四月 « 2016 « 黃師奶廚藝小百科

鹽焗蝦

20160429蝦
<<鹽焗蝦>>
HAPPY FRIDAY~!今個星期係LONG WEEKEND!~唔知道大家有咩搞作呢?!而黃師奶呢~就好期待每個星期日同囡囡返PLAYGROUP唱下歌玩下咁~識下其他媽媽~!交流交流~!

今日喺街市見到D蝦好靚~忍唔到又買咗半斤返家~!點解買咁少?! 因為黃師奶唔係咁好海鮮~!為嘅都係煮俾黃先生食呢~!今次用鹽焗~好簡單嘅一個菜式~用黎招呼朋友都唔失禮~!

材料: 中蝦6隻
調味: 鹽適量 (鋪滿個煲底), 黑胡椒1-2茶匙

STEP 1
將鮮蝦洗淨後去腸及腳; 抺乾水份備用

STEP 2
白鑊烘香鹽及黑胡椒 (約2-3分鐘), 拌入鮮蝦後蓋上蓋煮約4-5分鐘即成 (時間要睇返鮮蝦大小而定)

大家可以Click入黃師奶廚藝小百科 facebook 粉絲專頁度交流吓吖~!!!

南瓜雞蛋飯

南瓜蛋
<<南瓜雞蛋飯>>
一個愛煮嘢食嘅媽媽…生咗一個唔愛食嘢嘅囡囡!!!
唉…黃小B已經差不多10個月大…仲食唔到一餐固體…唔覺唔覺都已經試咗4個月…有時都覺得好失敗…為咗囡囡..黃師奶依然日日煮…日日餵…總之食得幾多得幾多啦….

材料: 日本南瓜1/8個 , 蛋王半隻 (蒸熟雞蛋再取出)
爛飯: 一湯匙米 + 約3/4量杯水 ( 囡囡唔肯食粥..爛飯肯食少少) <= 用BB煲煮最方便

STEP 1
煲滾水後大火隔水將南瓜蒸熟再壓茸

STEP 2
將南瓜茸和蛋王跟爛飯拌勻即成

P.S
BB最好一次半隻蛋王好喇..太多難消化!
南瓜甜味可吸引BB食, 不過唔好食得太多..小心胡蘿蔔素太高呀!~

大家可以Click入黃師奶廚藝小百科 facebook 粉絲專頁度交流吓吖~!!!

日子真係過得好快呀！黃小B轉食咗Illuma已經1個月有多喇！早前返去健康院檢查，姑娘都話小B發展得好好呢！磅數同身長增長理想呢！作為媽媽嘅黃師奶就最開心呢！
有唔少朋友仔都問黃師奶點解轉食Illuma，其實最大原因係因為聽講Illuma係較接近人奶，相對較為低敏，而且奶粉由愛爾蘭廠房製造，哈，有品質嘅保證! 黃師奶喺人奶媽媽GROUP入面，都認識咗唔少由人奶媽轉為奶粉媽嘅朋友仔，大家都一致認為Illuma Stage 2係最啱6個月大轉奶粉嘅BB食呢! 咁黃師奶就好放心俾小B食呢！
由人奶B轉為奶粉B，黃小B嘅肚仔都適應得好好！便便暢通又靚靚，面豬仔都係雞蛋咁滑！而且轉食咗Illuma後，小B都冇熱氣喎，脾氣就…嘩哈哈哈!同之前一模一樣! 黃師奶之前所擔心嘅問題，好似便秘同濕疹等都冇發生過！
家下轉食咗Illuma後，小B就用學習杯叻叻咗好多!對小朋友嘅小肌肉發展真係有好大幫助呢!
每次見到小B飲完奶奶個開心樣，真係覺得好幸福呢!囡囡健康開心，黃師奶就最安心呢！

大家可以Click入黃師奶廚藝小百科 facebook 粉絲專頁度交流吓吖~!!!

咖哩雞

20160424喱雞
<<咖哩雞>>
一早見到天氣唔錯~點知到到下午又落一場大雨~呢排天氣不似預期~哈~好似成日都唔好天咁~剛剛個星期六黃師奶喺家係咁抺D霉菌~冇計~D牆發哂毛~希望唔好再咁濕啦~!

今餐脂肪爆炸~哈~因為個咖哩汁好好送飯~飯都食多咗呢~!原本想炆牛腩~~不過又好似要用好多時間~湊住個囡都係炆雞方便D~呵呵~

材料: 雞一隻 (斬件) , 薯仔2個 (去皮切大件) , 洋蔥1個 (去衣切角) , 辣椒油 (隨意)
醃料: 鹽及紹酒適量
醬料: 油咖哩約3湯匙, 沙嗲醬1.5湯匙及黃薑粉少許

STEP 1
雞件與醃料醃約1小時備用

STEP 2
慢火將雞件煎至金黃盛起

STEP 3
慢火炒香醬料再拌入薯仔及洋蔥炒香

STEP 4
將雞件回鑊炒香後加水蓋過所有材料煮滾轉細火炆煮約15-20分鐘至收汁 (可埋芡)加少許辣油調味即成

大家可以Click入黃師奶廚藝小百科 facebook 粉絲專頁度交流吓吖~!!!

附附LOOKLOOK 俾隻豬仔嬴咗~哈~

13051733_1098866060155084_5100739941825272832_n

13015571_1098866056821751_4378617687462732267_n

哈~早前黃師奶見到有間影樓有小小代言人招募~咁黃師奶就膽粗粗咁寄咗囡囡啲相去LU~之前知到入咗圍就已經好開心喇~嗰時仲同黃先生講~入圍就當嬴咗架喇~誰不知早2日收到通知~又俾隻豬仔附附LOOKLOOK 咁嬴埋~嘩哈哈哈~~黃師奶好開心呀~~因為咁仲可以同黃小B影下靚相~留個回憶呢~呵呵呵~~

大家可以Click入黃師奶廚藝小百科 facebook 粉絲專頁度交流吓吖~!!!

荔枝醋蜜糖豬扒

<<荔枝醋蜜糖豬扒>>
黃師奶早前喺超市見到淘大出荔枝醋汁, 呢期D天氣又濕又焗, 真係搞到冇咩胃口呢! 諗諗下用呢支荔枝醋汁煮返個酸酸甜甜嘅小菜先! 哈! 醋汁略帶酸味, 只要加少少蜜糖, 就做到個酸酸甜甜嘅汁料, 真係啱哂春夏天氣呢!!

黃師奶同黃先生都好鍾意呢個小菜架! 個汁好味又開胃, 除咗豬扒外, 仲可以配搭雞扒同排骨TIM! 用黎做糖醋骨或者荔枝醋汁鳳翼都唔錯呢! 而呢個醋汁味道好清新, 黃師奶覺得用送餃子或者雲吞亦好夾架! 唔錯唔錯!

材料: 豬扒1塊 , 鹽適量 (可省去)
汁料: 淘大荔枝醋汁1/3量杯 , 開水4湯匙, 砂糖4茶匙, 蜜糖2湯匙, 蒜茸1湯匙, 生粉1茶匙

STEP 1
豬扒可用少許鹽略醃 (可省去)

STEP 2
將汁料用的材料完全拌勻

STEP 3
將豬扒煎去至金黃

STEP 4
注入已拌勻汁料再蓋上蓋煮至豬扒熟透即成

大家可以Click入黃師奶廚藝小百科 facebook 粉絲專頁度交流吓吖~!!!

焗薯茸

20160418薯茸
<<焗薯茸>>
尋日同咗囡囡上PLAYGROUP~!黃小B表現算唔錯架喇~起馬冇大喊先~嘩哈哈~不過連老師都覺得小B好痴身~黃師奶覺得囡囡性格比較細膽又怕醜~希望佢同其他小朋友玩多D會大膽D啦~!

今次來一客焗薯茸~!飯都唔駛煮~哈~黃先生一路食一路讚話好味喎!~其實薯茸真係好易整架咋~不過都幾肥吓~因為都要落多少少牛油先夠香嘛~!咁魔鬼~一定好食呢~!

材料: 焗薯2個, 牛奶約4湯匙(室溫) , 鹽隨意 , 有鹽牛油40g(室溫)

STEP 1
焗薯~去皮~煲滾水後煮至腍身~盛起瀝乾水份~~再匙壓成蓉

STEP 2
將薯蓉拌入牛油至完全拌勻~再慢慢注入牛奶再調味攪拌至無粉粒~

STEP 3
焗爐預熱230度15分鐘~~焗約10分鐘至薯蓉金黃即成~!

大家可以Click入黃師奶廚藝小百科 facebook 粉絲專頁度交流吓吖~!!!

SADIA 撰文講雞翼

哈~早前黃師奶為SADIA撰文講雞翼~除咗煮法外, 仲分享咗揀雞翼嘅心得~!文中亦提及過雞肉嘅營養TIM~有興趣嘅朋友仔可以CLICK 入去分享下~嘩哈哈哈~

http://bit.ly/1Wtm04e
http://bit.ly/1p0nUf1

大家可以Click入黃師奶廚藝小百科 facebook 粉絲專頁度交流吓吖~!!!

蝦醬炒肉排

20160410蝦醬豬豬
<<蝦醬炒肉排>>
今日落足成日雨喎~!搞到冇得落去公園玩~2母女ON 居居咁喺樓下行~哈~黃師奶發覺有咗個女後~原來屋企附近D鋪頭會好多人都認得我哋2個~成日撩我哋傾計~好似多咗份人情味咁~~!

呢個小菜好惹味~爆香咗D蝦醬~哈~炒起上黎真係好香好香~黃師奶相信隔離屋都聞到呢~!黃師奶用腩排~肉汁好夠~D肉又好腍~!大家不妨試下呀~!

材料: 腩排/飛排三十蚊,生粉一茶匙及麻油適量, 紅椒隨意, 紹酒小半碗
醃料: 生抽半湯匙, 老抽少許, 糖一茶匙, 胡椒粉少許,
調味: 蝦醬一大匙

STEP 1
腩排/飛排洗淨後與醃料醃約二十分鐘

STEP 2
將醃好嘅腩排/飛排與少許麻油~~~及生粉拌勻~~

STEP 3
慢火爆香蝦醬後拌入排骨煎香~

STEP 4
灒酒後蓋上蓋煮約8-10分鐘至熟透拌入紅椒兜炒片刻再用生粉水埋芡即成~!

大家可以Click入黃師奶廚藝小百科 facebook 粉絲專頁度交流吓吖~!!!

豉油雞翼

20160410豉汁雞雞
<<豉油雞翼>>
今日又好似涼返少少咁~!呢啲天氣真係煩~有時著少件衫又驚有點凍~著得太多又熱喎~!不過黃師奶發覺囡囡都幾怕熱~瞓覺食奶喺呢個天氣都成頭汗~~著住條片片個PAT PAT都好熱咁~鄧佢辛苦呢~!

今日來個簡單餸~哈~煮好個豉油汁~就將D雞翼浸熟~好簡單架咋~D雞肉浸熟係最滑架~!唔知大家有冇咁試過呢?! 快D整下啦~!

材料: 雞全翼6隻
汁料: 生抽1/2杯, 老抽1/4杯, 開水約1杯 , 紹酒1大匙,冰糖一粒, 陳皮一小塊

STEP 1
將汁料煮至大滾後拌入雞全翼大火煮約3-4分鐘後熄火焗10分鐘至浸熟即成~

大家可以Click入黃師奶廚藝小百科 facebook 粉絲專頁度交流吓吖~!!!

黃師奶廚藝小百科

黃師奶廚藝小百科

黃師奶烘培工作坊

黃師奶專欄

近期文章

美味菜式

近期迴響

Google+ Badge

舊日文章

其它

鹽焗蝦

南瓜雞蛋飯

黃小B愛飲ILLUMA

咖哩雞

附附LOOKLOOK 俾隻豬仔嬴咗~哈~

荔枝醋蜜糖豬扒

焗薯茸

SADIA 撰文講雞翼

蝦醬炒肉排

豉油雞翼

黃師奶廚藝小百科

黃師奶烘培工作坊

黃師奶專欄

近期文章

美味菜式

近期迴響

Google+ Badge

舊日文章

美味食材

其它