黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

椒絲腐乳炒肉排

20160531腐孔炒排骨
<<椒絲腐乳炒肉排>>
天氣真係好熱呀~今日仲有酷熱警告呢~之前日日都行15分鐘去街市買餸~家下呢2日真係頂唔順喇~又曬又熱仲要揹住囡囡~見到囡囡唔知係咪太熱..個樣仲要衰衰咁…可能夏天都要喺超市買算…唉…間中先去遠D咁~

今日呢個餸好惹味~平時成日食排骨~今日就用D腐乳黎煮個排骨~辣辣哋咁~好惹味~黃師奶買腩排多~因為炆完都仲滑一滑~大家不妨一試喔~!

材料: 腩排/飛排四十蚊,生粉一茶匙及麻油適量, 紅椒絲隨意, 紹酒小半碗
醃料: 生抽半湯匙, 老抽少許, 糖一茶匙, 胡椒粉少許,
調味: 腐乳四至五磗 , 紹酒約2湯匙 (醃料要先拌勻)

STEP 1
腩排/飛排洗淨後與醃料醃約二十分鐘

STEP 2
將醃好嘅腩排/飛排與少許麻油~~~及生粉拌勻~~

STEP 3
將排骨煎香盛起; 慢火爆香調味後再將排骨回鑊

STEP 4
灒酒後蓋上蓋煮約8-10分鐘至熟透拌入紅椒絲兜炒片刻再用生粉水(水+生粉+糖) 埋芡即成~!

大家可以Click入 黃師奶廚藝小百科 facebook 粉絲專頁度交流吓吖~!!!

我終於識爬喇~


今日真係好阿MAY成~~其實呢1個星期囡囡真係進步咗好多~~好似爬得叫做叻叻咗~成日好似條虫咁~~平時我一行開佢就喊~今日我去咗較水比隻豬仔沖涼~咁佢又喊喊喊啦~~點知聽到D聲越來越近~原來隻豬仔識得爬喇~仲去咗廁所搵我TIM!~~~真係好令人興奮呀~!!!

仲有係~呢隻豬仔喺10M17D嗰日第一次自己扶住SOFO 企咗起身TIM!~~~~亦都已經識得叫媽媽~~不過都係嗰句啦~可遇不可求~~叫佢嗌又唔嗌~~有時喊喊唔開心就係咁叫~我唔抱佢又嗌媽媽咁~~不過原來阿囡嗌媽媽呢~真係好好聽~~聽極都唔覺厭~~

嘩哈哈哈~~~又繼續戀女狂發作~~

大家可以Click入 黃師奶廚藝小百科 facebook 粉絲專頁度交流吓吖~!!!

蝦籽炆雜菌

20160518菇菇
<<蝦籽炆雜菌>>
今日一田大特價~黃師奶一早又同囡囡出咗去行~哈~不過只係去APM嗰間超市入下貨~一早去到都多人~不過都好有秩序~!俾錢都係排咗一陣JER~如果要去到沙田嗰間就咪搞~嗰邊咁多百貨用品~實多人到爆~

睇電視教蝦籽炆菇~黃師奶又試下先~!D菇好香好香~黃先生都話好好味~呢個餸好簡單~大家都可以試下喔~!

材料: 雞脾菇一隻, 草菇4兩, 鮮冬菇4兩, 秀珍菇4兩, 蝦籽1大匙
汁料: 水半碗, 生抽一湯匙, 糖及胡椒粉少許, 麻油一茶匙

STEP 1
菇菌抺乾淨; 草菇汆水

STEP 2
白鑊爆香蝦籽, 拌入菇菌兜炒片刻

STEP 3
注入汁料煮滾再炆煮約10分鐘埋芡即成

大家可以Click入 黃師奶廚藝小百科 facebook 粉絲專頁度交流吓吖~!!!

脆皮腐乳雞

20160523腐乳雞
<<脆皮腐乳雞>>
天氣開始好熱喇~!之前日日都同阿囡喺公園玩~家下又熱又多蚊~真係頂唔順喇~見阿囡都唔多ENJOY曬太陽~一有陽光佢個樣就扁哂咁~好搞笑~!

買咗隻雞返家~唔想用南乳焗~搞搞新意用腐乳~哈~又OK喎!~腐乳本身已經好夠味同又好香~而且又有少少辣味咁~真係唔錯~焗到個皮好香口~好好味架~!

材料: 雞一隻
醃料: 腐乳四至五磗 , 糖2-3茶匙, 紹酒約2湯匙 (醃料要先拌勻)

STEP 1
將雞洗淨後開邊, 跟醃料醃最少4小時

STEP 2
預熱焗爐220-230度, 先焗雞約10分鐘; 再轉170度火再焗雞件約30分鐘即成 (各人爐火唔同~要注意喔)

 

大家可以Click入 黃師奶廚藝小百科 facebook 粉絲專頁度交流吓吖~!!!

Illuma 黃小B

囡囡轉食咗Illuma 已經有好一陣子喇,都想同大家分享下!so far 黃師奶好滿意架!除咗係因為Illuma有品質嘅保證外,最重要就係見證到囡囡嘅轉變喇!最明顯就緊係身高同磅數嘅增長理想啦!本身囡囡食固體食得好差,家下keep住一日五餐奶,不過生長線都好好呢,冇因為食固體差而跌到呢!又唔會一下子變咗起肥B要減肥喎!健健康康咁呢!

另外呢,囡囡夜晚瞓得好咗好多!哈哈!可能食飽咗奶奶,瞓得好甜,仲一覺瞓天光!好多時瞓醒就有便便去!定時定候腸胃好好!脾氣又好咗!
而囡囡亦都越來越精靈!手仔腳仔有力咗好多呀!拎玩具亦都拎得好穩喇!BB可以健康成長,作為父母就最開心不過呢!

大家可以Click入 黃師奶廚藝小百科 facebook 粉絲專頁度交流吓吖~!!!

洋蔥豬肉蛋飯

IMG_6678
<<洋蔥豬肉蛋飯 >>
囡囡食飯仔已經叫做好咗少少~不過仍需努力~!!其實每次囡囡都只係食少少~所以黃師奶家下都做咗肉冰磗同蔬菜冰磗~每次用一粒咁~一來唔浪費~二來真係好方便~不過當然啦~梗係要盡快食用啦~~

材料: 洋蔥茸 , 豬絞肉  (2者SIZE約一隻麻將咁大啦), 蛋王半隻 (蒸熟雞蛋再取出)
爛飯: 一湯匙米 + 約3/4量杯水 ( 囡囡唔肯食粥..爛飯肯食少少) <= 用BB煲煮最方便

STEP 1
將洋蔥切成茸; 豬肉加少少水拌勻至吸收

STEP 2
將洋蔥茸和豬肉跟埋爛飯一齊煮, 最後拌入蒸熟嘅蛋王拌勻即成

P.S
肉冰磗=>將豬絞肉跟少許水拌勻再蒸熟, 放入冰格 (每次用一粒好方便)
洋蔥磗=>將洋蔥刨成茸, 放入冰格 (每次用一粒好方便)

 

大家可以Click入 黃師奶廚藝小百科 facebook 粉絲專頁度交流吓吖~!!!

鹹魚滑雞飯

20160505雞
<<鹹魚滑雞飯>>
一早出咗去太古城行下~點知太古間吉吉島大裝修~黃師奶揹住囡囡~又見咁大塵~即走~真係ONON居居咁過咗一朝~!

今日一煲過~來個懶人餐~!屋企有一小塊鹹魚~!又懶得出去街市咁遠~咁就去咗超市買咗塊雞脾肉~!來一煲飯~!鹹魚好香~!好送飯~!呵~一煲上~碗又洗少D~!!!

材料: 雞脾肉2塊(切丁) ,白米2杯 , 水約 1.5杯 , 鹹魚一塊
雞醃料: 生抽一湯匙, 糖一茶匙, 胡椒粉少許, , 生粉一茶匙及麻油適量

STEP 1
雞洗淨後與醃料醃約三十分鐘

STEP 2
將白米洗淨

STEP 3
煮滾1.5杯水後, 拌入白米蓋上蓋中火煮約2-3分鐘後開蓋轉小火煮多約4分鐘後收乾水份

STEP 4
拌入雞肉及鹹魚後蓋上蓋用小火煮約7-8分鐘, 如果想要飯焦~呢個時候可以較至中火煮多2分鐘

STEP 5
熄火後不要開蓋再焗最少15分鐘~食時灑上辣椒絲及煲仔飯豉油即可~

 

大家可以Click入 黃師奶廚藝小百科 facebook 粉絲專頁度交流吓吖~!!!

咖哩蟹

20160516蟹
<<咖哩蟹>>
剛剛個星期日黃先生生日喔~一家三口一早去咗飲茶~之後陪下囡囡上PLAYGROUP~嘩哈哈~~多咗個囡之後~節目竟然係陪囡~~真係好搞笑~不過都係嗰句啦~最緊要一家人一齊就夠LU~!

哈~買咗包泰式海鮮咖哩醬~見煮法好簡單~又忍唔住買返家試下~今次用蟹配搭~黃先生好BUY喎~而黃師奶呢~!就只係食咗個汁~因為好好送飯呀~大大滿足~!

材料: 肉蟹一隻, 蛋兩隻, 洋蔥一個(去衣切絲), 水約一碗
醬料: 泰式海鮮咖哩醬約3湯匙

STEP 1
肉蟹洗淨斬件

STEP 2
慢火爆香醬料及洋蔥加入水再調味 (加少少鹽自己試吓味先)

STEP 3
拌入蟹件煮透再加入蛋汁即成

大家可以Click入 黃師奶廚藝小百科 facebook 粉絲專頁度交流吓吖~!!!

黃小B返PLAYGROUP喇~~

IMG_5049

嗱~唔好話黃師奶係怪獸家長呀~其實返PLAYGROUP 只係去玩遊戲唱下歌仔同識下朋友仔咋~唔好以為真係讀書呀~!

唔覺唔覺都返咗幾堂喇~囡囡都叫做表現好咗~初初真係只係痴實我…掂都唔肯玩…試都唔肯試..家下就進步咗架喇~雖則都係咁痴身~不過肯試先啦~!呵呵~!

返咗PLAYGROUP後~真係睇到囡囡性格~有部分小朋友真係好活潑~唔怕人去周圍爬去其他家長同小朋友到玩~而囡囡呢~就只會好安靜咁坐喺我身邊~俾人食咗佢份茶點同拎走咗佢D玩具同扯甩咗個頭飾都冇乜反應…哈~所以黃師奶估囡囡第時都會係怕醜同唔太惡死嘅小朋友呢~!

始終囡囡24小時對住我~係比較痴身D~希望佢多D同其他小朋友玩下~相信對佢發展都會好D呢~!

大家可以Click入 黃師奶廚藝小百科 facebook 粉絲專頁度交流吓吖~!!!

蒜茸蒸豬軟骨

20160505豬軟骨
<<蒜茸蒸豬軟骨>>
今日天氣真係不似預期喇~又黃又紅~之後又紅過~!!黃師奶落去超市嗰陣~都聽到唔少師奶怨聲載道呀~~話唔知點返學~最麻煩都係嗰D雙職父母~又要接返返屋企~都好狼狽呢~!

黃師奶鍾意豬軟骨嘅口感~都好鍾意食架~今次簡簡單單用蒜茸蒸~又香又惹味~!油都唔駛落~食得好健康呢~!呵呵呵~~~

材料: 豬軟骨400G,生粉一茶匙及麻油適量, 蒜茸1大湯匙
醃料: 生抽一湯匙, 老抽少許, 糖一茶匙, 胡椒粉少許

STEP 1
豬軟骨洗淨後與醃料醃約二十分鐘~~

STEP 2
將醃好嘅豬軟骨與少許麻油~~~及生粉拌勻~~蒸前再拌入蒜茸

STEP 3
煲滾水後大火隔水蒸約15-20分鐘至熟

 

大家可以Click入 黃師奶廚藝小百科 facebook 粉絲專頁度交流吓吖~!!!