黃師奶廚藝小百科

<<香煎蒜茸雞翼>>
話咁快八月就完喇~而九月開始囡囡就要返足3個鐘頭學~條友仔已經喊咗差不多一個月….日日喊…喊到個個都識佢咁…..究竟幾時先喊完呢?!

呢期成日打風~所以少咗去買餸喇~今次將D雞翼用蒜茸爆香~好好味~囡囡都好鍾意食呢~!

材料: 雞翼10隻, 蒜茸隨意, 紹興酒小半碗
雞肉醃料: 生抽約1湯匙 , 糖及薑茸一茶匙 , 胡椒粉少許, 麻油及生粉少許

STEP 1
雞翼與醃料拌勻醃4小時

STEP 2
將雞翼煎香至金黃

STEP 3
下蒜茸再兜炒片刻後灒酒煮至雞翼熟透即成~!

STEP 4
加汁料蓋過所有材料後煮滾轉細火炆煮約20分鐘至收汁 (可加生粉水埋芡) 即成~

 

大家可以Click入 黃師奶廚藝小百科 facebook 粉絲專頁度交流吓吖~!!!

<<芝麻雞槌>>
家下10號風球~呢個天鴿真係勁呢~話咁快已經係強颱風~!好在黃師奶住喺商場上面~打風落街都唔怕~不過呢~!今朝明顯哋餐廳都少咗開LU~太興呢間嘢都開開下話10號停~唔知呢個風幾時先走呢?!

天氣熱唔想對住個爐~哈~就用焗爐算啦~唔駛睇火~醃好啲雞就焗得~好方便呢~!

材料: 雞槌約1磅, 芝麻少許
醃料: 生抽約1湯匙 , 老抽半湯匙, 糖一茶匙 , 胡椒粉少許, 麻油及紹興酒少許

STEP 1
將雞件洗淨後跟醃料醃最少4小時

STEP2
預熱焗爐180度

STEP 3
將雞件焗約30分鐘即成(各人爐火唔同~要注意喔)

大家可以Click入 黃師奶廚藝小百科 facebook 粉絲專頁度交流吓吖~!!!

<<蒜香欖角骨>>
近日真係忙到爆~自從囡囡返學後~每日一出一入~時間好唔見駛呀~返到家就要預備午餐~餵飽個女~自己都唔願食~

買咗D一字排~!有少少肥~~吖~~不過黃師奶又覺得肥肥哋先好食~蒸起上黎有D油份好JUICY~唉…為食就好難健康呢~!

材料: 一字排300g , 生粉一茶匙及麻油適量, 欖角(切碎)蒜茸少許
一字排醃料: 生抽一湯匙, 老抽少許, 糖一茶匙, 胡椒粉少許

STEP 1
一字排洗淨後與醃料醃約二十分鐘 ; 煮前再將醃好嘅腩排與少許麻油及生粉拌勻~~

STEP 2
煲滾水後將所有材料放於碟上再大火隔水蒸約15分鐘即成

 

大家可以Click入 黃師奶廚藝小百科 facebook 粉絲專頁度交流吓吖~!!!

<<雙菇炆雞翼>>
HAPPY FRIDAY!~月月已經返咗2日學喇~頭3日可以家長陪住~感覺佢又冇咩嘢咁~似返PLAYGROUP一樣~下星期冇得陪住~應該就黎料喊爆LU~!

雞翼呢家嘢~真係實有包喺雪櫃~哈~冇出去買餸~就咁用菇類煮~炆嗰陣已經好香呢~個汁都好送飯架~!正~!

材料: 雞翼10隻 , 冬菇10隻 ,迷你直菇1碗, 薑2片, 紹酒小半碗
雞肉醃料: 生抽約1湯匙 , 糖及薑茸一茶匙 , 胡椒粉少許, 麻油及生粉少許
冬菇醃料: 糖及麻油少許
汁料: 生抽約1湯匙 , 老抽半湯匙, 糖一茶匙 , 胡椒粉少許, 麻油少許, 水大半碗

STEP 1
雞翼與醃料拌勻醃4小時; 冬菇用醃料醃約30分鐘

STEP 2
爆香薑~拌入雞翼煎香至金黃

STEP 3
再拌入冬菇及迷你直菇炒香後灒酒

STEP 4
加汁料蓋過所有材料後煮滾轉細火炆煮約20分鐘至收汁 (可加生粉水埋芡) 即成~

 

 

大家可以Click入 黃師奶廚藝小百科 facebook 粉絲專頁度交流吓吖~!!!