<<乾炒牛河>>
今日一早同月月去咗做健康評估~哈~因為五月要做入學註冊喇~入學前要做評估..點知隻衰豬一見到醫生就狂喊…大喊…黃師奶覺得月月俾以前D打針經驗嚇親…所以咁驚醫生…
又來一個懶人餐~炒一碟牛河~炒足一大碟~食剩咗仲可以留返黎第日午餐食~哈~真係唔錯架~!自己炒又可以少D油~健康過出街食好多呢~!
材料: 牛柳250g , 洋蔥一個(切絲) , 炒河粉3碗, 老抽適量(調色), 蔥段芝麻少許
牛柳醃料: 生抽半湯匙, 蒜茸半湯匙, 糖及生粉各1茶匙, 胡椒粉及麻油少許, 水一湯匙
STEP 1
牛柳跟醃料伴勻備用; 炒河粉先分開一條條;
STEP 2
燒紅鑊爆香洋蔥炒至軟身後拌入牛柳快炒至轉色
STEP 3
拌入炒河粉後加入老抽兜勻炒至乾身拌入蔥段芝麻即成 (唔好炒咁耐呀!~牛肉老咗好難食)
2594 Total Views 1 Views Today
大家可以Click入 黃師奶廚藝小百科 facebook 粉絲專頁度交流吓吖~!!! 
嘩…黃師奶呢個乾炒牛河炒得好靚呀,我炒過兩次俾袁生食,不過佢話我炒得唔好,等我下次照呢個食譜整多次俾袁生食先
謝謝袁太讚賞~
這是我的茶記最愛呀~
我都會點黎食架~!
自已炒得咁靚,我比十個讚! 女女咁快要返學喇? – samwei
係呀~2歲就返學喇~!
或者下次去見醫生時帶啲玩具俾佢玩, 分散啲注意力.
等我下次試下先~睇醫生好似打仗咁~!
狂喊,真係陰公豬~EE
睇醫生好似打仗咁~!