黃師奶廚藝小百科

<<蝦醬蒸排骨>>
近期好多人都睇出入請敲門~唔知大家又有冇睇呢?雖則有唔少人都話好得人驚~不過睇睇下~見個主持成日行黎行去~睇佢行酒店咁~又好似有D悶呢~!

今日整咗排骨呀!~想惹味D~加咗少少蝦醬蒸~好香好香~鹹鹹哋仲好好送飯呢~!

材料: 腩排300g , 生粉一茶匙及麻油適量
腩排醃料: 生抽一湯匙, 老抽少許, 糖一茶匙, 胡椒粉少許
調味: 蝦醬一湯匙

STEP 1
腩排洗淨後與醃料醃約二十分鐘再拌入調味醃一會 ; 煮前再將醃好嘅腩排與少許麻油及生粉拌勻~~

STEP 2
煲滾水後將所有材料放於碟上再大火隔水蒸約12-15分鐘即成

 

大家可以Click入 黃師奶廚藝小百科 facebook 粉絲專頁度交流吓吖~!!!

<<咖哩牛肮腩>>
月月已經3歲人仔喇~基本上乜嘢都識講~不過佢哋唸嘢好搞笑~佢知道媽媽唔可以陪佢返學上堂…所以佢家下成日問我係喺邊返學…媽媽點解唔駛返學..煩….

去咗街市買牛坑腩~80蚊斤~叫佢切100蚊~佢就切足130蚊~唯有炆多D啦~食剩咗留返第日再食~味道都唔錯架~!

材料: 牛肮腩600g, 薯仔2個 , 洋蔥 一個, 乾蔥茸一湯匙, 辣椒油隨意
醬汁: 油咖哩三湯匙, 沙嗲醬1.5湯匙, 黃薑粉少許

STEP 1
牛肮腩先出水去減啲油

STEP 2
洋蔥去衣後切角備用~薯仔去皮洗淨切大件

STEP 3
將牛肮腩同薯仔略略煎香~再爆香洋蔥後盛起

STEP 4
慢火將油咖哩~同沙嗲醬炒香~!拌入洋蔥~乾蔥茸及黃薑粉~炒香下牛肮腩兜炒片刻~

STEP 5
加水蓋過所有材料後用炆焗方法大火煮滾轉細火炆煮約30分鐘後熄火焗30分鐘~!再重覆~~!.

STEP 6
最後拌入薯仔炆多15分鐘焗多15分鐘~加上辣椒油同鹽調味~打個生粉水~煮至汁稠即成~!

 

大家可以Click入 黃師奶廚藝小百科 facebook 粉絲專頁度交流吓吖~!!!

<<豉汁雞翼>>
咁快又一星期~唔駛返學嘅日子真係過得特別開心~日日都同月月出去玩一個早上~返家再瞓個靚覺~以前未駛返學時嘅感覺返哂黎~哈哈哈~

家下有時會整下單骨雞翼~覺得易入味D~可惜家中有人覺得咁樣口感冇咁好…咁以後又煩少一樣~!

材料: 單骨雞翼約20隻
雞翼醃料: 生抽一湯匙, 糖一茶匙, 胡椒粉少許, 生粉一茶匙及麻油適量, 紹興酒一湯匙
調味: 蒜茸豆豉茸2湯匙

STEP 1
雞翼洗淨後與醃料醃約三十分鐘

STEP 2
將雞翼煎至金黃盛起

STEP 3
爆香調味後將雞翼回鑊後灒酒炒透至收汁即成

大家可以Click入 黃師奶廚藝小百科 facebook 粉絲專頁度交流吓吖~!!!

<<豉汁蒸排骨>>
YEAH~暑假開始咗喇~黃師奶嘅心情真係非常興奮~唔駛日日接出接入~真係慳返唔少時間~最重要就係可以同月月周圍去玩呢~呵呵~!

我哋好多時都蒸排骨架~買咗條新鮮肉排返黎~真係點蒸都咁好味~今次用蒜茸豆豉~個汁仲好好送飯~!

材料: 腩排300g , 生粉一茶匙及麻油適量
腩排醃料: 生抽一湯匙, 老抽少許, 糖一茶匙, 胡椒粉少許, 蒜茸豆豉茸2湯匙

STEP 1
腩排洗淨後與醃料醃約二十分鐘 ; 煮前再將醃好嘅腩排與少許麻油及生粉拌勻~~

STEP 2
煲滾水後將所有材料放於碟上再大火隔水蒸約12-15分鐘即成

 

大家可以Click入 黃師奶廚藝小百科 facebook 粉絲專頁度交流吓吖~!!!

<<辣味牛骨髓>>
台灣嗰邊好快打大風~唔知會唔會吹到黎香港呢?最怕打風前嗰D翳焗天氣~又濕又熱~好唔舒服呢~!

買咗D急凍牛骨髓~!記得以前細個飲茶有得食~不過近年唔多覺~可惜家中有人覺得口感怪怪~睇黎都冇乜幾可可以煮LU~!

材料: 牛骨髓1碗, 青椒2條(切小件)
調味: 辣醬1大匙

STEP 1
將牛骨髓用薑蔥汆水後切小件

STEP 2
爆香辣醬後拌入牛骨髓快炒再拌入青椒兜勻即成

大家可以Click入 黃師奶廚藝小百科 facebook 粉絲專頁度交流吓吖~!!!