黃師奶廚藝小百科

<<蒜蜜羊架>>
嘩~呢幾日真係唔知咩事~今朝仲要冇啦啦黑雲TIM呀!~黃師奶一聽到個黑雲消息~就炸炸林咁去超市買餸喇~~冇計啦~街市條路又遠又濕~家下個肚咁大~唔敢行去喇~落超市~都見到唔少人走咗去掃貨~好似打仗咁呀~好誇張呢~!

之前吉吉島特價~黃師奶又買左D羊架返來~黃先生好LIKE 食架~今次黃師奶就咁用海鹽蒜茸等黎醃~最好醃過夜啦~焗前可以界返幾刀先~因為咁樣會易熟好多呢~焗完之後REST返10分鐘~咁就好JUICY 呢~!

調味:海鹽及黑胡椒隨意 , 香草碎少許, 蒜茸適量及蜜糖2大匙, 橄欖油2大匙 (拌勻)

STEP 1
將羊架印乾水份, 用調味醃最少4小時備用 (醃過夜更好)

STEP 2
預熱焗爐220度, 焗約20-25分鐘至五成熟

STEP 3
將焗好羊架用錫紙包好再放上熱碟上REST 10分鐘即成

大家可以Click入 黃師奶廚藝小百科 facebook 粉絲專頁度交流吓吖~!!!

<<沙嗲牛筋腩>>
尋晚場雨真係好誇張呢~放工時間先黎紅雨~成晚仲要係咁落落落~不過落完後今日天氣終於冇咁焗喇~!但係黃師奶希望快D好天啦~日日係咁落~搞到好似冇咩MOOD 咁~落街買餸又有D唔方便~!快D好天就好呢~!

喺凍肉鋪買咗D牛筋~而黃先生又好好咁喺灣仔買咗D沙嗲醬返黎~哈~咁黃師奶就用個醬炆返個牛筋腩食吓先~D牛肉黃師奶係用牛肋條架~味道都好好喎!~炆嘅時間係耐少少~不過一大煲~個汁又好送飯~間中整下真係唔錯~

材料: 急凍牛筋1磅, 牛肋條約500G, 薯仔2個, 乾蔥4粒(切片), 蒜茸半湯匙, 薑2-3片, 上湯適量, 汆水用嘅薑及蔥段適量
汁醬: 沙嗲醬3大匙
調味: 辣油少許

STEP 1
煲滾水後下少許薑及蔥段, 將牛筋及牛肋條汆水 ; 薯仔去皮刀大件

STEP 2
爆香料頭再慢火爆香沙嗲醬; 拌入牛筋及牛肋條兜勻

STEP 3
注入上湯至浸過所有材料後煮滾再細火炆煮30分鐘後焗30分鐘; 再重覆炆焗15分鐘

STEP 4
下薯仔後再細火炆煮15分鐘後焗15分鐘即成(可加少許辣油調味)~!

大家可以Click入 黃師奶廚藝小百科 facebook 粉絲專頁度交流吓吖~!!!

<<鈎織什色BB女背心>>
呵呵~~黃小B初夏出世~不過出入冷氣地方都會凍凍哋~~到佢3-4個月大都轉涼喇~黃師奶今次就鈎咗件背心仔~呵呵~~應該著到6-8個月大都得~~呢款冷唔知女唔女仔呢~~成日想買D姣D色~~呵呵~~~~~

大家可以Click入 黃師奶廚藝小百科 facebook 粉絲專頁度交流吓吖~!!!

<<南乳焗雞>>
呢幾日天氣真係熱咗好多~睇黎夏天已經到咗喇~~黃師奶喺屋企坐喺到睇電視都覺得熱呀~~家下先5月頭~幾時先捱到有秋意呢~~~唯一好處就係唔駛開抽濕~不過家下日日咁熱~好辛苦~遲下坐月仲熱呀~~~暈了~~~

今日買咗隻雞~用咗南乳黎醃~好香好香呢~!想D雞個皮香口D~黃師奶就將個焗爐較到高溫D~開埋個對流風~咁個雞皮就會香脆D~呵呵~D南乳先用少少紹酒壓爛~加少少糖~咁就唔會太鹹~醃起黎亦會入味D~呵呵呵~

材料: 雞一隻
醃料: 南乳一大磚 (半個掌心咁大到) , 糖2-3茶匙, 紹酒約2湯匙 (醃料要先拌勻)

STEP 1
將雞洗淨後開邊, 跟醃料醃最少4小時

STEP 2
預熱焗爐220度, 焗雞件約40分鐘即成 (各人爐火唔同~要注意喔)

大家可以Click入 黃師奶廚藝小百科 facebook 粉絲專頁度交流吓吖~!!!

<<香草雞胸拌薯塊>>
今朝忙到家下呀!~因為開始洗衫同UNPACK買俾黃小B嘅嘢~執下洗下咁~又過左大半日~喺執嘅過程中~都要MARK 低邊D有~邊D仲要去買呢~睇黎遲下個BB展又要大出血~哈~不過呢D錢都係開心錢~應該洗呢~!!

今日呢個懶人煮意~哈~又係一爐過~~慳返唔少功夫~黃先生最欣賞係個薯仔~~佢話口感好好喎!~其實黃師奶只係將D薯仔切丁後略略調味就焗~焗出黎少許金黃又唔會太腍~大家可以試吓~用黎做配菜唔錯架~!

材料: 雞胸肉三件, 薯仔2個, 檸檬汁少許
調味: 海鹽隨意, 香草及黑椒隨意

STEP 1
將雞胸肉跟調味拌勻醃約2小時備用; 煮前再灑上少許檸檬汁

STEP 2
將薯仔去皮切丁, 焗前跟調味拌勻

STEP 3
預熱焗爐180度15分鐘, 將薯仔焗25分鐘 (各人爐火唔同~要留意喔)

STEP 4
煮溶少許牛油, 將雞胸肉略略煎香再放入焗爐以180度火焗約10-12分鐘即成 (各人爐火唔同~要留意喔)

大家可以Click入 黃師奶廚藝小百科 facebook 粉絲專頁度交流吓吖~!!!