<<蒜茸蒸排骨>>
嘩~~睇返個BLOG~黃師奶已經有好耐冇出過食譜喇~~實在冇計啦~有咗黃小B之後真係好忙呀~黃小B好痴身~真係紙都唔得閒柯呀!!仲要長期唔夠瞓~所以個BLOG就生哂草~只係POST 咗黃小B D 相咋~希望大家唔好咁快忘記黃師奶啦~
今日出返個超簡單嘅排骨先~原來唸住炒架~不過實在太忙~蒸就算~~加咗少少蒜茸~惹味D~想重口味d可以加多少少辣椒呢~~黃師奶鍾意買腩排~蒸同炆都有腍又滑~大家可以一試喔~!
材料: 腩排/飛排三十蚊,生粉一茶匙及麻油適量, 蒜茸1大湯匙
醃料: 生抽一湯匙, 老抽少許, 糖一茶匙, 胡椒粉少許
STEP 1
腩排/飛排洗淨後與醃料醃約二十分鐘~~
STEP 2
將醃好嘅腩排/飛排與少許麻油~~~及生粉拌勻~~蒸前再拌入蒜茸
STEP 3
煲滾水後大火隔水蒸約12分鐘至熟
2357 Total Views 1 Views Today
大家可以Click入 黃師奶廚藝小百科 facebook 粉絲專頁度交流吓吖~!!! 
蒸飯加甜鼓油加幾隻鳳爪,要多杯鐵觀音,人生一大享受!
呢個小菜味道好好呢~
黃師奶,呢段日子你有冇請陪月幫下手?
你咁忙都仲打Blogger,又出埋食譜,好堅,但記得也要爭取時間休息喔!
哈~小高~!阿B瞓咗嘛~咪上網RELAX 下呢~
我都鍾意買腩排蒸, 諗都知湊仔辛苦啦, 係過來人, 我都有一個仔, 現好大囉!
WINWIN夫人~我有時都唸幾時先得黎大呀阿囡~!
你D粉絲唔會忘記你..仲會掛住黃小B..你要多d休息咪咁操勞呀^~<
謝謝小花媽關心~!
依家最緊要放BB第一位啦。
係呀~家下都唔得閒上網八呢~!
你都要爭取時間休息呀!~EE
家下真係好累~話瞓就瞓呢~!
今晚屋企會整呢味餸,正!
呢個好送飯呢~!
你好勁啦!咁忙仲出到blog,而家仲出埋食譜,佩服~~
哈~真係忙裡偷閒咋~!