哈~~呢個黃小B呢~係一個痴身BB~~黃小B真係好細膽架~而黃先生呢~就幫佢改咗個名叫膠布B..因為黃小B成日要痴住黃師奶喎!!!而黃小B最怕係乜呢?!就係沖涼喇~每次沖涼都喊到拆天~!!!好似黃師奶要攞佢命咁~真係頭都暈埋呀!~~~~~希望黃小B大D會冇咁驚啦~~
今次張相係黃先生影架~!哈~平日得黃師奶同黃小B喺屋企~沖涼嗰陣實在冇可能影到相~呵~黃小B喊咀樣好CUTE 呢~同埋黃小B係攣毛BB~~好可愛~~~~
|
||||
|
|
今日買咗隻雞~用咗南乳黎醃~好香好香呢~!黃先生仲覺得唔夠喉咁~哈~証明個雞有幾咁好食~呵呵呵~~都係嗰句啦~想個皮夠香口~記得個爐要夠熱呀~~如果驚個皮太燶~個到咁上下用錫箔紙蓋住就得呢~! 材料: 雞一隻 STEP 1 STEP 2
今日呢味家常小菜好簡單~用返GIGI姐蒸水蛋方法再加咗少少蝦皮~用黎送飯唔錯架~黃師奶將D蝦皮焗香咗先~因為D蝦皮香D個水蛋就好味好多呢~開咗個焗爐低火焗一陣已經好香好香~大家可以試下呢~! 材料: 蝦皮隨意, 蛋3隻, 上湯250ml STEP 1 STEP 2 STEP 3
哈~大家係咪覺得黃師奶非常迷戀黃小B呢~成日POST佢D生活成長照~~黃師奶希望可以記低黃小B嘅成長片段~相信黃小B大咗睇返會覺得好得意呢~!
家下天氣熱唔想對住個火~好多時都焗嘢算~今次醃好咗個雞扒~~就咁放入焗爐就得~~個醃料加咗少少蒜茸~~唸住香D好味D嘛~~想個皮脆D一係可以一開始焗就較到好高溫~一係就開個對流風~~咁D雞扒就會香口好多呢~! 材料: 雞脾扒2塊 STEP 1 STEP 2 STEP 3
哈~今日又有黃小B出場喇~~黃小B係個開心BB~通常食飽奶奶之後都會開心笑笑~~今日黃師奶又捕足到黃小B呢個甜笑樣喇~黃師奶真係好開心~見到呢張相感覺好幸福呢~呵呵~~ 今日仲要發生小插曲~話說黃師奶每次換片都會好小心~因為實在好驚黃小B會噴屎~!!點知今日真係發生咗呀!!!!好彩黃師奶身手敏捷咋~唔係真係成身係~不過事後又抺餐死~~原來湊B真係會發生好多得意嘢~黃師奶會盡量記低~希望第時等黃小大咗~再同佢分享呢~!
黃師奶覺得黃小B真係大個咗好多~每日見到呢D咁趣怪表情~~真係好得意~好開心呢~!
黃師奶覺得全人奶媽媽真係好勁~~特別係在職媽媽呀!!全人奶媽真係堅辛苦~!埋身就冇得瞓…唔埋身就PUMP到個胸都變形…或者手抽筋…喺呢幾個星期黃師奶都辛苦到喊..係堅喊…不過每次見到黃小B食飽飽後呢個滿足幸福樣~幾辛苦都覺得值得~! 黃小B呢啲甜笑樣就係黃師奶撐落去做人奶媽同FTM嘅動力~!!加油呀~~~
今日出返個超簡單嘅排骨先~原來唸住炒架~不過實在太忙~蒸就算~~加咗少少蒜茸~惹味D~想重口味d可以加多少少辣椒呢~~黃師奶鍾意買腩排~蒸同炆都有腍又滑~大家可以一試喔~! 材料: 腩排/飛排三十蚊,生粉一茶匙及麻油適量, 蒜茸1大湯匙 STEP 1 STEP 2 STEP 3
呢一個月真係過著啲非人生活~~因為黃師奶係餵人奶嘅~而黃小B亦比較細碼~到今日都仲要去醫院覆診黃疸同體重問題~~所以呢個月黃師奶盡最大努力化身做大乳牛~~感恩今日醫生都話黃小B情況好咗好多~雖然生長線係最低嗰條~~不過最緊要健康呢~!! 家下黃師奶已經習慣咗夜晚冇乜得瞓~瞓下醒下咁~興幸係唔駛返工~如果唔係真係人都傻~~哈~日頭仲有時間執屋煮飯~~冇搞到間屋變咗垃圾崗架~哈~~ 黃小B~滿月快樂呀~~~~希望你繼續快高長大~~DADDY MUMMY都愛你喔~~ ^3^
|
|||
|
Copyright © 2023 黃師奶廚藝小百科 - All Rights Reserved Powered by WordPress & Atahualpa |
||||
近期迴響