<<冬蔭公湯>>
沙華dee卡~今日來個冬蔭公湯~黃先生一路飲一路讚~哈~~其實黃師奶就麻麻哋冬蔭公~因為頂唔順太多香料~不過黃先生鍾意就冇計啦~!喺超市買咗pack冬蔭公醬~預備埋其他材料就得~呢個係簡單版~下次出返個勁多海鮮版~!
嗱~黃師奶用咗上湯關係~冇再用大蝦黎煲個湯~如果大家有budget~買d大蝦去殼~用d蝦殼同蝦頭煲返個上湯啦~咁就好好味架喇~個湯係2人份量~!簡單又方便~!
材料: 70g冬蔭公湯醬 , 500ml 上湯, 香茅2條 , 乾蔥2顆 , 檸檬葉少許, 辣椒6隻切絲 (3隻綠/3隻紅), 南薑5-6片, 蘑菇150g, 蝦(留尾)隨意. 蕃茄一個
調味: 魚露/一個青檸(揸汁) 隨意
STEP 1
將香茅及南薑略拍~乾蔥去衣切小片; 蕃茄切細件
STEP 2
爆香料頭~放入蘑菇炒香~拌入冬蔭公湯醬兜勻後注入上湯及其他材料(除蝦跟檸檬葉)~滾約20分鐘
STEP 3
落蝦肉煮至熟透後調味~拌入搣碎檸檬葉再焗片刻即成
4832 Total Views 1 Views Today
大家可以Click入 黃師奶廚藝小百科 facebook 粉絲專頁度交流吓吖~!!! 
黃師奶,見到冬蔭功實在太吸引。不過,cici仲戒緊口,見你冬蔭功如飲咗
哈~自家冬蔭功都唔錯~得閒可以試下呢~!
我都麻麻地冬蔭公湯,每次煮都因為袁生想飲呢 ^^
係呀~我頂唔順太多香料呢~!
有香茅和南薑,夠哂味啦
哈~我老公都話好夠味呢~!
呢個湯我契女趗愛!
哈~咁你快d 煲俾契女飲呢~!
我都你好怕太多香料,不過,你一定煮好好味~EE
哈~我老公話好好味~不過我怕太多香料~!
黃師奶,早呀!你幾好嗎?假期愉快嗎?呢排好懶少左來探你!祝一切安好!^^
沙華dee卡 ~ 正呀!好好味!望見都想飲幾碗呀 ~
小高~哈~你個easter 過得好開心~見到你好多節目呢~好吸引呀!~