黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

近期迴響

Google+ Badge

沙嗲豬肉扒豆腐

20170628沙沙豬
<<沙嗲豬肉扒豆腐>>
呢幾日夜晚都瞓得好差~半夜3-4點就會醒咗..眼光光…好想瞓..奈何瞓咗入豬欄…嘈到瞓唔到…如果唔係個女…一早出咗廰瞓~

超市D豆腐做特價~咁就買黎返家煮呢~!用少少沙嗲爆香D豬肉再撈埋D豆腐食~又香又惹味呢~!

材料: 豬絞肉(半肥瘦)約廿蚊, 豆腐一磚
豬絞肉醃料: 生抽半湯匙 , 糖一茶匙 , 胡椒粉少許, 水1.5湯匙 , 麻油及生粉少許 (呢2樣可以煮之前先落)
調味: 沙嗲醬2湯匙, 紹酒小半碗

STEP 1
煲滾水後將豆腐蒸至熟透

STEP 2
慢火爆沙嗲醬後拌入豬絞肉兜炒片刻, 灒酒後蓋上蓋煮至熟透 (可加生粉水埋芡)

STEP 3
將熟透嘅豬肉淋上豆腐上即成

 

大家可以Click入 黃師奶廚藝小百科 facebook 粉絲專頁度交流吓吖~!!!

咖哩牛肮腩

20170628牛牛
<<咖哩牛肮腩>>
今日六點冇啦啦冇水…好在一早炆好煲牛腩整好哂餸咋~呢D煮飯時間先黎冇水…真係玩C人….

呢煲咖哩牛肮腩得到黃先生激讚喎~哈~可能太耐冇煮啦~佢話好好味~食剩嗰汁仲叫我留起佢聽日撈飯呢~!

材料: 牛肮腩600g, 薯仔2個 , 洋蔥 一個, 乾蔥茸一湯匙, 辣椒油隨意
醬汁: 油咖哩三湯匙, 沙嗲醬1.5湯匙

STEP 1
牛肮腩先出水去減啲油

STEP 2
洋蔥去衣後切角備用~薯仔去皮洗淨切大件

STEP 3
將牛肮腩同薯仔略略煎香~再爆香洋蔥後盛起

STEP 4
慢火將油咖哩~同沙嗲醬炒香~!拌入洋蔥~乾蔥茸~炒香下牛肮腩兜炒片刻~

STEP 5
加水蓋過所有材料後用炆焗方法大火煮滾轉細火炆煮約30分鐘後熄火焗30分鐘~!再重覆~~!.

STEP 6
最後拌入薯仔炆多15分鐘焗多15分鐘~加上辣椒油同鹽調味~打個生粉水~煮至汁稠即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

XO醬蒸排骨

20170621豬豬XO
<<XO醬蒸排骨>>
上星期病咗幾日冇煮飯~家下好返又繼續做煮飯婆~食住藥湊女眼瞓到暈….又唔可以瞓…真係有苦自己知….

屋企有D XO醬~見佢就快過期~一於用黎蒸排骨~哈~~辣又唔係好辣~不過幾香架~送飯都唔錯呢~!

材料: 腩排400G,生粉一茶匙及麻油適量, 蒜茸1大湯匙,  XO醬1大湯匙
醃料: 生抽一湯匙, 老抽少許, 糖一茶匙, 胡椒粉少許

STEP 1
腩排洗淨後與醃料醃約二十分鐘~~

STEP 2
將醃好嘅腩排與少許麻油~~~及生粉拌勻~~蒸前再拌入蒜茸及XO醬

STEP 3
煲滾水後大火隔水蒸約15-20分鐘至熟

 

大家可以Click入 黃師奶廚藝小百科 facebook 粉絲專頁度交流吓吖~!!!

鹹魚滑雞豆腐煲

20170621雞雞魚
<<鹹魚滑雞豆腐煲>>
呢幾日聽嘢唔多清楚…今日走咗去睇醫生..原來耳煙管塞咗…應該係感冒處理得唔好~搞到咁~又冇幾舊水….食住藥仲要湊女~煩~!

呢個餸好香鹹魚味~唔錯唔錯~爆香D鹹魚嗰陣真係隔離屋都聞到~呵呵~~個汁仲好好送飯~大家可以一試喔~!

材料: 雞1隻 , 百頁豆腐一大塊(切細件) ,  鹹魚半舊, 薑2片, 紹酒小半碗
雞肉醃料: 鹽適量
汁料: 生抽約1湯匙 , 老抽半湯匙, 糖一茶匙 , 胡椒粉少許, 麻油少許, 水大半碗

STEP 1
雞與醃料拌勻醃4小時; 鹹魚去骨拆肉

STEP 2
爆香薑~拌入雞件煎香至金黃盛起

STEP 3
炒香鹹魚後將雞件回鑊後兜炒片刻再拌入百頁豆腐後灒酒

STEP 4
加汁料蓋過所有材料後煮滾轉細火炆煮約25-30分鐘至收汁 (可加生粉水埋芡) 即成~

大家可以Click入 黃師奶廚藝小百科 facebook 粉絲專頁度交流吓吖~!!!

胡椒湯浸蜆

20170602蜆蜆
<<胡椒湯浸蜆>>
撒嬌的女人完咗~黃師奶就轉煲十里桃花~唔知大家有冇睇呢~?!個景好靚呀~~又忍唔住上網狂追~家下越睇得多其他外地劇~就覺得TBB 嗰D好爛呢~!

喺街市買咗D蜆返家~唔想用豉椒炒~哈~就煲咗個上湯加D胡椒粒~又香又惹味~~唔錯呢~!

材料: 蜆1.5斤 (浸鹽水3粒鐘~洗得乾乾淨淨)
湯汁: 上湯2杯
調味: 胡椒粒2-3湯匙 (先用焗爐用100度火焗香或白鑊炒香)

STEP 1
煮滾水後下蜆煮至半開口盛起

STEP 2
煮滾上湯後下胡椒再調味

STEP 3
拌入蜆煮至熟透即成

大家可以Click入 黃師奶廚藝小百科 facebook 粉絲專頁度交流吓吖~!!!

韓式牛肋條

20170614肉肉
<<韓式牛肋條>>
今日同咗月月嘅朋友仔去咗食午餐同玩~發覺囡囡真係長大咗好多~家下識得拖住朋友仔一齊行~哈~好搞笑咁~~好唔捨得月月大得咁快呢~!

呢期天氣太熱~少咗去街市~喺超市買咗牛肋條加個韓式醃肉醬~唔錯喎~個汁仲好好送飯TIM~!

材料: 牛肋條600g, 紅蘿蔔一條(去皮切大件) , 洋蔥一個(去衣切大件),薯仔兩個(去皮切大件), 上湯500ML
調味料: 去皮蕃茄約4個
醃料: 韓式醃肉醬

STEP 1
牛肋條跟醃料拌勻醃約2小時

STEP 2
爆香洋蔥再拌入牛肋條略略煎香

STEP 3
拌入蕃茄及醃肉汁兜炒片刻後注入上湯後用炆焗方法大火煮滾轉細火炆煮約30分鐘後熄火焗30分鐘

STEP 4
拌入薯仔及紅蘿蔔後再炆焗30分鐘

STEP 5
食前翻熱15分鐘再焗15分鐘即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

肉醬意粉

20170614肉肉粉
<<肉醬意粉>>
今日終於冇咁大雨呢~!大家返工返學冇咁辛苦呢~!天氣仲冇咁熱~又冇咁焗~舒服好多呢~!

又黎個懶人餐~煮一大碟肉醬~烚多個意粉就食得~!月月個衰豬竟然鍾意食意粉….WELL..不過條友仔係唔要醬嘅…就咁一條條白烚意粉….佢鍾意食…激死.!

材料: 牛絞肉隨意, 蒜茸一湯匙, 蘑菇約十粒(用在抺乾淨後切片), 扁意粉約250G, 芝士碎隨意
調味料: 去皮蓄茄約4個, 黃糖約二茶匙, 鹽少許

STEP 1
煲滾水後下少許鹽同油~拌入意粉大火煮熟(包裝上有講煮幾耐架~再瀝乾水份)

STEP 2
爆香蘑菇片後拌入牛肉炒香, 下蒜茸兜勻

STEP 3
拌入蓄茄兜炒片刻後下少許糖同鹽再調味煮至杰身~

STEP 4
將醬汁淋上意粉上再灑上芝士碎即成~!~!

 

大家可以Click入 黃師奶廚藝小百科 facebook 粉絲專頁度交流吓吖~!!!

蒜香貴妃蚌

20170612蜆蜆
<<蒜香貴妃蚌>>|
哈~冇唸過今日竟然打得成風喎~尋日仲見個風唔係好強咁~但係呢?!今日五點半就八號LU~黎緊成個星期仲好似日日落雨TIM呢~!

喺街市見到D貴妃蚌好抵買呀~咁就買咗一份返家~簡簡單單就咁加少少蒜茸蒸~又香又好味呢~!

材料: 貴妃蚌8隻
調味: 蒜茸辣椒隨意

STEP 1
貴妃蚌劏開洗淨

STEP 2
將蒜茸辣椒放喺貴妃蚌上

STEP 3
煲滾水後大火隔水蒸約3-4分鐘灒熟油即成

大家可以Click入 黃師奶廚藝小百科 facebook 粉絲專頁度交流吓吖~!!!

釀蘑菇

20170608菇菇
<<釀蘑菇>>
今朝月月喺樓下扭食糖爆喊…黃師奶就唔想就範…唯有等佢喊飽佢再同佢返屋企冇得去公園…隻衰豬真係一路大喊喊到返家繼續喊..最後緊係知衰啦~不過沿途好多花生友…厚多士…煩到呢~!

見到超市有超大蘑菇賣~哈~咁就即買返家試~煮時釀咗少少豬肉~再煎香~唔錯架~大家可以一試~!

材料: 大蘑菇2隻 (用布清潔乾淨), 豬柳梅約200G, 雞蛋一隻 (發勻)
汁料: 生抽約1湯匙, 糖1茶匙, 胡椒粉少許, 麻油及生粉各1茶匙, 水半碗
醃料: 生抽約1湯匙, 糖1茶匙, 胡椒粉少許, 麻油及生粉各1茶匙, 水3湯匙

STEP 1
豬絞肉與醃料(除水外)拌勻醃約20分鐘備用

STEP 2
將醃好嘅豬肉慢慢加入水~!之後向同一個方向攪至起膠! (可以放入個保鮮袋到撻)~記得d水要完全吸收哂喔

STEP 3
將蛋汁拌入豬肉中至完全吸收

STEP 4
蘑菇沾上生粉後再釀入豬肉

STEP 5
將釀好的蘑菇煎香2後再灑上汁料煮至熟透即成~!

大家可以Click入 黃師奶廚藝小百科 facebook 粉絲專頁度交流吓吖~!!!

23個月大喇~!


呵呵~~~月月今日23個月大喇~!~!!YEAH~即係下個月就生日~嘩哈哈哈~~~~

一日一日咁望住隻豬仔長大真係好神奇~由佢乜都唔識~到家下識得自己食飯~著褲仔~問佢愛唔愛媽媽~佢仲識得答"愛"~呢個過程真係好正~!月月每日都過得好開心~!而黃師奶呢?!雖則又累又辛苦~不過見到月月開心就乜都值得呢~!

大家可以Click入 黃師奶廚藝小百科 facebook 粉絲專頁度交流吓吖~!!!