黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

黃小B過萬聖節~~

12196269_989245267783831_7034548325940141538_n
爸爸買咗件骷髏骨戰衣俾黃小B過萬聖節呀~~件戰衣仲有夜光呢~!! 係咪好搞鬼呢~~~~~不過呢個黃小B唔知道係咪知道今日萬聖節呢?!尋晚好似做咗夜鬼咁EERR….瞓吓醒吓~!搞到黃師奶冇覺好瞓呀~!!!不過冇計啦~~~黃師奶同自己講….湊B係咁架喇~~~呵呵呵~~~

黃小B喺到祝大家有個愉快嘅萬聖節啦~~

大家可以Click入 黃師奶廚藝小百科 facebook 粉絲專頁度交流吓吖~!!!

蒜香豬軟骨

20151019豬軟骨
<<蒜香豬軟骨>>
吖~!剛剛同黃小B落街..黃師奶喺到問緊鋪頭D人嘢..點知後面有個阿婆走黎搣黃小B塊面…黃師奶嗰時太大意..睇唔到後面有個阿婆…跟住D店員就話個阿婆搞錯..個阿婆就即走咗去….唉…點解D人咁架..?

黃師奶好LIKE 食豬軟骨架~覺得個口感好好~好多時都係炆黎食~哈~不過今次想簡單D~就蒸算啦~加咗少少蒜茸~又香又好味~!蒸豬軟骨前先加少少麻油同生粉拌勻~咁樣蒸出黎特別滑架~ 大家可以試下喔~!

材料: 豬軟骨400G,生粉一茶匙及麻油適量, 蒜茸1大湯匙
醃料: 生抽一湯匙, 老抽少許, 糖一茶匙, 胡椒粉少許

STEP 1
豬軟骨洗淨後與醃料醃約二十分鐘~~

STEP 2
將醃好嘅豬軟骨與少許麻油~~~及生粉拌勻~~蒸前再拌入蒜茸

STEP 3
煲滾水後大火隔水蒸約15-20分鐘至熟

 

大家可以Click入 黃師奶廚藝小百科 facebook 粉絲專頁度交流吓吖~!!!

帶子蒸水蛋

20150927蛋蛋
<<帶子蒸水蛋>>
今日天氣唔係咁好~一早有D毛毛雨~~!黃師奶就同黃小B落樓下商場行下算~!屋企樓下商場又大執位~裝修過哂~小店又少咗~大集團又多咗~!家下真係行到邊D鋪頭都一鬼樣~~~悶到呢~~~

是日冇去街市呀!~因為一早同咗黃小B出去~~咁啱見到有間TASTE!~~就喺嗰到買餸算喇~~見到有D帶子幾抵食~~就買返家蒸水蛋~黃先生又收貨喎!~仲話味道好好~帶子同蛋好夾~哈~大家可以一試喔~!

材料: 帶子隨意, 蛋3隻, 上湯250ml

STEP 1
帶子沖洗乾淨後抺乾水份 (可加少許檸檬汁同胡椒調味)

STEP 2
先將碟蒸熱至水滾; 將帶子拌入碟中; 蛋及上湯拌勻

STEP 3
將STEP 2 蛋汁倒入碟中後蓋錫箔紙, 大火蒸3分鐘後焗20分鐘即成~!

大家可以Click入 黃師奶廚藝小百科 facebook 粉絲專頁度交流吓吖~!!!

黃小B VS 毛公仔

12096500_985953798112978_6719379398587677689_n

黃小B已經3個半月大喇~!哈~黃師奶發覺黃小B真係好鍾意玩毛公仔~!嗱~其實屋企真係有好多公仔架~因為黃師奶成日買..WELL…冇錯~黃師奶有呢個辟好…曾經有人叫黃師奶丟哂D公仔去~話因為黃小B出世唔可以有塵同毛喎…黃師奶就冇理咁多喇~呢個世界實有塵同毛架啦~只要定期清潔咪得囉~呵呵~!!

家下黃小B大個咗~互動多咗~每日見到黃小B笑得咁開心~黃師奶都好滿足~~不過湊黃小B真係好累….個人認為…累過返工嘅黃先生….日日好似擔泥咁~!!

大家可以Click入 黃師奶廚藝小百科 facebook 粉絲專頁度交流吓吖~!!!

蒜蜜雞翼

20151008蒜蜜雞
<<蒜蜜雞翼>>
OH~重陽節假日又完咗喇~大家有冇去到登高呢?!黃師奶呢~就冇咩節目喇~!都係喺企過咋~不過難得黃先生喺屋企~一家三口HEA 下咁過~都幾爽架~呵呵呵~~

家下日日湊住黃小B真係忙到爆~!所以煮飯都簡單咗好多~之前買咗D 一PACK PACK 醬料~真係好方便~今次就一早醃好哂D雞翼~焗前再跟個醬料拌勻~!簡單得黎又幾好味喎~大家可以試下吖~!

材料: 雞翼10隻, 紹酒半小碗
醃料: 生抽一湯匙 , 糖一茶匙 , 胡椒粉少許, 麻油及生粉少許, 紹酒一大匙
醬汁: 現盛蒜蜜醬

STEP 1
將雞翼與醃料拌勻醃約2小時備用

STEP 2
預熱焗爐180度15分鐘; 將雞翼跟蒜蜜醬拌勻

STEP 3
焗雞翼約20分鐘即成( 人人焗火唔同喔)

 

大家可以Click入 黃師奶廚藝小百科 facebook 粉絲專頁度交流吓吖~!!!

上海新光號大閘蟹

20151019蟹蟹

呵呵呵~話咁快又到咗食大閘蟹季節喇~黃師奶亦都唔執輸~喺剛剛個星期日食咗LU~~今次D大閘蟹係喺上海新光號到買嘅~~隻隻都好肥美架~!!D蟹膏好鮮甜~!黃先生食到好滿足~~仲好想ENCORE TIM 呀!~~

DSC_2313_已執

上海新光號嘅大閘蟹來貨均經過嚴格挑選、檢驗,品質絕對安全及有保證 多年來為各大酒店、著名食肆、高級食府之指定供應商。 喺太湖設有生產及包裝出口基地,直接由太湖原產地進貨、包裝 、出口, 通過中國出入境衛生檢驗、香港食環署及香港標準檢定中心之檢測合格。品質有保證~真係食都食得好安心呢~!呵~~~大家快D買黎試下吖~!!仲有呀~買籮蟹會仲抵D架~~大家咪執輸呢~!呵呵~

上海新光號地址: 香港灣仔道 80 號地下(大有商場斜對面)
訂貨熱線: 2416 0088
營業時間:早上九時至晚上八時半
上海新光號大閘蟹專門店為方便顧客訂購,今年新增免費手機應用程式「大閘蟹專門店」,歡迎下載,可即享優惠

上海新光號大閘蟹專門店

 

box

 

大家可以Click入 黃師奶廚藝小百科 facebook 粉絲專頁度交流吓吖~!!!

金寶忌廉蘑菇湯 – Christian教學

嗱!大家都知我日日都煮早餐俾黃生食!不過整得多三文治、腸仔、蛋都、煙肉會悶啦!見到楊尚友分享用金寶忌廉蘑菇湯煮咗蘑菇忌廉早餐!有通粉、雞蛋同面包,營養豐富、方便又有新意!真係好正!

大家快啲click 入條link 睇下Christian 嘅分享!

大家可以Click入 黃師奶廚藝小百科 facebook 粉絲專頁度交流吓吖~!!!

香煎安格斯肉眼

20151014肉眼jpg
<<香煎安格斯肉眼>>
呢個世界真係好多八掛人~!黃師奶家下成日同黃小B去公園曬太陽~成日有D阿婆走黎話呢話路…又話抱小朋友唔係咁抱架~!又話黃小B生得細粒~傾多2句知道黃小B食人奶就話人奶冇營養所以咁細粒~!真係好煩~!!..

哈~早前黃小B 100日~!黃師奶俾個藉口自己煮餐好~一早出咗去買塊靚靚牛扒煎~!呢塊扒都差不多1KG~!好厚身架~!肉質好好~!!煮完再REST 多5分鐘~真係好JUICY!~亦都不得不承認一分錢一分貨嘅道理呢~!!

材料: 安格斯肉眼一塊 (約1KG)
調味: 海鹽

STEP 1
燒紅煎PAN, 每邊煎約3分鐘

STEP 2
將牛扒用錫箔紙包好再放喺熱碟上REST 5分鐘再灑上調味即成~!

大家可以Click入 黃師奶廚藝小百科 facebook 粉絲專頁度交流吓吖~!!!

辣炒排骨

20151014排骨
<<辣炒排骨>>
家下重播男親女愛~!唔知道大家有冇睇返呢?! 呢套嘢真係堅好笑~!黃師奶家下日日都追架~!真係唔記得上當年有冇追過~可能冇都唔定~因為黃師奶實在冇乜印象~~可能嗰時掛住溫書冇睇過~~呵呵呵~~!

今日煮排骨想惹味D~加咗少少辣椒乾~!哈~不過黃先生話唔夠辣喎!!話再辣D先正喎!~所以呢~鍾意食辣嘅朋友仔~不妨加多少少辣椒啦~~

材料: 腩排/飛排三十蚊,生粉一茶匙及麻油適量, 辣椒乾隨意,  洋蔥一個, 紹酒小半碗
醃料: 生抽一湯匙, 老抽少許, 糖一茶匙, 胡椒粉少許

STEP 1
腩排/飛排洗淨後與醃料醃約二十分鐘; 洋蔥去衣切絲

STEP 2
將醃好嘅腩排/飛排與少許麻油~~~及生粉拌勻~~

STEP 3
先爆香洋蔥後拌入排骨煎至金黃後盛起~~

STEP 4
再爆香辣椒乾後將排骨回鑊後灒酒煮透至收汁即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

100日大喇~!!!

12107078_980572761984415_7721057922839809522_n

 

12075027_980572771984414_4088088642445246563_n

哈~唔覺唔覺~黃小B今日就係100日大喇~!!黃師奶今日睇返D相~就真係覺得黃小B大個咗好多喇~!!初初出世真係成隻貓仔咁~細細個咁成日伏喺黃師奶心口~家下呢~就成日頭仔郁郁咁周圍望呢~!!見到黃小B越來越進步同叻叻豬就最開心呢~!!希望黃小B健健康康啦~!!快高長大~!!

100日快樂呀!~~~~~

大家可以Click入 黃師奶廚藝小百科 facebook 粉絲專頁度交流吓吖~!!!