|
|
<<黑椒牛肉炒銀針粉>>
呢2日又回暖返LU~呢個天氣真係玩C人~!話咁快又到12月喇~!呵~~即係好快又到聖誕節同過年~!黃師奶就最愛呢個節日呢~!今年仲可以同埋黃小B一齊過聖誕~~真係好鬼期侍呀!~~
今日炒咗個銀針粉食咋~!點解?!之唔係黃先生太忙~得黃師奶一個咪食得簡單D囉~! 黃師奶將D黑胡椒炒香先~跟手將牛肉回鑊~~炒幾下就食得~!簡單又好味~!炒咗一大碟~~留返盒第日做午餐~方便又快捷~!
材料: 牛柳250g , 銀針粉一斤, 老抽適量(調色), 洋蔥半個(去衣切絲)
牛柳醃料: 生抽半湯匙, 蒜茸半湯匙, 糖及生粉各1茶匙, 胡椒粉及麻油少許, 水一湯匙
調味: 黑胡椒1湯匙
STEP 1
牛柳跟醃料伴勻備用
STEP 2
燒紅鑊快炒牛柳至轉色盛起
STEP 3
慢火爆香黑胡椒及洋蔥再拌入銀針粉及牛柳後加入老抽兜勻炒至乾身即成 (唔好炒咁耐呀!~牛肉老咗好難食)
大家可以Click入 黃師奶廚藝小百科 facebook 粉絲專頁度交流吓吖~!!!
<<支竹豆卜滑雞煲>>
OH~今日真係凍咗唔少呀~雖則就未到寒冷~~不過尋日日頭仲27-28度~一下差不多跌咗10度~真係好誇張呢~黃師奶都好擔心黃小B會凍親呢~一早就買咗D厚衫~見佢著到好似舊蓄薯咁~好搞笑~!
今日整咗呢個家常小菜~想整大煲D~又飽肚D!~咁黃師奶就加咗豆卜同埋支竹呢~!支竹豆卜吸哂D汁~真係好好味呢~!!今次用咗蠔油炆~下次要試下用南乳~~信都好好送飯呢~呵呵~!
材料: 雞一隻 , 支竹豆卜(界十字)隨意 薑2片, 紹酒半碗
雞肉醃料: 生抽約1湯匙 , 糖一茶匙 , 胡椒粉少許, 麻油及生粉少許, 紹酒一大匙
調味: 蠔油約2湯匙
STEP 1
雞翼與醃料拌勻備用; 炸支竹及豆卜用暖水略為沖洗~再抺乾備用
STEP 2
爆香薑~將雞件略略煎香盛起~
STEP 3
拌入支竹豆卜後兜炒片刻後下蠔油兜勻再灒酒
STEP 4
加水蓋過所有材料後煮滾轉細火炆煮約30分鐘至收汁 (可加生粉水埋芡) 即成~
大家可以Click入 黃師奶廚藝小百科 facebook 粉絲專頁度交流吓吖~!!!
<<香菇粉絲蒸水蛋>>
尋晚我個黃先生終於回歸喇~唔係講笑~黃師奶大大話話成個月冇同黃先生食個飯喇~而黃小B呢~唔知係咪唔習慣見到爸爸….好唔願意跟爸爸呢~!唉~~希望黃先生快D忙完喇~~~又希望黃小B肯跟下爸爸啦~唔好下下咁痴身呢~!
哈~早前黃師奶買咗d 珍珠菇~吖~又幾好味喎~~隻隻都細細粒~煮時好方便~又唔駛炆煮好耐喎~!今次個水蛋加咗珍珠菇~咁就香好多~又加咗粉絲~食起上黎又飽肚d~真係唔錯架~!
材料: 珍珠菇隨意, 蛋3隻, 上湯250ml, 粉絲一束
STEP 1
粉絲浸軟; 珍珠菇浸軟後切半再用少許麻油及糖略醃再蒸至熟透
STEP 2
先將碟蒸熱至水滾; 將粉絲及珍珠菇拌入碟中; 蛋及上湯拌勻
STEP 3
將STEP 2 蛋汁倒入碟中後蓋錫箔紙, 大火蒸3分鐘後焗20分鐘即成~!
大家可以Click入 黃師奶廚藝小百科 facebook 粉絲專頁度交流吓吖~!!!
吖~~今日黃師奶又老一歲喇~~今年真係有啲唔同~!WELL…就係多咗個囡囡陪黃師奶過生日喇~!!記得上年呢個時候剛剛有咗黃小B~!嗰下已經覺得收到最好嘅生日禮物~哈~而今年呢?!黃小B就平安出世~見到佢嘅開心樣~就係黃師奶最窩心嘅生日禮物喇~!
家下囡囡有13磅~!隻豬仔仲未識轉身~哈~不過都識得打側身架喇~!而黃小B最搞笑係每次同佢換片片嗰陣~佢都識得自己抬高對腳仔~嘩哈哈~真係好抵死~!好盞鬼~!!
今年黃師奶嘅生日願望呢~就係黃小B快高長大~健健康康~!我們這一家繼續快快樂樂~開開心心呢~~!
大家可以Click入 黃師奶廚藝小百科 facebook 粉絲專頁度交流吓吖~!!!
<<糖醋骨>>
今日冇太陽~又好似涼返少少咁多多~呢期SOGO感謝節~黃師奶以前真係年年都去~5月嗰時黃師奶8個月肚~都走咗去買嘢~哈~反而家下黃小B出咗世~就冇呢支歌仔唱LU~揹住佢又驚俾人撞~又驚佢驚多人~睇黎黃師奶要閉關幾年呢~!
呢個糖醋骨好入味呀!~點解?!之唔係黃師奶喺朝早一早整好~就等到夜晚先食~D排骨浸咗成日~真係好正呢~!酸酸甜甜咁又好好送飯喎!~不過個汁料呢~大家最好跟返自己口味再調較下呢~!!
材料: 排骨600g,生粉一茶匙及麻油適量
醃料: 鹽少許
汁料: 黃酒2湯匙, 1/3碗生抽, 5湯匙糖, 大半碗醋鎮江醋, 1碗水 (調好後自己試味). 薑2片
STEP 1
排骨洗淨後跟醃料醃約二十分鐘
STEP 2
將醃好嘅排骨與少許麻油及生粉拌勻
STEP 3
將汁料煮滾後拌入排骨煮至滾後慢火煮約15分鐘後熄水浸焗半小時; 再重覆一次炆焗約10分鐘即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<豉汁蒸蟶子>>
大家有冇追DO姐去SHOPPING呀? 上星期農夫PART DO 姐真係好好睇~又搞笑喎~!呢幾日搵SAMMY 同敏芝真係比下佢~~黃師奶都好鍾意DO 姐架~佢個電台節目好好聽~一冇咗佢就失色哂~!!!
黃先生鍾意食蟶子~呵呵~今日黃師奶見到街市D蟶子好肥美呀!~買咗4大隻俾黃先生嘆下先~呢到買咗55蚊~~隻隻都好大~點都抵過出街食呢~返到家用豉汁蒸~~黃先生食得好滋味呢~
材料: 蟶子4大隻, 蒜茸豆豉茸約2匙
STEP 1
將蟶子清洗乾淨後抺乾水份; 鋪上蒜茸豆豉茸(可以灑上少許椒絲)
STEP 2
煲滾水後下蟶子大火蒸約5分鐘後灒上熟油即成
大家可以Click入 黃師奶廚藝小百科 facebook 粉絲專頁度交流吓吖~!!!
<<胡椒蜆>>
黃先生呢期工作好忙~基本上佢返到屋企黃小B已經瞓咗LU~!連星期六日好多時都返咗公司~!見佢話返黎食飯~黃師奶就即去街市買餸喇~!買咗斤半花甲~今次想惹味D~用咗黑椒炒~!D黑椒黃師奶都落得幾多下~!炒嗰時已經好香~!食嗰時更加美味喔~!!
材料: 花甲斤半, 紅尖椒2隻(切片), 洋蔥1個(去衣切絲), 薑2片, 紹酒小半碗, 乾蔥3個(切片)
調味: 黑胡椒2湯匙
STEP 1
將花甲用鹽水浸泡3小時後用滾水煮至開口
STEP 2
爆香洋蔥, 薑片及乾蔥後加入1湯匙黑胡椒炒香
STEP 3
拌入花甲及紅尖椒兜炒片刻~再拌入餘下1湯匙黑胡椒兜勻
STEP 4
灒酒煮透後用生粉水埋芡即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<彩椒排骨>>
黃師奶家下湊住黃小B真係好忙呀~煮飯醃肉想簡單方便D~~今次就轉用咗史雲生雞汁黎醃肉呢~!!嘩~用咗呢款史雲生雞汁醃嘅排骨~夠曬入味而且仲充分鎖住肉汁~連黃先生都讚好~呵呵~~
材料: 排骨300G, 生粉一茶匙及麻油適量, 紅青尖椒隨意, 紹酒小半碗
醃料: 史雲生雞汁約2茶匙就夠曬入味啦~
STEP 1
排骨洗淨後與醃料醃約十分鐘;然後將醃好嘅排骨與少許麻油及粉拌勻~~將尖椒切成小片備用
STEP 2
先將排骨煎至金黃色~
STEP 3
再拌入尖椒後灒酒煮透至收汁即成~!
小貼士: 炒餸時加D史雲生雞汁可仲可以帶出菜肴香味之餘同辟走蔬菜草青味架添~！
大家可以Click入 黃師奶廚藝小百科 facebook 粉絲專頁度交流吓吖~!!!
<<Equal® Sugar Blend多用途健康糖 – 簡易CUPCAKE>>
黃師奶鍾意煮嘢食就係人都知架喇~家下有咗小朋友後想食得健康D~就要多多留意食材嘅成份呢~!今日黃師奶呢個CUPCAKE 用咗Equal® Sugar Blend多用途健康糖~!絕對係健康之選呀~!
Equal哩個健康糖嘅甜度是白糖的一倍~!!吖~咁即係話用一半份量已經有十足嘅甜味~糖分用量就可以減半，卡路里就同時減半~!真係愛美愛健康嘅人首選呢~!而且哩個健康糖嘅甜味天然又唔苦澀，口感媲美砂糖，可以代替砂糖作日常使用添~!!大家快D試下吖~!
材料: 低筋粉120g, 牛油120g, 蛋2個, Equal® Sugar Blend多用途健康糖 50g, 粘米粉30g, 牛奶40g, 泡打粉5g
STEP 1 將低筋粉, 泡打粉及粘米粉過篩3次
STEP 2 焗爐預熱180度10分鐘
 
STEP 3 先將牛油打發再拌入糖打至均勻; 再拌入其他材料至中速打至變成稠身麵糊 (約4分鐘)
 
STEP 4 將麵糊倒入容器內以180度焗約30分鐘至熟透即可
小貼士: Equal哩款多用途健康糖混合左天然白糖同蔗糖素，卡路里減半，比起一般白糖甜一倍，所以只需用平時嘅一半分量
大家可以Click入 黃師奶廚藝小百科 facebook 粉絲專頁度交流吓吖~!!!
<<沙嗲牛肉炒河>>
尋日又話立冬~~但係都有成30度喎~真係好誇張呢~11月個天氣仲係咁樣~天文台話今晚又會涼返少少~唔知堅定流呢?呢2日濕度仲要好高咁~香港D天氣真係越來越怪怪呀~!
嗱~又炒河粉食~!冇計啦~黃先生家下好夜先返到家~黃小B又比較早瞓喎~咁為咗方便D~家下有時都係炒粉麵算~!爆香咗個沙嗲醬~好惹味呀!~~而且都好夠味~D牛肉又滑喎!~~大家得閒可以試下喔~!
材料: 牛柳250g , 炒河粉3碗, 老抽適量(調色)
牛柳醃料: 生抽半湯匙, 蒜茸半湯匙, 糖及生粉各1茶匙, 胡椒粉及麻油少許, 水一湯匙
調味: 沙嗲醬2-3大匙
STEP 1
牛柳跟醃料伴勻備用; 炒河粉先分開一條條;
STEP 2
燒紅鑊快炒牛柳至轉色盛起
STEP 3
慢火爆香沙嗲醬拌入炒河粉後加入老抽兜勻炒至乾身即成 (唔好炒咁耐呀!~牛肉老咗好難食)
大家可以Click入 黃師奶廚藝小百科 facebook 粉絲專頁度交流吓吖~!!!
|
近期迴響