<<香菇滑雞飯>>
呵呵~HAPPY HOLIDAY!~~~聽日開始就放假LU~黃先生就繼續忙睇佢嘅電影節~不過四月六號個電影節就會完LU!~咁黃先生就可以陪下黃師奶食個飯~同埋買下黃小B D 嘢LU!~!~家下仲差架BB車未買~其他嘢就都好多未買~嘩哈哈~~
人懶咗~煮飯多咗一煲過~D 米煮到乾水~就放D雞件入去煮一陣~焗熟就食得~!呵呵~快靚正呀!~簡簡單單烚多條菜就一餐~家下個肚越來越大~~日日煮飯做家務都好累喇~唯有煮得簡單D呢~!
材料: 雞半隻(斬件) ,冬菇6隻 , 白米2杯 , 水約 1.5杯 , 生粉一茶匙及麻油適量
雞醃料: 生抽一湯匙, 老抽少許, 糖一茶匙, 胡椒粉少許, , 生粉一茶匙及麻油適量
香菇醃料: 糖一茶匙, 麻油少許
STEP 1
雞洗淨後與醃料醃約三十分鐘
STEP 2
香菇浸軟後~切粒~加少少糖及麻油拌勻 ; 將白米洗淨
STEP 3
煮滾1.5杯水後, 拌入白米蓋上蓋中火煮約2-3分鐘後開蓋轉小火煮多約4分鐘後收乾水份
STEP 4
拌入雞件及香菇後蓋上蓋用小火煮約7-8分鐘, 如果想要飯焦~呢個時候可以較至中火煮多2分鐘
STEP 5
熄火後不要開蓋再焗最少15分鐘~食時灑上辣椒絲及煲仔飯豉油即可~
4163 Total Views 1 Views Today
黃師奶，cici感冒未清，暫時唔食得雞住。不過，煲仔飯簡單又易整，正
係呀~一煲過~好方便呢~!
本來都想趁假期去看戲，但最後節目太多只看了一套！:P
最近我都成人整一煲飯，快靚正！
係呀~一煲飯真係好方便~我都成日整黎食呢~!
嗚…… 我今年忙到連電影節都無睇呀! >.<
雞飯正呀, 黃小b有冇係肚入都食到食指大動呢??
哈~黃小B 家下大隻咗~~郁得好勁架~~
雞飯我愛呀，加多雙碗筷唔該 ^^
實加多個位俾你呢~!
冬菇我最喜歡食, 簡單易整, 懶人就啱晒!
係呀~一煲過好方便呢~!
黃師奶，睇見你話買黃小b啲嘢，
真係好替你哋開心，好期待佢出世，
相信你呢度會更添生氣，更加歡樂。
謝謝芙芙~我同黃先生都好期侍黃小B架~!
呢個都好合我口味呀~EE
哈~咁EE 試下煮吖~!
我嚟黐餐呀!
快D黎開飯啦~!
一鍋煮，夠哂方便！
係呀~我都係貪方便咋~!
雞飯正吖，擺多雙筷子呀唔該
快D黎開飯啦~!