黃師奶廚藝小百科

<<羊架>>
街市開咗間凍肉鋪~得閒又八下有咩買~今次入咗D羊架~大蝦同豬軟骨~試過食材都唔錯喎~家下少咗日日去街市~唯有買定多D凍肉~咁就方便夜晚煮飯呢~!

呢款英國羊架肉質幾滑喎~細細件~焗起上黎都快靚正~黃先生都好滿意~下次可以再買~哈~

材料: 羊架約6條
調味: 鹽及黑胡椒隨意 , 紅椒粉少許

STEP 1
將羊架印乾水份, 用調味及少許油醃最少4小時備用 (醃過夜更好)

STEP 2
預熱焗爐180度, 焗約20-25分鐘至五成熟

STEP 3
將焗好羊架用錫紙包好再放上熱碟上REST 10分鐘即成

 

大家可以Click入 黃師奶廚藝小百科 facebook 粉絲專頁度交流吓吖~!!!

<<和牛烏冬>>
HAPPY FRIDAY~!呢幾日天氣好清爽呀!~好舒服~天文台話星期日會得20度~又要準備好月D冬天衫~洗呀洗呀!~~有小朋友後換季煩好多呢~!

哈~今日呢個烏冬豪得很~用咗日本宮崎A4 和牛嘅牛肩肉~牛味香濃~好滑好好味呀!~就咁放上湯配烏冬~簡單~拔~好味~!!

材料: 日本宮崎A4 和牛嘅牛肩肉8-10片, 清湯2L, 烏冬3個
配菜: 鳴門卷及粟米粒隨意(其實自己想加咩都得呢)

STEP 1
煮瀼上湯後放入烏冬及配菜煮熟盛起

STEP 2
拌入牛肩肉煮約1分鐘後盛起

STEP 3
拌入烏冬, 牛肩肉及配菜後注入滾湯即成

 

大家可以Click入 黃師奶廚藝小百科 facebook 粉絲專頁度交流吓吖~!!!

<<蘋果醬汁豬鞍扒>>
真係冇唸過尋日打得成8號~仲要夜晚七點幾先落波~星期日難得黃先生放假~不過呢…打風又冇得同月月出去玩~沒趣呢~!

喺一田見到有蘋果司打醬做特價~話煮豬肉好正咁喎~八掛一試~又真係唔錯喎~!哈~等黃師奶下次用黎整埋豬仔骨先~呵呵~~

材料: 豬鞍扒2塊
汁料: 蘋果司打醬2湯匙, 水小半碗
調味: 鹽少許

STEP 1
將豬扒煎香後下鹽調味再煎至2面金黃

STEP 2
注入醬汁將豬鞍扒煮至熟透即成

 

大家可以Click入 黃師奶廚藝小百科 facebook 粉絲專頁度交流吓吖~!!!

<<翡翠杏鮑菇>>
又少咗上黎除草…唉..囡囡出疹…燒咗4-5日…呢幾日佢扭到爆炸..夜晚又瞓得差…仲要出玫瑰疹…一年內出咗2次…真係玩C人….

喺一田見到D杏鮑菇同露筍好抵賣~又新鮮~唸都冇唸又買返家炒埋佢~哈~加少少蠔油~好簡單~不過味道幾好架~!

材料: 杏鮑菇1包, 露筍隨意
汁料: 蠔油1湯匙, 水3湯匙, 糖少許

STEP 1
露筍洗淨後切去尾部; 杏鮑菇用濕毛巾抺乾淨後切塊

STEP 2
將露筍汆水約2分鐘盛起

STEP 3
煎香杏鮑菇後下汁料兜炒片刻後將露筍回鑊兜勻即成

大家可以Click入 黃師奶廚藝小百科 facebook 粉絲專頁度交流吓吖~!!!

<<蠔油豬扒>>
一年三日假又完咗LU~不過捱2日~又放假~打工仔開心~黃師奶都開心~點解?!之唔係月月唔駛返學~又可以一齊去玩囉~呵呵~~

喺超市見到有澳洲梅頭賣~價錢又唔算貴~咁黃師奶又買返黎試下喇~鍾意買梅頭係覺得個肉質好腍滑~唔駛點剁都好味~唔知大家鍾意咩位食呢?

材料: 豬扒2塊
汁料: 蠔油約2湯匙, 水小半碗
調味: 黑胡椒少許

STEP 1
將豬扒煎香後至2面金黃

STEP 2
注入醬汁及調味將豬扒煮至熟透即成

 

大家可以Click入 黃師奶廚藝小百科 facebook 粉絲專頁度交流吓吖~!!!