黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

近期迴響

Google+ Badge

香煎牛仔骨

20150825牛牛
<<香煎牛仔骨>>
哈~聽日就十一假期~相信大家一定好開心呢~唔知道大家有咩節目呢?話咁快就10月喇~~好快又聖誕新年~黃師奶就好期待同黃小B過聖誕節~同埋一到年底~黃小B到時都5-6個月大~應該會易湊D呢~呵呵~~~

今日來個有骨餸~哈~就係牛仔骨喇~唔知大家鍾唔鍾意食包住牛仔骨條骨D肥肉呢?!其實嗰D肉真係好香架~不過真係太肥太唔健康喇~黃師奶呢個肥師奶都唔敢食~~因為唔想升呢變豬扒~!

材料: 牛仔骨3大塊
醃料: 生抽約一湯匙 , 糖一茶匙, 黑胡椒隨意 , 油及生粉一茶匙, 水一大匙

STEP 1
用叉將牛仔骨吉下 (咁D牛仔骨會入味D同鬆D), 再同醃料拌勻醃約半小時備用

STEP 2
煎香牛仔骨煎至七成熟(約4分鐘, 上碟前可以再灑少少黑胡椒)即成

 

大家可以Click入 黃師奶廚藝小百科 facebook 粉絲專頁度交流吓吖~!!!

Happy Anniversary

12043201_973619149346443_2871700434204199455_n

Happy Anniversary~!!哈~時間真係過得好快喔~!咁快又到結婚周年~!!今年嘅結婚周年應該都係無無聊聊咁HEA過~因為同埋黃小B一齊都唔搞得D咩呢~!!不過冇所謂啦~!黃師奶有囡萬事足~!一家三口一齊已經好開心呢~!!

大家可以Click入 黃師奶廚藝小百科 facebook 粉絲專頁度交流吓吖~!!!

差唔多3個月大嘅黃小B

12038527_972420536132971_5358569552815249209_n
今日一早黃師奶又同黃小B返咗醫院覆診呢~!!可能大家都奇怪點解黃小B會成日去覆診~冇計啦~因為之前黃小B比例輕磅~同埋D黃疸又退得好慢~到黃疸退咗喇~又話唔夠維他命D~所以咪成日返醫院囉~!!剛剛醫生同黃師奶講~黃小B嘅骨酵素終於接近正常水平喇~~~即係D維他命D終於好返D~實在太好喇~而醫生都話唔駛再返去覆診得咁密~!呵呵呵~~

黃小B家下有10磅喇~~~!!黃師奶都好開心~希望黃小B繼續吸收好D~快高長大啦~!!!

今日去完醫院返到屋企~黃小B就整咗呢個樣~哈~好似好不滿咁~~~因為黃師奶整醒咗佢~呵呵~好可愛~~~扁哂咀黎瞓~! ^3^

大家可以Click入 黃師奶廚藝小百科 facebook 粉絲專頁度交流吓吖~!!!

酸齋

20150917素素
<<酸齋>>
今日屋企冇水~哈~以前冇水對黃師奶冇乜影響~至多咪唔洗衫~家下有咗黃小B~嘩~換片冇水真係煩~又冇得幫佢洗白白~冇計啦~一早起身裝定D水~希望黃小B今日生生性性~賴紙賴準D~唔好爆片啦~

今日黃師奶喺街市買咗D炸麵筋唸住用黎整酸齋呢~酸酸哋咁真係幾開胃~同埋呢個餸可以一早整定~啱哂黃師奶呢~因為湊住黃小B真係好忙呀~!~呢個餸唔駛5分鐘就整好~大家可以一試呢~!

材料: 炸麵筋6両
汁料: 茄汁約6-7湯匙, 白醋約1.5湯匙, 糖3-4茶匙, 鹽及喼汁少許, 水半碗 (調味份量自己試啦~個個口味唔同呢)

STEP 1
將炸麵筋汆水去除油份

STEP 2
將汁料煮好(按個人喜好調味)再拌入炸麵筋後煮約5-10分鐘至入味即成 (可加生粉水里芡)

大家可以Click入 黃師奶廚藝小百科 facebook 粉絲專頁度交流吓吖~!!!

坑腩蝦籽麵

20150917牛牛面
<<坑腩蝦籽麵>>
今日天氣好差呢~!一早起身就黃雨~等到家下~黃師奶同黃小B都未落街呢~!或者一陣就落去八下~總係覺得每日同黃小B落街行下開心D~日日兩母女呆坐喺家等黃先生返黎太唔健康~!

黃先生有日買咗D蝦籽麵返黎~~佢話喺九龍城買好出名架~~食過又真係味道同口感都唔錯喎~今日喺街市買咗牛腩~唸唸下不如伴麵食~個牛腩用上湯炆好~煮埋個麵又一餐~真係快靚正架~!

材料: 坑腩1斤 , 八角一粒 , 花椒半茶匙 , 上湯 2升, 蝦籽麵2-3個

STEP 1
坑腩汆水(加薑蔥)減去油份

STEP 2
將筋腩略略煎香 ; 拌入花椒八角後注入上湯煮滾

STEP 3
細火炆煮約30分鐘後熄火焗30分鐘; 重複

STEP 4
再細火炆煮約20分鐘後熄火焗20分鐘後將牛腩切件;

STEP 5
食前煮滾再拌入蝦籽麵煮至熟透即成~

 

大家可以Click入 黃師奶廚藝小百科 facebook 粉絲專頁度交流吓吖~!!!

終於冇再食夜奶LU~~

12036671_968875666487458_2746846398594978442_n 12009668_968875669820791_1625673397011616100_n
哈~今日係9月18日~~黃小B已經75日大喇~!!呢一日實在非常開心嘅日子~因為黃小B終於冇再扭食夜奶喇~~~~~由尋晚9點食完奶奶瞓覺~到第朝6點黃師奶再叫醒佢食奶奶~吖~~~~~~~~~實在太令人興奮喇~~~~!!!黃師奶終於有覺好瞓~~!!黃小B雖然唔駛食夜奶~不過夜晚總會扭下計~但係俾個奶咀再TUM下佢~都會瞓返~希望黃小B可以再進步D~一覺瞓天光啦日日都~!!

讚完黃小B~大家睇下佢幾開心~哈~黃師奶覺得黃小B個笑容好甜架~睇極都唔厭~~~!!

大家可以Click入 黃師奶廚藝小百科 facebook 粉絲專頁度交流吓吖~!!!

懶人版糖醋雞翼

20150825糖醋雞翼
<<懶人版糖醋雞翼>>
吉吉島逄星期三都特價日~黃師奶都習慣咗呢日去行一轉~睇下有冇平嘢執~尋日就誇張到爆~黃師奶九點幾咁落去~嘩~多人到呢~連購物車都冇架呀~!俾人用哂~黃師奶排隊俾錢都等咗足足十個字~超誇張呢~!

嗱~有咗黃小B後黃師奶真係忙咗好多~見超市有D現盛糖醋醬~價錢又唔貴~咁又買黎食試喇~出奇哋~呢款醬又比黃師奶想像中好味喎!~個汁用黎送飯都唔錯架~大家可以買黎試試~!

材料: 雞翼10隻, 紹酒半小碗
醃料: 生抽一湯匙 , 糖一茶匙 , 胡椒粉少許, 麻油及生粉少許, 紹酒一大匙
醬汁: 現盛糖醋醬

STEP 1
將雞翼與醃料拌勻醃約2小時備用

STEP 2
將雞翼慢火煎香

STEP 3
拌入糖醋醬兜勻後灒酒煮至收汁熟透即成

大家可以Click入 黃師奶廚藝小百科 facebook 粉絲專頁度交流吓吖~!!!

蠔皇牛筋腩

20150830牛牛
<<蠔皇牛筋腩>>
哈~尋日黃師奶同黃小B去咗食輪狀病毒~!好在黃小B食完之後反應都唔太差~!冇上次打針後咁唔舒服~!走咗去醫務所食啦~點知多人到爆~~一等都等咗差不多個幾2個鐘…仲要講明過咗籌要再等過…搞到黃師奶抱住黃小B都唔敢走開呀~!

今日黃師奶又去咗街市入咗D熟牛筋~~平平哋~買定D放冰箱~~呵呵~今次呢個蠔皇牛筋腩黃先生係咁讚話D牛筋好好味喎!~~叫黃師奶下次再整喎!~黃師奶就買熟牛筋~~因為易腍好多~大家得閒可以試下呢~!

材料: 急凍牛筋1磅, 牛肋條約500G, 乾蔥4粒(切片), 蒜茸半湯匙, 薑2-3片, 上湯適量, 汆水用嘅薑及蔥段適量
汁醬: 蠔油2-3大匙

STEP 1
煲滾水後下少許薑及蔥段, 將牛筋及牛肋條汆水

STEP 2
爆香料頭拌入牛筋及牛肋條兜勻, 下蠔油後兜炒片刻

STEP 3
注入上湯至浸過所有材料後煮滾再細火炆煮30分鐘後焗30分鐘; 再重覆炆焗30分鐘;最後炆焗15分鐘即成~!

 

 

大家可以Click入 黃師奶廚藝小百科 facebook 粉絲專頁度交流吓吖~!!!

過去式嘅黃師奶vs現在式嘅黃小B

IMG_6859

哈~今日黃師奶搵返N年前嘅相~~相中嘅黃師奶斷估仲係好細個~~~應該同黃小B咁上下大~~對一對個樣~WELL…黃師奶都唔識睇黃小B邊忽似我呀!~~!!!!黃小B個樣好似日日變咁~~~唔知長大後似DADDY多D定係MUMMY多D呢?!

大家可以Click入 黃師奶廚藝小百科 facebook 粉絲專頁度交流吓吖~!!!

子薑爆排骨

20150825子薑骨
<<子薑爆排骨>>
呢幾日D天氣真係涼咗喎!~黃師奶每朝去買餸時~都有返D風呢~呵呵~雖然家下叫做舒服咗~不過黃師奶想再凍D呀!~因為黃師奶實在太怕熱呢~希望快D到冬天啦~咁就慳返唔少電費~嘩哈哈哈~~~~~~~

黃先生愛食排骨~哈~通常黃師奶就咁蒸就算~今日就煎香D~~用咗腩排黎煮~始終有少少肥煎嗰時有D油香先好味~!爆香咗個子薑~加埋D排骨煎金黃~煎嗰時已經香噴噴~!最後煮到收汁~個汁仲好好送飯呢~!

材料: 腩排/飛排三十蚊,生粉一茶匙及麻油適量,子薑隨意, 紹酒小半碗
醃料: 生抽一湯匙, 老抽少許, 糖一茶匙, 胡椒粉少許

STEP 1
腩排/飛排洗淨後與醃料醃約二十分鐘; 子薑洗淨切小片

STEP 2
將醃好嘅腩排/飛排與少許麻油~~~及生粉拌勻~~

STEP 3
先爆香子薑後拌入排骨煎至金黃後灒酒煮透至收汁即成~!

大家可以Click入 黃師奶廚藝小百科 facebook 粉絲專頁度交流吓吖~!!!