|
|
黃師奶戀女就係人都知架喇！早前囡囡腸胃炎仲發燒，搞到黃師奶擔心到不得了！嗰幾日不斷幫囡囡量體溫，所以，一個好嘅發燒深熱針真係必須架！
Thermoval Baby Sense係非接觸式額溫槍，紅外線體溫計嘅設計，唔需要接觸到寶寶皮膚，距離bb前額3至5公分的位置開始掃描就得，而且又有無聲設計，咁就唔怕嘈醒豬豬中嘅寶寶呢！呢款探熱針具有十次記憶體，可以記錄ＢＢ的退燒發展，真係令媽媽好安心呢！。以前幫囡囡試過口探，點知隻衰豬就咬支探熱針，真係嚇死黃師奶呢！而耳探呢？囡囡又擰黎擰去唔多合作喎！瞓著咗又易整醒佢！家下用咗Thermoval Baby Sense真係方便好多呢！
除咗準確量度人體體溫外，仲可以測量奶樽、沖涼水，甚至室溫呀！咁就唔怕bb熱親同凍倒呢！早前天氣凍，室內室外溫差大！喺屋企用咗Thermoval Baby Sense準確測到室溫情況，咁就唔怕囡囡著得太多衫焗親呢！呵呵！宜家洗白白時又可以用Thermoval Baby Sense測咗水溫，見到囡囡浸浴個舒服樣真係好開心呢！
Thermoval Baby Sense獲得歐洲國際標準化組織ISO認證其準確度，測量結果誤差少於正負0.2度，專業品質，信心保證！仲有三年免費主機維修保用呢！
德國赫曼係一個超過一百年歷史嘅老品牌！啱哂有小朋友嘅家庭用呢！值得推介喔！
用呢個連結仲有$50優惠券喔！
http://hartmann-thermoval-promotion.com.hk/
#德國赫曼 #HARTMANN #ThermovalBabySense #紅外線體溫計
大家可以Click入 黃師奶廚藝小百科 facebook 粉絲專頁度交流吓吖~!!!
<<蕃薯糖水>>
今日聽到前特首判刑~都要坐成20個月~成70多歲人先搞單咁嘅嘢~真係都幾慘咁~一個人真係一日未埋單都唔知自己人生係咪過得好呢~!
天氣凍凍哋~煲下糖水熱辣辣咁食返碗唔錯架~黃師奶就鍾意落勁多薑架~一來暖身D~二來覺得薑味夠勁先好食呢~!
蕃薯糖水材料: 蕃薯兩個, 薑片四小片(我落咗好多架~) , 片糖一塊半, 水大半煲
STEP 1
蕃薯先去皮切大件, 再用清水浸約半小時備用 (浸咗水先煲就唔會變深色)
STEP 2
煲滾水後加入蕃薯煲約二十分鐘至腍, 再下片糖調味~煮滾即成!!
大家可以Click入 黃師奶廚藝小百科 facebook 粉絲專頁度交流吓吖~!!!
<<牛油蒜子雞脾扒>>
黃師奶日日都同囡囡去公園玩~今日玩完返家~又俾個厚多士話公園多菌…唔應該同小朋友去…心唸: 小朋友唔應該去咁唔通俾大人玩咩…家下唔同要將個囡放入玻璃樽到養?!
今日個雞扒用咗牛油黎煮~好香好香呀!~不過呢…好肥囉..!冇計啦~好食嘅嘢都係魔鬼架喇~!
材料: 雞脾扒4塊, 蒜頭一個 (去衣)
醃料: 鹽少許, 胡椒粉及檸檬汁少許
STEP 1
雞脾扒調味醃約半小時備用
STEP 2
煮溶少許牛油後爆香蒜頭
STEP 3
將雞脾扒煎香, 灒上少許料理酒煮至熟透即成
大家可以Click入 黃師奶廚藝小百科 facebook 粉絲專頁度交流吓吖~!!!
<<蝦醬蒜香豬軟骨>>
HAPPY FRIDAY!~今日天氣好好呀!~一早就同咗囡囡去咗打流感針~本來都冇唸住打架~不過見到d新聞真係好得人驚~政府又建議嬰兒打~所以就打咗lu~買個安心啦~!
黃師奶鍾意豬軟骨嘅口感呀~本來就咁用蒜茸蒸~但係又想惹味d~加咗蝦醬~重口味~好送飯呢~!
材料: 豬軟骨400G,生粉一茶匙及麻油適量, 蒜茸1大湯匙, 蝦醬1大湯匙
醃料: 生抽一湯匙, 老抽少許, 糖一茶匙, 胡椒粉少許
STEP 1
豬軟骨洗淨後與醃料醃約二十分鐘~~
STEP 2
將醃好嘅豬軟骨與少許麻油~~~及生粉拌勻~~蒸前再拌入蒜茸及蝦醬
STEP 3
煲滾水後大火隔水蒸約15-20分鐘至熟
大家可以Click入 黃師奶廚藝小百科 facebook 粉絲專頁度交流吓吖~!!!
<<蠔肉蒸滑蛋>>
呢2日暖返少少喇~話咁快就到2月尾LU~唔知會唔會仲好凍呢?!不過凍都冇所謂~但係黃師奶最怕嘅梅雨天就到….到時濕笠笠咁..最憎呢~!
今次喺街市見到D本地蠔幾抵食~SIZE梗係細過美國蠔啦~不過就經濟好多喇~$28有10隻~買咗返黎用黎蒸蛋~簡簡單單咁都幾好送飯架~!
材料: 蠔肉6-8隻, 蛋3隻, 上湯250ml
STEP 1
蠔肉洗淨, 汆水1-2分鐘後抺乾水份
STEP 2
先將碟蒸熱至水滾; 將蠔肉放入碟中; 蛋及上湯拌勻
STEP 3
將STEP 2 蛋汁倒入碟中後蓋錫箔紙, 大火蒸5分鐘後焗20分鐘即成~!
大家可以Click入 黃師奶廚藝小百科 facebook 粉絲專頁度交流吓吖~!!!
<<蝦醬滑雞煲>>
聽日就係情人節喇?大家有冇好節目呀?!而黃師奶呢~~當然就同我個小情人月月一齊過啦~月月同我拖下手仔行下公園~~佢係我快樂嘅泉源黎架~!呵呵~!
今日個餸好重口味呀!~蝦醬黎架~哈哈~~用黎送飯真係好香好香~~醃好D雞件~爆香蝦醬煮透就食得~簡單又方便呢~!
材料: 雞一隻 (斬件) , 乾蔥隨意
醃料: 鹽及紹酒適量, 薑茸少許
醬料: 蝦醬適量
STEP 1
雞件與醃料醃約1小時備用
STEP 2
慢火將雞件煎至金黃盛起
STEP 3
慢火炒香乾蔥及醬料
STEP 4
將雞件回鑊炒香後加水蓋過所有材料煮滾轉細火炆煮約15-20分鐘至收汁即成(用生粉水埋芡)
大家可以Click入 黃師奶廚藝小百科 facebook 粉絲專頁度交流吓吖~!!!
<<鮑汁香菇炆雞翼>>
今日真係凍咗好多呢~!有時都係唔願起床架~黃師奶每日都係六點未夠就起身架喇..?!點解?之唔係要喺囡囡未醒前做好家務煮埋飯仔俾佢食囉~真係世上只有媽媽好呢~!
屋企點都有雞翼看下門口~咁就唔駛行去街市~呵呵~!今次用咗鮑汁黎炆~~加埋冬菇~又香又入味~個汁仲好好送飯呢~!
材料： 雞翼12隻
雞翼醃料: 生抽約1湯匙 , 糖一茶匙 , 胡椒粉少許, 麻油及生粉少許, 紹酒一大匙
調味： 鮑魚汁2大匙
香菇醃料: 糖一茶匙, 麻油少許
STEP 1
將雞翼醃約30分鐘備用; 香菇浸軟後加少少糖及麻油拌勻
STEP 2
慢火雞翼煎香後拌入冬菇及調味後兜炒片刻
STEP 3
注入小半碗水(我用浸菇水)後將雞翼煮熟透兜勻埋芡收汁即成
大家可以Click入 黃師奶廚藝小百科 facebook 粉絲專頁度交流吓吖~!!!
今日我家月月19個月大喇！家下月月好明顯叻咗好多呀！好多時都聽得明我哋講嘢同做到簡單指令咁！小朋友學嘢真係好似海綿咁吸收得好快呢！黃師奶有時唔開心坐咗喺到發呆嗰陣，月月都好似明白我咁！會走過黎攬住我架！真係好窩心呢！
喺呢家呢一刻呢，冇嘢比月月更重要！只要佢快高長大，黃師奶就開心呢！
大家可以Click入 黃師奶廚藝小百科 facebook 粉絲專頁度交流吓吖~!!!
<<生財鮑魚>>
今日係大年初七呀~黃師奶喺到祝大家人日生日快樂呢~!!今日繼續來個食豪D先~~呢個鮑魚梗係唔係乾鮑啦~黃師奶邊有咁富貴~不過炆出黎都好好味~宴客唔失禮架~!
材料: 鮑魚及生菜隨意, 薑片4-6片
湯汁: 清雞湯1L, 蠔油1大匙, 冰糖少許, 麻油1茶匙 , 清水200ML
STEP 1
將鮑魚清洗乾淨後用薑汆水片刻; 生菜洗淨後瀝乾水份
STEP 2
將湯汁材料拌勻後放入鮑魚; 燉約2小時
STEP 3
將生菜烚熟後淋上鮑魚湯汁再拌上鮑魚即成
大家可以Click入 黃師奶廚藝小百科 facebook 粉絲專頁度交流吓吖~!!!
<<茄汁蝦>>
今日大年初五~!黃師奶祝大家雞年谷谷叫又蝦蝦笑~呵呵呵~!大家返咗工未呀?!黃先生就今日返工LU~又變返得返我哋2母女ONON居居嘅日子~~
材料: 蝦12-15隻, 洋蔥1個(去衣切絲), 蕃茄1個 (切件), 酒小半碗
汁料: 茄汁2湯匙, 喼汁少許, 糖1-2茶匙
STEP 1
蝦去眼及腳, 去腸再開背後洗淨再抺乾水份
STEP 2
燒紅鑊後將蝦煎香; 拌入汁料材料
STEP 3
下洋蔥及蕃茄兜勻後灒酒煮透即成
大家可以Click入 黃師奶廚藝小百科 facebook 粉絲專頁度交流吓吖~!!!
|
近期迴響