: 龍蝦一隻, 蒜茸隨意, 薑六-八片, 蔥段隨意, 紹酒半碗

STEP 1
龍蝦放尿斬件洗淨

STEP 2
爆香薑片, 蒜茸及少許蔥白後拌入龍蝦炒香

STEP 3
灒酒後兜勻蓋上蓋焗約3-5分鐘

STEP 4
再下蔥段兜勻即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

羊年快樂

Picture23 003
今日係年三十~黃師奶恭祝大家羊年快樂~!個個發大財~!!身體健康~!!日日開心~!!

大家可以Click入 黃師奶廚藝小百科 facebook 粉絲專頁度交流吓吖~!!!

羊年 – 芋蝦

20150209芋蝦
<<羊年 – 芋蝦>>
今日已經係年廿八~大家執好咗間屋未呢?!黃師奶間屋呢~well!~~~不嬲都咁乾淨~執唔執都咁上下架喇~呵呵呵~~今日出返個芋蝦先~阿黃先生食咗頭一日~話喉嚨痛喎…真係激鬼死~~

~嗱~其實整芋蝦一D都唔難~不過係煩囉~~~將D芋頭刨咗絲~加少少鹽~糯米粉同埋沾米粉拌勻就得架喇~!~黃師奶為咗加少少香味~~仲落咗五香粉同埋少少紹酒TIM!~炸嗰時用打邊爐嗰喱裝住~咁就個個芋蝦都好靚仔囉~!

材料:芋頭550G, 沾米粉約1.5個湯匙 , 糯米粉約1.5個湯匙 , 鹽及五香粉少少 , 紹酒一茶匙

STEP 1
芋頭洗刨去皮刨絲~

STEP 2
芋頭絲加埋其他材料拌勻

STEP 3
燒熱油後轉細火~炸至金黃盛起隔去油份即成~!

大家可以Click入 黃師奶廚藝小百科 facebook 粉絲專頁度交流吓吖~!!!

不一樣的情人節

Picture23
哈~今日情人節~呵呵呵~黃師奶都送咗份大禮俾黃先生~~就係佢好快會多個小情人陪佢喇~~ 黃小B已經住咗喺黃師奶個肥肚腩到4個多月~~如無意外係個女孩子~~~

呢份情人節禮物都算夠大喇掛?!

大家可以Click入 黃師奶廚藝小百科 facebook 粉絲專頁度交流吓吖~!!!

羊年 – 年糕

20140119糕
<<羊年 – 年糕>>
好喇~又到年糕時間~黃師奶呢底係椰汁年糕~~香濃椰汁味~~口感好滑好煙un架~呵呵呵~嗱嗱嗱~三款款點已經出哂blog 喇~唔知道大家動手整未呢?! 今日係年廿五~黃師奶喺到同大家拜過早年~祝大家羊年豐衣足食~日日富足喔~!

材料: 棷漿 420 ml , 糯米粉 240g , 澄麵粉 60g , 糖190g , 橄欖油 3茶匙 , 色素(紅色2滴 及黃色2滴)

STEP 1
將粉類篩2次

STEP 2
慢火溫熱棷漿, 拌入糖煮至溶化

STEP 3
將有糖棷漿與粉類拌勻至無粉粒, 注入橄欖油拌勻. 再將粉漿篩3次 (咁會更滑)

STEP 4
盛起少部份粉漿(黃色約三湯匙 / 紅色約半碗), 加入食用色素拌勻

STEP 5
模具掃油, 先將有色的粉漿倒入大火蒸約3分鐘

STEP 6
倒入其餘粉漿, 大火隔水蒸約30分鐘, 待涼脫模即成~!

大家可以Click入 黃師奶廚藝小百科 facebook 粉絲專頁度交流吓吖~!!!

羊年 – 蘿蔔糕

20150209蘿蔔糕
<<羊年 – 蘿蔔糕>>
仲有一星期就過年~咁就梗係繼續過年系列啦~哈哈哈~~~之前整咗芋頭糕~今日就出返個蘿蔔糕先~其實蘿蔔糕唔難整~只係刨嗰下多少少功夫jer!~不過懶人黃師奶用部FOOD PROCESSOR~一按個製3斤蘿蔔唔駛3分鐘就變絲~超方便~呵呵~~

材料: 蘿蔔三斤
餡料: 半條臘肉, 一條臘腸, 一條膶腸, 6隻冬菇, 蝦米及瑤柱隨意
調味料: 一茶匙雞粉, 一茶匙糖, 一茶匙胡椒粉及五香粉少許
粉漿: 粘米粉80g, 鷹粟粉160g, 蘿蔔湯400g (完全拌勻)
煮蘿蔔水: 浸菇水150g杯

STEP 1
蘿蔔刨絲~其中約一碗蘿蔔切粗絲; 冬菇浸軟後去蒂切粒(浸菇水留用)

STEP 2
蝦米及瑤柱浸軟; 臘肉,臘腸同膶腸用熱水沖淨後切粒

STEP 3
燒紅鑊後將臘肉,臘腸同膶腸炒香~炒到好香出油後拌入蝦米, 冬菇粒及瑤柱爆香盛起

STEP 4
原鑊拌入蘿蔔連刨蘿蔔時的汁炒片刻~加150g浸菇水煮至蘿蔔剛軟身再下調味

STEP 5
將剛煮起的蘿蔔隔去上湯, 留起蘿蔔上湯約400g用黎開粉漿

STEP 6
唔駛開火~再拌入其他餡料兜勻

STEP 7
拌入粉漿~不斷兜勻~ 再開慢火兜勻至收水~收水後熄火再完全拌勻所有餡料

STEP 8
將器皿掃油後拌入餡料鋪平 , 大水隔水蒸約60分鐘後即成~

大家可以Click入 黃師奶廚藝小百科 facebook 粉絲專頁度交流吓吖~!!!

羊年 – 芋頭糕

20150209芋頭糕
<<羊年 – 芋頭糕>>
之前睇新聞~見到屯門又有"鳩烏"事件~其實黃師奶都鄧住喺新界北啲朋友仔慘~下下出街都咁多水貨客…黃師奶家下都怕咗去購物區~更何況住喺北區D人日對夜對~唉~~不過黃師奶覺得呢D情況冇得解決….

呵呵呵~下個星期就過年LU~黃師奶亦都開始蒸糕ING!!~~~今年頭炮出爐就係芋頭糕喇~本來黃師奶唸住今年唔整糕架~不過黃先生講過黃師奶整嘅糕點係最好食~所以又點可以唔整呢~呵呵~想知點整?!快D睇下啦~!

材料: 芋頭一斤
餡料: 半條臘肉, 一條臘腸, 一條膶腸, 6隻冬菇, 蝦米及瑤柱隨意
調味料: 一茶匙雞粉, 一茶匙五香粉, 一茶匙胡椒粉
粉漿: 粘米粉170g, 澄麵粉10g, 浸菇水2杯 (完全拌勻)
煮芋頭水: 浸菇水2杯

STEP 1
芋頭 去皮切粒; 冬菇浸軟後去蒂切粒(浸菇水留用)

STEP 2
蝦米及瑤柱浸軟; 臘肉,臘腸同膶腸用熱水沖淨後切粒

STEP 3
燒紅鑊後將臘肉,臘腸同膶腸炒香~炒到好香出油後拌入蝦米, 冬菇粒及瑤柱爆香盛起

STEP 4
原鑊拌入芋頭炒香~之後盛起一碗芋頭粒留用

STEP 5
注入2杯浸菇水後將芋頭煮至滾起 後下調味料試味~再拌入其他餡料及芋頭粒兜勻

STEP 6
拌入粉漿~不斷兜勻至收水~收水後熄水再完全拌勻所有餡料

STEP 7
將器皿掃油後拌入餡料鋪平, 大水隔水蒸約30分鐘後即成~

大家可以Click入 黃師奶廚藝小百科 facebook 粉絲專頁度交流吓吖~!!!

香菇豬肉扒時蔬

20150204菜菜豬
<<香菇豬肉扒時蔬>>
呢2日真係凍咗好多呀!~家下仲要流感高峰期~每日都有人病死咁…..大家真係要注意保暖呢~黃師奶呢期都好驚死又養生~搭親車都笠返個口罩~冇計~~自己知自己事~~廢事咁早升天~

今日呢個簡單小菜~黃先生又好鍾意食喎!哈~佢話個豬肉好好送飯~見佢食得快~~就知佢食得好滿足呢~哈~黃師奶人懶~又想食多少少菜~就用咗D菜拌埋呢個豬肉食~唔錯架~大家有機會試下啦~!

材料: 菜心/芥蘭半斤 , 豬絞肉150g , 蒜茸半湯匙, 冬菇5隻, 紹酒小半碗
豬絞肉醃料: 生抽半湯匙 , 糖一茶匙 , 胡椒粉少許, 水1.5湯匙 , 麻油及生粉少許 (呢2樣可以煮之前先落)
冬菇醃料: 糖及麻油少許
調味: 蠔油約1湯匙

STEP 1
將菜心/芥蘭洗淨再瀝乾水份; 豬絞肉跟醃料拌勻醃約2小時備用; 冬菇浸軟後去萬切絲再跟醃料拌勻~

STEP 2
爆香蒜茸再拌入豬絞肉略煎; 拌入冬菇炒香後下蠔油竹兜勻再灒酒炆煮至熟透收汁(約10-15分鐘)

STEP 3
煲滾水後下少許油鹽, 將菜心/芥蘭烚熟; 將煮好嘅冬菇豬肉淋上時蔬上即成~

大家可以Click入 黃師奶廚藝小百科 facebook 粉絲專頁度交流吓吖~!!!