黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

HAPPY 2017

IMG_4160

今日係大除夕呀~!唔知道大家今晚有咩節目呢?!而黃師奶呢~就緊係同寶貝月月一齊過啦~呵呵~!HAPPY HOLIDAY!~~

月月祝大家新年快樂~~2017開開心心~!

大家可以Click入 黃師奶廚藝小百科 facebook 粉絲專頁度交流吓吖~!!!

忌廉蘑菇湯

20161228菇菇湯
<<忌廉蘑菇湯>>
話咁快一年4日假期又完咗喇~哈~不過打工仔捱多3日又放3日都唔錯吖~今日呢?!黃先生就下午放假同我哋2母女出去食buffet~呵~阿女第一次食buffet~希望佢一陣唔好扭計啦~!

哈~呢期聖誕佳節~就梗係煮西餐多過中菜啦~今日來一客西湯先~個湯用蘑菇打茸~再加埋忌廉~真係又香又湯喔~!做法又簡單~大家可以一試~!

材料: 蘑菇約15隻 , 洋蔥1個, 牛油2大匙 , 上湯1升, 忌廉200ml
調味: 鹽隨意

STEP 1
將啡蘑菇清潔乾淨後切小片; 洋蔥去衣後切碎

STEP 2
煮溶少少牛油後拌入洋蔥/蘑菇炒香; 注入上湯煮滾

STEP 3
盛起蘑菇 ( 將約小半碗蘑菇留起), 其餘用攪拌器打成茸再拌入上湯中

STEP 4
將蘑菇茸及蘑菇粒跟上湯再次煮滾後注入忌廉拌勻再調味即成

 

大家可以Click入 黃師奶廚藝小百科 facebook 粉絲專頁度交流吓吖~!!!

蒜蜜牛油香草焗雞

20161221雞雞
<<蒜蜜牛油香草焗雞>>
一年四日嘅聖誕假期又開始喇~大家有冇咩節目呀?!而黃師奶呢?!多數都會一家三口出去八下喇~等月月感受下聖誕氣氛~嗱~唔好覺得佢人仔細細睇黎做乜吖~其實佢睇到D新奇嘢個樣好搞笑架~哈~!

呢期聖誕新年~POST 返下D西式煮意先~呵呵~買咗隻雞開邊~之後就用醃料醃好~放入焗爐就得~哈~唔駛睇火~方便哂我呢D懶媽~!

材料: 雞一隻, 蜜糖適量
醃料: 薑茸1湯匙, 蒜茸一湯匙, 鹽及黑胡椒粉適量, 香草碎少許, 牛油溶液小半碗 (全部拌勻)

STEP 1
將雞洗淨後開邊, 跟醃料醃最少4小時

STEP 2
預熱焗爐220-230度, 先焗雞約10分鐘; 再轉170度火再焗雞件約30分鐘即成(最後10分鐘就上蜜糖) (各人爐火唔同~要注意喔)

 

大家可以Click入 黃師奶廚藝小百科 facebook 粉絲專頁度交流吓吖~!!!

金蠔煲仔飯

20161221蠔飯
<<金蠔煲仔飯>>
今日係冬至呀!~黃師奶喺到祝大家冬至快樂呀!~黃師奶今晚就出街做冬~所以唔駛煮飯~呵呵~~如果唔係呢~就要一早去街市迫迫迫~一過節就好多人呢~!

呢個煲仔飯用咗金蠔整架~哈~天氣開始凍凍哋~多煮D煲仔飯暖下身咁真係唔錯架~大家可以試下喔~!

材料:  金蠔五隻, 白米2杯 , 水約 1.75杯

STEP 1
金蠔用水浸泡一會, 加少許糖拌勻

STEP 2
將白米洗淨; 煮滾白米加水煮至收乾水份

STEP 3
拌入金蠔後蓋上蓋用小火煮約7-8分鐘, 如果想要飯焦~呢個時候可以較至中火煮多2分鐘

STEP 4
熄火後不要開蓋再焗最少15分鐘~食時灑上煲仔飯豉油即可~

 

大家可以Click入 黃師奶廚藝小百科 facebook 粉絲專頁度交流吓吖~!!!

蛋糕仔

IMG_3441
<<蛋糕仔>>
又到星期一喇~過2日就做冬喇~話咁快就一年喇~下個月就過年TIM~到時大家實又好忙~忙整糕點~忙買年貨呢~!而黃師奶呢?!都唔知今年仲得唔得閒整糕LU~!

今日又整咗蛋糕仔俾囡囡食呀~BB口味真係好怪~今次佢唔肯食~下次又會食好多…真係估佢哋唔到想點呢~!

蛋糕粉(無鋁) 100g, 蛋 一隻,  無鹽牛油溶液 50g|STEP 1
在碗中加入蛋及蛋糕粉,用打蛋器拌勻

STEP 2
把溶化的牛油逐少加入混和

STEP 3
預熱焗爐180度15分鐘

STEP 4
用 170 度焗爐焗約 15 分鐘即成

 

大家可以Click入 黃師奶廚藝小百科 facebook 粉絲專頁度交流吓吖~!!!

白汁煙肉意粉

20161205煙肉意粉
<<白汁煙肉意粉>>
星期尾又返凍喇~得13度呢~雖則多咗囡囡後天氣凍會麻煩D~怕佢會凍親~不過聖誕節都黎緊~真係好想過一個凍冰冰嘅聖誕~~有D氣氛咁嘛~!

今日又來一客意粉~其實煮意粉真係好方便呢~碗又唔駛洗~煮一大煲~黎埋黎第日做午餐都好方便呢~!

材料: 煙肉粒1盒, 洋蔥1個(去衣切茸), 意粉約300G, 麵粉適量
汁料: 上湯1杯, 忌廉1杯

STEP 1
先爆香洋蔥後拌入煙肉粒炒香

STEP 2
煲滾水後拌入意粉 (時間-跟包裝指示再減2分鐘)盛起

STEP 3
將上湯注入STEP 1材料中煮滾後再小火煮約10分鐘; 逐少加麵粉至稠

STEP 4
注入忌廉再拌勻後下意粉兜勻煮透即成

 

大家可以Click入 黃師奶廚藝小百科 facebook 粉絲專頁度交流吓吖~!!!

ILLUMA小分享

IMG_3044

最近同其他媽媽傾計, 發現唔少寶寶都有厭奶問題喎! 好在囡囡飲ILLUMA飲得真係好好, 每次沖大約7安奶都會乖乖飲哂!黃師奶相信係因為ILLUMA味道較淡口似媽媽奶, 所以囡囡咁鍾意飲呢! 家下開始大個, 一日3餐奶外仲會用ILLUMA奶黎做小食!哈!! 囡囡開鍾意食ILLUMA做嘅PANCAKE同蛋糕仔架, 見到囡囡食得咁開心, 真係好滿足呢!

囡囡家下轉飲咗3號, 之前有朋友傾開話3號比較難溶要用熱少少嘅水黎沖, 不過黃師奶又覺得問題不大喎!

好快囡囡就18個月喇!身邊開始有人問黃師奶幾時戎奶! 黃師奶就覺得不急於一時! 始終囡囡仲細, 而且ILLUMA可以補充到加固後嘅其他營養, 好似sn-2成份咁!所以奶奶對幼兒黎講真係需要架!

大家可以Click入 黃師奶廚藝小百科 facebook 粉絲專頁度交流吓吖~!!!

上湯洋蔥炆坑腩

20161210牛
<<上湯洋蔥炆坑腩>>
哈~好少可星期六會出POST~冇計啦~有時好想出架~不過囡囡有時會搞住哂~唔好話寫BLOG吖~去廁所佢都要跟住呀~~真係分唔到身搞咁多嘢呢~!

天氣涼涼哋~係時候整多D煲仔菜喇~本來想買羊腩架~不過街市冇得賣喎~咁就轉食牛啦~唔想食咖哩咁濃味~就整咗個上湯加咗洋蔥~牛腩炆得好腍好入味呢~!

材料: 坑腩1.5斤 , 白蘿蔔半個 , 上湯 2升, 洋蔥3個

STEP 1
將蘿蔔去皮切角; 坑腩汆水減去油份; 洋蔥去衣切大件

STEP 2
先爆香洋蔥後, 將坑腩略略煎香再注入上湯煮滾

STEP 3
細火炆煮約30分鐘後熄火焗30分鐘; 重複

STEP 4
拌入蘿蔔再細火炆煮約20分鐘後熄火焗20分鐘切件即成

 

大家可以Click入 黃師奶廚藝小百科 facebook 粉絲專頁度交流吓吖~!!!

17個月大喇~!


HAPPY~!HAPPY~!又一個月喇~今日月月就17個月大喇~係咪過得好快呢?! 家下月月拖住佢手仔都可以行到好一陣架~不過自己一個行呢~!就仲係得幾步~嘩哈哈~但係媽媽已經覺得月月叻咗好多喇~依家嘅月月已經大個咗好多~成日好多嘢講~WELL…不過唔太知佢講乜~不斷EE ERER~哈~好煩架~但係又好可愛呢~!

下個月就歲半~係時候又PLAN下影家庭相~過多半年仲話返學TIM~日子好似過得好快~睇返D相~真係大個咗好多~好唔捨得呀~~~~

大家可以Click入 黃師奶廚藝小百科 facebook 粉絲專頁度交流吓吖~!!!

瑪德蓮蛋糕

IMG_2528
<<瑪德蓮蛋糕>>
今日又暖咗好多喎~不過又未到成身汗嘅~12月都仲係呢個天氣~真係呢….希望快D就KEEP 住凍喇~就黎聖誕節~想有D氣氛呢~!

最近買咗唔少BB食得嘅無鋁蛋糕粉~哈~咁就可以得閒整俾囡囡食喇~囡囡都幾鍾意食架~黃師奶成日煩囡囡食D乜好…點解?!之唔係一個愛煮嘅媽媽生咗個唔愛食嘅囡囡囉~!

材料(約 8 個份量)
瑪德蓮蛋糕粉 100g, 蛋 一隻,  無鹽牛油溶液 50g|

STEP 1
在碗中加入蛋及蛋糕粉,用打蛋器拌勻

STEP 2
把溶化的牛油逐少加入混和

STEP 3
用牛油塗抹蛋糕模, 加入粉漿 (預熱焗烅180度15分鐘)

STEP 4
用 170 度焗爐焗約 15 分鐘即成 (我用V仔焗~好方便~~~呵呵~~~~)

大家可以Click入 黃師奶廚藝小百科 facebook 粉絲專頁度交流吓吖~!!!