<<羊年 – 芋頭糕>>
之前睇新聞~見到屯門又有"鳩烏"事件~其實黃師奶都鄧住喺新界北啲朋友仔慘~下下出街都咁多水貨客…黃師奶家下都怕咗去購物區~更何況住喺北區D人日對夜對~唉~~不過黃師奶覺得呢D情況冇得解決….
呵呵呵~下個星期就過年LU~黃師奶亦都開始蒸糕ING!!~~~今年頭炮出爐就係芋頭糕喇~本來黃師奶唸住今年唔整糕架~不過黃先生講過黃師奶整嘅糕點係最好食~所以又點可以唔整呢~呵呵~想知點整?!快D睇下啦~!
材料: 芋頭一斤
餡料: 半條臘肉, 一條臘腸, 一條膶腸, 6隻冬菇, 蝦米及瑤柱隨意
調味料: 一茶匙雞粉, 一茶匙五香粉, 一茶匙胡椒粉
粉漿: 粘米粉170g, 澄麵粉10g, 浸菇水2杯 (完全拌勻)
煮芋頭水: 浸菇水2杯
STEP 1
芋頭 去皮切粒; 冬菇浸軟後去蒂切粒(浸菇水留用)
STEP 2
蝦米及瑤柱浸軟; 臘肉,臘腸同膶腸用熱水沖淨後切粒
STEP 3
燒紅鑊後將臘肉,臘腸同膶腸炒香~炒到好香出油後拌入蝦米, 冬菇粒及瑤柱爆香盛起
STEP 4
原鑊拌入芋頭炒香~之後盛起一碗芋頭粒留用
STEP 5
注入2杯浸菇水後將芋頭煮至滾起 後下調味料試味~再拌入其他餡料及芋頭粒兜勻
STEP 6
拌入粉漿~不斷兜勻至收水~收水後熄水再完全拌勻所有餡料
STEP 7
將器皿掃油後拌入餡料鋪平, 大水隔水蒸約30分鐘後即成~
4718 Total Views 1 Views Today
我都要响你樹食舊芋頭糕, 好耐都無食過足料的..
自己整足料d
我唔整芋頭糕，剩係整蘿蔔糕，食妳整果D算啦!
哈~做乜唔整呀? 我請你食啦~!
上水的 “鳩烏"事件都不是依家才發生， 政府束手無策，市民受苦。
係呀~家下香港人真係慘架~做大陸人先爽呀
芋頭糕好想試呢！
唔難架~仲好好味呢~!
我今年乜嘢都未整呀, 好多嘢諗住整, 但拖下拖下依家淨番一個weekend, 睇怕我都係整唔到架啦, 或者只整芋頭糕, 唔整蘿蔔糕. 我鐘意食芋頭糕多啲, 功夫又少啲.
哈~我老公同你一樣~佢都係鍾意食芋頭糕多d呢~!
其實係，將心比心，落到街人又多，想買咩又要同人搶，真係長此下去人都癲！
羊年將至，黃師奶的巧手靚糕又登場了！:)
係呀~小高~所以我覺得嗰邊d 居民都好慘呢~
新年中意食咸糕！見到好想即刻咬番啖~~
一年一次~所以幾辛苦都整黎應下節呢~!
我以前跟你食譜整過，好味~EE
謝謝ee 欣賞
哈，我昨日都整左素蘿蔔糕呀，芋頭糕過幾日先整 ^^
哈~我尋晚整咗蘿蔔糕呢~!
仲有無呀，因為係自家製，所以好想食呀))))
減少啲大6人啦，塞人嚴重過塞車！
係呀~家下人多車多~都唔控制下好衰呢~!