黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

芝士蒜茸焗龍蝦

20160729龍蝦
<<芝士蒜茸焗龍蝦>>
囡囡越來越大~家下扶住嘢就識行~哈~開始發覺佢破壞力好強…見乜搞乜…有時喺到唸…遲下識行應該仲煩….不過~!煩得黎又幾可愛嘅~!

喺街市見到D龍蝦好生猛呢~見黃先生都鍾意食~就買咗返家LU~原來唸住簡單清蒸~哈~不過又有意粉~咁今晚來一個西餐呢~都係嗰句啦~海鮮夠新鮮真係點煮都咁好味呢~!

材料: 龍蝦一隻, 芝士隨意
調味: 海鹽及蒜茸少許

STEP 1
將龍蝦放尿開邊後洗淨

STEP 2
預熱焗爐180度15分鐘

STEP 3
將龍蝦調味後焗約5分鐘

STEP 4
灑上芝士後再焗龍蝦至金黃(約5-10分鐘)即成

大家可以Click入 黃師奶廚藝小百科 facebook 粉絲專頁度交流吓吖~!!!

腐乳蒸肉排

20160725腐乳排骨
<<腐乳蒸肉排>>

打唔成風!吖∼不過又冇落雨喎!天氣仲好好Tim ∼如果天氣冇咁熱就好喇!家下為咗避暑好耐冇同囡囡去公園喇!幾時先涼返啲呢?

今日呢個肉排加咗腐乳黎蒸∼有少少辣味!唔錯架∼天時暑熱!蒸餸冇炒餸咁熱呢!

材料: 腩排/飛排四十蚊,生粉一茶匙及麻油適量
醃料: 生抽半湯匙, 老抽少許, 糖一茶匙, 胡椒粉少許, 腐乳三至四磗

STEP 1
腩排/飛排洗淨後與醃料醃約二十分鐘

STEP 2
將醃好嘅腩排/飛排與少許麻油~~~及生粉拌勻~~

STEP 3
煲滾水後將腩排/飛排大火蒸約12-15 分鐘即成~!

大家可以Click入 黃師奶廚藝小百科 facebook 粉絲專頁度交流吓吖~!!!

蝦醬煎雞翼

20160725蝦醬雞
<<蝦醬煎雞翼>>
剛剛個星期六同囡囡試咗下水禮喇!嘩哈哈哈!其實只係喺club house 到玩!買咗個水泡仔,囡囡完全冇喊喎!大成功!睇黎可以多啲去玩呢!

呢個雞翼用咗蝦醬黎煎!好香呀!將雞翼醃好,再慢火爆香蝦醬,惹味得黎又簡單喔!

材料: 雞翼10隻
雞翼醃料: 生抽約1湯匙 , 糖一茶匙 , 胡椒粉少許, 麻油及生粉少許, 紹酒一大匙
調味: 蝦醬1大匙

STEP 1
將雞翼醃約30分鐘備用

STEP 2
慢火爆香蝦醬再拌入雞翼煎香

STEP 3
注入小半碗水後將雞翼煮熟透再埋芡收汁即成!

大家可以Click入 黃師奶廚藝小百科 facebook 粉絲專頁度交流吓吖~!!!

蒜香鑽石蜆

20160721鑽石蜆
<<蒜香鑽石蜆>>
書展開咗鑼,大家有冇去睇呀?黃師奶聽講話好多家長拎埋個喼去買練習俾啲小朋友做!唔知道過多幾年之後,黃師奶會唔會都變成咁呢?唉⋯⋯

今日買咗啲鑽蜆黎整呢!呢啲蜆係紐西蘭產物,價錢唔貴又好味!大家可以一試喔!

材料:鑽石蜆一斤
調味:牛油及蒜茸隨意

STEP 1
將蜆清洗乾淨

STEP 2
先爆香調味,拌入蜆煮至熟透炒勻即成!

大家可以Click入 黃師奶廚藝小百科 facebook 粉絲專頁度交流吓吖~!!!

DRY AGED STEAK

20160715牛
<<DRY AGED STEAK>>
家下放暑假~屋企個CLUB HOUSE就變得好熱鬧~!之前我哋2母女日日都喺CLUB HOUSE到HEA下玩下~家下實在人太多~搞到少咗去~變相就揹住個女周圍八~哈~黃師奶都幾ENJOY同囡囡拍拖行街街呢~

之前黃先生上網訂咗D DRY AGED STEAK~哈~我哋都係第一次試咋~發覺D肉味好濃~味道都唔錯~佢上網訂嗰間嘢今日訂明日就送貨~都好方便呢~!

材料: DRY AGED STEAK 2塊
調味: 鹽隨意

STEP 1
將牛扒解凍後抺乾水份, 煎前30分鐘放室溫

STEP 2
燒紅煎PAN, 大火煎每面約90-120秒 (睇自己鍾意食幾成啦)

STEP 3
將牛扒用錫箔紙包好, 放喺熱碟上REST 5-8分鐘後再食時調味即成~!

大家可以Click入 黃師奶廚藝小百科 facebook 粉絲專頁度交流吓吖~!!!

蒜茸牛油焗鮮鮑魚

20160703鮑鮑
<<蒜茸牛油焗鮮鮑魚>>
大家有冇追一屋老友記呀?哈!呢套劇真係幾好笑∼黃師奶覺得算係大台近期佳作喇!好笑得黎又唔膠!希望最後唔好又爛尾啦!

喺街市買咗鮮鮑魚!雖則細細隻∼不過味道唔差架!黃師奶用咗牛油同蒜茸焗!好好味呢∼

材料:鮮鮑魚約10隻
調味:蒜茸及牛油隨意

STEP 1
預熱焗爐200度15分鐘

STEP 2
將鮮鮑魚調味

STEP 3
將鮮鮑魚以200度火焗約10分鐘即成!

大家可以Click入 黃師奶廚藝小百科 facebook 粉絲專頁度交流吓吖~!!!

炸蝦丸

20160708蝦丸
<<炸蝦丸>>
呢幾日天氣唔太好呢~今早起身又落雨喇~唔知會唔會又係落足一日呢?!不過都好吖~冇咁熱~冇咁辛苦嘛!先嗰幾日台灣個風搞到香港熱到爆呢~又濕又焗~好惡頂呢~!

今日開爐炸嘢~哈哈~黃師奶真係好少炸嘢架咋~因為太唔健康喇~又用得多油喎~所以真係好間唔中先整下~今次呢個炸蝦丸黃先生話好好味喎~哈~有機會要再整先~!

材料: 鮮蝦隨意, 蛋王一隻, 粟粉適量
調味:胡椒粉及海鹽少許

STEP 1
將鮮蝦去腸起肉後整成蝦膠再調味

STEP 2
將蝦膠搓成蝦丸後沾上蛋汁及粟粉

STEP 3
燒熱半杯油後拌入蝦丸細火炸至少少金黃

STEP 4
將蝦丸盛起等約一分鐘後再翻炸至金黃即

大家可以Click入 黃師奶廚藝小百科 facebook 粉絲專頁度交流吓吖~!!!

沙薑雞翼

20160708沙薑雞
<<沙薑雞翼>>
上星期同囡囡去健康院打咗3支針~喊到拆天~好在呢2日冇再燒~不過姑娘話5-12日內有機會再燒同出紅點~希望囡囡冇嘢啦~出一出疹成個星期冇哂胃口~體重都輕咗…辛辛苦苦先養到16磅…又輕返~煩…!!!

今日煮咗個沙薑雞翼~好入味呀~~黃師奶鍾意食雞翼~所以呢~就冇用全雞黎整~~將D雞翼煎香咗~炆到收汁~個汁仲可以送飯呢~唔錯架~!

材料: 雞翼十隻 , 沙薑隨意, 紹酒半碗
雞翼醃料: 生抽約1湯匙 , 糖一茶匙 , 胡椒粉少許, 麻油及生粉少許, 紹酒一大匙, 沙薑粉一湯匙

STEP 1
雞翼與醃料拌勻備用

STEP 2
爆香沙薑~將雞翼略略煎香後灒酒

STEP 3
兜炒片刻後加水蓋過所有材料後煮滾轉細火炆煮約10分鐘至收汁 (可加生粉水埋芡) 即成~

 

大家可以Click入 黃師奶廚藝小百科 facebook 粉絲專頁度交流吓吖~!!!

醬油拼盤

20160708豉油蛋2
<<醬油拼盤>>
今朝一早就要出門口喇~因為同囡囡出去健康院打針~~返黎應該又可能好扭計~~吖~~~唸起打針後又扭幾日~真係人都DIN~!

見到萬字有款低鹽醬油~感覺健康D~所以就用黎試整下餸喇~今次呢~就整咗呢個醬汁拼盤~浸咗成個下午~好入味喔~~家下做咗人媽媽~怕死咗~有時食嘢注重多咗健康~嘩哈哈~~~

材料: 炸豆腐6磗, 熟透全蛋3隻
汁料: 萬字醬油2/3杯, 開水約1杯 , 紹酒1大匙,冰糖一粒, 陳皮一小塊

STEP 1
將汁料煮至大滾後拌入炸豆腐/雞蛋大火煮約3-5分鐘後熄火浸約4小時即成~

 

大家可以Click入 黃師奶廚藝小百科 facebook 粉絲專頁度交流吓吖~!!!

我一歲喇


一年前嘅今日,媽媽嘅生命就多咗你呢個傻B豬喇!你嘅第一次笑、第一次喊、第一次翻身、第一次坐、第一次叫媽媽⋯都俾咗媽媽無比嘅興奮同快樂!同時間,你亦都見證咗媽媽好多嘅第一次⋯ 多謝傻B豬你選擇咗我做你媽媽,媽媽嘅生命因你而改變,因你而綻放光彩,因你而變得快樂!
月月,生日快樂呀!你要快高長大!健健康康!開開心心!

大家可以Click入 黃師奶廚藝小百科 facebook 粉絲專頁度交流吓吖~!!!