黃師奶廚藝小百科

黃師奶烘培工作坊

想跟黃師奶整靚靚動物cupcake, 請即報名參加
黃師奶烘焙工作坊啦! 黃師奶烘焙工作坊

黃師奶專欄

日日煮星級「煮」廚


SalaD blog 星級blogger


點煮網推介用戶


myTaste.tw

Google+ Badge

舊日文章

HAPPY EASTER

IMG_8600

哈哈~~唔係講笑呀~一連10日嘅EASTER HOLIDAY 開始咗LU~真係開心過自己返工嗰時呀~唔駛日日送出送入~呢D生活真係爽爆呀~不過放埋呢轉..就要捱到暑假先有長假….好傷心呢~!

呢排煩緊幫月月戒片片呀~~過程真係好麻煩..亦睇得出佢係未READY呢…唸緊好冇暑假先戒..等佢再大少少…見佢真係唔識講…定係懶得講…好想扑暈自己呢~!

大家可以Click入 黃師奶廚藝小百科 facebook 粉絲專頁度交流吓吖~!!!

香煎梅頭扒

20180228豬豬
<<香煎梅頭扒>>
捱埋聽日~一連10日嘅EASTER HOLIDAY 就開始喇~黃師奶真係非常開心~亦都証明到我呢個媽媽幾咁HEA….同怪…

屋企有豬扒存貨~買多少少菜煮埋就一餐~呢日冇煮飯~碗都洗少幾隻呢~!

材料: 豬扒3塊
汁料: 蠔油約2湯匙, 水小半碗
調味: 鹽及黑胡椒少許

STEP 1
將豬扒煎香後下鹽調味再煎至2面金黃

STEP 2
注入醬汁將豬扒煮至熟透即成

 

大家可以Click入 黃師奶廚藝小百科 facebook 粉絲專頁度交流吓吖~!!!

蒜香蝦意粉

20180320粉粉
<<蒜香蝦意粉>>
YEAH~月月聽日學校假期~唔駛返學又有得去玩LU~捱埋下星期三~又開始EASTER HOLIDAY~~真係好開心~因為又有得同佢周圍去~!

最近買咗D大蝦仁~口感好爽呀~急凍蝦仁好方便~又唔駛剥喎~啱哂黃師奶呢D懶人~!

材料: 蝦仁約10隻, 意粉半包, 蒜茸1大匙
上湯:~湯約1杯
調味: 黑胡椒及羅勒

STEP 1
蝦仁洗淨再抺乾水份, 加少許鹽略醃

STEP 2
煲滾水後加少許油同鹽~放入意粉( 我買嗰包係話煮6分鐘~我煮完會再炒~所以我煮足4分鐘)~盛起

STEP 3
爆香蒜茸後拌入蝦仁煎香; 注入上湯煮沸後拌入意粉兜炒

STEP 4
煮透再下調味即成~!

 

 

大家可以Click入 黃師奶廚藝小百科 facebook 粉絲專頁度交流吓吖~!!!

瑞士雞翼

20180320雞雞
<<瑞士雞翼>>
今個星期又話轉涼~真係玩C人~不過黃師奶覺得今年春天冇以往咁濕…好記得之前成日都好大霧…今年都算係咁呢~!

整瑞士雞翼真係簡單方便~啱哂黃師奶呢個湊女湊到傻嘅媽媽…煮好個汁~煮到大滾~將d雞翼大火煮佢3-4分鐘熄火焗10分鐘~得咗~!

材料: 雞翼10隻
雞翼醃料: 鹽及檸檬汁少許
汁料: 瑞士汁2碗 ,  清水1碗, 薑2片 , 八角1片, 冰糖1小塊

STEP 1
將雞翼同醃料拌勻醃約2小時備用

STEP 2
將汁料煮至大滾後拌入雞翼大火煮約3-4分鐘後熄火焗10分鐘至浸熟即成~

 

大家可以Click入 黃師奶廚藝小百科 facebook 粉絲專頁度交流吓吖~!!!

蒜蜜羊肋條

20180228honey羊羊
<<蒜蜜羊肋條>>
天氣又暖咗唔少喇~睇黎應該唔會凍得去邊~搵日要洗咁少少厚衫~免得阻哂啲地方呢~!

喺凍肉鋪入咗唔少羊肋條~唔駛炆唔駛焗~快炒一陣就食得~方便又好味~啱哂趕頭趕命嘅黃師奶呢~!

材料: 羊肋條約2碗
調味: 鹽及黑胡椒少許
羊肋條醃料: 油及生粉少許, 糖1茶匙
醬汁: 蒜茸1大匙, 椒絲隨意, 蜜糖2大匙

STEP 1
羊肋條跟醃料拌勻備用

STEP 2
爆香羊肋條兜炒至半熟後注入醬汁煮透下調味即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

咖哩雞煲

20180228雞雞
<<咖哩雞煲>>
天氣一轉~阿女D鼻敏感又發作…都唔知點搞好…咁細個又唔敢亂食藥…煩….

試咗新品牌嘅咖喱醬同辣油~味道都唔錯喎~!不過都係以前食開嘅老鋪好味D~可惜間老鋪搬咗去西環~好遠呢~!

材料: 雞1隻, 薯仔2個 , 洋蔥 一個, 乾蔥茸一湯匙, 辣椒油隨意, 黃薑粉少許
醬汁: 油咖哩三大湯匙, 沙嗲醬2湯匙
雞醃料: 鹽少許

STEP 1
雞跟醃料拌勻醃約半小時備用

STEP 2
洋蔥去衣後切角備用~薯仔去皮洗淨切大件

STEP 3|
雞同薯仔略略煎香~再爆香洋蔥後盛起

STEP 4
慢火將油咖哩~同沙嗲醬炒香~!拌入洋蔥~乾蔥茸~同黃薑粉炒香後拌入雞翼兜炒片刻

STEP 5
加水蓋過所有材料後用炆煮約半小時用生粉水埋芡即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

豉椒炒蜆

20180228蜆蜆
<<豉椒炒蜆>>
一早起床~落住雨咁~天氣凍咗好多呀!~一陣仲要送返學…好在聽日唔駛返學~捱少一日凍~怕個女凍親呢…..

好耐冇整蜆喇~買咗一斤多返家~用豉椒炒~惹味嘛~再加少少辣椒~~食完大滿足呢~!

材料: 花甲斤半 , , 紹酒半小碗, 辣椒絲隨意
調味: 蒜茸加豆豉茸2大匙

STEP 1
將花甲浸鹽水三小時洗淨; 再煲滾水拌入花甲煮至開口即盛起並瀝乾水份

STEP 2
慢火爆香蒜茸及豆豉茸; 拌入花甲快手炒兜;

STEP 3
灒酒再灑上辣椒絲煮透後(可加生粉水埋芡)即成~

 

大家可以Click入 黃師奶廚藝小百科 facebook 粉絲專頁度交流吓吖~!!!

32個月大喇~!

又到6號喇~今日月月已經32個月喇~!成個小女孩咁~真係大個咗好多喇~~!

隻豬仔家下到咗每事問嘅年紀~成日問點解點解~!仲要問好幾次~真係少D耐性都唔掂呀!~~條友仔仲會成大聲唱歌….哈~家下屋企好嘈…同以前真係差好遠呢~!

仲差幾個月到TERRIBLE 3~唔知到時會點呢?!

大家可以Click入 黃師奶廚藝小百科 facebook 粉絲專頁度交流吓吖~!!!

親子旅行

哈~今日心情好興奮呀~等咗半年有多~!終於到親子旅行呢個大日子喇~!嗱~~~大家咪笑我呀~返咗學咁耐~真係好期待呢D親子活動架~奈何間學校真係乜都唔搞…觀課又冇..家長陪早會又冇…家長義工都冇呀…入咗去一間百冇學校..等呢個日子真係頸都長呢…

其實今日25度..應該又未到好熱..不過天氣好濕呀…所以都冇D辛苦架~不過小朋友有得玩就幾熱都唔怕呢~!

去到錦田~其實都幾多嘢玩架~不過月月真係太養生~亦都太HEA…完全冇玩過車仔架..餵下羊仔兔仔~再摘埋士多啤梨就差唔多時間要走LU~!哈~節目雖則唔多~不過月月好開心呢~~期侍下年K1嘅親子之旅呢~!

大家可以Click入 黃師奶廚藝小百科 facebook 粉絲專頁度交流吓吖~!!!