黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

近期迴響

Google+ Badge

攣毛BB~黃小B~

IMG_4884
哈~~呢個黃小B呢~係一個痴身BB~~黃小B真係好細膽架~而黃先生呢~就幫佢改咗個名叫膠布B..因為黃小B成日要痴住黃師奶喎!!!而黃小B最怕係乜呢?!就係沖涼喇~每次沖涼都喊到拆天~!!!好似黃師奶要攞佢命咁~真係頭都暈埋呀!~~~~~希望黃小B大D會冇咁驚啦~~

今次張相係黃先生影架~!哈~平日得黃師奶同黃小B喺屋企~沖涼嗰陣實在冇可能影到相~呵~黃小B喊咀樣好CUTE 呢~同埋黃小B係攣毛BB~~好可愛~~~~

大家可以Click入 黃師奶廚藝小百科 facebook 粉絲專頁度交流吓吖~!!!

脆皮南乳雞

20150825南乳雞
<<脆皮南乳雞>>
尋日黃先生病咗喔~家下因為有咗黃小B~一病咗就要用口罩呢~~見黃先生喺家都要用口罩~真係鄧佢辛苦呢~!!希望黃先生快D好返啦~

今日買咗隻雞~用咗南乳黎醃~好香好香呢~!黃先生仲覺得唔夠喉咁~哈~証明個雞有幾咁好食~呵呵呵~~都係嗰句啦~想個皮夠香口~記得個爐要夠熱呀~~如果驚個皮太燶~個到咁上下用錫箔紙蓋住就得呢~!

材料: 雞一隻
醃料: 南乳一大磚 (半個掌心咁大到) , 糖2-3茶匙, 紹酒約2湯匙 (醃料要先拌勻)

STEP 1
將雞洗淨後開邊, 跟醃料醃最少4小時

STEP 2
預熱焗爐220-230度, 焗雞件約40分鐘即成 (各人爐火唔同~要注意喔)

大家可以Click入 黃師奶廚藝小百科 facebook 粉絲專頁度交流吓吖~!!!

蝦皮蒸蛋

20150825蛋
<<蝦皮蒸蛋>>
呢幾日天氣真係好熱呀~~抱住黃小B去買餸就更加熱~哈~不過冇計啦~黃師奶家下每日都要落街行下架~因為醫生話我哋2倆母女唔夠維他命D~!要我哋每日曬15分鐘~所以得閒都要曬下~為咗黃小B~!!冇計~~~

今日呢味家常小菜好簡單~用返GIGI姐蒸水蛋方法再加咗少少蝦皮~用黎送飯唔錯架~黃師奶將D蝦皮焗香咗先~因為D蝦皮香D個水蛋就好味好多呢~開咗個焗爐低火焗一陣已經好香好香~大家可以試下呢~!

材料: 蝦皮隨意, 蛋3隻, 上湯250ml

STEP 1
蝦皮洗淨後用焗爐以100度火烘香

STEP 2
先將碟蒸熱至水滾; 將蝦皮, 蛋及上湯拌勻

STEP 3
將STEP 2 蛋汁倒入碟中後蓋錫箔紙, 大火蒸3分鐘後焗20分鐘即成~!

大家可以Click入 黃師奶廚藝小百科 facebook 粉絲專頁度交流吓吖~!!!

黃小B之食飽爽爽樣~

11924897_954669777908047_690009797715016288_n
哈~黃師奶真係覺得呢張相好趣怪~~話說黃小B好多時食完奶奶後就會伏起黃師奶個心口到瞓覺~今次就見到黃小B食飽飽就來咗呢個表情~哈~黃師奶心唸~~黃小B你女仔人家~~點可以整個咁醜樣出黎~~咁點做淑女喎~!

哈~大家係咪覺得黃師奶非常迷戀黃小B呢~成日POST佢D生活成長照~~黃師奶希望可以記低黃小B嘅成長片段~相信黃小B大咗睇返會覺得好得意呢~!

大家可以Click入 黃師奶廚藝小百科 facebook 粉絲專頁度交流吓吖~!!!

蒜茸脆皮雞扒

20150811蒜茸雞扒
<<蒜茸脆皮雞扒>>
哈~忙裡偷閒嘅黃師奶襯黃小B瞓咗~又上黎個BLOG到除吓草先~~家下黃小B已經6個星期有多~黃師奶亦已經習慣咗湊B生活喇~~係就係累D~不過開心嘅時間多過沒趣嘅好多好多~呵呵~~好感觸TIM突然又~~~

家下天氣熱唔想對住個火~好多時都焗嘢算~今次醃好咗個雞扒~~就咁放入焗爐就得~~個醃料加咗少少蒜茸~~唸住香D好味D嘛~~想個皮脆D一係可以一開始焗就較到好高溫~一係就開個對流風~~咁D雞扒就會香口好多呢~!

材料: 雞脾扒2塊
醃料: 生抽一湯匙 , 糖一茶匙 , 胡椒粉少許, 麻油及生粉少許, 紹酒一大匙, 蒜茸隨意

STEP 1
將雞脾扒與醃料拌勻醃約2小時備用

STEP 2
預熱焗爐180度15分鐘

STEP 3
將雞脾扒放入焗爐(開對流風)焗至熟透(約20-25分鐘-因應雞肉厚度同各人爐火不同) 即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

開心BB~黃小B~!

11855614_952748711433487_4518920663145843564_n

11866382_952748718100153_6934641478823762075_n

哈~今日又有黃小B出場喇~~黃小B係個開心BB~通常食飽奶奶之後都會開心笑笑~~今日黃師奶又捕足到黃小B呢個甜笑樣喇~黃師奶真係好開心~見到呢張相感覺好幸福呢~呵呵~~

今日仲要發生小插曲~話說黃師奶每次換片都會好小心~因為實在好驚黃小B會噴屎~!!點知今日真係發生咗呀!!!!好彩黃師奶身手敏捷咋~唔係真係成身係~不過事後又抺餐死~~原來湊B真係會發生好多得意嘢~黃師奶會盡量記低~希望第時等黃小大咗~再同佢分享呢~!

大家可以Click入 黃師奶廚藝小百科 facebook 粉絲專頁度交流吓吖~!!!

黃小B之應節樣~~

11899871_951506231557735_5374526169146239043_n
哈~黃小B每日都會有好多古怪嘅表情~~踏入七月節~!!!我黃小B都整返個"計"樣應下節先~~~ 係咪好驚呢 ?!?!?!

黃師奶覺得黃小B真係大個咗好多~每日見到呢D咁趣怪表情~~真係好得意~好開心呢~!

大家可以Click入 黃師奶廚藝小百科 facebook 粉絲專頁度交流吓吖~!!!

黃小B~~人奶B~

11880340_950641121644246_8438050935476979675_n
其實黃師奶喺黃小B未出世之前~都一宜唸住做人奶媽架~!感恩係黃小B出世後~~黃師奶都能夠全人奶餵哺~~初時未上奶嘅日子真係好辛苦~~心理上驚黃小B唔夠飽~生理上就不斷叫黃小B埋身啜黎刺激乳汁~~慶幸家下都夠黃小B食飽飽~~

黃師奶覺得全人奶媽媽真係好勁~~特別係在職媽媽呀!!全人奶媽真係堅辛苦~!埋身就冇得瞓…唔埋身就PUMP到個胸都變形…或者手抽筋…喺呢幾個星期黃師奶都辛苦到喊..係堅喊…不過每次見到黃小B食飽飽後呢個滿足幸福樣~幾辛苦都覺得值得~!

黃小B呢啲甜笑樣就係黃師奶撐落去做人奶媽同FTM嘅動力~!!加油呀~~~

大家可以Click入 黃師奶廚藝小百科 facebook 粉絲專頁度交流吓吖~!!!

蒜茸蒸排骨

20150811蒜茸排骨
<<蒜茸蒸排骨>>
嘩~~睇返個BLOG~黃師奶已經有好耐冇出過食譜喇~~實在冇計啦~有咗黃小B之後真係好忙呀~黃小B好痴身~真係紙都唔得閒柯呀!!仲要長期唔夠瞓~所以個BLOG就生哂草~只係POST 咗黃小B D 相咋~希望大家唔好咁快忘記黃師奶啦~

今日出返個超簡單嘅排骨先~原來唸住炒架~不過實在太忙~蒸就算~~加咗少少蒜茸~惹味D~想重口味d可以加多少少辣椒呢~~黃師奶鍾意買腩排~蒸同炆都有腍又滑~大家可以一試喔~!

材料: 腩排/飛排三十蚊,生粉一茶匙及麻油適量, 蒜茸1大湯匙
醃料: 生抽一湯匙, 老抽少許, 糖一茶匙, 胡椒粉少許

STEP 1
腩排/飛排洗淨後與醃料醃約二十分鐘~~

STEP 2
將醃好嘅腩排/飛排與少許麻油~~~及生粉拌勻~~蒸前再拌入蒜茸

STEP 3
煲滾水後大火隔水蒸約12分鐘至熟

 

大家可以Click入 黃師奶廚藝小百科 facebook 粉絲專頁度交流吓吖~!!!

HAPPY ONE MONTH OLD~!

11224365_947068938668131_7076919087668052776_n
哈哈哈~~黃小B今日滿月喇~~~個樣又大個咗~家下眼仔碌碌咁呢~~黃師奶就覺得黃小B好可愛喇~~唔知大家覺得點呢?!呵~~~

呢一個月真係過著啲非人生活~~因為黃師奶係餵人奶嘅~而黃小B亦比較細碼~到今日都仲要去醫院覆診黃疸同體重問題~~所以呢個月黃師奶盡最大努力化身做大乳牛~~感恩今日醫生都話黃小B情況好咗好多~雖然生長線係最低嗰條~~不過最緊要健康呢~!!

家下黃師奶已經習慣咗夜晚冇乜得瞓~瞓下醒下咁~興幸係唔駛返工~如果唔係真係人都傻~~哈~日頭仲有時間執屋煮飯~~冇搞到間屋變咗垃圾崗架~哈~~

黃小B~滿月快樂呀~~~~希望你繼續快高長大~~DADDY MUMMY都愛你喔~~ ^3^

大家可以Click入 黃師奶廚藝小百科 facebook 粉絲專頁度交流吓吖~!!!