黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

花甲蒸水蛋

20161024蜆蛋
<<花甲蒸水蛋>>
呢2日天氣涼咗喎~今日出門口嗰時都覺得好舒服呢~不過好似涼得呢幾日~星期尾又去返29度LU~冬天呀冬天~~唔知幾時先至黎呢?!

今日喺街市見到D蜆好靚好肥美~又忍唔住買LU~唔想食豉椒咁重口味~就用黎蒸個水蛋啦~鮮味得黎又好送飯呢~!

材料: 花甲一斤, 蛋3隻, 上湯250ml

STEP 1
花甲用鹽水浸泡最少3小時後煲滾水再煮至開口

STEP 2
先將碟蒸熱至水滾; 將已煮熟嘅花甲拌入碟中; 蛋及上湯拌勻

STEP 3
將STEP 2 蛋汁倒入碟中後蓋錫箔紙, 大火蒸3分鐘後焗20分鐘即成

大家可以Click入 黃師奶廚藝小百科 facebook 粉絲專頁度交流吓吖~!!!

PANCAKE

囡囡好鍾意食pancake 架!黃師奶想囡囡食得健康啲呢,就會自己整!一來可以控制甜味,二來用Illuma stage 3嘅奶粉整,咁就好味得黎又食得安心呢!用咗Illuma 奶做成嘅糕餅會帶有奶味,咁樣對初食固體嘅寶寶黎講會較易接受!另外,整好嘅pancake 可以配上時令生菓,咁就營養均衡呢!

呢個食譜好簡單架咋!大家可以試下呢!
材料: 嬰兒專用pancake 粉, Illuma stage 3奶約150ml ,雞蛋1隻

STEP 1
將pancake 粉過箍及將雞蛋發勻

STEP 2
將所以有材拌勻至無粉粒

STEP 3
將粉漿用小火煎至2面金黃或放入窩夫機焗至金黃即成!

大家可以Click入 黃師奶廚藝小百科 facebook 粉絲專頁度交流吓吖~!!!

ILLUMA – 月月的分享


唔覺唔覺,囡囡轉咗飲Illuma 已經半年有多喇!由媽媽奶轉做Illuma,其實黃師奶當初都考慮咗好多因素架!係人都知道媽媽奶多抗體,所以黃師奶初初都好擔心轉飲奶粉後囡囡會唔會健康差咗⋯⋯不過家下証明咗黃師奶嘅擔心係多餘嘅!so far 囡囡身體好健康,而且都未試過傷風感冒呢!呵呵~
作為一個冇工人嘅FTM,轉飲Illuma 後亦慳咗唔少泵奶時間,功夫少咗之餘亦多咗時間陪囡囡玩
囡囡家下越來越精靈,每次見到囡囡飲奶個開心樣真係幾累都唔記得呢!

大家可以Click入 黃師奶廚藝小百科 facebook 粉絲專頁度交流吓吖~!!!

香煎銀鱈魚

20161024魚魚
<<香煎銀鱈魚>>
最近黃師奶忙搞囡囡入PN班D嘢~今日發現有3間幼兒園面試都撞期~真係好在當初大包圍報多幾間~如果唔係~間間都撞哂真係唔知好嬲定好笑~!

太古城間AEON裝修後多咗好多嘢買~呢條銀鱈魚就係戰利品~哈~銀鱈魚本身多油份~所以點煮都夠哂滑~煎到少少香口~好好味~囡囡同黃先生都鍾意食呢~!

材料: 銀鱈魚2塊
醃料: 檸檬汁少許, 鹽及黑胡椒少許 , 橄欖油少許(總之搽勻條魚就得)  , 生粉一茶匙

STEP 1
將銀鱈魚與醃料拌勻( 橄欖油及生粉最後先加)

STEP 2
燒紅鑊後下銀鱈魚, 細火先煎香有皮一面~煎至魚肉變白色就反轉(唔好反黎反去呀~~好易出事)

STEP 3
反轉後細火煎冇皮的一面煎大約2分鐘即成

 

大家可以Click入 黃師奶廚藝小百科 facebook 粉絲專頁度交流吓吖~!!!

臘味飯

20161010飯飯
<<臘味飯>>
嘩~今日好大雨呀~家下仲要紅雨TIM!~落成咁我同囡囡都冇出去喇~喺CLUB HOUSE玩下算~星期五六又話打風~唉…我哋仲BOOK咗個TRIP~可能去唔成~好唔開心呀~!

天氣涼咗好多呀~係時候食臘味呢~~街市買咗靚靚臘鴨脾~加多孖腸~烚多條菜又一餐~絕對係懶人之選呀~呵呵~

材料:  臘腸兩條, 臘鴨脾一隻 , 白米2杯 , 水約 1.75杯

STEP 1
將臘味用熱水沖一沖

STEP 2
將白米洗淨; 煮滾白米加水煮至收乾水份

STEP 3
拌入臘味後蓋上蓋用小火煮約7-8分鐘, 如果想要飯焦~呢個時候可以較至中火煮多2分鐘

STEP 4
熄火後不要開蓋再焗最少15分鐘~食時灑上煲仔飯豉油即可~

 

大家可以Click入 黃師奶廚藝小百科 facebook 粉絲專頁度交流吓吖~!!!

紅酒汁豬扒

20161010紅酒豬豬
<<紅酒汁豬扒>>
又到星期一LU~剛剛個星期六黃師奶同囡囡要去飲~女女成日都冇喊過~捱到晚上十點幾~瞓咗又俾人整醒咗先開始嬲嬲豬咋~佢隻豬仔成日都冇乜瞓過~一定好累~所以算係好叻叻~!

今日煮西餐呀~呵呵~來一個紅酒汁~黃師奶買咗支cheap cheap 紅酒用黎煮餸~爆香d洋蔥再注入紅酒煮到香噴噴就得~~~係咪好簡單呢~呵呵~

材料: 厚切豬扒2塊
汁料: 紅酒1杯, 洋蔥1個(去皮切絲), 糖1茶匙, 鹽少許

STEP 1
爆香洋蔥後注入紅酒慢火煮約10分鐘後下少許糖及鹽調味, 加麵粉煮汁稠

STEP 2
將豬扒煎香後蓋上蓋煮至熟透再淋上紅酒汁即成

 

大家可以Click入 黃師奶廚藝小百科 facebook 粉絲專頁度交流吓吖~!!!

蒜香沙嗲雞翼

20161010蒜茸沙嗲雞
<<蒜香沙嗲雞翼>>
話咁快又到星期五喇~哈~明天黃師奶就會好忙LU~因為家有囍事~黃師奶個大家姐出嫁喇~所以晨早就要返娘家~又要去飲搞到好夜~希望囡囡聽日合作冇扭計啦~呵呵~

雞翼真係成日煮~見屋企有沙嗲醬~又想再惹味d~所以呢~醃肉嗰時又加多少少蒜茸~香香哋咁唔錯呢~黃師奶咁懶呢~就用焗爐焗到香口咁~好味又方便呢~

材料: 雞翼15隻
醃料:蒜茸1湯匙, 沙嗲醬3湯匙, 糖1茶匙, 紹酒約2湯匙 (醃料要先拌勻)

STEP 1
將雞翼洗淨後, 跟醃料醃最少4小時

STEP 2
預熱焗爐180度, 焗雞翼約20-30分鐘即成 (各人爐火唔同~要注意喔)

 

大家可以Click入 黃師奶廚藝小百科 facebook 粉絲專頁度交流吓吖~!!!

ILLUMA – 月月的分享

IMG_8950

囡囡轉左ILLUMA新配方後,營養更豐富,囡囡明顯食得多咗,奶奶每餐都飲多咗1-2安!而加咗奶粉嘅糊仔簡直係呢個傻B豬嘅至愛,都食得幾快!上星期返咗健康院做評估,姑娘都讚囡囡發展得好好呀!除咗身高體重外,姑娘都讚囡囡語言發展比其他小朋友好Tim ! 哈!聽到有專業人士讚囡囡,作為媽媽更係最開心呢!囡囡發展健康,食得好訓得好,開開心心就係我哋媽媽們嘅最大成就喔~

大家可以Click入 黃師奶廚藝小百科 facebook 粉絲專頁度交流吓吖~!!!

蠔皇薯仔炆牛腱

20161010蠔牛展2
<<蠔皇薯仔炆牛腱>>
LONG WEEKEND話咁快又完咗喇~大家過得開心嘛?!呢幾日黃先生喺屋企~所以一家三口就成日出街~可能因為咁~囡囡冇咩點午睡~見佢朝早都瞓3個鐘~好誇張呢~

買咗d牛腱返家~呢d牛腱幾好味架~不過炆嗰時就要耐d~唔係就好難腍呢~黃師奶一早炆定~炆下焗下咁~夜晚食嗰時好入味~雖然功夫多d~不過好味就值得呢~

材料: 牛腱約1斤, 乾蔥4粒(切片), 蒜茸半湯匙, 薑2-3片, 上湯適量, 汆水用嘅薑及蔥段適量, 薯仔3個
汁醬: 蠔油2-3大匙

STEP 1
煲滾水後下少許薑及蔥段, 將牛腱汆水 ; 薯仔去皮切大件

STEP 2
爆香料頭拌入牛腱兜勻, 下蠔油後兜炒片刻

STEP 3
注入上湯至浸過所有材料後煮滾再細火炆煮30分鐘後焗30分鐘; 再重覆炆焗30分鐘;最後拌入薯仔兜勻再炆焗15分鐘即成~!

大家可以Click入 黃師奶廚藝小百科 facebook 粉絲專頁度交流吓吖~!!!

15個月大喇~!


YEAH~~!又1個月喇~今日月月15個月大喇~黃師奶眼中嘅月月真係好得意呀~呵呵~~!

月月仲未識行呀…仲要扶住黎行…拖住都唔肯行呀!!都唔知點解~!?!尋日先見到佢肯放手自己企下咋~佢真係好好好細膽呢~!

家下同佢真係好互動呢~因為佢聽得明我哋講嘢~有時同佢玩~真係好得意呀!~對住月月呢~真係咩唔開心都會唔記得~!佢真係我個小寶貝呢~!

大家可以Click入 黃師奶廚藝小百科 facebook 粉絲專頁度交流吓吖~!!!