黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

近期迴響

Google+ Badge

椰香麵包布丁

20151227包包布丁
<<椰香麵包布丁>>
自從黃小B出世後~黃師奶冇同佢分開過~日日落街買餸行公園~哈~街市看更唔少人都睇住囡囡大架~!個個都話時間過得好快~咁快就半年~哈~我話唔係你哋湊就緊係快啦~我日日對住又唔覺黃小B大得快喎~!!!

呢期聖誕新年~黃師奶相信大家都有唔少PARTY飯局呢~!吖~今日就出返個PARTY甜品應下節~!整咗個麵包布丁~簡單到唔簡單~!!今次黃師奶加咗椰油呀~!點解?!之唔係D牛油用哂囉~!不過焗出黎有椰香味~唔錯架~大家可以一試喔~!

材料: 麵包4片(切丁), 紅莓乾隨意, 牛奶200ML, 淡忌廉100ML, 椰油20ML, 糖50-60G, 雞蛋3隻

STEP 1
雞蛋拌勻後拌入牛奶, 淡忌廉, 糖及椰油

STEP 2
預熱焗爐約190-200度

STEP 3
將麵包跟STEP 1的汁液拌勻, 麵包要完全吸收汁液

STEP 4
將沾上汁液嘅麵包放入焗盆上再拌入乾果~!焗約30-40分鐘即成 (人人爐火唔同~小心喔)

大家可以Click入 黃師奶廚藝小百科 facebook 粉絲專頁度交流吓吖~!!!

脆皮孜然雞

20151215孜孜雞
<<脆皮孜然雞>>
呵呵呵~一連3日聖誕假又完咗~黃師奶相信大家都仲好HOLIDAY MOOD!~~捱多4日又放3日呢~係咪好開心~?!而黃師奶呢~就日日都咁過~放假唔關我事…日日都同囡囡玩~冇假放呢~!

今日來一個簡單焗雞~見到街市有孜然粉賣~就加埋落隻雞到醃啦~~簡簡單單又一餐~~冇計啦~~湊住我個心肝黃小B~冇以前咁多時間成日慢慢炆餸咁~!!

材料: 雞一隻
醃料: 生抽一湯匙 , 糖一茶匙 , 胡椒粉少許, 麻油及生粉少許, 紹酒一大匙, 孜然粉適量(搽勻隻雞的份量)

STEP 1
將雞洗淨後開邊, 跟醃料醃最少4小時

STEP 2
預熱焗爐220-230度, 焗雞件約40分鐘即成 (各人爐火唔同~要注意喔)

大家可以Click入 黃師奶廚藝小百科 facebook 粉絲專頁度交流吓吖~!!!

黃小B祝大家聖誕快樂~~

12391212_1017049871670037_6293712534585442002_n
今日就係平安夜喇~唔知道大家有咩節目呢?黃師奶就會喺屋企喇~有咗黃小B出去同人迫就唔係咁好咁~一家三口喺家食飯一齊HEA 下過下黃師奶已經覺得好滿足呢~!

黃小B呢個豬仔今年第一次過聖誕節~哈~佢個LOOK 係咪好應節呢~!黃師奶就覺得囡囡好可愛~都係嗰句~有女萬事足~阿囡篤屎都香過人~~!呵呵~

黃師奶同黃小B祝大家聖誕快樂~~開開心心~~!

大家可以Click入 黃師奶廚藝小百科 facebook 粉絲專頁度交流吓吖~!!!

香煎檸檬三文魚柳

DSC_2650
仲有幾日就聖誕節喇~哈~黃師奶相信大家都會喺聖誕當日煮返個西式大餐呢 ~嗱~黃師奶有日喺百佳超市見到有挪威三文魚柳好抵買~所以就即時介紹俾大家知喇~!! 三文魚有豐富嘅奧米加三脂肪酸、維他命D同蛋白質~哈~啱哂家下餵緊媽媽奶嘅黃師奶食呢~! 挪威三文魚柳健康又好味~~大家快D去百佳買啦~~~~ 香煎檸檬挪威三文魚柳

DSC_2635
材料: 挪威三文魚柳1片 (百佳獨家發售)
醃料: 生粉及油少許, 檸檬汁隨意 調味: 海鹽

DSC_2642

STEP 1
先將生粉及油均勻地搽喺挪威三文魚柳上; 煎前灑上調味及檸檬汁

DSC_2645
STEP 2
燒紅鑊後細火煎有皮嗰面煎至金黃 (唔好反黎反去呀!~煎到魚肉變白色就)~之後每面煎至金黃即成~

大家可以Click入 黃師奶廚藝小百科 facebook 粉絲專頁度交流吓吖~!!!

煎金蠔

20151215金金
<<煎金蠔>>
今朝六點起身餵媽媽奶~一睇個電話~9.8度咋~~真係好鬼凍呀~不過為咗黃小B~黃師奶就冇懶床喇~即彈起身~其實由懷孕後期都瞓得差~生咗之後更加冇覺好瞓~一晚起身N次睇下囡囡豬點~~真係唔知幾時先可以一瞓瞓返8個鐘呀!~~

街市見到有金蠔賣~知道黃先生鍾意食~呵~又買咗幾隻返家~~加少少砂糖兜一兜~甜甜哋又幾送飯喎!~今次D金蠔都好肥美呀!~價錢又冇流浮山咁貴~都幾抵食架~!

材料: 金蠔八隻
調味: 糖少許

STEP 1
將金蠔沖洗乾淨, 再抺乾水份

STEP 2
將金蠔蒸約4-5分鐘後盛起, 再抺乾

STEP 3
燒紅鑊後將金蠔煎香~加少少砂糖再兜勻即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

黑椒金錢肚牛筋煲

20151215牛牛
<<黑椒金錢肚牛筋煲>>
WOW~~~今日真係凍咗好多呀!~~今朝起身得12度咋~~~睇黎一陣要開返個暖爐仔先得~唔係真係驚凍親黃小B呢~!隻豬仔其實都幾識嘆~~家下天氣凍~見佢唔願起身咁~做BB真係爽~!!

家下天氣凍~又整返個暖身餸先~用咗急凍牛筋同埋金錢肚~加埋D黑椒炆~~辣辣哋咁~再伴埋個日本大根~~~食完真係大滿足呀~不過D金錢肚都要炆得幾耐下~~唔係就唔夠腍呢~~!

材料: 牛筋約300G, 金錢肚一大塊, 日本大根半條, 上湯適量, 薑2片, 乾蔥4-5粒(去皮切小片), 蒜茸1大匙
調味: 黑椒約2湯匙, 蠔油2-3油匙

STEP 1
牛筋及金錢肚用薑蔥水汆水備用; 日本大根去皮洗淨後切大件

STEP 2
爆香薑片,乾蔥及黑椒後拌入牛筋及金錢肚, 下蒜茸及蠔油兜炒片刻後下上湯至蓋過所有食材煮滾後細火炆煮半小時後焗半小時

STEP 3
重複炆焗半小時後拌入日本大根再炆焗半小時至收汁即成(可用生粉水埋芡)

大家可以Click入 黃師奶廚藝小百科 facebook 粉絲專頁度交流吓吖~!!!

白蘭氏燕窩

https://www.facebook.com/BrandsBirdsNestHK/videos/999629013429881/

唔覺唔覺,下星期就冬至同聖誕節喇!天氣亦都越來越凍同乾燥,呢個時候就最好食燕窩潤一潤!燕窩能滋潤養顏,冬天期間補一補優質蛋白,皮膚就滑滑溜唔怕乾; 加上潤肺作用,仲可以提升冬日時候嘅免疫力!用燕窩煮冬至餸菜就啱哂一家大細啦!

臨近佳節,大家仲可以為至愛送上呢份窩心滋潤嘅禮物呢!http://bit.ly/ShopBBN_MrsW_FB

大家可以Click入 黃師奶廚藝小百科 facebook 粉絲專頁度交流吓吖~!!!

支竹羊腩煲

20151210羊羊
<<支竹羊腩煲>>
黃師奶日日追男親女愛~~話咁快做埋呢2日又完LU~~呢套劇真係好好睇呀~以前D劇真係冇家下咁膠~!黃昏做嗰套茶是故鄉濃都好好睇~重播都有追嘅衝動~!家下新嗰D呢?!黃師奶就寧願瞓覺都唔睇LU~

天氣凍凍哋~街市有羊腩賣LU~見咁耐冇食過~就買咗斤半返家炆LU~~阿肉佬係咁同我講話佢用咗3個羊頭煲湯好正~!!吖~~不過黃師奶就冇興趣食羊頭湯喇~就咁用蠔油炆黎食~!~食完暖笠笠~!

材料: 羊腩1.5斤, 炸支竹4兩, 蒜茸1湯匙, 乾蔥4-5粒(切片), 薑3-4片, 上湯適量, 半小碗紹酒
調味: 蠔油3-4湯匙

STEP 1
將羊腩汆水盛起備用

STEP 2
爆香乾蔥及薑片再拌入羊腩兜炒片刻; 下蒜茸炒香

STEP 3
下蠔油後不斷兜炒~再灒酒後下上湯至蓋過所有材料後煮滾再轉小火炆煮約半小時後熄火蓋上蓋焗半小時

STEP 4
拌入炸支竹後再煮滾~再轉小火炆煮約半小時後熄火蓋上蓋焗半小時

STEP 5
食前再翻熱~焗片刻~再拌上生菜/腐乳即可~

大家可以Click入 黃師奶廚藝小百科 facebook 粉絲專頁度交流吓吖~!!!

腐乳雞肉拌粉絲

20151204 雞雞
<<腐乳雞肉拌粉絲>>
剛剛去完街市返家~呵呵~黃師奶好少可中午時間去街市架~通常一早去~不過黃小B又瞓咗~佢家下慣咗8點幾瞓到10點咁~之後食埋奶又搞到中午~啲時間永遠都唔夠用咁~!

今日呢個餸辣辣哋架~因為黃師奶用咗D辣味腐乳黎整個雞肉呀~再加多少少粉絲~吸哂D汁~~幾惹味架~整咗一大碟~夠哂飽肚呀~~唔知道大家鍾意食粉絲多D定雞肉呢?!黃師奶就鍾意食粉絲多D呢~~~~

材料: 雞脾扒2塊(切塊), 粉絲一束, 椒絲隨意
雞肉醃料: 生抽約半湯匙 , 糖3-4茶匙 , 胡椒粉少許, 麻油及生粉少許
調味: 腐乳3-4磚, 紹酒一大匙 (拌勻)

STEP 1
雞肉與醃料拌勻醃約20分鐘後再跟調味拌勻備用; 粉絲浸軟

STEP 2
粉絲墊底後拌入上雞肉(連調味汁)及椒絲後大火隔水蒸約12-15分鐘即成~!

大家可以Click入 黃師奶廚藝小百科 facebook 粉絲專頁度交流吓吖~!!!

5個月大喇~!

12311044_1007186039323087_319545448057054186_n
吖~~~又一個月喇~係咪好快呢~!黃小B今日已經5個月大喇~!!隻曳曳豬仲未識轉身….唉…都唔知佢係懶得滯~打側側哋身都得嘅~不過就冇力轉囉~!!瞓覺就叻叻豬咗~~夜晚食完9點轉奶呢~就一覺瞓到第朝6點架喇~好多時都係黃師奶叫醒佢起身tim~!!

家下一日5餐媽媽奶~~4小時一次~~!!等多1個月就開始食固體呢~!!到時黃師奶又要再忙d喇~!!!

囡囡要繼續乖乖快高長大喔~~媽媽鍚哂喔~~!~

大家可以Click入 黃師奶廚藝小百科 facebook 粉絲專頁度交流吓吖~!!!